سانجى قالالىق مۇگەدەكتەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار القا باستىعى
ما حۇڭيۋە
شينجياڭ − وتانىمىز تەرريتورياسىنىڭ ايرىلماس ءبىر بولىگى، شينجياڭداعى ءار ۇلت − جۇڭحۋا ۇلتى شاڭىراعىنىڭ تامىرلاس مۇشەسى. تاياۋ جىلداردان بەرى، شەكارا ءىشى - سىرتىنداعى «ءۇش ءتۇرلى كۇش» وتاندى بولشەكتەۋ سۇرقيا ماقساتىنا جەتۋ ءۇشىن، «ۇلتتى» جەلەۋ ەتىپ، «ءدىن» تونىن جامىلىپ، شينجياڭ تاريحىن قاساقانا بۇرمالاپ، وزگەرتىپ، ءدىني ۇشقارى يدەيانى تاراتىپ، زورلىقتى كۇش، لاڭكەستىك دەلولارىن تۋدىرىپ، قوعام ورنىقتىلىعىنا زيان جەتكىزىپ، وتان تۇتاستىعىن بۇلدىرۋگە ۇرىندى.
مەن كوپ ۇلتتى ورتادا ەسەيىپ - ەرجەتتىم، شينجياڭنىڭ دامىعاندىعىن، ءار ۇلت بۇقاراسىنىڭ تۇرمىسىنىڭ ۇزدىكسىز باقىتقا كەنەلگەندىگىن ءوز كوزىممەن كورىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭداعى ءار ۇلت حالقىنا جاساعان شىنايى قامقورلىعىن ونان ارى تەرەڭ سەزىندىم. ۇلتتار ىنتىماعى، قوعام ورنىقتىلىعى − ءبىز ءار ۇلت حالقىنىڭ ورتاق تىلەگى، ءار ۇلتتىڭ ورتاق مۇددەسىنە سايادى، ءار ۇلت حالقىنىڭ جانى، ءتۇرلى ىستەردىڭ ىلگەرىلەۋىن جەبەۋدىڭ، ءسوزسىز، تالابى، ءبىز مۇنى باسقالاردىڭ بۇلدىرۋىنە استە جول بەرمەيمىز.
پارتيانىڭ باۋلۋىندا ەسەيىپ - ەرجەتكەن پارتيالى كادر رەتىندە، مەن باستان - اياق العىستى كوڭىلدە بولىپ، پارتيانىڭ باسشىلىعىن تاباندىلىقپەن، باتىلدىقپەن قورعايمىن، قاي - قاشان دا وتان تۇتاستىعىن، ۇلتتار ىنتىماعىن جانە قوعام ورنىقتىلىعىن قورعاۋدىڭ تۋىن بيىك ۇستاپ، يدەيا مەن ارەكەتىمدى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىمەن، اسىرەسە، قوعام ورنىقتىلىعى مەن باياندى تىنىشتىق باس نىساناسىمەن باتىلدىقپەن، تاباندىلىقپەن بىرلىككە كەلتىرەمىن، باس نىسانانى بارلىق قىزمەتتىڭ جەتەكشىسى ەتىپ، اۆتونوميالى رايوندىق پارتكومنىڭ ورنالاستىرۋلارىن باتىلدىقپەن، تاباندىلىقپەن دايەكتىلەندىرەمىن، تياناقتاندىرامىن، قاي - قاشان دا وي - سانامدى سەرگەك ۇستاپ، باستان - اياق تۇرعىم بەرىك، پوزيتسيام قاتاڭ، ءىشى - سىرتىم بىردەي، ءسوز - ارەكەتىم بىركەلكى بولىپ، قانداي كەزدە دە، قانداي ورىندا دا تۇگەلدەي «ءۇش ءتۇرلى كۇشكە»، «ەكىبەتكەيلەرگە» قارسى باتىلدىقپەن، تاباندىلىقپەن قىلىش سەرمەپ، سايىس جاريالايمىن.
پارتيالى كادرلاردىڭ ۇلتتار ىنتىماعىنداعى ونەگەلىلىك رولىن ساۋلەلەندىرىپ، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتىپ، «بەستى شىنايى مويىنداۋدى» كۇشەيتىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن باستاماشىلدىقپەن ويداعىداي جۇرگىزىپ، ۇلتتار ىنتىماعىنىڭ وڭ ەنەرگياسىن بەلسەنە تاراتامىن، ۇلتتار ىنتىماعىنىڭ قورعاۋشىسى بولامىن. بۇقارالىق قىزمەتتى ويداعىداي، مۇقيات، ناقتى ىستەپ، مۇگەدەكتەردىڭ قامىن ويلايمىن، بار ىنتا - پەيىلىممەن مۇگەدەكتەر ءۇشىن قىزمەت وتەۋ نيەتىمنەن اينىمايمىن، قيىنشىلىعى بار مۇگەدەكتەردىڭ ءىس جۇزىندىك ماسەلەلەرىن شەشۋگە مۇمكىندىكتىڭ بارىنشا كومەكتەسەمىن، مۇگەدەكتەردىڭ قوعامدىق قامتاماسىزداندىرۋ جۇيەسى مەن قىزمەت وتەۋ جۇيەسىنىڭ كۇن سايىن كەمەلدەنۋىن ۇزدىكسىز ىلگەرىلەتەمىن، پارتيانىڭ مۇگەدەكتەرگە ءتيىمدى ساياساتتارىن شىنايى تياناقتاندىرامىن، پارتيانىڭ قامقورلىعى مەن مەيىر - شاپاعاتىن سان مىڭداعان وتباسىلارىنا جەتكىزىپ، ءار ۇلت بۇقاراسىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاستىرامىن، ءار ۇلت بۇقاراسىن باتىلدىقپەن، تاباندىلىقپەن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستايمىن.
شۇلەن شۇعىلا شاشىلعان سايىن، قاراڭعىلىق سەيىلەدى. مەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعى مەن پارمەندى باسشىلىعىندا، اۆتونوميالى رايوندىق پارتكومنىڭ دۇرىس ورنالاستىرۋىندا، ءار ۇلت بۇقاراسىنىڭ ءبىر نيەتپەن ىنتىماقتاسۋىندا، «ءۇش ءتۇرلى كۇشكە»، «ەكىبەتكەيلەرگە» قۇرىشتاي تەگەۋرىنمەن ءۇزىلدى - كەسىلدى سوققى بەرىپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ جالپى بەتتىك جەڭىسىنە قول جەتكىزە الاتىندىعىمىزعا كامىل سەنەمىن.
