− «ماماندار مىنبەرىندەگى» ارناۋلى باعدارلاما «كوكەيگە قونىمدى قاراپايىم <ءسوز> − باس شۋجي شي جينپيڭ قولدانعان قاناتتى سوزدەر» قوعامدا ۇندەستىك تاپتى
شينحۋا اگەنتتىگىنىڭ تىلشىلەرى
33 جاستاعى زوۋ حوميڭ بىلتىر قىستاق پارتيا ياچەيكاسىنىڭ شۋجيلىگىنە سايلانعاننان كەيىن، قىستاقتاعى «ۇلكەنى قاڭىلتاق كەرپىشتى ۇيدەن كىشىسى دارەتحاناعا دەيىنگى» ىستەردىڭ بارلىعى قىستاق كادرلارىنا قاتىستى ەكەندىگىن تەرەڭ سەزىندى.
ورتالىق تەلەۆيزيادا بەرىلىپ جاتقان «كوكەيگە قونىمدى قاراپايىم <ءسوز> − باس شۋجي شي جينپيڭ قولدانعان قاناتتى سوزدەر» باعدارلاماسى ونىڭ كوڭىلىن كولدەي تولقىتتى. باعدارلامانىڭ ءبىرىنشى ءبولىمى «بارلىق ىستە سۇيىسپەنشىلىك ارناۋدا» باس شۋجي شي جينپيڭنىڭ «حالىقتى وزەك ەتكەن» دامۋ يدەياسى تۇسىندىرىلەدى.
«باس شۋجي <بارلىق ىستە سۇيىسپەنشىلىك ارناۋ> دەگەن ولەڭ جولىن قولدانۋ ارقىلى پارتيالى كادرلارعا حالىقتى اركەز كوكەيىنەن شىعارماۋدى ەسكەرتتى. ول پارتيا ياچەيكاسىنىڭ شۋجيى بولعان، نەگىزگى ساتىنىڭ ءىس جۇزىندىگى مەن قيىنشىلىعىنا قانىق، ءبىزدى سىرتى جالتىراۋىققا بوي ۇرماي، جالعان كورىنىس جاساماي حالىق ءۇشىن جاقسى ءىس، ناقتى ءىس تىندىرۋعا شابىتتاندىردى».
ءبىر جىلدان استام ۋاقىتتان بەرى، گۋاڭدۇڭ ولكەسى جاۋچيڭ قالاسى ديڭحۋ رايونى فىڭحۋاڭ قالاشىعى شاڭشۇيتيان قىستاعى پارتيا ياچەيكاسىنىڭ شۋجيى رەتىندە، زوۋ حوميڭ مەن قىستاق تۇرعىندار كوميتەتى اۋىلداستاردى باستاپ اق قالعان جەر بايلىعىن قايتادان كادەگە جاراتىپ، قىستاق تۇرعىندارىنىڭ ورتاشا كىرىسىن 4000 يۋان مولايتتى، ءداستۇرلى اراق اشىتۋ ونەرىن جانداندىرىپ، ەرەكشە ماركا كاسىپتەرىن قالىپتاستىرىپ، تيجاراتتان جىلىنا ءبىر ميلليون يۋانعا جۋىق كىرىس كىرگىزدى.
«قىستاق تۇرعىندارىن بايۋعا باستاۋ جولىندا بىردە - ءبىر اۋىلداسىمدى قاتاردان قالدىرماۋعا بەكىدىم»، - دەدى ول.
باعدارلامانىڭ ەكىنشى ءبولىمى − «ەل باسقارۋدا حالىقتى نەگىز ەتۋ»، مۇندا حالىق تۇرمىسىنا ءمان بەرۋ، حالىق ءمورالىن جاقسارتۋ، حالىقتىڭ تىلەگىنە قول جەتكىزۋ سىندى 3 تۇرعىدان باس شۋجي شي جينپيڭنىڭ «حالىقتىڭ تاماشا تۇرمىسقا دەگەن تالپىنىسى ءبىزدىڭ كۇرەس نىسانامىز» دەگەن ايبىندى ۋادەسى تۇسىندىرىلەدى.
شي - ان پوچتا - تەلەگراف داشۋەسى ماركسيزم شۋەيۋانىنىڭ باستىعى يۋان ۋجىن بىلاي دەدى: باس شۋجي قولدانعان قاناتتى سوزدەردىڭ ءتۇپ - توركىنىن قاراستىرىپ، ونىڭ رەال ءمانىن ىشكەرىلەي ءتۇسىنۋ بىزگە تەرەڭ پاراساتتىق وي، قۇدىرەتتى رۋحاني تىرەك ازىرلەدى.
«حالىق تۇرمىسىن قامتاماسىز ەتۋ جانە ونى جاقسارتۋ − رەفورماعا، دامۋعا، ورنىقتىلىققا جانە حالىق بۇقاراسىنىڭ تىكە مۇددەسىنە سايادى. جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ كەزەڭىندە، ءار دارەجەلى پارتكومدار مەن ۇكىمەتتەر باس شۋجيدىڭ تاپسىرماسىن ەستە بەرىك ساقتاپ، حالىق بۇقاراسى ەڭ كوڭىل ءبولىپ وتىرعان ەمدەۋ، وقۋ - اعارتۋ، كىرىس ءبولىسى، قوعامدىق قامتاماسىزداندىرۋ، باسپانا، اس - سۋ، ءدارى - دارمەك حاۋىپسىزدىگى، قورشاعان ورتانى قورعاۋ سياقتى ماسەلەلەردەن باستاپ ىسكە كىرىسىپ، رەفورمانىڭ، دامۋدىڭ جەتىستىكتەرى ارقىلى حالىققا اناعۇرلىم كوپ، اناعۇرلىم ءادىل تيىمدىلىك جەتكىزۋ كەرەك»، - دەدى يۋان ۋجىن.
باعدارلامانىڭ ءۇشىنشى ءبولىمى − «مەملەكەت ءمورالسىز گۇلدەنبەيدى»، مۇندا ءمورالدى قاستەرلەۋ، ءمورالدى ساۋلەلەندىرۋ، ءمورال جەتىلدىرۋ سىندى 3 ولشەمدە باس شۋجي شي جينپيڭنىڭ «ءمورال» جونىندەگى بايىمداۋلارى تۇسىندىرىلەدى.
بەيجيڭ قالاسى شيچىڭ رايونى لاۋچياڭگىن الەۋمەتتىك اۋماعى پارتكومىنىڭ شۋجيى گاۋ حۇڭيىڭ الەۋمەتتىك اۋماق قىزمەتىمەن 13 جىل شۇعىلدانعان. ول: وسى ءبولىمدى كورگەننەن كەيىن مەندە زور ۇندەستىك تۋىلدى، الەۋمەتتىك اۋماق − تۇرعىنداردىڭ ارمان - تىلەگىن بەينەلەيتىن، مۇددە قاتىناستارىن سايكەستىرەتىن ماڭىزدى ارنا، الەۋمەتتىك اۋماقتى جونگە سالۋدا مەملەكەتتى جونگە سالۋ سياقتى، ادامدى ءمورال ارقىلى يلاندىرۋ كەرەك، الەۋمەتتىك اۋماق پارتكوم القاسى الەۋمەتتىك اۋماقتىڭ سەركەلەرى، ەڭ اۋەلى، وندا «ءمورال» بولۋى كەرەك. باسقالاردى تۇزەيمىن دەسەڭ، الدىمەن ءوزىڭ تۇزەل، - دەدى.
جۋىرداعى بىرنەشە جىلدان بەرى، حۋتۇڭداعى جىلجىمالى حالىق مولايىپ، تۇرعىندار باققان يتتەردىڭ سانى كوبەيىپ، تازالىق ماسەلەسى كۇننەن - كۇنگە كورنەكتىلەندى. ءبىر مەزگىل ىشىندە، گاۋ حۇڭيىڭ الەۋمەتتىك اۋماقتىڭ قىزمەتكەرلەرىن باستاپ، سىپىرتقى، كۇرەكتەرىن الىپ ءار كۇنى كوشە - كوشەلەردى ارالاپ قوقسىق تازالادى، كەيىن كوپتەگەن تۇرعىن دا ولاردىڭ قاتارىنا قوسىلىپ، الەۋمەتتىك اۋماقتىڭ ورتاسىن قورعايتىن ەرىكتىلەر قىزمەت وتەۋ اترەتى بىرتىندەپ قالىپتاستى.
وسىدان وي العان گاۋ حۇڭيىڭ الەۋمەتتىك اۋماقتاعى «ءمورالى مەن دارىنى تەڭ جەتىلگەن» شەبەرلەردى ىزدەستىرىپ، الەۋمەتتىك اۋماق قيمىلدارىن ورىستەتىپ، الەۋمەتتىك اۋماقتى بىرگە جونگە سالۋ جاعىندا ىزدەنىس جاسادى. «ادامدى ءمورال ارقىلى يلاندىرۋدىڭ ارقاسىندا، تۇرعىنداردىڭ نيەتى بىرلىككە كەلىپ، ءتىپتى دە كوپ ۇلەس قوساتىن بولدى»، - دەدى ول.
باعدارلامانىڭ ءتورتىنشى ءبولىمى − «مەملەكەتتىڭ نەگىزى وتباسىندا»، مۇندا وتباسى، وتباسى تاربيەسى، وتباسى ستيلى سىندى 3 ساتىدان باس شۋجي شي جينپيڭنىڭ وتباسى قۇرىلىسىنا ءمان بەرەتىندىگى كورنەكتىلەندىرىلگەن.
شاندۇڭ ولكەلىك عىلىم اكادەمياسىنىڭ تەتە اعا زەرتتەۋشىسى مىڭ گۋاڭفان قازىر دوكتورلىق ءبىلىم اتاعىن الۋ وقۋىندا. ول: وسى ءبولىمدى كورگەننەن كەيىن كوپ وي ءتۇيدىم، ومىرگە وتباسى، اتا - انا ءار بەرەدى. مەن شاندۇڭنىڭ تاي - ان قالاسىنداعى اۋىل - قىستاقتا تۋىلعانمىن، كۇڭزى مەن مىڭزىنىڭ تۋعان جەرى بىزگە جاقىن، ءبىلىم تاعدىردى وزگەرتەدى دەگەن ۇعىم مەنىڭ اكە - شەشەمنىڭ اقىلى مەن ونەگەسىنەن قورىتقان ءومىر تاجىريبەم، - دەدى.
36 جاستاعى مىڭ گۋاڭفان اكە - شەشەسىنەن العان كەڭ پەيىلدىلىك، تۋراشىلدىق، كىشى پەيىلدىك ونەگەسىن ۇرپاقتارعا جەتكىزۋدە. «ۇيىمىزدە بالامىزدان ورىنداۋدى تالاپ ەتكەن ءىستى ەرلى - زايىپتى ەكەۋىمىز الدىمەن ءوزىمىز ورىندايمىز»، - دەدى.
مىڭ گۋاڭفان بىلاي دەپ قارادى: تاماشا وتباسى ستيلى، جاراسىمدى دا باقىتتى وتباسى جانە ۇرپاقتاردى دۇرىس جەتەكتەۋ دە مەملەكەتتىڭ جاڭالىق اشىپ دامۋىنىڭ ىشكى قوزعاۋشى كۇشى، مۇنى ءار وتباسى ساۋلەلەندىرۋگە جانە امالياتتا ايگىلەۋگە ءتيىس. ءبىر عىلىم - تەحنيكا قىزمەتكەرى جانە اكە رەتىندە، مەن ءوز جاۋاپكەرشىلىگىمنىڭ اۋىر ەكەندىگىن تەرەڭ سەزىندىم، دەسەدە تاماشا وتباسى ستيلىن ءوز باسىمنان باستاپ جالعاستىرۋعا تولىق سەنىمىم بار.
حۋبەي ولكەسى شياننيڭ قالاسى جيايۇي اۋداندىق ەلەكترمەن قامداۋ تاراۋىنىڭ ەرەكشە كىتاپ وقۋ قيمىلىندا «كوكەيگە قونىمدى قاراپايىم <ءسوز> − باس شۋجي شي جينپيڭ قولدانعان قاناتتى سوزدەر» جاقىنداعى ۇيرەنۋ ءتۇيىنى قاتارىنا ەنگىزىلدى.
«مۇنداي ءتۇسىندىرۋ فورماسى وتە جاقسى، مامانداردىڭ بايانداۋى دا جۇرتقا جاقىن بولدى، بۇل ءبىر رەتكى قىمباتتى ۇيرەنۋ ورايى. باس شۋجي قولدانعان قاناتتى سوزدەر مەيلى <حالىقتى وزەك ەتكەن> دامۋ يدەياسىنىڭ، <حالىقتىڭ تاماشا تۇرمىسقا دەگەن تالپىنىسى ءبىزدىڭ كۇرەس نىسانامىز> دەگەننىڭ تۇسىندىرمەسى بولسىن، الدە ءمورال جەتىلدىرۋ، وتباسى ستيلى قۇرىلىسى جونىندەگى تالاپتار بولسىن، بارلىعى قالىڭ پارتيا مۇشەلەرىنە، كادرلارعا ايقىن باعىت كورسەتتى»، - دەدى مەملەكەتتىك ەلەكتر تورى جيايۇي اۋداندىق ەلەكترمەن قامداۋ سەرىكتەستىگى چا - ان ەلەكترمەن قامداۋ ورنىنىڭ مەڭگەرۋشىسى چىڭ حىپيڭ.
(تىلشىلەر باي يىڭ، جۋاڭ جين، شۇي زۋحۋا، جاڭ چاۋ، شياۋ حايچۋان، لياڭ جيانچياڭ)
(شينحۋا اگەنتتىگىنىڭ 10 - ايدىڭ 12 - كۇنى بەيجيڭنەن بەرگەن حابارى)
