چىن چۋانگو اۆتونوميالى رايوندىق كەدەيلەردى سۇيەمەلدەۋ - وركەندەتۋ كەڭسەسىندە تەكسەرۋ - زەرتتەۋ جۇرگىزگەندە مىنانى باسا دارىپتەدى

　　ماسەلەنى باعدار ەتۋدەن جازباي، جالپى جوبانى دالمە - ءدال دايەكتىلەندىرىپ، بۇكىل اۆتونوميالى رايوننىڭ كەدەيلىكتەن قۇتىلدىرۋدان قامال الۋ شايقاسىندا تىڭعىلىقتى جەڭىسكە جەتەيىك

　　ءتىلشىمىز ياۋ تۇڭ 10 - ايدىڭ 14 - كۇنى ۇرىمجىدەن حابارلايدى. 10 - ايدىڭ 14 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى، اۆتونوميالى رايوندىق كەدەيلەردى سۇيەمەلدەۋ - وركەندەتۋگە باسشىلىق ەتۋ گرۋپپاسىنىڭ باستىعى چىن چۋانگو اۆتونوميالى رايوندىق كەدەيلەردى سۇيەمەلدەۋ - وركەندەتۋ كەڭسەسىندە تەكسەرۋ - زەرتتەۋ جۇرگىزدى. ول مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ كەدەيلىكتەن قۇتىلدىرۋدان قامال الۋ جونىندەگى ماڭىزدى بايىمداۋلارىن جاپپاي دايەكتىلەندىرىپ، تياناقتاندىرىپ، ماسەلەنى باعدار ەتۋدەن جازباي، دالمە - ءدال جالپى جوبانى دايەكتىلەندىرىپ، ءتۇرلى شارانىڭ تىڭعىلىقتى، اشالاي تياناقتاندىرىلۋىن ىلگەرىلەتىپ، بۇكىل اۆتونوميالى رايوننىڭ كەدەيلىكتەن قۇتىلدىرۋدان قامال الۋ شايقاسىندا كوزەۋلى ۋاقىتتا جەڭىسكە جەتۋگە كەپىلدىك ەتۋ كەرەك.

　　اۆتونوميالى رايوندىق كەدەيلەردى سۇيەمەلدەۋ - وركەندەتۋ كەڭسەسىندە چىن چۋانگو كەدەيلەردى سۇيەمەلدەۋ - وركەندەتۋ كەڭسەسىنىڭ باسقارما - كەڭسەلەرىن ارالاپ، كەدەيلەردى سۇيەمەلدەۋ - وركەندەتۋ كەڭسەسى ورگانىنداعى كادر، جۇمىسشى - قىزمەتكەرلەرگە شىن ىقىلاسپەن امانداسىپ، اۆتونوميالى رايوندىق پارتكوم مەن ۇكىمەت اتىنان بۇكىل اۆتونوميالى رايوننىڭ كەدەيلەردى سۇيەمەلدەۋ شەبىندەگى، اسىرەسە، كەدەيلىكتەن قۇتىلدىرۋدان قامال الۋ قىزمەتىنىڭ ءبىرىنشى شەبىندە كۇرەس جۇرگىزىپ جاتقان ءار ۇلت كادر - جۇرتشىلىعىنان شىن جۇرەكتەن حال سۇرادى جانە ولارعا شىنايى العىس ايتتى.

　　چىن چۋانگو اۆتونوميالى رايوننىڭ كەدەيلەردى سۇيەمەلدەۋ ءىرى ساندى دەرەكتەرىن باسقارۋ تۇعىرىنىڭ قۇرىلۋ، جۇرگىزىلۋ جاعدايىن تاپتىشتەپ ۇعىسىپ، اۆتونوميالى رايوننىڭ كەدەيلىكتەن قۇتىلدىرۋدان قامال الۋ قىزمەتى جونىندەگى مالىمەتتى مۇقيات تىڭدادى. ول مىنالاردى اتاپ كورسەتتى: پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتەن قۇتىلدىرۋدان قامال الۋدى ەل باسقارىپ، بيلىك جۇرگىزۋدە ماڭىزدى ورىنعا قويدى، باس شۋجي شي جينپيڭ تىكەلەي ورنالاستىرۋ جاساپ، تىكەلەي قولباسشىلىق ەتىپ، تىكەلەي قول باستاپ، تىكەلەي باقىلاپ، شەشۋشى ىلگەرىلەۋشىلىكتەرگە قول جەتكىزىپ، ادامزاتتىڭ كەدەيلىكپەن كۇرەسۋ تاريحىنىڭ شۇعىلالى پاراعىن جازدى. كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋ − پارتيانىڭ حالىققا بەرگەن ايبىندى سەرتى، مىندەت جاپالى، جاۋاپكەرشىلىك اۋىر، بورىش داڭقتى. بۇكىل رايونداعى ءار دارەجەلى تاراۋلار باس شۋجي شي جينپيڭنىڭ شىنايى تاپسىرماسىن ەستە بەرىك ساقتاپ، كەدەيلىكتەن قۇتىلدىرۋدان قامال الۋدىڭ ساياسي جاۋاپكەرشىلىگىن باتىلدىقپەن ارقالاپ، ماسەلەنى باعدار ەتۋدەن جازباي، ولقىلىقتاردى كۇش سالا تولىقتاپ، جۇدىرىقتاي جۇمىلىپ، كەدەيلىكتەن قۇتىلدىرۋدان قامال الۋ شايقاسىنىڭ جاپپاي جەڭىسىنە قول جەتكىزۋ كەرەك.

　　ءبىرىنشى، تانىمدى ونان ارى ايقىنداۋ كەرەك. ساياسي دەڭگەيدى شىنايى جوعارىلاتىپ، «ءتورت تانىمدى» نىعايتىپ، «ءتورت سەنىمدى» بەكەمدەپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، كەدەيلىكتەن قۇتىلدىرۋدان قامال الۋ قىزمەتىن جاقسى ىستەۋدىڭ ماڭىزدى ءمانىن جىعا تانىپ، كەدەيلىكتەن قۇتىلدىرۋدان قامال الۋ قىزمەتىن جاقسى ىستەۋ جونىندەگى جاۋاپكەرشىلىك سەزىمدى، كوكەي تەستىلىك سەزىمدى جانە بورىشتىلىق سەزىمدى شىنايى نىعايتۋ كەرەك.

　　ەكىنشى، وبيەكتىلەردى ونان ارى ايقىنداۋ كەرەك. ءىرى ساندى مالىمەت تەحنيكا - تاسىلىنەن پايدالانىپ، كەدەيلەردى سۇيەمەلدەۋ وبيەكتىلەرىن دالمە - ءدال تانىپ، اشالاپ باسقارۋدى ىسكە اسىرىپ، ينفورماتسيالىق ساندى مالىمەتتەردى كەمەلدەندىرىپ، ديناميكالىق رەتتەۋدى اتقارىپ، كەدەي دەپ تانۋعا تيىستىلەردى مۇمكىندىگىنشە تانۋ، قامتۋعا تيىستىلەردى مۇمكىندىگىنشە قامتۋ، سۇيەمەلدەۋگە تيىستىلەردى مۇمكىندىگىنشە سۇيەمەلدەۋ، تىزىمنەن شىعارىلۋعا تيىستىلەرىن مۇمكىندىگىنشە شىعارۋ كەرەك.

　　ءۇشىنشى، مىندەتتى ونان ارى ايقىنداۋ كەرەك. بەلسەندى دە ىرىقتى بولىپ، ورتالىقتىڭ كەدەيلىكتەن قۇتىلدىرۋدان قامال الۋ جونىندەگى ارناۋلى شارلاۋ قىزمەتىنە بار كۇشپەن سايكەسىپ، بيىلعى كەدەيلىكتەن قۇتىلدىرۋدان قامال الۋ مىندەتتەرىن تولىق ورىنداپ، 2020 - جىلعا دەيىن تۇرمىس دەڭگەيى قازىرگى ولشەمنەن تومەن اۋىل - قىستاق كەدەيلەرىن تولىعىمەن كەدەيلىكتەن قۇتىلدىرۋعا كەپىلدىك ەتىپ، تاقىر كەدەيلىكتى جويىپ، كەدەي اۋدانداردىڭ تۇگەلدەي كەدەيلىك قالپاعىن تاستاۋىنا كەپىلدىك ەتىپ، وڭىرلىك كەدەيلىكتى تۇتاستاي شەشۋ كەرەك.

　　ءتورتىنشى، ولشەمدى ونان ارى ايقىنداۋ كەرەك. پارتيا ورتالىق كوميتەتى تۇراقتاندىرعان كەدەيلىكتەن قۇتىلدىرۋدان قامال الۋ نىساناسى مەن ولشەمدەرىنە تاباندى بولىپ، «ج ك پ ورتالىق كوميتەتى مەن مەملەكەتتىك كەڭەستىڭ كەدەيلىكتەن قۇتىلدىرۋدان قامال الۋ شايقاسىنىڭ 3 جىلدىق ارەكەتى جونىندەگى جەتەكشى پىكىرىن» مۇقيات تياناقتاندىرىپ، «ەكىدەن تارىقتىرماۋ، ءۇشتى قامتاماسىز ەتۋ» تالابىنا قاتاڭ نەگىزدەلۋ، ءارى اسىعىپ اپتىقپاۋ، قارا دۇرسىندىك جاساماۋ، ءارى سالعىرتتىق، سىلبىرلىق ىستەمەۋ، ءارى ولشەمدى تومەندەتىپ ءارى تىم جوعارىلاتىپ جىبەرمەۋ، نازاردى بىتىراتپاۋ، نىسانادان اۋىتقىماۋ، تەبىندى السىرەتپەۋ كەرەك.

　　بەسىنشى، جولدى ونان ارى ايقىنداۋ كەرەك. كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋدىڭ نەگىزگى جالپى جوباسىنا تاباندى بولىپ، «جەتى ءبىر توپ» پەن «ءۇش سەرپىندى ارتتىرۋدى» بار كۇشپەن ىلگەرىلەتىپ، كۇشتى شوعىرلاندىرىپ، وڭتۇستىك شينجياڭنىڭ 3 ايماق، ءبىر وبلىسىنداعى اۋىر كەدەيلىكتىڭ تاس قامالىن تالقانداپ، كەدەيلىكتەن قۇتىلدىرۋدان قامال الۋدان ءبىر قىستاقتىڭ دا، ءبىر ادامنىڭ دا قاعىس قالماۋىنا كەپىلدىك ەتۋ كەرەك.

　　التىنشى، قاراجاتتى ونان ارى ايقىنداۋ كەرەك. مەجە ەسەپتىڭ اتقارىلۋىن باسقارۋدى كۇشەيتىپ، شىعىس جاۋاپكەرشىلىگىن تياناقتاندىرىپ، كەدەيلەردى سۇيەمەلدەۋ قاراجاتى مەن نىساندارىن باقىلاۋ - باسقارۋدى، ءىز قۋا تياناقتاندىرۋدى كۇشەيتىپ، كەدەيلەردى سۇيەمەلدەۋ قاراجاتى مەن كەدەيلەردى سۇيەمەلدەۋ نىساندارىنىڭ تولىقتاي كەدەي وتباسىلارىنا دەيىن تياناقتانۋىنا كەپىلدىك ەتىپ، كەدەي وڭىرلەردىڭ «قان جاساۋ فۋنكتسياسىن» ۇزدىكسىز نىعايتۋ كەرەك.

　　جەتىنشى، ستيلدى ونان ارى ايقىنداۋ كەرەك. ورتالىقتىڭ ارناۋلى شارلاۋىن ۇتىمدى وراي جانە قوزعاۋشى كۇش دەپ ءبىلىپ، كەدەيلەردى سۇيەمەلدەۋ سالاسىنداعى ءىرىپ - ءشىرۋ مەن ستيل ماسەلەسىن ارناۋلى جونگە سالۋدى ىشكەرىلەي ورىستەتىپ، ەڭ قاتاڭ باعالاۋ، ساراپتاۋدى اتقارىپ، بەتالىس بەلگىلەپ، ەرەجەنى قاتايتىپ، باقىلاۋ - تەكسەرۋدى كۇشەيتىپ، شىنايى جاۋاپقا تارتىپ، كەدەيلەردى سۇيەمەلدەۋ قىزمەتىنىڭ تياناقتى، كەدەيلەردى قۇتىلدىرۋ بارىسىنىڭ تىڭعىلىقتى، كەدەيلەردى قۇتىلدىرۋ ناتيجەسىنىڭ شىنايى بولۋىنا كەپىلدىك ەتۋ كەرەك.

　　سەگىزىنشى، جاۋاپكەرشىلىكتى ونان ارى ايقىنداۋ كەرەك. اۆتونوميالى رايون جالپى جاۋاپكەرشىلىك ارقالايتىن، قالا - اۋداندار تياناقتاندىرۋدى يگەرەتىن باسقارۋ ءتۇزىلىسىن كۇشەيتىپ، پارتيا، ۇكىمەت ورىندارىنىڭ ءبىرىنشى باسشىلارىنىڭ جاۋاپكەرشىلىگىن قاتايتىپ، بەس دارەجەلى شۋجيلەر جابال يگەرۋگە، دارەجە - دارەجە بويىنشا قىسىم تۇسىرۋگە، ساتى - ساتى بويىنشا جاۋاپكەرشىلىكتى تياناقتاۋعا تاباندى بولىپ، كەدەيلىكتەن قۇتىلدىرۋدان قامال الۋدىڭ كوپ نەگىزدى، كوپ قىرلى، جان - جاقتى، جاپپاي قامتىعان جاۋاپكەرشىلىك جۇيەسىن ورناتىپ، كەدەيلىكتەن قۇتىلدىرۋدان قامال الۋدىڭ قۇدىرەتتى بىرىككەن كۇشىن شىنايى ۇيىستىرۋ كەرەك.

　　اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق كەدەيلەردى سۇيەمەلدەۋ - وركەندەتۋگە باسشىلىق ەتۋ گرۋپپاسىنىڭ ورىنباسار باستىعى سارقىت اقان ۇلى تەكسەرۋ - زەرتتەۋدە بىرگە بولدى.