شينحۋا اگەنتتىگىنىڭ 10 - ايدىڭ 14 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى «جاڭا داۋىردەگى حالىق ساياسي كەڭەسىنىڭ پارتيا قۇرىلىسى قىزمەتىن كۇشەيتۋ جونىندەگى ءبىرقانشا پىكىردى» باسىپ تاراتتى ءارى ۇقتىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرىپ، دەن قويا دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالار العا قويىلدى: حالىق ساياسي كەڭەسى بىرلىكساپ ۇيىمى، كوپ پارتيا سەلبەستىگى مەن ساياسي كەڭەسۋ قۇرىلىمى، حالىق دەموكراتياسىنىڭ ماڭىزدى ىسكە اسۋ فورماسى رەتىندە، مەملەكەتتىڭ جونگە سالۋ جۇيەسىنىڭ ماڭىزدى قۇرامداس بولىگى، جۇڭگوشا ەرەكشەلىككە يە تۇزىمدىك ورنالاستىرۋ. جاڭا داۋىردەگى حالىق ساياسي كەڭەسىنىڭ پارتيا قۇرىلىسىن كۇشەيتۋ حالىق ساياسي كەڭەسى سىندى وسى تۇزىمدىك ورنالاستىرۋعا اناعۇرلىم ويداعىداي تاباندى بولۋ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەسۋ ءتۇزىمى سىندى وسى جاڭاشا ساياسي پارتيا تۇزىمىنە تاباندى بولۋ جانە ونى كەمەلدەندىرۋ، ەڭ كەڭ وتانشىلدىق بىرلىكساپتى بەكەمدەۋ جانە دامىتۋ، جۇڭگو كوممۋنيستىك پارتياسىنىڭ باسشىلىق ورنىنا جانە ۇزاق ۋاقىت بيلىك جۇرگىزۋ ورنىنا تاباندى بولۋ جانە ونى بەكەمدەۋ، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ۇزبەي ىلگەرىلەتۋ، جۇڭگوشا سوتسياليزمگە تاباندى بولۋ جانە ونى دامىتۋ جونىنەن كەلەلى ءارى تەرەڭ ءمان الادى. حالىق ساياسي كەڭەسى ساياسي ۇيىم، پارتيانىڭ حالىق ساياسي كەڭەسىنە باسشىلىعىن ىسكە اسىرۋ ساياسي جاۋاپكەرشىلىگىن شىن مانىندە ارقالاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا تاباندى بولىپ، حالىق ساياسي كەڭەسىندە پارتيا ۇيىمى مەن پارتيا قىزمەتىن ءونىمدى قامتۋدى ىلگەرىلەتىپ، ستيلدى تىنباي جاقسارتىپ، قاتاڭ ءتارتىپ ارقىلى پارتيانى جاپپاي قاتاڭ جونگە سالۋدى ىلگەرىلەتۋگە تاباندى بولۋى كەرەك. ءار دارەجەلى پارتكومدار ساياسي كەڭەس قىزمەتىنە باسشىلىقتى شىن مانىندە كۇشەيتىپ، ساياسي كەڭەستىڭ پارتيا قۇرىلىسى قىزمەتىن پارتكوم قىزمەتىنىڭ جالپىلىق ورنالاستىرۋىنا ەنگىزىپ، تۇتاس تۇلعا بويىنشا جوبالاپ، تۇتاس تۇلعا بويىنشا ىلگەرىلەتۋى كەرەك.
