جاۋاپكەرشىلىك ارقالاۋدى قاتايتىپ، دايەكتىلەندىرۋ مەن تياناقتاندىرۋدى مىقتاپ يگەرىپ، ارميا مەن حالىقتىڭ توعىسۋىنىڭ ىشكەرىلەي دامۋىن جەدەل ىلگەرىلەتۋ كەرەك
ۋاڭ حۋنيڭ، حان جىڭ ماجىلىسكە قاتىناستى
شينحۋا اگەنتتىگىنىڭ 10 - ايدىڭ 15 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق ارميا مەن حالىق توعىسا دامۋ كوميتەتىنىڭ مەڭگەرۋشىسى شي جينپيڭ 10 - ايدىڭ 15 - كۇنى ورتالىق كوميتەتتىڭ ارميا مەن حالىق توعىسا دامۋ كوميتەتىنىڭ 2 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ءماجىلىس «ارميا مەن حالىقتىڭ توعىسا دامۋىن زاڭمەن جونگە سالۋ قۇرىلىسىن كۇشەيتۋ جونىندەگى پىكىردى» قاراپ ماقۇلدادى. شي جينپيڭ مىنالاردى باسا دارىپتەدى: جاۋاپكەرشىلىك ارقالاۋدى قاتايتىپ، دايەكتىلەندىرۋ مەن تياناقتاندىرۋدى مىقتاپ يگەرىپ، زاڭمەن جونگە سالۋ دەڭگەيىن جوعارىلاتىپ، ءتۇزىلىس رەفورماسىن تەرەڭدەتىپ، عىلىم - تەحنيكادا سەلبەسە جاڭالىق اشۋدى ىلگەرىلەتىپ، ارميا مەن حالىقتىڭ توعىسۋىنىڭ ىشكەرىلەي دامۋىن جەدەل ىلگەرىلەتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق ارميا مەن حالىق توعىسا دامۋ كوميتەتىنىڭ ورىنباسار مەڭگەرۋشىلەرى ۋاڭ حۋنيڭ، حان جىڭ ماجىلىسكە قاتىناستى.
ءماجىلىس بىلاي دەپ قارادى: ورتالىق ارميا مەن حالىق توعىسا دامۋ كوميتەتىنىڭ 1 - رەتكى ماجىلىسىنەن بەرى، وڭىرلەر، تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ماسەلەنى نىشان ەتۋدەن جازباي، جوعارى دەڭگەيدە جوبالاۋدى كۇشەيتىپ، جاپپاي رەفورما جاساپ، جاڭالىق اشىپ، بەلسەندى تۇردە ىزدەنىس جاساپ جانە امالياتتان وتكىزىپ، ءتۇرلى قىزمەتتە تىڭ ىلگەرىلەۋشىلىكتەرگە جەتتى.
ءماجىلىس مىنالاردى باسا دارىپتەدى: «ارميا مەن حالىقتىڭ توعىسا دامۋىن زاڭمەن جونگە سالۋ قۇرىلىسىن كۇشەيتۋ جونىندەگى پىكىردى» دايەكتىلەندىرۋدى، اتقارۋدى ويداعىداي يگەرىپ، زاڭ - ءتۇزىمدى كەمەلدەندىرىپ، ارميا مەن حالىقتىڭ توعىسا دامۋ سالاسىنداعى زاڭ شىعارۋدى ىلگەرىلەتىپ، ءتۇيىندى سالالارداعى زاڭ شىعارۋدىڭ تولىق قامتىمىن جەدەل ىسكە اسىرۋ كەرەك. زاڭ شىعارۋدىڭ ساپاسىن جوعارىلاتىپ، شىعارۋ، وزگەرىس ەنگىزۋ، كۇشىن جويۋ، تۇسىنىك بەرۋ ىستەرىنە بىردەي ءمان بەرىپ، ءىس جۇزىندىك قاجەتكە ۇيلەسپەي قالعان زاڭنامالىق حۇجاتتارعا دەر كەزىندە وزگەرىس ەنگىزىپ جانە كۇشىن جويىپ، زاڭ - تۇزىمدەردىڭ ۋاقىتىلىعىن، سايكەستىلىگىن، يكەمدىلىگىن نىعايتۋ كەرەك. ءتۇزىم - مەحانيزمدى كەمەلدەندىرىپ، زاڭ كولەمىندە ماسەلە ويلاستىرۋعا، شەشىم قابىلداۋعا، ءىس بىتىرۋگە كەپىلدىك ەتۋ كەرەك. قاراۋ - بەكىتۋ ىستەرىن قاۋىرت ىقشامداپ، رۇقسات شارتىن تومەندەتىپ، تۇزىمدىك وزىندىك قۇندى تومەندەتىپ، قوعامدىق وندىرگىش كۇشتەردى اشىققا شىعارۋ كەرەك. زاڭ بويىنشا شەشىم قابىلداۋعا تاباندى بولىپ، شەشىمنىڭ عىلمي، ءتارتىپتىڭ ۇيلەسىمدى، جاۋاپكەرشىلىكتىڭ ايقىن بولۋىنا كەپىلدىك ەتۋ كەرەك.
ءماجىلىس مىنالاردى اتاپ كورسەتتى: فۋنكتسياعا بۇرىلىس جاساۋدى تەزدەتىپ، رۇقسات شارتىن تومەندەتىپ، اقشا تولەۋ، سالىق قايتارۋ، تولىمدىلىققا قول جەتكىزۋ سياقتى تارتىپتەردى ساپالىلاندىرىپ، تۇزىمدىك وزىندىك قۇندى تومەندەتىپ، قوعامدىق وندىرگىش كۇشتەردى اشىققا شىعارۋ كەرەك. الەۋمەتتىڭ ات سالىسۋى قاجەتتى ىستەردى زاڭ بويىنشا ءتارتىپتى تۇردە جاريا ۇستاۋ كەرەك. ءادىل ورتا ازىرلەپ، باسەكەلى ساتىپ الۋدى جالپىلاستىرىپ، مەملەكەت مەنشىگىندەگى اسكەري ونەركاسىپ كاسىپورىندارىن ءتارتىپتى تۇردە ەسىك اشۋعا جەتەكتەپ، حالىقتىق سالاداعى حالىق باسقارۋىنداعى كاسىپورىنداردىڭ باسەكەگە قاتىناسۋ ارا سالماعىن جوعارىلاتۋ كەرەك. ءادىل ەرەجە تالابىنا سايكەس، قارجى قوسۋ، سالىق، باعالاۋ - مەردىگەرلىك سياقتى جاقتارداعى ساياساتتاردى كەمەلدەندىرىپ، ۇقىق قورعاۋدى ارميا مەن حالىق توعىسا دامۋىنىڭ زاڭ شىعارۋ، شەشىم قابىلداۋ، زاڭ اتقارۋ، ءادىليا سياقتى ءتۇرلى بۋىنىمەن ساباقتاستىرىپ، ءتۇرلى سۋبيەكتىلەردىڭ زاڭدى ۇقىق - مۇددەسىن ءونىمدى تۇردە قورعاۋ كەرەك.
ءماجىلىس مىنالاردى باسا دارىپتەدى: ستراتەگيالىق ماڭىزدى ينجەنەريالار − عىلىم - تەحنيكادا جاڭالىق اشۋدى ىلگەرىلەتۋدىڭ ءونىمدى جولى. شەشۋشى، وزەكتى تەحنيكالاردان قامال الۋعا كۇش سالىپ، ەڭ كۇردەلى، ەڭ قيىن جاعدايلاردى تياناق ەتىپ، ينجەنەريالىق قۇرىلىستى جەتەكشى ەتىپ، باسىم كۇشتەردى سەلبەسە قامال الۋعا شوعىرلاندىرىپ، كۇن ىلگەرى شەپ بۇزۋعا قول جەتكىزۋ كەرەك. ەلىمىزدە وندىرىلگەن تەحنيكالار مەن ونىمدەردى كولەمدى تۇردە قولدانۋدى كەڭەيتىپ، ەلىمىزدە وندىرىلگەن ونىمدەردى زەرتتەۋ - جاساۋدى كوبىرەك تياناق ەتىپ، قولدانۋ بارىسىندا ۇزبەي جاڭارتىپ، ساپالىلاندىرىپ، سول ارقىلى مەملەكەتتىڭ جالپىلىق جاڭالىق اشۋ قۋاتىنىڭ كوتەرىلۋىنە جەتەكشىلىك ەتۋ كەرەك. ينجەنەريالىق قۇرىلىستاردىڭ تيىمدىلىگىن جوعارىلاتىپ، بايلىقتاردى ءبىر تۇتاس ىڭعايلاپ، جالپىلىق قاسيەتىنىڭ ەڭ ۇزدىك، امبەباپ تيىمدىلىگىنىڭ ەڭ ۇلكەن بولۋىن قۇلشىنا ىسكە اسىرۋ كەرەك.
ءماجىلىس مىنالاردى تالاپ ەتتى: پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتىپ، ەلىمىز سوتسياليستىك ءتۇزىمىنىڭ كۇشتى شوعىرلاندىرىپ ءىرى ىستەر ىستەيتىن ساياسي ارتىقشىلىعىن تولىق ساۋلەلەندىرىپ، قاتىستى كەلەلى ينجەنەريا، كەلەلى جوسپار، كەلەلى نىسانداردى ءبىرىڭعاي سايكەستىرىپ، قاجەتتى ادام، قازىنا، زات سياقتى جاڭالىق اشۋ بايلىقتارىن ءبىر تۇتاس ۇيلەستىرىپ، جالپىلىق بىرىككەن كۇش قالىپتاستىرۋ كەرەك. قاتىستى تاراۋلار مەن وڭىرلەر «ءتورت تانىمدى» نىعايتىپ، «ءتورت سەنىمدى» بەكەمدەپ، شەگە قاعۋ رۋحىن ساۋلەلەندىرىپ، شىنايى، قاجىرلى ەڭبەك ەتىپ، ارميا مەن حالىق توعىسا دامۋىنىڭ جاڭا جەتىستىكتەرىنە ۇزبەي قول جەتكىزۋ كەرەك. قىزمەت قۇرىلىمى قۇرىلىسىن جەدەلدەتىپ، قۇرىلىمنىڭ تياناقتانۋىن، فۋنكتسيانىڭ تياناقتانۋىن، قىزمەتكەردىڭ تياناقتانۋىن دەر كەزىندە ىسكە اسىرىپ، كادرلار قوسىنى قۇرىلىسىن كۇشەيتۋ كەرەك. قيىندىقتان تايسالماي، جاڭالىق اشۋ امالياتىن بەلسەندىلىكپەن ورىستەتۋ كەرەك. ءار دارەجەلى پارتكوم مەن ۇكىمەتتەر ارميا مەن حالىق توعىسا دامۋ مىندەتىن تياناقتاندىرۋدى ماڭىزدى ساياسي جاۋاپكەرشىلىك دەپ ءبىلىپ، سانالى تۇردە جالپى جاعداي تۇرعىسىنان بەتالىستى مەڭگەرىپ، ساياسات بەلگىلەپ، تياناقتاندىرۋدى يگەرىپ، كونەنى جويۋعا، جاڭانى ورناتۋعا باتىل بولىپ، بەل شەشە قاجىرلىلىقپەن ىستەۋگە تاباندى بولىپ، ارميا مەن حالىق توعىسۋىنىڭ ىشكەرىلەي دامۋىنىڭ جاڭا جاعدايىن ۇزدىكسىز اشۋ كەرەك.
ءماجىلىس باسقا دا ىستەردى اقىلداستى.
ورتالىق ارميا مەن حالىق توعىسا دامۋ كوميتەتىنىڭ ورىنباسار مەڭگەرۋشىلەرى، مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ جانە ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
