حالىقتىق قارجى قوسۋدى كەڭەيتۋ ارقىلى قامداۋ جاعىنداعى قۇرىلىمدىق رەفورماعا دەم بەرۋدى ارقاۋ ەتە وتىرىپ اقىل قوسىپ، كەڭەس بەردى
ءتىلشىمىز جاۋ جىيۇن 10 - ايدىڭ 16 - كۇنى ۇرىمجىدەن حابارلايدى. 10 - ايدىڭ 16 - كۇنى اۆتونوميالى رايوندىق ساياسي كەڭەس ايلىق كەڭەس اڭگىمە ءماجىلىسىن اشىپ، «حالىقتىق قارجى قوسۋدى كەڭەيتۋ ارقىلى قامداۋ جاعىنداعى قۇرىلىمدىق رەفورماعا دەم بەرۋدى» ارقاۋ ەتە وتىرىپ كەڭەسىپ، اڭگىمە وتكىزدى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ءماجىلىستى باسقاردى ءارى ءسوز سويلەدى.
اڭگىمە ماجىلىستە، اۆتونوميالى رايوندىق ساياسي كەڭەستىڭ مۇشەسى، اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى دولقىن توحتى شينجياڭنىڭ حالىقتىق قارجى قوسۋ قىزمەتىن ورىستەتۋ جاعدايىن تانىستىردى. مۇشەلەردەن، مامانداردان، كاسىپورىن ۋاكىلدەرىنەن 10 ادام لەبىز ءبىلدىرىپ، بىلاي دەپ قارادى: اۆتونوميالى رايوندىق پارتكوم مەن ۇكىمەت جالپىلىق مەنشىككە جاتپايتىن شارۋاشىلىقتىڭ دامۋىنا وسكەلەڭ ءمان بەرىپ، ەكونوميكالىق دامۋدىڭ جاڭا قالىبىنا ىرىقتىلىقپەن ۇيلەسىپ جانە وعان جەتەكشىلىك ەتىپ، قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتىپ، كوپتەگەن ءتيىمدى ساياساتتار مەن سۇيەمەلدەۋ شارالارىن ورتاعا قويىپ، دامۋ ورتاسىن جاقسارتۋعا كۇش سالىپ، تۇتاس قوعامنىڭ شارۋاشىلىق قۇرۋ، جاڭالىق اشۋ بەلسەندىلىگىن بار كۇشپەن جۇمىلدىرىپ، ناقتى ەكونوميكانىڭ دامۋى مەن كاسىپورىنداردىڭ تۇرلەنىپ جاڭارۋىن جاپپاي ىلگەرىلەتىپ، جالپىلىق مەنشىككە جاتپايتىن شارۋاشىلىقتىڭ ومىرشەڭدىگى مەن جاسامپازدىق قۋاتىن تولىق قاۋلاتىپ جانە ىسكە قوسىپ، جالپىلىق مەنشىككە جاتپايتىن شارۋاشىلىقتىڭ دامۋىندا ۇزدىكسىز جاڭا جاعداي اشتى. كوپشىلىك بازارعا كىرۋ رۇقسات شارتىن جەڭىلدەتۋ، كاسىپورىنداردىڭ شارۋاشىلىق جۇرگىزۋ وزىندىك قۇنىن تومەندەتۋ، قارجى قۇراۋدىڭ قيىن بولۋى، قارجى قۇراۋدىڭ قىمبات بولۋى ماسەلەسىن شەشۋگە كۇش سالۋ، شارۋاشىلىق ورتاسىن جاقسارتۋ سياقتى جاقتاردان ۇسىنىس - پىكىرلەر ورتاعا قويدى.
اۆتونوميالى رايوندىق ساياسي كەڭەستىڭ ورىنباسار ءتوراعاسى، اۆتونوميالى رايوندىق ساۋدا - ونەركاسىپشىلەر بىرلەستىگىنىڭ ءتوراعاسى ءجۇرات ءيمىن تاقىرىپتىق لەبىز ءبىلدىردى.
اۆتونوميالى رايوندىق حالىق ۇكىمەتىنىڭ قاتىستى باسشىلارى ماجىلىسكە قاتىناسقانداردىڭ ۇسىنىس - پىكىرلەرىنە اڭىس جانە جاۋاپ قايتاردى.
لەبىزدەردى تىڭداعان سوڭ، نۇرلان ءابىلماجىن ۇلى مىنالاردى باسا دارىپتەدى: ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ جالپىلىق مەنشىككە جاتپايتىن شارۋاشىلىقتىڭ دامۋى جونىندەگى ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، بەلسەنە ءىس تىندىرىپ، الدىدا تۇرىپ قىزمەت وتەپ، شارۋاشىلىق ورتاسىن ونان ارى جاقسارتىپ، ءىس جۇزىندىكتى شىعار ءتۇيىن ەتە وتىرىپ ساياسات - شارالاردى كەمەلدەندىرىپ، ساياساتتىڭ ساپاسى مەن اتقارىمدىلىعىن كۇشەيتىپ، ءتۇرلى ساياساتتاردىڭ تياناقتانۋىن، اشالانۋىن، ناقتىلانۋىن ىلگەرىلەتىپ، حالىق باسقارۋىنداعى كاسىپورىنداردىڭ ساياساتتاردان تابىس سەزىمىن شىن مانىندە كۇشەيتۋىنە مۇمكىندىك جاساۋىمىز كەرەك.
نۇرلان ءابىلماجىن ۇلى مىنالاردى اتاپ كورسەتتى: رايونىمىزدىڭ حالىقتىق قارجى قوسۋىنىڭ ارتۋى ءالى دە كوپتەگەن قيىنشىلىقتار مەن كەدەرگىلەرگە ءدوپ كەلىپ وتىر، كوپشىلىك كوپتەگەن سىندارلى شارالاردى، ۇسىنىستاردى العا قويدى، قاتىستى تاراۋدىڭ جاۋاپتىسى قاتىستى ساياساتتاردى تانىستىرىپ، قايتكەندە قىزمەتتەردى اناعۇرلىم ويداعىداي ورىستەتۋ، ماسەلەلەردى شەشۋ جونىندە ايقىن وي جەلىسىن العا قويدى. بارشا حالىق باسقارۋىنداعى كاسىپورىن يەلەرى وزىندىك ۇيرەنۋدى، وزىندىك تاربيەنى، ءوزىن جوعارىلاتۋدى كۇشەيتىپ، وتاندى ءسۇيىپ، كاسىبىن قادىرلەپ، جاڭالىق اشىپ، زاڭعا بويسۇنىپ، سەنىمدى بولىپ، ۇلەس قوسىپ، اناعۇرلىم كوپ بىرەگەي ونىمدەر ءوندىرىپ، اناعۇرلىم كوپ ماڭداي الدى كاسىپورىنداردى جەتىلدىرۋ كەرەك. كەڭەسۋ، اۋىس - كۇيىس جاساۋ ارقىلى ورتاق تانىمدى كۇشەيتىپ، كۇش - قۋاتتى شوعىرلاندىرىپ، اقىل قوسۋ مەن يدەيالىق - ساياسي جاقتان جەتەكشىلىك ەتۋدىڭ «قوس باعىتتان كۇش شىعارۋىن» ىسكە اسىرىپ، جاڭا باستامادا رايونىمىزدىڭ جالپىلىق مەنشىككە جاتپايتىن شارۋاشىلىعىنىڭ باياندى، اقاۋسىز دامۋىن بىرگە ىلگەرىلەتە الاتىندىعىنا سەنەمىن. اۆتونوميالى رايوندىق ساياسي كەڭەس كەڭسەسى مەن ەكونوميكا كوميتەتى وسى رەتكى ءماجىلىستىڭ تاماشا تاجىريبەلەرىن، تاماشا ادىستەرىن دەن قويا قورىتىندىلاپ، ماجىلىستە قالىپتاسقان ورتاق تانىمدار مەن ۇسىنىس - پىكىرلەردى دەر كەزىندە جيناقتاپ، اۆتونوميالى رايوندىق پارتكوم مەن ۇكىمەتكە جولداپ، كەڭەس ناتيجەلەرىنىڭ كادەگە جاراتىلۋ سەرپىنىن ارتتىرىپ، كەڭەس ناتيجەلەرىنىڭ تياناقتانىپ، ءونىم بەرۋىنە مۇمكىندىك جاساۋ كەرەك.
اۆتونوميالى رايوندىق ساياسي كەڭەستىڭ ورىنباسار ءتوراعالارىنان ماعاۋ سەيىتقامزا ۇلى، جاڭ بو، ابدۇرىقىپ ءتومۇرنياز ماجىلىسكە قاتىناستى.
