تيانشان تورى   ›   جاڭالىقتار   ›   شينجياڭ حابارلارى

مەيىر - شاپاعات جەتكىزىپ، قامقورلىق جاساپ، جۇڭحۋانىڭ ءداستۇرلى تاماشا ءمورالىن ساۋلەلەندىردى

− رايونىمىزدىڭ جەر - جەرى باي مازمۇندى قيمىل وتكىزىپ، چۇڭياڭ مەرەكەسىن بىرگە قۇتتىقتادى

  بىرنەشە كۇننەن بەرى، اۆتونوميالى رايونىمىزدىڭ جەر - جەرى مەيىر - شاپاعات جەتكىزىپ، قامقورلىق جاساپ، باي مازمۇندى قيمىلدار وتكىزىپ، چۇڭياڭ مەرەكەسىن قۇتتىقتاپ، جۇڭحۋانىڭ ءداستۇرلى مادەنيەتىنە مۇراگەرلىك ەتىپ، قارتتاردى قۇرمەتتەپ، قارتتاردى قادىرلەۋ، قارتتاردى ءسۇيىپ، قارتتارعا كومەكتەسۋدەي ءداستۇرلى تاماشا ءمورالدى ساۋلەلەندىردى.

  قارتتاردى سيلاۋ ءداستۇرلى تاماشا ءمورالىن ساۋلەلەندىردى

  10 - ايدىڭ 17 - كۇنى ءۇرىمجى قالالىق قارتتار ۇيىندە كۇرەڭكەيدىڭ ءيىسى اڭقىپ، ايرىقشا دۋمانعا بولەندى، 500 نەشە قارت باس قوسىپ، چۇڭياڭ مەرەكەسىن بىرگە قۇتتىقتادى. وسى كۇنى ءۇرىمجى قالالىق حالىق ىستەرى مەكەمەسى، قارتتار قىزمەتى كوميتەتى، قايىر - ساحابات باس قوعامى، اۆتونوميالى رايوندىق ايەلدەر مەن بالالار سالاماتتىعىن ساقتاۋ شيپاحاناسى سياقتى ورىندار قارتتار ۇيىنە كەلىپ، قارتتارعا امانداستى ءارى حال سۇراۋ اقشاسىن، بۇيىمدارىن اكەلىپ، قارتتارعا مەرەكەلىك سالەم جەتكىزدى.

  شينجياڭ ادەبيەت - كوركەمونەر قىزمەتكەرى ۋاڭ ياڭ، شينجياڭ پەداگوگيكا داشۋەسى كوركەمونەر ۇيىرمەسىنىڭ، سانجى كاسىپتىك - تەحنيكالىق شۋەيۋانىنىڭ ەرىكتىلەرى قارتتارعا تارتىمدى كونسەرت قويدى. ساحنادا شينجياڭ پەداگوگيكا داشۋەسى كوركەمونەر ۇيىرمەسى حىنان تەاترى «مۋ گۇييىڭنىڭ ساردار بولۋىن» ورىنداعاندا، ساحنانىڭ استىندا وتىرعان شۇي گۋاڭتيان قاريا ىرعاققا ەلىتىپ، اندەتتى. شۇي گۋاڭتيان قۋانا: مەن حىنان تەاترىن ەرەكشە ۇناتىپ كورەمىن، - دەدى.

  ءۇرىمجى قالالىق قارتتار ءۇيىنىڭ باستىعى ما ميڭلي بىلاي دەدى: ءار جىلعى چۇڭياڭ مەرەكەسى قارتتار ءۇيىنىڭ ەڭ ۇلكەن مەرەكەسى، بۇگىن ءبىز قارتتاردىڭ ۇل - قىزدارىن دا قيمىلعا قاتىناسۋعا ۇسىنىس ەتىپ، ادامدارعا مەيلى قانشاما قاربالاس بولساق تا ۋاقىت شىعارىپ، اتا - انامىزعا امانداسىپ تۇرۋدى ۇمىتپاۋدى، قارتتاردىڭ تۇرمىسىنا كوبىرەك كوڭىل ءبولىپ، ولارعا قولىمىزدان كەلەتىن ىستەردى كوبىرەك ىستەۋدى ەسكەرتتىك.

  10 - ايدىڭ 15 - كۇنى تۇستەن بۇرىن جىڭ اۋداندىق پارتكومنىڭ ۇگىت ءبولىمى، باجياحۋ ەگىس الاڭى اۋىل شارۋاشىلىق 1 - اترەتى بىرلەسىپ، چۇڭياڭ مەرەكەسىن قارسى الىپ، «جۇڭحۋانىڭ تاماشا ءمورالىن ساۋلەلەندىرىپ، قارتتاردى سيلاۋ، جاقىندارىن ايالاۋ ءداستۇرىن جالعاستىرايىق» تاقىرىبىندا العىس ايتۋ، سۇيىسپەنشىلىك ارناۋ جانە ولەڭ وقۋ قيمىلىن وتكىزدى. قيمىل باستالىسىمەن، جىڭ اۋدانى جاڭا ءداۋىر ساباقحاناسىنىڭ وقىتۋشىسى «اتا سالتتى قادىرلەپ، وركەنيەتتى جەبەيىك» اتىندا ۇگىت - لەكسياسىن جاساپ، وبرازدى مىسالدارمەن ءار ۇلت جۇرتشىلىعىن تاماشا وتباسىلىق سالتقا مۇراگەرلىك ەتىپ، قوعامنىڭ جاراسىمدىلىعىن جەبەۋگە جەتەكتەدى. «چۇڭياڭ مەرەكەسى، تەرەڭ سۇيىسپەنشىلىك»، «چۇڭياڭ مەرەكەسىندەگى انا» دەگەن سياقتى وتباسىنا، مەملەكەتكە تەرەڭ سۇيىسپەنشىلىك بەينەلەنگەن ولەڭدەر اسقاقتاتا وقىلىپ، تىڭدارمانداردىڭ جۇرەگىن ەلىتتى.

  10 - ايدىڭ 16 - كۇنى اۋات اۋداندىق 4 - باستاۋىش مەكتەپ «قارتتاردى سيلاپ، جاقىنداردى قۇرمەتتەيىك، العىس ايتىپ، ادەپتى بولايىق» تاقىرىبىندا اماليات قيمىلىن ورىستەتتى، مەكتەپ وقۋشىلارعا جەر سىپىرۋ، ىدىس - اياق جيناۋ، اتا - اناسىنا تاماق ىستەپ بەرۋ، اتا - اناسىنىڭ اياعىن جۋۋ نەمەسە ارقاسىن ۋقالاۋ سياقتى شاماسى كەلەتىن ىستەردى ىستەتىپ، بالالاردىڭ ءسابي جۇرەگىنە العىس ايتا ءبىلۋدىڭ، وپالى بولۋدىڭ تۇقىمىن سەپتى.

  مەيىرىمدىلىك باقىت سيلادى

  شارىقتاعان حور، اسەم ءبي، باياۋ تايجيچۋان... 10 - ايدىڭ 17 - كۇنى ءۇرىمجى قالاسى شۇيموگوۋ رايونى نانحۋ وڭتۇستىك جولى اۋماعىن باسقارۋ كوميتەتى شۇيدۇڭ الەۋمەتتىك اۋماعىنداعى شيەجۇيجيا تۇتىنۋ، قارتتاردى باعۋ قىزمەت وتەۋ ورتالىعى ءوز قاراستىلىعىنداعى قارتتارعا تارتىمدى دا قىزىقتى حال سۇراۋ كونسەرتىن سيلادى. كونسەرتتى تۇگەلدەي الەۋمەتتىك اۋماقتاعى قارتتاردىڭ ءوزى دايىنداپ، ءوزى قويدى. الەۋمەتتىك اۋماقتىڭ 72 جاستاعى تۇرعىنى جاڭ يان مەن اپەكە - سىڭلىلەرى ۇلتتىق ءبي بيلەپ، قىزۋ القاۋعا يە بولدى. الەۋمەتتىك اۋماقتىڭ 76 جاستاعى تۇرعىنى جاۋ گوچين كونسەرتتى دەن قويا كوردى، ول قايتا - قايتا قول تەلەفونىمەن تاماشا ساتتەردى ەستەلىككە الدى.

  10 - ايدىڭ 17 - كۇنى اقسۋ قالاسى قۇمباش اۋىلى باشباق قىستاعىنىڭ قيمىل ورتالىعىنان كوڭىلدى كۇلكى داۋىسى تولاستامادى، قالالىق سۋ ىستەرى مەكەمەسىنىڭ قىستاقتا تۇراتىن قىزمەت اترەتىنىڭ مۇشەلەرىنەن، كەدەيلەردى سۇيەمەلدەۋدى كوتەرمەگە العان كادرلاردان، تومەنگە تۇسكەن كادرلاردان جانە جۇپ قۇراپ، تۋىس بولعان بۇقارادان 30 نەشە ادام ءبىر ارادا باس قوسىپ، «<ۇلتتار ىنتىماعىنىڭ بەرەكەلى شاڭىراعى> جانە چۇڭياڭ مەرەكەسىن قۇتتىقتاۋ دوستىق قيمىلىن» بىرگە ورىستەتتى. قيمىل «كوممۋنيستىك پارتيا بولماسا، جاڭا جۇڭگو دا بولماس ەدى» حورىمەن باستالدى، قىستاق تۇرعىندارىنىڭ وزدەرى قۇراستىرىپ، وزدەرى ورىنداعان «پارتياعا قۇرمەت ءبىلدىرۋ» كومەدياسى ءار ۇلت جۇرتشىلىعىنىڭ تاماشا تۇرمىستى سۇيەتىندىگىن جانە اڭسايتىندىعىن ايگىلەدى.

  10 - ايدىڭ 15 - كۇنى اراسان اۋدانى شاعانتۇڭگە اۋىلى سىمحوتحور قىستاعىنىڭ مادەنيەت ۇيىندە، اراسان اۋداندىق قازىنا مەكەمەسىنىڭ سىمحوتحور قىستاعىنداعى «ۇعىسۋ، تيىمدىلىك جاساۋ، توعىستىرۋ» قىزمەت اترەتى، قىستاق «ەكى كوميتەتىنىڭ» قىزمەتكەرلەرى مەن قىستاقتاعى 60 جاستان اسقان 58 قاريا باس قوسىپ، جۇڭحۋا ۇلتىنىڭ ءداستۇرلى مەرەكەسى − چۇڭياڭ مەرەكەسىن بىرگە قۇتتىقتادى. ولار جەمىس جەپ، بال كۇلشەدەن ءدام تاتتى، تىلەك ءبىلدىرىپ، پارتياعا العىس ايتىپ، وزگەرىستى تىلگە تيەك ەتتى، ءان ايتتى، قىستاق مادەنيەت ۇيىنەن دۇركىن - دۇركىن دۋ قول شاپالاق ءۇنى ەستىلدى. «ۇعىسۋ، تيىمدىلىك جاساۋ، توعىستىرۋ» قىزمەت اترەتى قيمىلعا قاتىناسقان قارتتارعا بىردەن تەرموس ستاكان ۇسىنعاندا، قارتتار ايرىقشا اسەرلەندى.

  وڭ ەنەرگيا تاراتۋعا ءوزى قۇلشىنا كىرىستى

  «چۇڭياڭ مەرەكەسىندە بيىككە شىعادى». 10 - ايدىڭ 17 - كۇنى تۇستەن بۇرىن 2018 - جىلعى مەملەكەتتىك چۇڭياڭ مەرەكەسى بايلانىسىمەن بيىككە شىعىپ، دەنە شىنىقتىرۋ جينالىسىنىڭ ۇرىمجىدەگى بولىمشە جينالىس قيمىلى حۇڭگۋاڭشان كورىنىس وڭىرىندە وتكىزىلدى، قيمىل ءۇرىمجى قالاسى قارتتار دەنە تاربيە قوعامىنىڭ مۇشەلەرىن باۋرادى، سونداي - اق قالىڭ دالا ارەكەتىمەن شۇعىلداناتىن اۋەسكەرلەردى قامتىعان 500دەن استام ادام قيمىلعا قاتىناستى.

  قالا تۇرعىنى ليۋ چيڭچياۋ كورشىسىمەن ءبىر گرۋپپا بولىپ دەنە شىنىقتىرۋ قيمىلىنا قاتىناستى. «مەن بۇرىن وقىتۋشى بولاتىنمىن، زەينەتكە شىققاننان كەيىن سالاماتتىلىقتىڭ ۇگىتشىسى بولدىم». 62 جاستاعى ليۋ چيڭچياۋ تىلشىگە بىلاي دەدى: مەن وسى قيمىلعا ءۇرتىس 3 جىل قاتىناستىم، باتار كۇننىڭ كوركى ەڭ تاماشا دەگەندەي، سالاماتتى جۇڭگو ارمانىن ىسكە اسىرۋدا قارتتاردىڭ ۇلەسى كەم بولسا بولمايدى.

  «چۇڭياڭ مەرەكەسى ءبىز جۇڭحۋا ۇلتىنىڭ ءداستۇرلى مەرەكەسى، سونداي - اق ءبىز قارتتاردىڭ مەرەكەسى، وسىنداي مەرەكەدە دەنە شىنىقتىرۋ قيمىلىنا قاتىناسقانىمدى ايرىقشا ءماندى دەپ سەزىنەمىن. بۇل مەنىڭ وسى قيمىلعا تۇڭعىش رەت قاتىناسۋىم، ايرىقشا قۋانىشتامىن»، - دەدى 70 جاسقا كەلگەن ابدىرەشيت مامۇت.

  ءداستۇرلى مادەنيەت وزگەشە شۇعىلا شاشىپ، چۇڭياڭ مەرەكەسى سالتاناتتى ءوتتى. 10 - ايدىڭ 17 - كۇنى تۇستەن كەيىن اۆتونوميالى رايوندىق حۋاچياۋ بىرلەستىگى شينجياڭ حۋاچياۋ سالاسىنىڭ چۇڭياڭ مەرەكەسى «ۇلتتار ىنتىماعىنىڭ بەرەكەلى شاڭىراعى» بىرلەسكەن دوستىق قيمىلىن وتكىزدى. بىرلەسكەن دوستىق قيمىلىندا باي مازمۇندى تارتىمدى ويىن - ساۋىق نومىرلەرى ورىندالدى. «پارتيا مەن مەملەكەتتىڭ وتانعا ورالعان حۋاچياۋلاردىڭ ءۇي ىشىندەگىلەرگە، شەتەلدەگى حۋاچياۋ باۋىرلاستارعا دەگەن ىقىلاستى قامقورلىعىنا العىس ايتامىن، وتانعا ورالعان حۋاچياۋدىڭ تۋىسى بولعان بىزدەر، <ءتورت تانىمدى> كۇشەيتىپ، <ءتورت سەنىمدى> بەكەمدەپ، وتاندى بولشەكتەيتىن، ۇلتتار ىنتىماعىن بۇلدىرەتىن ءارقانداي ءسوز - ارەكەتكە تۋىمىز ايقىن، تۇرعىمىز بەرىك تۇردە قارسى تۇرىپ، جۇڭگونىڭ ءۇنىن ويداعىداي تاراتىپ، جۇڭگو حيكاياسىن ويداعىداي بايانداپ، دۇنيە ءجۇزىنىڭ شينجياڭدى بارىنشا جاقسى تۇسىنۋىنە، تانۋىنا مۇمكىندىك جاراتۋىمىز كەرەك»، - دەدى وتانعا ورالعان قازاق حۋاچياۋدىڭ تۋىسى دارىنقان ەرعالي ۇلى تەبىرەنىپ.

  بىرلەسكەن دوستىق قيمىلى اياقتالعاننان كەيىن، سونداعى وتانعا ورالعان حۋاچياۋلاردىڭ تۋىس - تۋعاندارى قيمىلدا تۇسىرگەن تارتىمدى سۋرەتتەر مەن كەسكىندەردى شەتەلدەگى تۋىس - تۋعاندارىنا جولداپ، شەتەلدەگى تۋىس - تۋعاندارىن وتاننىڭ دامۋىنا ۇلەس قوسۋعا شاقىردى.

  (تىلشىلەرىمىز ليۋ جيڭ، لۋ فىڭباۋ، دۇڭ لياڭ، ميھىرگۇل ناسىر، ەرىكتى تىلشىلەر دۇڭ چىڭجۇڭ، تايىرجان تۇرسىن، شيا يۇيپيڭ، نيۋ جىنيە، ۋاڭ زىچي، جاڭ يۇيليڭ، جاڭ يۇڭ جازعان)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى