شاعانتوعاي اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى
ادالبەك قۇرمان ۇلى
مەن حانزۋ، موڭعۇل، قازاق قاتارلى كوپ ۇلت شوعىرلى قونىستانعان قوبىقسارى موڭعۇل اۆتونوميالى اۋدانىندا تۋدىم. اكەم مەملەكەت كادرى، ساقا پارتيا مۇشەسى، كەزىندە «مەملەكەت بويىنشا ۇلتتار ىنتىماعىنداعى وزات جەكە» داڭقىن العان. مەن 1994 - جىلى شينجياڭ داشۋەسىنەن بىتىرگەننەن كەيىن، اۋىلعا قايتىپ مەملەكەت قىزمەتكەرى بولدىم، پارتيانىڭ باۋلۋى مەن سەنىم ارتۋىنىڭ ارقاسىندا، قاراپايىم كادردان قازىرگى قىزمەت ورنىما كوتەرىلدىم. مەن پارتياعا العىس ايتامىن، ۇلى وتانعا العىس ايتامىن، سوتسياليستىك قوعامعا العىس ايتامىن. مەن وسى العىس ايتۋ سەزىمىمدى تاباندىلىقپەن قىزمەت ىستەۋدىڭ، بار ىنتا - پەيىلمەن حالىق ءۇشىن قىزمەت ەتۋدىڭ قوزعاۋشى كۇشىنە جانە ىستىق ىقىلاسىنا اينالدىرىپ، وتان تۇتاستىعىن قورعاۋدى، ۇلتتىق بولشەكتەۋشىلىككە قارسى تۇرۋدى، ۇلتتار ىنتىماعىن قورعاۋدى، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدى ءبىرىنشى جاۋاپكەرشىلىگىم دەپ بىلەمىن.
تاياۋ جىلداردان بەرى، «ءۇش ءتۇرلى كۇش» «ۇلتتى» جەلەۋ ەتىپ، «ءدىن» تونىن جامىلىپ، ادامگەرشىلىككە جات سۇرقيالىققا باستى، ولاردىڭ قىلمىستىق ارەكەتى ادامزاتقا قارسى، قوعامعا قارسى، وركەنيەتكە قارسى شىققاندىق، ولار ءار ۇلت حالقىنىڭ وتاسا المايتىن قاس جاۋى. «ەكىبەتكەيلەر» يدەيا جاقتان «ءۇش ءتۇرلى كۇشپەن» بىرگە بۇزاقىلىق ىستەپ، ساياسي جاقتا ەكى كەمەنىڭ قۇيرىعىن ۇستاپ، كورىنىستە بەلسەندى، تاباندى بولعانسىعانىمەن، كومەسكىدە پوزيتسيادا ءدۇدامالدىق ىستەپ، كوممۋنيستىك پارتيانىڭ اسىن ءىشىپ، كوممۋنيستىك پارتيانىڭ قازانىن شاقتى، ولار ادامداردىڭ بارلىعى قارعىس جاۋدىراتىن، جيىركەنەتىن، زىعىردانى قاينايتىن ۋلى وسپە.
پارتيالى كادر رەتىندە، «ءۇش ءتۇرلى كۇشتىڭ» بولشەكتەۋىنە، بۇلدىرۋىنە، «ەكىبەتكەيلەردىڭ» قاسكۇنەمدىگىنە، سايقالدىعىنا قارسى مەن تايسالماستان سوعىس جاريالاپ، بولشەكتەۋشىلىككە قارسى تۇرۋ كۇرەسىنىڭ قايسار جاۋىنگەرى بولۋعا تالپىنامىن. مەن ءار ۇلت بۇقاراسىن ادىلەت ءۇنى، ءبىرىڭعاي ارەكەت ارقىلى باتىلدىقپەن، تاباندىلىقپەن بارلىق بولشەكتەۋشىلىك يدەياسىنا جانە ءسوز - ارەكەتتەرگە سوعىس جاريالاۋعا ىنتىماقتاستىرا باستاپ، تامىرىنا بالتا شابۋ، جاماندىقتى ءبىرجولاتا تيۋ سەنىمى ارقىلى «ءۇش ءتۇرلى كۇشكە»، «ەكىبەتكەيلەرگە» باتىل سوققى بەرەمىن، استە جان اشىرلىق ىستەمەيمىن، ولارمەن سوڭىنا دەيىن قاندى شايقاس جاساۋعا انت ەتەمىن! «ءۇش ءتۇرلى كۇشتى»، «ەكىبەتكەيلەردى» تامىرىمەن قوپارىپ، ءبىرجولاتا الاستاپ، تىپ - تيپىل قۇرتىپ، ولاردى حالىقتىق سوعىستىڭ تەلەگەي تەڭىزىنە باتىرامىن.
ۇگىت شەبىندەگى پارتيالى كادر رەتىندە، مەن باستاماشىلدىقپەن باتىل ءۇن قاتىپ، ايقىن پوزيتسيا بىلدىرەمىن، يدەولوگيا سالاسىنداعى بولشەكتەۋشىلىككە قارسى تۇرۋ كۇرەسىن بەلسەندىلىكپەن ورىستەتىپ، ارتىقشىلىعىمدى ساۋلەلەندىرىپ، بۇقاراعا قىزمەت وتەپ، بۇقاراعا تاربيە بەرىپ، بۇقارانى اتتانىسقا كەلتىرىپ، قالىڭ بۇقارانىڭ قىراعىلىقتى ارتتىرىپ، دۇرىس پەن بۇرىستى ايقىن اجىراتىپ، كۇڭگىرت تانىمداردى جويىپ، يدەياداعى ورتاق تانىمدى ۇيىستىرۋىنا كومەكتەسەمىن. مەن ءار ۇلت بۇقاراسىن سەلبەسە كۇرەس جۇرگىزىپ، ءارقانداي ادامنىڭ، ءارقانداي ۇيىمنىڭ ءارقانداي ۋاقىتتا، ءارقانداي فورمامەن شينجياڭنىڭ ءارقانداي ءبىر سۇيەم جەرىن ۇلى وتانىمىزدىڭ قۇشاعىنان ءبولىپ اكەتۋىنە استە جول قويماۋعا ويداعىداي تاربيەلەيمىن، جەتەلەيمىن.
ءوز باسىمنان ونەگە كورسەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن باستاماشىلدىقپەن ۇيرەنەمىن، ۇگىتتەيمىن، دايەكتىلەندىرەمىن، سوتسياليستىك وزەكتى قۇن كوزقاراسىن زور كۇشپەن ۇگىتتەپ، ءار ۇلت بۇقاراسىن ماركسيزمدىك مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتۋعا تاربيەلەيمىن، جەتەكشىلىك ەتەمىن، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتىپ، «بەستى شىنايى مويىنداۋدى» كۇشەيتىپ، ۇلتتار ىنتىماعىنىڭ اڭگىمەسىن جاقسى بايانداپ، پارتيانىڭ حالىققا ءتيىمدى ساياساتىن بەلسەنە، ويداعىداي ۇگىتتەپ، ءار ۇلت بۇقاراسىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستايمىن. پارتيانىڭ يدەولوگيا قىزمەتى جونىندەگى ورنالاستىرۋلارىن باتىل دايەكتىلەندىرىپ، تياناقتاندىرىپ، جاڭا جاعداي اياسىنداعى ۇگىت، قوعامدىق پىكىر قىزمەتىن جاقسى ىستەۋ قابىلەتىمدى شىنايى كۇشەيتىپ، قوعامدىق پىكىردىڭ جەتەكشى ۇقىعىن مىقتاپ يگەرىپ، وڭ ەنەرگيا تاراتىپ، نەگىزگى اۋەندى اسقاقتاتىپ، تاماشا قوعامدىق پىكىر ورتاسىن قالىپتاستىرىپ، يدەولوگيا سالاسىنىڭ حاۋىپسىزدىگىنە كەپىلدىك ەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا بار كۇشىمدى ارنايمىن.
