اقتاۋ اۋدانى تورتاي ەگىس الاڭى پارتكومىنىڭ ورىنباسار شۋجيى، ەگىس الاڭى باستىعى
بولاتجان تالىپ
پارتيالى كادر رەتىندە، مەن قازىر شينجياڭداعى ەڭ ماڭىزدى قىزمەتتىڭ قوعام ورنىقتىلىعى مەن باياندى تىنىشتىقتى قورعاۋ ەكەندىگىن جەتە تانىدىم. وتاننىڭ تۇتاستىعىن، شينجياڭنىڭ ورنىقتىلىعىن، ۇلتتار ىنتىماعىن قورعاۋدا، ءسوز جوق، ۇلتتىق بولشەكتەۋشىلىككە مىزعىماي قارسى تۇرۋ كەرەك. ۇلتتىق بولشەكتەۋشىلىككە قارسى باتىل كۇرەس بولمايىنشا، ۇلتتار ىنتىماعىنىڭ تاماشا جالپى جاعدايى بولماق ەمەس، شينجياڭنىڭ ورنىقتىلىعى مەن دامۋى دا بولماق ەمەس.
جاقىنعى جىلداردان بەرى، شەكارا ءىشى - سىرتىنداعى «ءۇش ءتۇرلى كۇش» شينجياڭنىڭ جاراسىمدى دا ورنىقتى تاماشا قوعامدىق جاعدايىن بۇلدىرۋگە بار ايلاسىن سالىپ، ءدىني ۇشقارى يدەيانى ۋاعىزداپ، زورلىقتى كۇش لاڭكەستىك دەلولار تۋدىرىپ، ۇلتتىق وشپەندىلىككە جەلىكتىردى. ءدىني ۇشقارى يدەيانىڭ الجاستىرۋىنا ۇشىراعان ءىشىنارا بۇقارا «ءۇش ءتۇرلى كۇش» جاعىنان پايدالانىلىپ، پارتياعا قارسى، حالىققا قارسى قايتا ورالماس جولعا ءتۇسىپ، ەڭ سوڭىندا شاڭىراعى ورتاسىنا ءتۇسىپ، جاقىنىنان ايىرىلدى، ۇيىندەگىلەر تورعايداي توزدى، ولار قوعامعا جانە بەيكۇنا بۇقاراعا دا وراسان زور ازاپ اكەلدى. كادرلار قوسىنى اراسىنداعى «ەكىبەتكەيلەر» − «ءۇش ءتۇرلى كۇشتىڭ» قولشوقپارى جانە پەردە ارتىنداعى قاراقولى، ولار بىزگە ءتىپتى اۋىر زيان سالدى.
ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، تياناقتاندىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ «كەشەندى شارالارىن» باتىلدىقپەن جۇرگىزىپ، «ءۇش ءتۇرلى كۇشكە»، «ەكىبەتكەيلەرگە» بارار جەر، باسار تاۋ قالدىرماۋىمىز كەرەك. ءبىز تۋىمىز ايقىن تۇردە «ءۇش ءتۇرلى كۇشكە» سايىس جاريالاپ، تاباندىلىقپەن، باتىلدىقپەن «ءۇش ءتۇرلى كۇشپەن» سوڭىنا دەيىن قاندى شايقاس جۇرگىزىپ، ولاردى حالىقتىڭ سوتىنا تارتىپ، بارلىق ادام بەتىنە تۇكىرىپ، ماڭگى لاعىنات ايتاتىن كۇيگە قالدىرۋىمىز كەرەك.
ۇلتتار ىنتىماعى − شينجياڭداعى ءار ۇلت حالقىنىڭ جانى، ءبىزدىڭ بارلىق قىزمەتتى جاقسى ىستەۋىمىزدىڭ ءتۇبىرلى العى شارتى جانە كەپىلى. ۇلتتاردىڭ بەرەكە -بىرلىكتە تاتۋ ءوتۋى بولماسا، قوعامنىڭ تىنىشتىعى، ىنتىماقتىلىعى بولماق ەمەس؛ قوعامنىڭ تىنىشتىعى، ىنتىماقتىلىعى بولماسا، مەملەكەتتىڭ گۇلدەنۋى، دامۋى بولماق ەمەس؛ مەملەكەتتىڭ گۇلدەنۋى، دامۋى بولماسا، ءار ۇلتتىڭ گۇلدەنىپ - كوركەيۋى بولماق ەمەس. ۇلتتار ىنتىماعى، قوعام ورنىقتىلىعى − زامانا بەتالىسى، جۇرت قالاۋى. ءبىز ءار ۇلت بۇقاراسىن ماركسيزمدىك مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتۋعا، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتۋعا، «بەستى شىنايى مويىنداۋدى» كۇشەيتۋگە تاربيەلەۋىمىز، باستاۋىمىز، ءار ۇلت بۇقاراسىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستاۋىمىز كەرەك.
قول ۇستاسىپ، ناقتى ارەكەتىمىزبەن «ءۇش ءتۇرلى كۇشتىڭ»، «ەكىبەتكەيلەردىڭ» سۇرقيا قاسكۇنەمدىگىن تالقانداپ، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن جۇزەگە اسىرۋعا ءوزىمىزدىڭ بارلىق كۇش - قۋاتىمىزدى ارنايىق.
