گازەتىمىزدىڭ حابارى. تاياۋدا شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورتالىقتىڭ «سەگىز ءتۇرلى بەلگىلەمەسىنىڭ» رۋحىنا قايشىلىق جاساعان 6 تيپتىك ماسەلەنى اشىق جاريالادى. بۇل 6 تيپتىك ماسەلە مىنالار:
1. مارالباسى اۋدانى سەرىقبۇيا قالاشىق پارتكومىنىڭ ورىنباسار شۋجيى ابدىكەرىم ادىلدىڭ بەلگىلەمەگە قايشىلىق جاساپ تارتۋ - تارالعى قابىلداۋى سياقتى ماسەلەلەرى. 2016 - جىلى 7 - ايدان 2017 - جىلى 4 - ايعا دەيىن، ابدىكەرىم ادىل باسقارۋ، قىزمەت وتەۋ وبيەكتىلەرىنىڭ تامىر - تانىس بولۋى ءۇشىن بەرگەن قۇنى 8500 يۋاننان اساتىن ۋقالاۋ ورىندىعى، كيىم - كەشەك سياقتى تارتۋ - تارالعىسىن كوپ رەت قابىلداعان ءارى جەكە اۆتوكولىگىن اشەكەيلەۋ قاراجاتتارى ءۇشىن جۇمسالعان ءوزى تولەۋگە ءتيىستى جالپى 10 مىڭ 500 يۋان اقشانى قارسى جاقتىڭ كوتەرۋىنە ورنالاستىرعان. مۇنان تىس، ابدىكەرىم ادىلدە تارتىپكە قايشىلىق جاساعان باسقا دا ماسەلەلەر ساقتالعان. 2018 - جىلى 8 - ايدا ابدىكەرىم ادىلگە پارتيا ىشىندە قاتاڭ ەسكەرتۋ جازاسى بەرىلدى.
2. قۇمىل قالاسى يجوۋ رايوندىق حالىق سوتى مەكەمەسى پارتيا باسشىلىق گرۋپپاسىنىڭ بۇرىنعى مۇشەسى، ءبولىم دارەجەلى سوتشىسى داڭ حۇيفۋدىڭ بەلگىلەمەگە قايشىلىق جاساپ قىزىنىڭ ۇيلەنۋ تويىن وتكىزۋ ماسەلەسى. 2017 - جىلى 4 - ايدىڭ 30 - كۇنى، 5 - ايدىڭ 1 - كۇنى داڭ حۇيفۋ قىزىنىڭ ۇيلەنۋ تويىنا قاتىستى ىستەردى ۇيىمعا شىنايى مالىمدەمەگەن جاعدايدا، جەكە - جەكە ءوزى جانە قۇداسى توي وتكىزگەن ورايدان پايدالانىپ، تويعا تۋىس - تۋعان، دوس - جاراندارىنان جانە ءوزى باسقاراتىن، قىزمەت وتەيتىن وبيەكتىلەردەن بەلگىلەنگەن كولەمنەن اسىرىپ جالپى 340 ادام شاقىرعان، بەلگىلەمەگە قايشىلىق جاساپ ءوزى باسقاراتىن، قىزمەت وتەيتىن 24 وبيەكتىنىڭ ۇسىنعان 18 مىڭ 800 يۋان تارتۋ - تارالعىسىن قابىلداعان. مۇنان تىس، داڭ حۇيفۋدا تارتىپكە قايشىلىق جاساعان باسقا دا ماسەلەلەر ساقتالعان. 2018 - جىلى 9 - ايدا داڭ حۇيفۋعا پارتيا ىشىندەگى مىندەتىنەن الۋ، اكىمشىلىك مىندەتىنەن قالدىرۋ جازاسى بەرىلدى.
3. قورعاس اۋدانى شىندىقوزى قالاشىعى پارتكومىنىڭ مۇشەسى، قارۋلى ءبولىمنىڭ باستىعى سۇن يانجۇننىڭ بەلگىلەمەگە قايشىلىق جاساپ ءوزى باسقاراتىن، قىزمەت وتەيتىن وبيەكتىلەردىڭ قوناعاسىن قابىلداۋ ماسەلەسى. 2015 - جىلى 8 - ايدا، 2016 - جىلى 8 - ايدا اسكەر قابىلداۋ قىزمەتى كەزىندە سۇن يانجۇن اسكەرگە قابىلداۋ وبيەكتىسىنىڭ تۋىسىنىڭ قوناعاسىسىن 2 رەت قابىلداپ، قوعامدا ناشار ىقپال تۋدىرعان. 2018 - جىلى 7 - ايدا سۇن يانجۇنگە پارتيا ىشىندە قاتاڭ ەسكەرتۋ جازاسى بەرىلدى.
4. ىلە تاس جول باسقارۋ مەكەمەسى نىلقى بولىمشەسى پارتيا باسشىلىق گرۋپپاسىنىڭ بۇرىنعى شۋجيى، ورىنباسار مەكەمە باستىعى ۋاڭ لەيدىڭ جەكە قول تەلەفون اقىسىن ۇكىمەت اقشاسىمەن تولەۋ سياقتى ماسەلەلەرى. 2016 - جىلى 5 - ايدان 2018 - جىلى 4 - ايعا دەيىن ۋاڭ لەي قىزمەت قولايلىلىعىنان پايدالانىپ، جەكە قول تەلەفونىنىڭ اقىسىن تولەۋدى مەكەمەنىڭ قىزمەت تەلەفونىمەن، كەڭ ارناسىمەن ماتاپ، جەكە ۇستىنە الۋعا ءتيىستى جالپى 4800 يۋان قول تەلەفون اقىسىن ۇكىمەت اقشاسىمەن تولەگەن؛ بەلگىلەمەگە قايشىلىق جاساپ ۇكىمەت اۆتوموبيلىن پايدالانىپ، تالاي رەت قۇلجا قالاسىنا تۋىسشىلاپ بارىپ - كەلگەن. 2018 - جىلى 9 - ايدا ۋاڭ لەيگە پارتيا ىشىندە ەسكەرتۋ بەرۋ، اكىمشىلىك ەسكەرتۋ بەرۋ جازاسى بەرىلدى ءارى مىندەتىنەن قالدىرىلدى.
5. بۇراتالا موڭعۇل اۆتونوميالى وبلىسى مەملەكەت جەر بايلىعى مەكەمەسى پارتيا باسشىلىق گرۋپپاسىنىڭ بۇرىنعى مۇشەسى، ورىنباسار مەكەمە باستىعى چەرىنباتتىڭ بەلگىلەمەگە قايشىلىق جاساپ ۇكىمەت اۆتوموبيلىن ۇلەستىرۋ ماسەلەسى. 2015 - جىلى 12 - ايدا چەرىنبات اراسان اۋدانى مەملەكەت جەر بايلىعى مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى مىندەتىن وتەگەن كەزىندە مەكەمەنىڭ ۇكىمەت اۆتوموبيلىنىڭ سانى تولعان جانە اۆتوموبيل ساتىپ الۋ قاراجاتى بولماعان جاعدايدا، ۇكىمەتتىك ساتىپ الۋ تارتىبىنەن جالتارىپ، جەر رەتتەۋ سياقتى نىسان قاراجاتتارىنان جالپى 271 مىڭ 100 يۋاندى باسقاعا پايدالانىپ، مەملەكەت مەنشىگىندەگى كاسىپورىن اتىمەن بەلگىلەمەگە قايشىلىق جاساپ ءبىر دالالىق اۆتوموبيل ساتىپ العان. 2018 - جىلى 8 - ايدا چەرىنباتقا پارتيا ىشىندە قاتاڭ ەسكەرتۋ جازاسى بەرىلدى ءارى مىندەتىنەن قالدىرىلدى.
6. ءۇرىمجى قالاسى ميدۇڭ رايوندىق قوعام حاۋىپسىزدىگى بولىمشە مەكەمەسى تەرەكتى ساقشى بولىمشەسىنىڭ حالىق ساقشىسى ۋاڭ يۇڭجيەنىڭ ۇكىمەت اۆتوموبيلىن جەكە شارۋاعا پايدالانۋ ماسەلەسى. 2018 - جىلى 8 - ايدا ۋاڭ يۇڭجيە مەكەمەنىڭ ساقشى اۆتوموبيلىمەن تۋىسىن ءۇرىمجى قالاسى شىرىنگوۋ كورىنىس رايونىنا اپارعان. 2018 - جىلى 8 - ايدا ۋاڭ يۇڭجيەگە اكىمشىلىك ايىپ جازىلدى.
جوعارىداعى 6 تيپتىك ماسەلە پارتيانى جاپپاي قاتاڭ جونگە سالۋدىڭ، ستيلدى ۇزدىكسىز دۇرىستاپ، ءتارتىپتى قاتايتۋدىڭ تەگەۋرىندى جاعدايىندا دا از ساندى پارتيالى كادرلاردىڭ ساياسي تانىمى ءالسىز، ءتارتىپ كوزقاراسى كەمشىل بولعاندىعىن، وزىنە تيىم سالماي، قولىن تارتپاي، ءتۇر - ءتۇسىن وزگەرتىپ «ءتورت ءتۇرلى بۇرىس ستيلمەن» اينالىسقانىن اڭىس ەتتى، كەيبىرەۋى بەلگىلەمەگە قايشىلىق جاساپ توي وتكىزگەن، ءوزى باسقاراتىن، قىزمەت وتەيتىن وبيەكتىلەرىن تويعا قاتىناسۋعا شاقىرعان؛ كەيبىرەۋى جەكە قول تەلەفونىن قىزمەت تەلەفونىمەن ماتاپ، تەلەفون اقىسىن ەسەپتەن كوتەرگەن؛ كەيبىرەۋى بۇرىنعىداي ءوزى باسقاراتىن، قىزمەت وتەيتىن وبيەكتىلەرىنىڭ قوناعاسىسىن قابىلداپ، تارتۋ - تارالعىسىن، اقشاسىن العان، جۇرەگىندە يمەنۋ، ارەكەتىندە قاعيدا جوق، ءوز بىلگەنى بويىنشا ىستەپ، «قىزىل سىزىقتى» قايتا - قايتا باسقان، ءسوز جوق، ءتارتىپ بويىنشا، بەلگىلەمە بويىنشا قاتاڭ تەكسەرىپ ءبىر جاقتى ەتۋ كەرەك.
بۇكىل رايونىمىزداعى جالپى پارتيالى كادرلار اشىق جاريالاعان تيپتىك ماسەلەلەرگە سانالىلىقپەن سالىستىرىپ، ساباق قابىلداپ، وسىدان عيبىرات الىپ، پارتيالىلىق كوزقاراستى كۇشەيتىپ، ءتارتىپ تالابىن قاتايتىپ، اناعۇرلىم جوعارى ولشەممەن، اناعۇرلىم قاتاڭ تالاپپەن ورتالىقتىڭ «سەگىز ءتۇرلى بەلگىلەمەسىنىڭ» رۋحىن تياناقتاندىرۋ كەرەك. ءار دارەجەلى پارتيا ۇيىمدارى باس شۋجي شي جينپيڭنىڭ ورتالىقتىڭ «سەگىز ءتۇرلى بەلگىلەمەسىنىڭ» رۋحىن ىشكەرىلەي تياناقتاندىرۋ، «ءتورت ءتۇرلى بۇرىس ستيلدى» توقتاۋسىز تۇزەتۋ جونىندەگى ءبىر قىدىرۋ ماڭىزدى سوزدەرى مەن نۇسقاۋلارىنىڭ رۋحىن باتىل دايەكتىلەندىرىپ، تياناقتاندىرىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن شىنايى ارقالاپ، ستيل قۇرىلىسىنداعى سۋبيەكتيۆتىك جاۋاپكەرشىلىكتى مۇقيات اتقارىپ، ءوز ءوڭىرىنىڭ، ءوز تاراۋىنىڭ، ءوز مەكەمەسىنىڭ «ءتورت ءتۇرلى بۇرىس ستيلدى» تۇزەۋ قىزمەتىن بۇلجىماي يگەرىپ، پارتيانى باسقارۋدى، پارتيانى جونگە سالۋدى شىن مانىندە سوڭىنا دەيىن يگەرۋگە، ەرەكشە قاتايتۋعا كەپىلدىك ەتۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى باقىلاۋ، ءتارتىپتى اتقارۋ، جاۋاپكەرشىلىگىن قۋزاستىرۋ مىندەتىن مۇقيات اتقارىپ، «ءتورت ءتۇرلى بۇرىس ستيل» ماسەلەسىن قاداعالاپ، مۇلدە جول بەرمەۋ، استە ىعىنا جىبەرمەۋ كەرەك. ورتالىقتىڭ «سەگىز ءتۇرلى بەلگىلەمەسىنىڭ» رۋحىن كوزگە ىلمەي، وزىنە تيىم سالماي، قولىن تارتپاعانداردى ءبىرى بايقالسا ءبىرىن قاتاڭ جازالاۋ؛ «جاناسالاي ءوتۋ»، «كورىنبەيتىن كيىم» كيۋ سياقتى تاسىلدەرمەن ۇيىمنىڭ باقىلاۋىنان جالتاراتىن كومەسكى، وزگەشەلەنگەن ماسەلەلەردى تەرەڭ قازىپ، ەگجەي - تەگجەيلى تەكسەرىپ، قاتاڭ ءبىر جاقتى ەتۋ كەرەك؛ پارتيا 19 - قۇرىلتايىنان كەيىن دە تالاي رەت تاربيە بەرىلسەدە تۇزەتپەگەندەردى بەلگىلەمە بويىنشا، ءتارتىپ بويىنشا قاتاڭ ءبىر جاقتى ەتىپ، باتىل تۇردە حابارلاندىرىپ جاريالاۋ كەرەك؛ ورتالىقتىڭ «سەگىز ءتۇرلى بەلگىلەمەسىنىڭ» رۋحىن دايەكتىلەندىرۋدە دارمەنسىزدىك تانىتقان، «ءتورت ءتۇرلى بۇرىس ستيلى» كورنەكتى جەرلەر مەن ورىنداردىڭ قاتىستى باسشى كادرلارىنىڭ جاۋاپكەرشىلىگىن قاتاڭ قۋزاپ، سوڭىنا سوزىلعان سايىن «ءتورت ءتۇرلى بۇرىس ستيل» ماسەلەسىنە ونان ارى ءجىتى قاداعالاۋدىڭ، ءتارتىپتى ونان ارى قاتايتۋدىڭ كۇشتى سيگنالىن ۇزبەي تاراتۋ كەرەك.
