ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

«كەدەيلەردى سۇيەمەلدەۋ كەپتەرى» كەدەيلىكتەن ارىلۋ ارمانىن جۇزەگە اسىردى

ءتىلشى جىن شىشين

  10 - ايدىڭ 18 - كۇنى نىلقى اۋدانى سۇپتاي اۋىلى كىشىسۇپتاي قىستاعىنداعى ەتتى كەپتەر باعىمشىلىعى، ءوسىرۋ كووپەراتيۆىندە جۇمىس ىستەيتىن ەلنۇر توحتى كەپتەرلەردىڭ ءوسىپ - جەتىلۋ جاعدايىن مۇقيات تەكسەرە ءجۇرىپ، تىلشىگە بىلاي دەدى: كوپشىلىك مىنا كەپتەرلەردى اسىلعا بالاپ، «كەدەيلەردى سۇيەمەلدەۋ كەپتەرى» دەپ اتاپ كەتتى.

  ەلنۇر كىشىسۇپتاي قىستاعىنىڭ ارحيۆ تۇرعىزىلىپ، كارتچكا بەرىلگەن كەدەي وتباسى. بيىل جىل باسىندا، ىلە قازاق اۆتونوميالى وبلىستىق قازىنا - ساۋدا مەكتەبىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرعان قىزمەت اترەتىنىڭ كومەگىندە، ول كووپەراتيۆكە كەلىپ جۇمىس ىستەدى، قىزمەت اترەتى ونىڭ 10 مىڭ يۋاندىق ءوسىمسىز قارىز اقشا الۋ ماسەلەسىن شەشىپ بەرىپ، 25 جۇپ اسىل تۇقىمدى كەپتەردىڭ قۇنى رەتىندە كووپەراتيۆكە جارنا قوستى، 3 جىلدان كەيىن قوسقان قارجىسى قايتارىلادى. قىستاقتا تاعى ەلنۇر سياقتى 45 كەدەي وتباسى ءوسىمى الدىن الا تولەنەتىن قارىز اقشا الۋ فورماسىمەن كووپەراتيۆكە قارجى قوستى، مۇنىڭ ىشىندە 11 ادام كووپەراتيۆكە جۇمىسشىلىققا قابىلداندى.

  سۇپتاي اۋىلىنىڭ ورىنباسار باستىعى ۋاڭ حۋايچيڭنىڭ تانىستىرۋىنشا، وسىندا جۇمىس ىستەپ جاتقان كەدەي جۇمىسشىلار ايىنا 1800 يۋان ەڭبەكاقى الادى ەكەن. كووپەراتيۆ تاعى باعىمشىلىققا جەتەكشىلىك ەتەتىن ارناۋلى مامان ۇسىنىس ەتىپتى. ەلنۇر: وتباسىمىزدىڭ ماڭىندا جۇمىس ىستەپ، وتباسىمىزعا قارايلاسىپ، تەحنيكا ۇيرەندىك، ەڭ ماڭىزدىسى، تۇراقتى كىرىس تاپتىق، كەدەيلىكتەن ارىلۋ ارمانىمىز جۇزەگە اسا باستادى، - دەدى.

   ۇعىسۋعا قاراعاندا، جۋىق جىلداردان بەرى نىلقى اۋدانى كەدەيلەردى دالمە - ءدال سۇيەمەلدەۋدى ءتۇيىن ەتىپ، تەحنيكانىڭ تەتىگىن مەڭگەرگەندەر كاسىپ سالاسىن باس بولىپ دامىتىپ، «كووپەراتيۆ + كەدەي وتباسىن» بىرىكتىرىپ كەدەيلەردى سۇيەمەلدەۋ فورماسىنان پايدالانىپ، كەدەي وتباسىلارى كاسىپكە سۇيەنە وتىرىپ كىرىستەرىن ارتتىرعان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى