تيانشان تورى
تيانشان تورى   ›   ۇيرەنۋ   ›   شولۋ

پارتيانىڭ ۇگىت - يدەيا قىزمەتىنە جاپپاي باسشىلىعىن شىنايى كۇشەيتەيىك

  − ۇگىت - يدەيا قىزمەتى جونىندەگى اۆتونوميالى رايوندىق ءماجىلىستىڭ رۋحىن ۇيرەنۋ، دايەكتىلەندىرۋ جونىندە (3)

  گازەتىمىزدىڭ شولۋشىسى

  جاڭا جاعدايدا، ۇگىت - يدەيا قىزمەتىن ويداعىداي ىستەۋدىڭ تەتىگى پارتيادا. باس شۋجي شي جينپيڭ ۇگىت - يدەيا قىزمەتى جونىندەگى مەملەكەتتىك ماجىلىستە «ۇگىت - يدەيا قىزمەتىنە پارتيانىڭ جاپپاي باسشىلىعىن كۇشەيتىپ، ۇگىتتى پارتيا باسقارۋعا، يدەولوگيانى پارتيا باسقارۋعا تۋى ايقىن تۇردە تاباندى بولۋ كەرەك» دەپ باسا دارىپتەدى. بۇل ۇگىت - يدەيا شەبىندە پارتيانىڭ باسشىلىعى مەن پارتيا قۇرىلىسىن كۇشەيتۋگە قويىلعان ايقىن تالاپ. ءبىز يدەيا مەن ارەكەتتى باس شۋجيدىڭ ۇگىت - يدەيا قىزمەتى جونىندەگى ماڭىزدى نۇسقاۋىمەن باتىلدىقپەن، تاباندىلىقپەن بىرلىككە كەلتىرىپ، پارتيانىڭ يدەولوگيا قىزمەتىنە باسشىلىق ۇقىعىنا تاباندى بولىپ، پارتيانىڭ تۋىن ۇگىت - يدەيا شەبىندە اسقاقتاتا جەلبىرەتۋىمىز كەرەك.

  پارتيانىڭ باسشىلىعىن تۋى ايقىن تۇردە كۇشەيتۋ كەرەك. ءبىر باسشى كادردىڭ كەمەلىنە كەلگەن - كەلمەگەنىن، ماڭىزدى مىندەتتى ارقالاي الاتىن - المايتىنىن بايقاۋداعى ماڭىزدى ءبىر جاق ۇگىت - يدەيا قىزمەتىنە ءمان بەرگەن - بەرمەگەندىگىنە، شەبەرلىكپەن يگەرگەن - يگەرمەگەندىگىنە قاراۋ كەرەك؛ ءبىر دارەجەلى پارتكومنىڭ (پارتيا باسشىلىق گرۋپپاسى) ساياسيدا كۇشتى بولۋ - بولماۋىن، پارتيانى جاپپاي قاتاڭ جونگە سالۋعا تاباندى بولعان - بولماعاندىعىن بايقاۋدىڭ ماڭىزدى ولشەمى − ۇگىتتى پارتيا باسقارۋعا، يدەولوگيانى پارتيا باسقارۋعا تۋى ايقىن تۇردە تاباندى بولۋ - بولماۋى. ءار دارەجەلى پارتكوم (پارتيا باسشىلىق گرۋپپاسى) ساياسي جاۋاپكەرشىلىكتى جانە باسشىلىق جاۋاپكەرشىلىكتى ارقالاپ، ۇگىت - يدەيا قىزمەتىن جالپى جاعداي قىزمەتىندەگى ماڭىزدى ورىنعا قويىپ، ۇگىتتى پارتيا باسقارۋعا، يدەولوگيانى پارتيا باسقارۋعا تۋى ايقىن تۇردە تاباندى بولىپ، ۇگىت - يدەيا قىزمەتىنىڭ باسشىلىق ۇقىعىن مىقتاپ يگەرۋ كەرەك. ءار دارەجەلى ۇگىت - يدەيا تاراۋلارى ءوز جاۋاپكەرشىلىگىن ءبىلىپ، ءوز جاۋاپكەرشىلىگىن ارقالاپ، ءوز جاۋاپكەرشىلىگىن ادا ەتىپ، ۇنەمى پارتيا ورتالىق كوميتەتىنىڭ تالابىنا تۋرالانىپ، ۇنەمى پارتيا ورتالىق كوميتەتىنىڭ شينجياڭدى جونگە سالۋ جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدىڭ، تياناقتاندىرۋدىڭ تالابىمەن سالىستىرا وتىرىپ، پارىقتاردى، ولقىلىقتاردى تاۋىپ، جەتەكشىلىك ەتۋ، ۇيىمداستىرۋ، سايكەستىرۋ، قۋزاۋ - تەكسەرۋ جانە تياناقتاندىرۋدى يگەرۋ سياقتى قىزمەت مىندەتتەرىن ويداعىداي وتەۋ كەرەك.

  ۇگىت - يدەيا شەبىندە پارتيا قۇرىلىسىن جاپپاي ىلگەرىلەتۋ كەرەك. ۇگىت - يدەيا قىزمەتى − ساياسي قىزمەت، ۇلكەن - كىشى ىستەردىڭ بارىندە ساياسيدى دارىپتەۋ كەرەك. «ماڭگى جولدا بولاتىن» قايسارلىق پەن تاباندىلىقتى باستان - اياق ساقتاپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جاپپاي ىلگەرىلەتىپ، رايونىمىزدىڭ ۇگىت - يدەيا شەبىندە پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتۋ كەرەك. ساياسيدى دارىپتەۋدى ماڭداي الدى ورىنعا قويۋ تالابىنان جازباي، ادال، سەنىمدى بولۋدى ءبىرىنشى ولشەم ەتىپ، «ءتورت تانىمدى» مىقتاپ ورناتىپ، «ءتورت سەنىمدى» كۇشەيتىپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ساياسي تۇرعىدا، ساياسي باعداردا، ساياسي پرينسيپتە، ساياسي جولدا قاشاندا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن قاز - قالپىندا دايەكتىلەندىرۋ، تياناقتاندىرۋ كەرەك. پارتيانىڭ ۇگىت تارتىبىنە قاتاڭ بويسۇنىپ، پارتيا مەن حالىقتىڭ مۇددەسىن ماڭىزدى ورىنعا قويۋعا قاشاندا تاباندى بولىپ، دۇرىس ساياسي باعداردى قاي - قاشان دا مىقتاپ يگەرىپ، ساياسي سەزگىرلىكتى جانە ساياسي پارىقتاۋ قابىلەتىن جوعارىلاتىپ، بوگدە ۇندەردىڭ كەدەرگىسىنە، قاتە يدەيالاردىڭ ازدىرۋىنا ۇشىراماۋ كەرەك.

  ۇگىت - يدەيا شەبىنىڭ قوسىن قۇرىلىسىن كۇشەيتۋ كەرەك. ۇگىت - يدەيا قىزمەتىنە پارتيانىڭ جاپپاي باسشىلىعىن شىنايى كۇشەيتۋدە قابىلەت تەتىك. ۇگىت - يدەيا تاراۋلارىنىڭ باسشىلىق القاسىن جاقسى تاڭداپ، كۇشەيتىپ، باتىلدىقپەن يگەرەتىن، باتىلدىقپەن باسقاراتىن، يدەيا قىزمەتىن ىستەۋگە شەبەر تاڭداۋلى كادرلاردى ماڭىزدى باسشىلىق ورىنعا قويۋ كەرەك. جوعارى ساپالى، ماماندانعان كادر - دارىندىلار قوسىنىن قۇرىپ، رايونىمىزدىڭ ۇگىت - يدەيا شەبى كادر - دارىندىلارىن تاربيەلەۋدى، جەتىلدىرۋدى جانە امالياتتىق شىنىقتىرۋدى كۇشەيتىپ، ۇگىت - يدەيا كادرلارىنىڭ ءجۇرۋ، كورۋ، ويلاۋ، جازۋ قابىلەتتەرىن جاپپاي كۇشەيتىپ، ولاردى ۇگىت - يدەيا قىزمەتىنىڭ مامانىنا اينالدىرىپ، ساياسيدا ىسىلعان، قابىلەتى ۇستەم، شىندىققا جۇگىنىپ، جاڭالىق اشاتىن، جەڭىستى شايقاس جۇرگىزەتىن ۇگىت - يدەيا قىزمەتى قوسىنىن قۇلشىنا سومداۋ كەرەك.

  مەملەكەتتى جونگە سالۋ جۇيەسىنىڭ ۇلكەن شاحماتىندا پارتيا ورتالىق كوميتەتى قولباسشىلىق شتابىنداعى «شۋاي». جاڭا جاعدايدا ۇگىت - يدەيا قىزمەتىن ويداعىداي ىستەۋدە ءبىز ۇگىت - يدەيا قىزمەتىنە پارتيانىڭ جاپپاي باسشىلىعىن شىنايى كۇشەيتىپ، قىزمەت جاۋاپكەرشىلىگىن بەلسەنە وتەپ، باتىل جاۋاپكەرشىلىك ارقالاپ، ىسكەرىلىك كورسەتىپ، قايراتتانا رەفورما جاساپ، جاڭالىق اشىپ، پارتيا تۋىن ۇگىت - يدەيا شەبىندە اسقاقتاتا جەلبىرەتكەنىمىزدە عانا، نەگىزگى اعىمدى ونان ارى اسقاقتاتىپ، وڭ ەنەرگيانى ونان ارى تاسقىنداتىپ، ۇگىت - يدەيا قىزمەتىنىڭ تىڭ داستانىن ۇزدىكسىز جازا الامىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.