شينحۋا اگەنتتىگىنىڭ 11 - ايدىڭ 1 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى «2018 - جىلدان 2022 - جىلعا دەيىنگى بۇكىل مەملەكەت بويىنشا كادرلاردى تاربيەلەۋ، باۋلۋ جوباسىن» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايعا ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.
«جوبادا» مىنالار اتاپ كورسەتىلدى: كادرلاردى تاربيەلەۋدىڭ، باۋلۋدىڭ جەتەكشى يدەياسى − جۇڭگوشا سوتسياليزم ۇلى تۋىن بيىك ۇستاپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيا قۇرىلىسىنىڭ باس تالابىن مۇقيات تياناقتاندىرىپ، جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ، تياناقتاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ماڭداي الدى مىندەت ەتىپ، باس شۋجي شي جينپيڭنىڭ ۇيتقىلىق ورنىن باتىل قورعاۋدى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدى ەڭ جوعارى ساياسي پرينسيپ ەتۋ، مۇرات - سەنىمدى، نەگىزگى ماقساتتى بەكەمدەۋدى ءتۇبىر ەتۋ، بيلىك جۇرگىزۋ قابىلەتىن جاپپاي ءوسىرۋدى ءتۇيىن ەتۋ، ساياسي جاتتىعۋدى، ساياسي شىڭدالۋدى كورنەكتىلەندىرىپ، ساياسي سانانى، ساياسي قابىلەتتى جوعارىلاتۋدى تۇتاس بارىسپەن ساباقتاستىرىپ، ساياسيدى ءبىر تۇتاس باسشىلىققا الۋعا، جالپى جاعدايعا قىزمەت ەتۋگە تاباندى بولۋ، ءمورالدى الدىڭعى ورىنعا قويىپ، قابىلەتكە ءمان بەرۋگە تاباندى بولۋ، دالمە - ءدال باۋلۋعا، بارلىق كادردى قامتۋعا تاباندى بولۋ، رەفورما جاساپ، جاڭالىق اشۋعا، بىرگە قۇرىپ، بىرگە يگىلىكتەنۋگە تاباندى بولۋ، ءىس جۇزىندىك جاعدايعا بايلانىستىرۋعا، قاتاڭ باسقارۋعا تاباندى بولۋ، تۋ باستان باۋلۋ، ۇزبەي باۋلۋ، تۇتاس بارىستىق باۋلۋ سىندى ساپالىق باۋلۋ جۇيەسىن ورناتۋدى ارقاۋ ەتىپ، كادرلاردى تاربيەلەۋ، باۋلۋ رەفورماسىن تەرەڭدەتىپ، باۋلۋدىڭ باعىتتامالىلىعىن، ونىمدىلىگىن كۇش سالا جوعارىلاتۋ، كادرلاردى جوعارى ساپامەن تاربيەلەپ، باۋلىپ، پارتيا مەن مەملەكەت ىستەرىنىڭ دامۋىنا جوعارى ساپامەن قىزمەت ەتىپ، جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتۋدى، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى پارمەندى كەپىلدىكپەن قامتاماسىز ەتۋ.
«جوبادا» كادرلاردى تاربيەلەۋدىڭ، باۋلۋدىڭ باستى نىساناسى مەن ماڭىزدى كورسەتكىشى ەگجەي - تەگجەيلى العا قويىلىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى جونىندەگى تاربيەنى، باۋلۋدى جاپپاي ىشكەرىلەي ورىستەتۋ، باۋلۋ مازمۇنى جۇيەسىن كەمەلدەندىرۋ، تۇرگە، دارەجەگە ايىرىپ باۋلۋ جۇيەسىن ساپالىلاندىرۋ، باۋلۋدى قامتاماسىز ەتۋ جۇيەسىن كۇشەيتۋ، باۋلۋ ءتۇزىمى جۇيەسىن اقاۋسىزداندىرۋ، ۇيىمدىق باسشىلىق سياقتى جاقتارداعى قىزمەتتەرگە ناقتى ورنالاستىرۋ جاسادى.
