ءتاڭىرتاۋ تورابى   ›   جاڭالىقتار   ›   ەل ءىشى حابارى

ۋاڭ گۋاڭيىڭ جولداستىڭ سۇيەگى بەيجيڭدە ورتەلدى

  ۋاڭ گۋاڭيىڭ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن ۋاڭ گۋاڭيىڭ جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس - تۋعاندارىنا قايعىلى سەزىممەن كوڭىل ايتتى

 شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، حۋ جينتاۋ قاتارلىلار باباۋشان توڭكەرىستىك قابىرىستانىنا بارىپ سۇيەكپەن قوشتاستى

  شينحۋا اگەنتتىگىنىڭ 11 - ايدىڭ 2 - كۇنى بەيجيڭنەن بەرگەن حابارى. جۇڭگونىڭ وسى زامانعى ۇلتتىق ونەركاسىپ - ساۋدا سالاسىنداعىلاردىڭ ۇزدىك ۋاكىلى، ايگىلى قوعام قايراتكەرى، جۇڭگو دەموكراتيالىق مەملەكەت قۇرۋ قوعامىنىڭ جانە جۇڭحۋا مەملەكەتتىك ونەركاسىپ - ساۋدا بىرلەستىگىنىڭ كورنەكتى باسشىسى، جۇڭگو كوممۋنيستىك پارتياسىنىڭ جاقىن دوسى، مەملەكەتتىك 8 -، 9 - كەزەكتى حالىق قۇرىلتايى تۇراقتى كوميتەتىنىڭ ورىنباسار باستىعى، جۇڭگو حالىق ساياسي ءماسليحات كەڭەسى مەملەكەتتىك 6 -، 7 - كەزەكتى كوميتەتىنىڭ ورىنباسار ءتوراعاسى، جۇڭگو دەموكراتيالىق مەملەكەت قۇرۋ قوعامى 3 - كەزەكتى ورتالىق كوميتەتىنىڭ ۇنەمىلىك ىستەرگە جاۋاپتى ورىنباسار مەڭگەرۋشى مۇشەسى، جۇڭحۋا مەملەكەتتىك ونەركاسىپ - ساۋدا بىرلەستىگى 5 - ، 6 - كەزەكتى اتقارۋ كوميتەتىنىڭ ورىنباسار ءتوراعاسى، 7 - ، 8 - كەزەكتى اتقارۋ كوميتەتىنىڭ قۇرمەتتى ءتوراعاسى، جۇڭگو گۋاڭدا (توبى) باس سەرىكتەستىگىنىڭ بۇرىنعى قۇرمەتتى باس جوراسى ۋاڭ گۋاڭيىڭ جولداستىڭ سۇيەگى 11 - ايدىڭ 2 - كۇنى بەيجيڭ باباۋشان توڭكەرىستىك قۇرباندار قابىرىستانىندا ورتەلدى.

  ۋاڭ گۋاڭيىڭ جولداس 2018 - جىلى 10 - ايدىڭ 29 - كۇنى ساعات 21دەن 28 مينۋت وتكەندە بەيجيڭدە 100 جاسىندا ناۋقاستان قايتىس بولدى.

  ۋاڭ گۋاڭيىڭ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن ۋاڭ گۋاڭيىڭ جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس - تۋعاندارىنا قايعىلى سەزىممەن كوڭىل ايتتى.

  11 - ايدىڭ 2 - كۇنى تۇستەن بۇرىن، باباۋشان توڭكەرىستىك قۇرباندار قابىرىستانىنىڭ زالى قايعىلى ۇنسىزدىككە شومىپ، ازالى مۋزيكا باياۋ مامىرلاپ تۇردى. زالدىڭ ءتورىنىڭ جوعارعى جاعىنا «ۋاڭ گۋاڭيىڭ جولداسقا قايعىلى ازا بىلدىرەمىز» دەگەن اق ءتۇستى جازۋ جازىلعان قارالى كەرمە تۋ ىلىنگەن، كەرمە تۋدىڭ استىڭعى جاعىنا ۋاڭ گۋاڭيىڭ جولداستىڭ سۋرەتى قويىلعان. ۋاڭ گۋاڭيىڭ جولداستىڭ سۇيەگىنىڭ اينالاسىنا جايقالا اشىلعان الۋان گۇلدەر مەن ارشالار قويىلعان.

  تۇستەن بۇرىن ساعات 9دان 30 مينۋت وتكەندە، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، حۋ جينتاۋ قاتارلىلار ازالى مۋزيكا ءۇنى ىشىندە ۋاڭ گۋاڭيىڭ جولداستىڭ سۇيەگىنىڭ الدىنا باياۋ كەلىپ، ءۇنسىز تۇرىپ ازا ءبىلدىرىپ، ۋاڭ گۋاڭيىڭ جولداستىڭ سۇيەگىنە 3 رەت تاعزىم ەتتى، سونداي - اق ۋاڭ گۋاڭيىڭ جولداستىڭ تۋىس - تۋعاندارىمەن ءبىر - بىرلەپ قول الىسىپ، كوڭىل ايتتى.

   پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاستى جانە ءتۇرلى فورمالارمەن ازا ءبىلدىردى. ورتالىقتىڭ جانە مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ۋاڭ گۋاڭيىڭ جولداستىڭ كوزىنىڭ تىرىسىندەگى دوس - جاراندارى مەن اۋىلداستارىنىڭ ۋاكىلدەرى دە سۇيەكپەن قوشتاستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى