ءتاڭىرتاۋ تورابى   ›   جاڭالىقتار   ›   شينجياڭ حابارلارى

اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشتى ءارى نازاريا ۇيرەنۋ  وزەكتى گرۋپپاسىنىڭ توپتىق ۇيرەنۋىن وتكىزدى

ساياسي كەڭەستىڭ ارتىقشىلىعىن تولىق ساۋلەلەندىرىپ، جوعارى ساپالى دامۋعا دەم بەرەيىك

  ءتىلشىمىز لي ياڭ 11 - ايدىڭ 3 - كۇنى ۇرىمجىدەن حابارلايدى. 11 - ايدىڭ 2 - كۇنى تۇستەن كەيىن اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشتى جانە نازاريا ۇيرەنۋ وزەكتى گرۋپپاسىنىڭ توپتىق ۇيرەنۋىن وتكىزدى. 11 - ايدىڭ 2 - كۇنى تۇستەن بۇرىن اشىلعان اۆتونوميالى رايوندىق پارتكوم تۇراقتى كوميتەتى(كەڭەيتىلگەن) ءماجىلىسىنىڭ رۋحىن جەتكىزىپ، ۇيرەنىپ، ساياسي كەڭەستىڭ تياناقتاندىرۋ قىزمەتتەرىن ورنالاستىردى. اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ءتوراعا نۇرلان ءابىلماجىن ۇلى ءماجىلىستى باسقاردى ءارى ءسوز سويلەدى.

  ءماجىلىس مىنانى اتاپ كورسەتتى: ساياسي دەڭگەيدى اناعۇرلىم جوعارىلاتىپ، « ءتورت تانىمدى» كۇشەيتۋ، «ءتورت سەنىمدى» بەكەمدەۋ، «ەكىنى باتىل قورعاۋدى» ىسكە اسىرۋ كەرەك. يدەيا مەن ارەكەتتى باس شۋجي شي جينپيڭنىڭ كەزەكتەگى ەلىمىزدىڭ ەكونوميكالىق جاعدايى جونىندەگى عىلمي تۇجىرىمدارىمەن شىنايى بىرلىككە كەلتىرىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنا تاباندى بولىپ، جاڭا دامۋ ۇستانىمىن دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋى بويىنشا، ساياسي كەڭەستىڭ باسىمدىعى مەن رولىن تولىق ساۋلەلەندىرىپ، اناعۇرلىم سانالى تۇردە نازاردى باس نىساناعا شوعىرلاندىرىپ، باس نىساناعا قىزمەت ەتىپ، ءۇش ءىرى قامال الۋ شايقاسىن ويداعىداي جۇرگىزۋگە، ءۇش ءتۇرلى ءتۇيىندى قىزمەتتى ويداعىداي يگەرۋگە دەم بەرىپ، اۆتونوميالى رايوندىق پارتكومنىڭ ءتۇرلى ورنالاستىرۋلارىن، تالاپتارىن ساياسي كەڭەس قىزمەتىنىڭ ءتۇرلى جاقتارىندا جانە جالپى بارىسىندا قاز - قالپىندا دايەكتىلەندىرۋ، تياناقتاندىرۋ كەرەك.

  ءماجىلىس مىنانى باسا دارىپتەدى: نازاردى باس نىساناعا شوعىرلاندىرىپ، اۆتونوميالى رايوندىق پارتكومنىڭ ءتۇرلى ورنالاستىرۋلارىن، تالاپتارىن تىعىز ارقاۋ ەتە قىزمەتتى اتقارۋ، جاۋاپكەرشىلىكتى ادا ەتۋ كەرەك. قوعام ورنىقتىلىعىن قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ەتىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋ «كەشەندى شارالارىن» باتىل تياناقتاندىرىپ، قوعام ورنىقتىلىعى مەن باياندى تىنىشتىقتى جۇزەگە اسىرۋ ءۇشىن كومەكشى كۇشتى ۇستەۋ، بىرىككەن كۇشتى ارتتىرۋ كەرەك. جاڭا دامۋ ۇستانىمىن جالپى بەتتىك دايەكتىلەندىرىپ، اۋىر حاۋىپ - قاتەرلەردەن ساقتانۋ جانە ونى شەشۋ، كەدەيلىكتەن دالمە - ءدال ارىلتۋ، لاستانۋدان ساقتانۋ جانە ونى جونگە سالۋ سىندى ءۇش ءىرى قامال الۋ شايقاسىنىڭ جەڭىسىنە قول جەتكىزۋدى تىعىز ارقاۋ ەتە سىندارلى اقىل - كەڭەس بەرىپ، كۇش شىعارىپ، اۆتونوميالى رايوندىق پارتكومنىڭ ورنالاستىرۋىنا ساي، مۇشەلەر مەن مامان - وقىمىستىلاردى ۇيىمداستىرىپ، رايونىمىزدىڭ ەكونوميكالىق اينالىم جاعدايى جونىندە تالداۋ، تۇجىرىم جاساۋدى كۇشەيتىپ، وزىندىك كوزقاراسقا يە شارالار مەن ۇسىنىستاردى العا قويۋ كەرەك. اڭىستاردى ىرىقتىلىقپەن جيناقتاپ ءارى حالىقتىق كاسىپورىنداردىڭ دامۋدا جولىققان ءىس جۇزىندىك ماسەلەلەرىن شەشۋىنە كومەكتەسىپ، حالىقتىق كاسىپورىنداردىڭ دامۋىنا قاتىستى ساياساتتاردىڭ تياناقتانۋىنا بولعان دەموكراتيالىق باقىلاۋدى ويداعىداي ىستەۋ كەرەك. ورنىقتىلىقتىڭ پايداسىنان اناعۇرلىم جاقسى پايدالانىپ، ساياسي كەڭەستىڭ دارىندىلار توپتالعان، اقىل - پاراسات شوعىرلانعان باسىمدىعىن ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسى، اۋىل - قىستاقتى گۇلدەندىرۋ ستراتەگياسى، ساياحات كاسىبىن دامىتۋ سىندى ءۇش ءتۇرلى ءتۇيىندى قىزمەتتى ارقاۋ ەتىپ، ىشكەرىلەي تەكسەرۋ - زەرتتەۋ جۇرگىزىپ، ۇكىمەت ءىسىن بەلسەنە كەڭەسىپ، رايونىمىز ەكونوميكاسىنىڭ جوعارى ساپالى دامۋىنا دەم بەرۋ كەرەك. رەفورمانى تەرەڭدەتۋ، ەسىك اشۋدى كەڭەيتۋ بارىسىنداعى كەلەلى ماسەلەلەردى تىعىز ارقاۋ ەتىپ، بەلسەنە كەڭەسىپ، دالەلدەپ جانە سىندارلى اقىل - كەڭەس بەرىپ، رەفورمانى جاپپاي تەرەڭدەتۋدىڭ قۋاتتى وڭ ەنەرگياسىن مۇمكىندىكتىڭ بارىنشا ۇيىستىرۋ كەرەك.

  ءماجىلىس مىنانى باسا دارىپتەدى: ورگان ستيلى قۇرىلىسىن شىنايى كۇشەيتىپ، تاسقا تاڭبا، تەمىرگە تاپ قالدىراتىنداي رۋحپەن ءتۇرلى قىزمەتتەردى ناقتى يگەرۋگە، ىشكەرىلەي يگەرۋگە، ەگجەي - تەگجەيلى يگەرۋگە قۇلشىنۋ كەرەك. «قۇرىلىس جۇرگىزۋ اترەتىنىڭ باستىعى»، «قۇرىلىس جۇرگىزۋشى» بولىپ، فورماشىلدىقتى، تورەشىلدىكتى باتىل اۋىزدىقتاۋ، استە «قولى بوس قوجايىنعا اينالماۋ» كەرەك. اۆتونوميالى رايوندىق پارتكومنىڭ قىزمەت ورنالاستىرۋلارىنىڭ تياناقتانۋىن قاز - قالپىندا ويداعىداي يگەرىپ، تياناقتاندىرىپ، بيىلعى ءتۇرلى قىزمەت مىندەتتەرىن تابىستى ورىنداۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى