ءتاڭىرتاۋ تورابى   ›   جاڭالىقتار   ›   شينجياڭ حابارلارى

اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن اشتى

جوعارى ساپالى دامۋدى تاباندىلىقپەن ىلگەرىلەتەيىك

  ءتىلشىمىز جاۋ جىيۇن 11 - ايدىڭ 3 - كۇنى ۇرىمجىدەن حابارلايدى. 11 - ايدىڭ 3 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن باسقارىپ اشىپ، 11 - ايدىڭ 2 - كۇنى وتكىزىلگەن اۆتونوميالى رايوندىق پارتكوم تۇراقتى كوميتەتى(كەڭەيتىلگەن) ءماجىلىسىنىڭ رۋحىن جەتكىزىپ، ۇيرەنىپ، «شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ ەرەجەسى» جانە «شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭىن> اتقارۋ ءادىسى» سياقتىلاردى ۇيرەنىپ، اۆتونوميالى رايوندىق حالىق ۇكىمەتىنىڭ دايەكتىلەندىرۋ، تياناقتاندىرۋ شارالارىن اقىلداستى.

  ءماجىلىس مىنانى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ عىلمي تالداۋ جاساۋىمەن، تۇجىرىمىمەن، سونداي - اق شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، سەنىمدى بەكەمدەپ، قايراتتانا ۇمتىلىپ، جوعارى ساپالى دامۋدى تاباندىلىقپەن ىلگەرىلەتۋ كەرەك. اۆتونوميالى رايوندىق پارتكومنىڭ پارمەندى باسشىلىعىندا، نازاردى قوعام ورنىقتىلىعى مەن باياندى تىنىشتىق باس نىساناسىنا مىقتاپ شوعىرلاندىرىپ، تۇتاس جىلدىق قىزمەتتى مىقتى يگەرىپ، 4 - ماۋسىمداعى ەكونوميكالىق قىزمەتتى شىن مانىندە ويداعىداي يگەرىپ، ەكى باسشىلىق القانىڭ قىزمەت مەحانيزمىن تياناقتاندىرىپ، ءبىر تۇتاس جوبالاپ، تەڭ ءمان بەرىپ، ورنىقتىلىق، دامۋ سىندى 2 ءىرى ءىستى مىقتى يگەرۋ كەرەك. حالىقتىق شارۋاشىلىقتىڭ دامۋىن قولداۋ جاۋاپكەرشىلىك سەزىمى مەن كوكەي تەستىلىك سەزىمىن ونان ارى كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن بۇلجىتپاي ويداعىداي تياناقتاندىرىپ، حالىقتىق كاسىپورىنداردىڭ دامۋىن، كەمەلدەنۋىن قولداۋ ساياساتتىق شارالارىن ىشكەرىلەي تياناقتاندىرىپ، حالىقتىق كاسىپورىنداردىڭ تيجارات جۇرگىزۋ، دامۋ بارىسىندا ءدوپ كەلگەن بازار، قارجى قۇراۋ، تۇرلەنۋ سياقتى جاقتارداعى قيىنشىلىقتارى مەن ماسەلەلەرىن كورنەكتى شەشىپ، ۇكىمەت پەن ساۋدانىڭ شىنايى، كىرشىكسىز جاڭاشا قارىم - قاتىناسىن ورناتۋ تالابىن ناقتاپ تياناقتاندىرىپ، حالىقتىق كاسىپورىنداردىڭ دامۋىن قولداۋدى ماڭىزدى مىندەت ەتىپ، حالىقتىق شارۋاشىلىقتىڭ دامۋىنا اناعۇرلىم جاقسى دامۋ ورتاسىن جاراتىپ، ەكونوميكا مەن قوعامنىڭ باياندى، اقاۋسىز دامۋىن جەبەۋ كەرەك.

  ءماجىلىس مىنانى اتاپ كورسەتتى: جاساندى زەردەگە وسكەلەڭ دارەجەدە باسا ءمان بەرىپ، جاڭا داۋىردە جاساندى زەردەنىڭ دامۋىن جەدەلدەتۋدىڭ كەلەلى ءمانىن جەتە تانۋ كەرەك. اۆتونوميالى رايوندىق پارتكومنىڭ ورنالاستىرۋى بويىنشا، نازاردى قوعام ورنىقتىلىعى مەن باياندى تىنىشتىق باس نىساناسىنا مىقتاپ شوعىرلاندىرىپ، ەكونوميكا مەن قوعامنىڭ دامۋ قاجەتىن مىقتاپ ارقاۋ ەتىپ، جاساندى زەردە عىلىم - تەحنيكاسىندا جاڭالىق اشۋ قابىلەتىن جان - جاقتى كۇشەيتىپ، جاڭا داۋىردە جاساندى زەردەنىڭ اقاۋسىز دامۋىن قۇلشىنا جەبەۋ كەرەك.

  ءماجىلىس مىنانى تالاپ ەتتى: «شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ ەرەجەسى» مەن «شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭىن> اتقارۋ ادىسىنە» وزگەرىس ەنگىزۋى مەن اتقارۋدىڭ كەلەلى ءمانىن جەتە تانىپ، وسى ەكى زاڭ - ەرەجەنى ۇيرەنۋدى، ۇگىتتەۋدى كەزەكتەگى جانە مۇنان بىلايعى ءبىر مەزگىلدەگى زاڭمەن جونگە سالۋ ۇگىت - تاربيەسىنىڭ ماڭىزدى مازمۇنى ەتىپ، تاقىرىبى ايقىن، فورماسى ءار الۋان ۇگىت - تاربيە قيمىلىن ورىستەتۋ كەرەك. اۆتونوميالى رايوندىق پارتكومنىڭ پارمەندى باسشىلىعىندا، لاڭكەستىككە قارسى تۇرىپ، ورنىقتىلىقتى قورعاۋ ارقاۋىن قاي - قاشان دا مىقتاپ شيراتىپ، ساقتىق سيگنالىن باستان - اياق سوعىپ، قاي - قاشان دا قىراعى بولىپ، لاڭكەستىككە قارسى تۇرىپ، ورنىقتىلىقتى قورعاۋداعى «كەشەندى شارالاردى» جاپپاي تياناقتاندىرۋ كەرەك. «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلى سياقتى قيمىلدارمەن ۇشتاستىرىپ، ۇيرەنۋ، ۇگىتتەۋ تەبىنىن اناعۇرلىم ارتتىرىپ، ءار ۇلت كادرلارى مەن بۇقارانىڭ ۇشقارىلىقتى الاستاۋ قىزمەتىنىڭ ماڭىزدىلىعىن جەتە تانۋىنا بەلسەنە جەتەكشىلىك ەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ پارمەندى بىرىككەن كۇشىن ۇيىستىرۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى