ءتاڭىرتاۋ تورابى   ›   ۇيرەنۋ   ›   شولۋ

حالىقتىق شارۋاشىلىقتىڭ دامۋ بارىسىنداعى قيىنشىلىقتارىن دۇرىس تانۋ كەرەك

− باس شۋجي شي جينپيڭنىڭ حالىقتىق كاسىپورىنداردىڭ اڭگىمە ماجىلىسىندە سويلەگەن ماڭىزدى ءسوزى تۋرالى

حالىق گازەتىنىڭ شولۋشىسى

  سەنىمنەن تايماساق بولعانى، ءادىس - امال قاشاندا قيىنشىلىقتان كوپ.

  باس شۋجي شي جينپيڭ حالىقتىق كاسىپورىنداردىڭ اڭگىمە ماجىلىسىندە 10 كاسىپكەر ۋاكىلىنىڭ لەبىزىن تىڭداعاننان كەيىن، كەيبىر ماسەلەلەر جونىندە حالىقتىق كاسىپكەرلەرمەن ىشكەرىلەي پىكىرلەسىپ، حالىقتىق شارۋاشىلىقتىڭ قازىرگى جولىققان قيىنشىلىقتارى مەن ماسەلەلەرىنە تەرەڭ تالداۋ جاساپ، حالىقتىق شارۋاشىلىقتىڭ قيىن ماسەلەلەردى شەشۋىنە جول كورسەتىپ، حالىقتىق كاسىپورىنداردىڭ دامۋىنا، الۋەتتەنۋىنە زور كۇشپەن قولداۋ كورسەتۋ جونىندە 6 جاقتاعى ساياسات - شارالاردى ايقىن العا قويىپ، حالىقتىق شارۋاشىلىقتىڭ قيىنشىلىقتاردى جەڭۋ سەنىمىن بارىنشا كۇشەيتىپ، حالىقتىق كاسىپكەرلەردىڭ تيجارات جۇرگىزۋ، دامۋ رۋحىن پارمەندى سەرپىلتتى.

  پارتيا ورتالىق كوميتەتى ەجەلدەن حالىقتىق كاسىپورىنداردىڭ دامۋىنا قولداپ كورسەتىپ، شابىتتاندىرىپ كەلەدى، پارتيا 18 - قۇرىلتايىنان بەرى، پارتيا ورتالىق كوميتەتى حالىقتىق شارۋاشىلىقتىڭ دامۋىنا قولداۋ كورسەتۋ جونىندە جەلىلەس رەفورما شارالارىن العا قويدى، بيىل جىل باسىنان بەرى فينانس بازارىنىڭ اقاۋسىز دامۋىن جەبەۋگە قاتىستى ءبىر قىدىرۋ شارالاردى اتقارىپ، حالىقتىق شارۋاشىلىقتىڭ دامۋىنا قولداۋ كورسەتىپ، بازار سەنىمىن سەرپىلتتى. سونىمەن بىرگە كەيبىر حالىقتىق كاسىپورىنداردىڭ تيجارات جۇرگىزۋ، دامۋ بارىسىندا ءبىرتالاي قيىنشىلىقتار مەن ماسەلەلەرگە جولىققاندىعىن دا كورە ءبىلۋىمىز كەرەك. كەيبىر حالىقتىق كاسىپكەرلەر مۇنى «ءۇش ۇلكەن تاۋعا»، ياعني بازار مۇز تاۋىنا، قارجى قۇراۋ اسقار تاۋىنا، تۇرلەنۋ جانار تاۋىنا جولىقتىق دەپ سۋرەتتەدى. قازىر كەيبىر حالىقتىق شارۋاشىلىقتىڭ جولىققان قيىنشىلىقتاردىڭ رەال ەكەندىگىن، ءتىپتى، توتەنشە قاتاڭ ەكەندىگىن، ءسوز جوق، وسكەلەڭ دارەجەدە ءمان بەرۋ كەرەكتىگىن مويىنداۋىمىز كەرەك. حالىقتىق شارۋاشىلىقتىڭ دامۋ بارىسىنداعى قيىنشىلىقتارىن دۇرىس تانىعاندا عانا، قيىنشىلىقتاردى باعىتتامالى تۇردە شەشىپ، حالىقتىق شارۋاشىلىقتىڭ اناعۇرلىم زور دامۋىن ىسكە اسىرۋدى ىلگەرىلەتۋگە بولادى.

  حالىقتىق شارۋاشىلىقتىڭ دامۋداعى قيىنشىلىعىن دۇرىس تانۋ ءۇشىن، قيىنشىلىقتىڭ قالىپتاسۋ سەبەبىن دۇرىس يگەرۋ كەرەك. قازىر حالىقتىق شارۋاشىلىقتىڭ دامۋ بارىسىندا جولىققان قيىنشىلىقتارى مەن ماسەلەلەرىنىڭ تۋىلۋ سەبەبى كوپ جاقتىلى، بۇل سىرتقى فاكتور مەن ىشكى فاكتور، وبيەكتيۆ سەبەپ پەن سۋبيەكتيۆ سەبەپ سياقتى كوپ قاتپارلى قايشىلىقتى ماسەلەلەردىڭ ءتۇيىلىسۋىنىڭ ناتيجەسى. باس شۋجي شي جينپيڭ حالىقارالىق ەكونوميكالىق ورتانىڭ وزگەرىسى، ەلىمىز ەكونوميكاسىنىڭ جوعارى قارقىندى ارتۋ كەزەڭىنەن جوعارى ساپالى دامۋ كەزەڭىنە قاراي بۇرىلىس جاساۋى، ساياساتتاردىڭ تولىق تياناقتانباۋى سياقتى جاقتاردان ىشكەرىلەي تالداۋ جاساپ، بارىنشا جيناقتاپ، ادامدارعا تەرەڭ وي سالدى. سىرتقى جاقتان قاراعاندا، الەم ەكونوميكاسىنىڭ سەرپىلۋ بارىسى حاۋىپ - قاتەردەن اياق الىپ جۇرگىسىز، حالىقتىق كاسىپورىندار ەلىمىزدىڭ ەكسپورت جالپى مولشەرىنىڭ %45ىن يەلەيدى، سوندىقتان كەيبىر حالىقتىق ەكسپورت كاسىپورىندار ،ءسوز جوق، ىقپالعا ۇشىرايدى؛ ەل ءىشى جاعىنان قاراعاندا، ەلىمىزدىڭ ەكونوميكاسى جوعارى ساپالى دامۋ كەزەڭىنە ءوتتى، بۇل كاسىپورىنعا تۇرلەنۋ، جاڭارۋ جاعىندا قىسىم تۇسىرەتىندىگى انىق، ءبىر ءبولىم حالىقتىق كاسىپورىنداردىڭ قيىنشىلىققا جانە ماسەلەگە جولىعۋدان ساقتانۋى قيىن. بۇل وبيەكتيۆ ورتا وزگەرىسىنەن تۋعان ۇزاق ۋاقىتتىق رەتتەۋ قىسىمى؛ ساياسات ورتاسىنان قاراعاندا، ءبىز حالىقتىق شارۋاشىلىقتىڭ دامۋىنا قولداۋ كورسەتۋگە قاتىستى قىرۋار ساياسات - شارالاردى العا قويعانىمىزبەن، كوپ ساندىسىنىڭ تياناقتانۋى، ءونىمى ايتارلىقتاي ەمەس. سونىمەن بىرگە، ءىشىنارا كاسىپورىنداردىڭ وزىندىك سەبەبى بار، كەيبىر حالىقتىق كاسىپورىنداردىڭ تيجارات جۇرگىزۋى ءبىرشاما ۇتىمسىز، ارناعا تۇسپەۋ، ورنىقسىزدىق، اۋەلى، ەرەجەگە، زاڭعا ساي كەلمەۋ ماسەلەلەرى ساقتالىپ وتىر، بۇلاردىڭ باقىلاۋ - باسقارۋدى، زاڭ اتقارۋدى كۇشەيتۋدى ارتقى كورىنىس ەتكەن جاعدايدا كاسىپورىنعا زور قىسىم تۇسىرەتىندىگى داۋسىز.

  حالىقتىق شارۋاشىلىقتىڭ دامۋ بارىسىنداعى قيىنشىلىقتارىن دۇرىس تانۋ ءۇشىن، قيىنشىلىقتاردى جەڭۋدەگى سەنىم مەن قوزعاۋشى كۇشتى كۇشەيتۋ كەرەك. باس شۋجي شي جينپيڭ بۇل جونىندە بىلاي دەپ باسا دارىپتەگەن: وسى قيىنشىلىقتار −− دامۋ بارىسىنداعى قيىنشىلىقتار، العا باسۋ بارىسىنداعى ماسەلەلەر، ءوسىپ - جەتىلۋ بارىسىنداعى اۋرەشىلىكتەر، ول، ءسوز جوق، دامۋ بارىسىندا شەشىلەدى. ەلىمىزدىڭ نەگىزگى شارۋاشىلىق ءتۇزىمى نەگىزگى زاڭعا، پارتيا ۋستاۆىنا جازىلعان، بۇل وزگەرمەيدى، سونداي - اق وزگەرتۋگە دە بولمايدى، بارلىق حالىقتىق كاسىپورىندار مەن حالىقتىق كاسىپكەرلەر الاڭسىز بولىپ، دامۋعا قۇلشىنۋىنا ابدەن بولادى. قازىر كەيبىر تاراۋلار مەن جەرگىلىكتى ورىندار پارتيانىڭ حالىقتىق كاسىپورىنداردى دامۋعا ىنتالاندىرۋ، قولداۋ كورسەتۋ، جەتەكتەۋ جونىندەگى ءىرى باعىت - ساياساتتارىنا تانىمى جەتەرسىز، قىزمەت بارىسىندا بولماۋعا ءتيىستى ساياساتتىق پارىق ساقتالۋدا، مال - مۇلىك ۇقىعىن تەپە - تەڭ قورعاۋ، بازار باسەكەسىنە تەڭ قاتىناسۋ، ءوندىرىس فاكتورلارىنان تەڭ پايدالانۋ سياقتى جاقتاردا ءالى دە زور پارىق بار. وسى ماسەلەلەردى جەر - جەر، تاراۋلار ءىس جۇزىندىك جاعدايىنا قاراي شەشىپ، حالىقتىق شارۋاشىلىقتىڭ دامۋىنا ۇزدىكسىز تۇردە ءتىپتى دە جاقسى دامۋ ورتاسىن ازىرلەپ، حالىقتىق شارۋاشىلىقتىڭ دامۋ بارىسىنداعى قيىنشىلىقتاردى شەشۋىنە كومەكتەسىپ، حالىقتىق كاسىپورىنداردىڭ رەفورما جاساۋىنا، دامۋىنا، قىسىمدى قوزعاۋشى كۇشكە اينالدىرۋىنا قولداۋ كورسەتۋى كەرەك. حالىقتىق كاسىپورىندار دا ىشكى قۋاتتى ويداعىداي جەتىلدىرىپ، نازاردى ناقتى كاسىپكە شوعىرلاندىرىپ، نەگىزگى كاسىپتە مايتالمان بولىپ، تيجارات جۇرگىزۋ قابىلەتىن، باسقارۋ دەڭگەيىن جوعارىلاتىپ، بوران - شاشىندا كۇرەسۋ قابىلەتىن كۇشەيتۋ كەرەك.

  «مەن تەك نەگىزگى ەكونوميكالىق تۇزىمدە تاباندى بولىپ، پارتيا مەن مەملەكەتتىڭ باعىت - ساياساتتارىن ويداعىداي تياناقتاندىرساق، حالىقتىق شارۋاشىلىقتىڭ، ءسوز جوق، اناعۇرلىم زور دامۋدى ىسكە اسىراتىندىعىنا سەنەمىن.» باس شۋجي شي جينپيڭ قالىڭ حالىقتىق كاسىپكەرلەردى جىگەرلەندىردى، شابىتتاندىردى، سونداي - اق ءار دارەجەلى پارتكومدار مەن ۇكىمەتتەرگە ايقىن تالاپ قويدى. باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، حالىقتىق كاسىپورىنداردىڭ، ورتا، شاعىن كاسىپورىنداردىڭ دامۋ بارىسىندا جولىققان قيىنشىلىقتارىن ىشكەرىلەي زەرتتەپ، شەشىپ، 6 جاقتاعى ساياسات - شارالاردىڭ تياناقتانۋىن كۇش سالا ويداعىداي يگەرسەك بولعانى، ەلىمىزدىڭ حالىقتىق شارۋاشىلىعى، ءسوز جوق، اناعۇرلىم كەڭ ساحناعا شىعىپ، ءتىپتى دە تاسقىنداعان تىرشىلىك تىنىسى مەن ومىرشەڭدىك قۋاتىن ايگىلەي الادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى