− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگونىڭ تەرەڭ دەڭگەيدە شار تاراپقا ەسىك اشۋىنا جەتەكشىلىك ەتكەندىگى جونىندە
شينحۋا اگەنتتىگىنىڭ ءتىلشىسى
چاڭجياڭداي الىپ ايداعار تورتكىل دۇنيەگە بيىكتەن كوز جىبەردى. 130دان استام مەملەكەت پەن رايوننىڭ كورمەگە قاتىستىراتىن زاتتارى شاڭحايعا ىركەس - تىركەس جەتتى، تۇڭعىش كەزەكتى جۇڭگو حالىقارالىق يمپورت كورمەسى اشىلۋ الدىندا تۇر، جۇڭگو دۇنيە جۇزىنە قۇشاعىن اشتى.
بۇل − سەلبەستىك قاقپاسى، دوستىق قاقپاسى، اسىرەسە، ەسىك اشۋ قاقپاسى.
پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بولاشاققا بويلايتىن ستراتەگيالىق نازارمەن، بارلىعىنا قۇشاق اشاتىن دارقاندىقپەن، زاماننىڭ الدىڭعى لەگىندە جۇرەتىن ەرەن ەرلىكپەن، ساتىلار بويىنشا ىلگەرىلەتەتىن تىڭعىلىقتى ىسكەرلىكپەن، جۇڭگونىڭ دۇنيە جۇزىنە ايقارا قۇشاق اشىپ، ءار ەلمەن قول ۇستاسىپ، جەر جۇزىمەن ۇندەستىك تاۋىپ، تەرەڭ دەڭگەيدە شار تاراپقا ەسىك اشۋدىڭ شىت جاڭا جاعدايىن اشۋىنا جەتەكشىلىك ەتتى.
جاڭا جاعدايدى جوبالادى − دامۋ اۋقىمىن يگەرىپ، قۇدىرەتتى ەل نىساناسىن تياناق ەتىپ، اناعۇرلىم بەلسەندى، ىرىقتى ەسىك اشۋ ستراتەگياسىن جولعا قويدى
«جۇڭگونىڭ اشىق ەسىگى جابىلمايدى، ول بارعان سايىن ايقارا اشىلا تۇسەدى». بيىل 4 - ايدا باس شۋجي شي جينپيڭ بو - اۋ ازيا تالقى مىنبەرىنىڭ 2018 - جىلدىق جينالىسىنىڭ اشىلۋ سالتىنا قاتىناستى ءارى ارقاۋ ءسوز سويلەپ، جۇڭگونىڭ رەفورما جاساۋ، ەسىك اشۋىنىڭ تاريحي بارىسىن ەرەكشە ىقىلاسپەن ەسكە الىپ، زور تابىستار مەن باعالى تاجىريبەلەردى تەرەڭ قورىتىندىلاپ، دۇنيە جۇزىنە جۇڭگونىڭ ەسىكتى ۇزدىكسىز ايقارا اشۋىنىڭ ءبىر قىدىرۋ كەلەلى شاراسىن جاريالادى.
«بۇل − ەسىك اشۋ بارىسىندا ورتاق دامۋعا ۇمتىلۋ جولى». 2017 - جىلى 1 - ايدا باس شۋجي شي جينپيڭ الەمدىك ەكونوميكا تالقى مىنبەرىنىڭ 2017 - جىلدىق جينالىسىنىڭ اشىلۋ سالتىنا قاتىناستى ءارى ارقاۋ ءسوز سويلەپ، جالپى جاعداي جانە جەر شارى تۇرعىسىنان الەم ەكونوميكاسىنىڭ ءاۋ - جايىن ءتۇيىپ، جۇڭگونىڭ ەكونوميكانى الەمدەندىرۋ دارىپتەمەسىن جانە ەسىكتى ايقارا اشۋ جونىندەگى بەرىك ۋادەسىن بايىمدادى.
جارتى شاردان اسىپ وتكەن ەكى رەتكى تاريحي ءسوز تاريحتىڭ قالىڭ تۇمانىن ءتىلىپ ءوتىپ، جارقىن بولاشاقتى نۇرلاندىرىپ، جۇڭگونىڭ ايقارا قۇشاق اشۋ دارقاندىعىن، دۇنيە جۇزىمەن قاۋىشۋ بەكىمى مەن سەنىمىن كورسەتتى.
ەسىك اشۋ العا باسۋعا باستايدى، توماعا - تۇيىقتىق، ءسوز جوق، مەشەۋلىك اكەلەدى. ەسىك اشۋدىڭ ءبىر مەملەكەت پەن ۇلتتىڭ جالىندى ومىرشەڭ كۇشتى ساقتاۋدىڭ قاينارى ەكەنىن تاريح قايتا - قايتا كورسەتىپ كەلەدى. 1978 - جىلى رەفورما جاساۋ، ەسىك اشۋدى جولعا قويعاننان 2001 - جىلى الەمدىك ساۋدا ۇيىمىنا مۇشە بولىپ كىرگەنگە دەيىن... جۇڭگو ءوزىنىڭ تابىسقا جەتۋ امالياتى ارقىلى ەسىك اشۋدىڭ ۇزدىكسىز دامىپ، العا باسۋىنىڭ ۇلكەن اسىلى ەكەنىن دالەلدەدى.
بۇگىنگى جۇڭگو دامۋ تاسىلىنە بۇرىلىس جاساۋدىڭ، ەكونوميكالىق قۇرىلىمدى ساپالىلاندىرۋدىڭ، ارتۋ قوزعاۋشى كۇشىن اۋىستىرۋدىڭ قامال الۋ مەزگىلىندە تۇر. ءبىر قىدىرۋ ماسەلەلەردەن تايساي المايمىز: ەسىكتى ايقارا اشۋ ماڭىزدى وراي ما، الدە حاۋىپ - قاتەر، سىن - سايىس پا؟ نەشە ون جىلعا جالعاسقان ەسىك اشۋدىڭ «پايداسى» بولا بەرە مە، جوق پا؟
بۇل − ءداۋىردىڭ سۇراۋى، دۇنيە ءجۇزىنىڭ سۇراۋى.
شي جينپيڭ جولداستى ۇيتقى ەتكەن پارتيا ورتالىق كوميتەتى كورەگەندىكپەن الىسقا كوز تاستاپ، اۋقىمدى ءجىتى باعامداپ، ەل ءىشى - سىرتىنىڭ دامۋ اۋقىمىن انىق بايقادى.
«الەم ەكونوميكاسىن رەتتەۋدەگى بۇراڭدىقتاردى جان - جاقتى تۇسپالداۋ، اسىرەسە، ەكونوميكانىڭ الەمدەنۋ ءۇردىسىنىڭ وزگەرمەيتىندىگىن كورۋ كەرەك».
«اماليات بىزگە دامىپ زورايۋ ءۇشىن، ءسوز جوق، ەكونوميكانىڭ الەمدەنۋ اعىمىنا ىرىقتىلىقپەن سايكەسىپ، سىرتقا ەسىك اشۋعا تاباندى بولىپ، ادامزات قوعامى جارىققا شىعارعان وزىق عىلىم - تەحنيكالىق جەتىستىكتەر مەن ءتيىمدى باسقارۋ تاجىريبەلەرىن جان - جاقتى قولدانۋ كەرەكتىگىن ءتۇسىندىردى».
«جۇڭگو اشىق ەكونوميكانىڭ ورەسىن اناعۇرلىم زور كولەمدە، اناعۇرلىم كەڭ سالادا، اناعۇرلىم تەرەڭ دەڭگەيدە جوعارىلاتادى».
«كەزەكتەگى سىن - سايىستارعا سايكەس، ءبىز اشىق الەم ەكونوميكاسىن قۇرىپ، ساۋدا مەن قارجى قوسۋدىڭ ەركىندەنۋىن، قولايلىلانۋىن ۇزدىكسىز ىلگەرىلەتۋىمىز كەرەك».
...
پارتيانىڭ 18 - قۇرىلتايىنان بەرى، ءوز الاڭىنداعى ديپلوماتيالىق قيمىلداردان كوپ جاقتى باس قوسۋلارعا قاتىناسۋعا دەيىن، ورتالىقتىڭ قاتىستى ماجىلىستەرىنەن جەرگىلىكتى ورىنداردا تەكسەرۋ - زەرتتەۋ جۇرگىزۋگە دەيىن باس شۋجي شي جينپيڭ ستراتەگيالىق وي جانە الەمدىك كوز ايامەن، ەل ءىشى جانە حالىقارالىق ەكى جالپى جاعدايدىڭ ءوزارا بايلانىسى تۇرعىسىنان، جاڭا كەزەكتەگى سىرتقا ەسىك اشۋ ستراتەگياسىن اتقارۋدىڭ نىساناسىن، باعدارىن، جولىن جۇيەلى تۇردە العا قويدى، بۇل − جاڭا داۋىردە ەلىمىزدىڭ اشىق ەكونوميكاسىنىڭ دامۋ بەتالىسىنا جەتەكشىلىك ەتەتىن جەتەكشى يدەيا.
بۇل − سوتسياليستىك وسىزاماندانعان قۇدىرەتتى ەل قۇرۋدىڭ تابيعي تاڭداۋى −
باس شۋجي شي جينپيڭ جۇڭگو مەن دۇنيە ءجۇزىنىڭ قاتىناسىن مىناداي جاندى تەڭەۋ ارقىلى كورسەتكەن ەدى: الەم ەكونوميكاسىمەن توعىسۋ − تاريحتىڭ ۇلكەن بەتالىسى، جۇڭگو ەكونوميكاسى داميمىن دەيدى ەكەن، الەم بازارىنىڭ ايدىن - شالقار تەڭىزىندە باتىلدىقپەن ءجۇزۋى كەرەك.
بۇگىنگى الەمدەنۋ كورىنىسى الدىڭعىلاردىڭ تۇسپالىنان اسىپ كەتتى، ءبىر اۆتوموبيلدى قۇراستىرۋ ءۇشىن 4 قۇرلىقتان 20 نەشە مەملەكەت بولشەكتەرمەن قامداۋى قاجەت، ءبىر جولاۋشىلار ۇشاعىنىڭ بولشەكتەرى 1500 ءىرى سەرىكتەستىك پەن 15 مىڭ ورتا، شاعىن كاسىپورىننان كەلەدى. ەگەر حالىقارالىق جۇمىس ءبولىسى جۇيەسىنە كىرمەسە، شارۋاشىلىق تىزبەگىنىڭ ورتا - جوعارى باسىن ۇستاماسا، ءبىر ءىرى ەل الەمدەنۋدىڭ «قالتارىسىندا» قالىپ قويۋى مۇمكىن.
جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسى تۋىلۋ الدىندا تۇر، قازىرگى وراي بۇرىن بولماعان وراي ءارى قاس قاققانشا وتە شىعادى. باسەكەنىڭ بيىك تۇعىرىن يەلەپ، دامۋدىڭ ىرىقتىلىق ۇقىعىنا قول جەتكىزىپ، جالپىلىق مەملەكەت قۋاتىن جانە حالىقاراداعى ىقپال كۇشتى ۇزدىكسىز وسىرگەندە عانا، اناعۇرلىم اسقاق بەينەمەن دۇنيە جۇزىندەگى ۇلتتاردىڭ قاتارىندا قاسقايىپ تۇرۋعا بولادى.
باس شۋجي شي جينپيڭ اتاپ كورسەتكەندەي: «جۇڭگو دامۋ ءۇشىن، ءسوز جوق، دۇنيە ءجۇزىنىڭ دامۋ اعىمىنا ۇيلەسۋى كەرەك».
ۇستانىم ارەكەتكە جەتەكشىلىك ەتەدى، بەتالىس شىعار جولدى بەلگىلەيدى.
2015 - جىلى 10 - ايدا پارتيا 18 - كەزەكتى ورتالىق كوميتەتىنىڭ بەسىنشى جالپى ماجىلىسىندە جاڭالىق اشا دامۋ، سايكەستى دامۋ، جاسىل دامۋ، اشىق دامۋ، تەڭ يگىلىككە كەنەلەتىن دامۋ ەلىمىزدىڭ 5 ۇلكەن جاڭا دامۋ ۇستانىمى بولىپ تۇراقتاندى.
كوشكەن بۇلتتىڭ كوزدى كولەگەيلەۋىنەن قورىقپادى، قارسى جەلدىڭ ۇيتقۋىنان تايسالمادى.
قازىر ا ق ش قوزعاعان جۇڭگو - ا ق ش ەكونوميكا - ساۋدا قاجالىسى ءالى دە قۇبىلۋدا، قورعامپازدىق، سىڭار جاقتىلىق ۇزدىكسىز باس كوتەرۋدە، دۇنيە ءجۇزى ەكونوميكاسىنىڭ ارتۋىنداعى ورنىقسىزدىق، تۇراقسىزدىق ارتپاسا كەمىگەن جوق.
مەملەكەتتى قۇدىرەتتەندىرۋ جولىندا بوران - شاشىننىڭ بولاتىندىعى ءسوزسىز، بۇل اقىل - پاراسات پەن كوز ايانى قاجەت ەتەدى، تۇراقتىلىق پەن سابىرلىلىقتى سىنايدى.
باس شۋجي شي جينپيڭ: «ءداۋىر سۇراۋى الدىندا، جۇڭگو سىرتقا ەسىك اشۋعا بۇلجىماي تاباندى بولادى» دەپ ايقىن پوزيتسيا ءبىلدىردى.
بۇل جوعارى ساپالى دامۋدى جۇزەگە اسىرۋدىڭ «ىلگەرىلەتكىشى» −
ءىرى ەل ەكونوميكاسى جونىنەن ايتقاندا، تۇرلەنۋ جارعاقتان كوبەلەك شىققانعا ۇقسايدى، ءبىر مەزەت اۋىر تولعاقتى باستان كەشكەنىمەن، الدا جاڭا ءومىر اشىلادى. ەلىمىزدىڭ ەكونوميكاسى جوعارى جىلدامدىقپەن دامۋ ساتىسىنان جوعارى ساپالى دامۋ ساتىسىنا ويىستى، ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن جۇزەگە اسىرۋدا، ەسىك اشۋ كەم بولسا بولمايتىن «ىلگەرىلەتكىش».
2014 - جىلى 5 - ايدا باس شۋجي شي جينپيڭ شەتەلدىك ماماندارمەن اڭگىمەلەسكەندە: «ءارقانداي ءبىر ۇلت، ءارقانداي ءبىر مەملەكەت باسقا ۇلتتاردىڭ، باسقا مەملەكەتتەردىڭ تاڭداۋلى وركەنيەت جەتىستىكتەرىنەن ۇيرەنۋى قاجەت»، - دەدى.
پارتيا 19 - قۇرىلتايىنىڭ بايانداماسىندا ەسىك اشۋ 27 رەت تىلگە الىنىپ، جاپپاي ەسىك اشۋدىڭ جاڭا جاعدايىن قالىپتاستىرۋ ايقىن العا قويىلىپ، جاڭا داۋىردەگى سىرتقا ەسىك اشۋدىڭ جول كارتاسى جوبالانىپ، ەلىمىزدىڭ سىرتقا ەسىكتى ايقارا اشۋ، ەكونوميكانىڭ الەمدەنۋىن بەلسەنە ىلگەرىلەتۋ بەكىمى ايگىلەندى. بۇل پارتيامىز جاساعان كەلەلى ستراتەگيالىق ورنالاستىرۋ، ەلىمىزدىڭ سىرتقا ەسىك اشۋ ءىسىنىڭ جاڭا ساپاردى باستاعاندىعىن ءبىلدىردى.
جوعارى ورەدەگى ەسىك اشۋ جوعارى ساپالى دامۋدى جەبەدى.
پارتيا 18 - قۇرىلتايىنان بەرى، ەلىمىز قىزمەت وتەۋ كاسىبىندەگى ەسىك اشۋدى جانە جاساۋ كاسىبىندەگى جاپپاي ەسىك اشۋدى بەلسەنە ىلگەرىلەتتى، فينانس، وقۋ - اعارتۋ، ەمدەۋ سياقتى سالالارداعى ەسىك اشۋدىڭ قارقىنى تەزدەدى، ەسىك اشۋ سالاسى كەڭەيدى؛ وڭىرلەردىڭ سايكەستى دامۋ ستراتەگياسىن اتقارىپ، باتىس بولىكتىڭ ەسىك اشۋ سەرپىنىن ارتتىرىپ، قۇرلىق پەن تەڭىز، ءىش پەن سىرت بىرلەسىپ قيمىلداۋ، شىعىس پەن باتىس قوس باعىتتا ءوزارا سەلبەسۋ جاعدايىن قۇلشىنا قالىپتاستىردى، ەسىك اشۋدىڭ ورنالاستىرىلۋى ساپالىلانا ءتۇستى؛ ەركىن ساۋدا سىناق رايونى قۇرىلىسىن جوعارى ساپامەن ىلگەرىلەتىپ، جۇڭگوشا ەركىن ساۋدا پورتى قۇرىلىسىن نىق قاداممەن ىلگەرىلەتىپ، جوعارى ورەدە ەسىك اشۋدىڭ جاڭا ولشەمىن جاسادى، ەسىك اشۋ ءتاسىلى جاڭالاندى؛ اشىق ەكونوميكانىڭ جاڭا ءتۇزىلىسىن ورناتۋدى ىلگەرىلەتىپ، ساۋدا ورتاسىن ۇزدىكسىز ساپالىلاندىرىپ، ساۋداداعى ءىرى ەلدەن ساۋداداعى قۇدىرەتتى ەلگە بەت الدى، ەسىك اشۋ ساپاسى ءوستى.
«اماليات وتكەن 40 جىلداعى جۇڭگونىڭ ەكونوميكالىق دامۋ تابىستارىنا ەسىك اشۋ جاعدايىندا قول جەتكەنىن، بولاشاقتا جۇڭگو ەكونوميكاسىنىڭ جوعارى ساپالى دامۋدى جۇزەگە اسىرۋى دا، ءسوز جوق، ەسىكتى ونان ارى ايقارا اشقان شارت - جاعدايدا جۇرگىزىلەتىندىگىن دالەلدەدى»، - دەدى باس شۋجي شي جينپيڭ اسقاق تا پارمەندى تۇردە.
بۇل − دۇنيە جۇزىمەن تەڭ يگىلىكتەنىپ دامۋداعى تاباندى تالپىنىس.
ەكونوميكانىڭ الەمدەنۋى اكەلگەن ارتۋ مەن ءبولىس، كاپيتال مەن ەڭبەك، ونىمدىلىك پەن ادىلدىك اراسىنداعى قايشىلىقتاردى، ت.ب قالاي شەشۋ كەرەك؟ ءار ەل حالقىن ەكونوميكانىڭ الەمدەنۋىنىڭ پايداسىنان قايتكەندە تەڭ يگىلىكتەندىرۋگە بولادى؟
«ءبىز اشىق دۇنيە ءجۇزى ەكونوميكاسىىن بۇلجىماستان دامىتىپ، ەسىك اشۋ بارىسىندا وراي مەن پايدانى ورتاقتاسىپ، ءوزارا تيىمدىلىك جەتكىزىپ، تەڭ يگىلىككە كەنەلۋدى جۇزەگە اسىرۋىمىز كەرەك»، «جۇڭگو حالقى ءار ەل حالىقتارىنىڭ جۇڭگونىڭ دامۋى تۋدىرعان ۇتىمدى، قولايلى مۇمكىندىكتەردەن پايدالانۋىن قۇشاق جايا قارسى الادى»...
باس شۋجي شي جينپيڭ كوپتەگەن ورىنداردا دۇنيە جۇزىنە ەسىك اشىپ ورتاقتاسۋدىڭ ايقىن سيگنالىن تاراتتى.
جۇڭگونىڭ دارىپتەمەسى بارعان سايىن الەمنىڭ ورتاق تانىمىنا اينالۋدا: ەكونوميكانىڭ الەمدەنۋىنىڭ پايداسىن ءبىر ءبولىم مەملەكەتتەر عانا يگىلىكتەنبەۋى، قايتا دۇنيە جۇزىندەگى ءار ەل ورتاقتاسۋى كەرەك؛ ەكونوميكانىڭ الەمدەنۋىن ىلگەرىلەتۋ ءبىر ءبولىم ەلدىڭ جالعىز ويىنى بولماۋى، قايتا دۇنيە جۇزىندەگى ءارقايسى ەلدەردىڭ بىرىكپە كۇيى بولۋى كەرەك.
جۇڭگونىڭ دامۋى دۇنيە جۇزىنە ەسىك اشۋدان تيىمدىلىككە يە بولعان، جۇڭگونىڭ ەسىك اشۋى دۇنيە جۇزىنە زور وراي دا سيلادى:
− رەفورما جاساپ، ەسىك اشقان 40 جىلدان بەرى، «جۇڭگودا جاسالعان» الەمدىك كاسىپتەردىڭ جۇمىس ءبولىسىن تەرەڭدەتتى، ەسىك اشقان جۇڭگو بازارى ءار ەل كاسىپورىندارى پايداسى ارتۋىنىڭ ماڭىزدى قاينارىنا اينالدى؛
− 2013 - جىلدان 2017 - جىلعا دەيىن جۇڭگونىڭ دۇنيە ءجۇزى ەكونوميكاسىنىڭ ارتۋىنا قوسقان ۇلەس مولشەرى %30تەن اسىپ، ا ق ش، ەۆرو رايونى جانە جاپونيانىڭ ۇلەس مولشەرلەرىنىڭ قوسىندىسىنان اسىپ ءتۇستى؛
− جۋىقتاعى جىلداردان بەرى، جۇڭگو قامداۋ جاعىنداعى قۇرىلىمدىق رەفورمانى ىلگەرىلەتۋدى دۇنيە ءجۇزى ەكونوميكاسىنىڭ قايتا جاندانۋىنىڭ پارمەندى تىرەگى ەتتى، «ءبىر بەلدەۋ، ءبىر جول» باستاماسىن بىرگە قۇرۋدى العا قويىپ ءارى بەلسەندىلىكپەن ىلگەرىلەتىپ، جەلى بويىنداعى ەلدەرگە تىڭ دامۋ ورايىن الا كەلدى...
حالىقارالىق اقشا قورى ۇيىمىنىڭ باسالقاسى لاگارد جۇڭگونىڭ ەسىكتى ايقارا اشۋى «قازىرگى دۇنيە جۇزىنە تۇراقتىلىق جانە ءۇمىت ۇستەدى» دەپ باعالادى.
ورتاقتاسۋ تەڭ ارقالاۋعا شاقىرادى، تەڭ ارقالاعاندا عانا ورتاقتاسۋعا بولادى. جۇڭگو جاۋاپكەرشىلىكتى ءىرى ەل بەينەسىمەن حالىقارالىق ىستەرگە قاتىناسىپ، ءتىپتى دە كوپ دۇنيە جۇزىلىك الەۋمەتتىك ونىمدەرمەن قامداۋعا كۇش سالىپ، ەكونوميكالىق الەمدەنۋدىڭ ءتىپتى دە كوپ مەملەكەتتەر مەن حالىقتارعا تيىمدىلىك جەتكىزۋىن جەبەدى.
جاڭا كارتينالار ايگىلەدى − ەسىك اشۋ تۇزىلىسىندە جاڭالىق اشىپ، ەسىك اشۋدىڭ پايداسىن ايگىلەپ، دۇنيە ءجۇزىن بەتكە العان اشىق ءىرى ەل قۇردى
11 - ايدىڭ 5 - كۇنى تۇڭعىش كەزەكتى جۇڭگو حالىقارالىق يمپورت كورمەسى اشىلادى.
60 جىل ۋاقىتتا گۋاڭجوۋ جارمەڭكەسىنىڭ قۇرىلۋىنان يمپورت كورمەسىنىڭ اشىلۋىنا دەيىن، جۇڭگو «دۇنيە ءجۇزىنىڭ بارلىق جەرىنەن ساتىپ الۋدان» «دۇنيە ءجۇزىنىڭ بارلىق جەرىنە ساتۋعا» دەيىنگى سەكىرىستى جۇزەگە اسىردى ءارى سىرتقا ەسىك اشۋدىڭ «ۇتىلامالى جارىسىنا» دا كۋا بولدى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جاپپاي ەسىك اشۋدىڭ جاڭا جاعدايىن قالىپتاستىرۋدى ىلگەرىلەتۋدى ارقاۋ ەتىپ، ەسىكتى ايقارا اشۋعا تاباندى بولۋداي ستراتەگيالىق تۇراقتىلىق، ناقتى دا جوعارى ءونىمدى ءىس جۇزىندىك ارەكەتى ارقىلى اشىق ءىرى ەلدى دۇنيە جۇزىنە ارشىندى قادام تاستاۋعا باستادى.
ەسىك اشۋدىڭ تىڭ تۇرعىسىن تۇلعالاپ، جاپپاي ەسىك اشۋدى ىلگەرىلەتۋگە، ءتىپتى دە مول قۋاتتى قوزعالتقىش ورناتتى −
2013 - جىلى 9 - ايدا جۇڭگونىڭ تۇڭعىش ەركىن ساۋدا سىناق رايونىنا شاڭحايدا ۋيۆەسكا اسىلدى.
2018 - جىلى 10 - ايدا حاينان ەركىن ساۋدا سىناق رايونى رەسمي بەكىتۋدەن ءوتىپ قۇرىلدى.
5 جىلدا سولتۇستىكتەن وڭتۇستىككە دەيىن، تەڭىز جاعالاۋىنان ىشكى قۇرلىققا دەيىن، جالعىز بوي كوتەرۋدەن بارلىق گۇل شەشەك اتۋعا دەيىن، 12 ەركىن ساۋدا سىناق رايونى جۇڭگونىڭ سىرتقا ەسىك اشۋىنىڭ جاڭا تىزبەگىن قۇرادى.
جۋىقتاعى جىلداردان بەرى، «شەتەل قارجىسى شەگىنىپ جاتىر»، «ساۋدا ورتاسى ناشارلادى»، ت.ب سارىندارى اۋىق - اۋىق جارىققا شىقتى. جۇڭگونىڭ شەتەل قارجىسىن باۋراۋ قۋاتى جوعالدى ما؟ جۇڭگونىڭ ەسىك اشۋىنىڭ «جاڭا تيىمدىلىگى» قايدا؟
2015 - جىلى 11 - ايدا باس شۋجي شي جينپيڭ فيليپپيننىڭ مانيلا قالاسىندا ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلارىنىڭ باس قوسۋىنا قاتىناسقان كەزدە بىلاي دەپ قايتالاي دارىپتەدى: «جۇڭگونىڭ شەتەل قارجىسىنان پايدالانۋ ساياساتى وزگەرمەيدى، شەتەل ساۋداگەرلەرى قارجى قوسقان كاسىپورىنداردىڭ زاڭدى ۇقىق - مۇددەسىن قورعاۋى وزگەرمەيدى، ءار ەل كاسىپورىندارىنىڭ جۇڭگوعا قارجى قوسىپ، شارۋاشىلىعىن شالقىتۋىنا بارىنشا جاقسى قىزمەت ەتۋ باعىتى وزگەرمەيدى».
سول جىلى 5 - ايدا ج ك پ ورتالىق كوميتەتى، مەملەكەتتىك كەڭەس حۇجات شىعارىپ، اشىق ەكونوميكالىق جاڭا ءتۇزىلىسىن تۇلعالاۋدى جاڭا داۋىردەگى سىرتقا ەسىك اشۋ قىزمەتىنىڭ نەگىزگى ۇمتىلىس باعدارى ەتتى.
باس شۋجي شي جينپيڭ مىنالاردى اتاپ كورسەتتى: «ءبىز اشىق ەكونوميكالىق جاڭا ءتۇزىلىس ورناتۋدى ورتاعا قويدىق، ونىڭ ماڭىزدى ماقساتتارىنىڭ ءبىرى − ەسىك اشۋ ارقىلى ءوزىمىزدىڭ ءتۇزىم قۇرىلىسى مەن زاڭ - ەرەجە قۇرىلىسىن جەدەلدەتىپ، ساۋدا ورتاسى مەن جاڭالىق اشۋ ورتاسىن جاقسارتىپ، بازار اينالىمىنىڭ وزىندىك قۇنىن تومەندەتىپ، اينالىم ونىمدىلىگىن جوعارىلاتىپ، حالىقارالىق باسەكە قابىلەتىن كوتەرۋ».
بۇل − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەسىك اشۋعا جەتەكشىلىك ەتۋ يدەياسىنداعى ءبىر رەتكى ماڭىزدى جاسامپازدىق.
جاڭا داۋىردەگى سىرتقا ەسىك اشۋدا ءتىپتى دە كوپ يمپورت - ەكسپورت ساۋداسىن، ءتىپتى دە كوپ شەتەل قارجىسىن ەنگىزۋدى، سىرتقا قارجى قوسۋدى كەڭەيتۋدى كوزدە ۇستاپ عانا قويماي، ءتىپتى دە ماڭىزدىسى، جالپى جاعدايلىق، تۇزىلىستىك ەسىك اشۋدى قالىپتاستىرىپ، جۇڭگونىڭ الەمدەنۋگە ىشكەرىلەي قاتىناسۋىنا تۇزىمدىك تىرەك ازىرلەۋ كەرەك.
ءتىپتى دە جاقسى ساۋدا ورتاسىن جاراتىپ، شەتەل قارجىسىن باۋراۋدىڭ «ماگنيت اسەرىن» قالىپتاستىردى −
«قارجى قوسۋ ورتاسى اۋا سياقتى، اۋا تازا بولعاندا عانا، ءتىپتى دە كوپ شەتەل قارجىسىن باۋراي الادى». باس شۋجي شي جينپيڭنىڭ بو - اۋ ازيا تالقى مىنبەرىنىڭ 2018 - جىلعى جىلدىق جينالىسىنداعى تەڭەۋى ساۋدا ورتاسىن جاقسارتۋدىڭ ەسىك اشۋدى ونان ارى كەڭەيتۋ جونىنەن ماڭىزدىلىعىن جاندى ءتۇسىندىردى.
بازاردىڭ جەتەكشىلىگىن كۇشەيتىپ، باسقارۋ ۇلگىسىندە جاڭالىق اشىپ، تاماشا ساۋدا ورتاسىن قالىپتاستىرۋدا جۇڭگو ەشقاشان قۇلشىنۋدان توقتاعان جوق:
− 2016 - جىلى 9 - ايدا مەملەكەتتىك حالىق قۇرىلتايى تۇراقتى كوميتەتى شەتەل قارجى قوسقان كاسىپورىندار زاڭى سياقتى 4 زاڭعا وزگەرىس ەنگىزىپ، شەتەل ساۋداگەرلەرىنىڭ قارجى قوسۋىن «ءبىر - بىرلەپ بەكىتۋدى» ەستەلىككە الۋ تۇزىمىنە وزگەرتتى؛
− 2017 - جىلدىڭ اياعىندا جۇڭگو حالىقارالىق ساۋداسىنىڭ «جالعىز تەرەزەلىگى» 11 كەدەن باسقارۋ تاراۋىمەن ءتۇيىلىسىپ، يمپورت - ەكسپورت بۋىنى مەن وزىندىك قۇنىن ونان ارى ازايتتى؛
− 2018 - جىلى 6 - ايدا مەملەكەتتىك كەڭەس ۇقتىرۋ شىعارىپ، شەتەل قارجىسى سالاسىنداعى «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت كورسەتۋدى ساپالىلاندىرۋ» رەفورماسىن ىلگەرىلەتىپ، شەتەل قارجى قوسقان كاسىپورىنداردىڭ قارجىدان پايدالانۋ قولايلىلىعىن جوعارىلاتىپ، شەتەلدىك دارىندىلاردىڭ جۇڭگوعا كەلىپ قىزمەت ىستەۋدەگى جانە شەكارادان كىرىپ - شىعۋداعى قولايلىلىعىن جوعارىلاتتى؛
− 2018 - جىلى 7 - ايدا شەتەل قارجىسىنىڭ بازارعا كىرۋگە رۇقسات ەتۋدەگى جاڭا ۇنامسىز تىزىمدىگى اتقارىلدى، تىزىمدىك 63 تارماقتان 48 تارماققا ازايدى، شەتەل قارجىسىنىڭ بانكە، قۇندى قاعاز، ەلەكتر تورى قۇرىلىسى، تەمىر جولدىڭ نەگىزگى جەلى تورى قۇرىلىسى سياقتىلارعا قاتىناسۋىنداعى ءبىر قىدىرۋ شەكتەمەلەر كۇشىنەن قالدىرىلدى.
حالىقاراداعى جوعارى ولشەمدى قارجى قوسۋ مەن ساۋدا جوسپارىنا ۇيلەسىپ، ۇكىمەت ارەكەتىنىڭ زاڭمەن جونگە سالىنۋىن، ەكونوميكالىق ارەكەتتىڭ بازارلانۋىن ىلگەرىلەتىپ، ەلىمىز شەكاراسى ىشىندە تىركەۋگە الدىرعان كاسىپورىنداردى بىردەي كورىپ، تەڭ مامىلە جاساۋدى جۇزەگە اسىردى، جۇڭگو جوعارى دەڭگەيلى سىرتقا ەسىك اشۋدى ىلگەرىلەتۋدە بۇرىن بولىپ كورمەگەن ماڭىزدى قادامدار باستى.
78 - ورىننان 46 - ورىنعا سەكىردى − 2018 - جىلى 10 - ايدىڭ 31 - كۇنى كەشتە دۇنيە ءجۇزى بانكەسى جاريالاعان ەڭ جاڭا مەزگىلدىك ساۋدا ورتاسى مالىمەتىندە جۇڭگونىڭ ساۋدا ورتاسىنىڭ الەمدەگى قاتارى ءبىر جولدا 32 ورىن جوعارىلادى، جۇڭگونىڭ قاتىستى سالالارداعى رەفورماسى «كىسىنى قايران قالدىرارلىق دارەجەدە تەز ءارى ءونىمدى بولدى» دەپ ماداقتالدى. بيىل الدىڭعى توقساندا ەلىمىزدە جاڭادان قۇرىلعان شەتەل ساۋداگەرلەرى قارجى قوسقان كاسىپورىندار 40 مىڭنان اسىپ، بىلتىرعى ۇقساس مەزگىلدەگىدەن ءبىر ەسەگە جۋىق مولايىپ، 636 ميلليارد 700 ميلليون يۋان شەتەل قارجىسى باۋرالدى.
تاماشا ساۋدا ورتاسى تۋدىرعان جۇڭگونىڭ شەتەل قارجىسىن ەنگىزۋدەگى «ماگنيت اسەرى» الەمدى وزىنە جالت قاراتتى. بىرلەسكەن مەملەكەتتەر ۇيىمى ساۋدا جانە دامۋ كەڭەسىنىڭ 10 - ايدا جاريالاعان مالىمەتىندە كورسەتىلۋىنشە، 2018 - جىلدىڭ الدىڭعى جارتىسىندا دۇنيە جۇزىندە شەتەلدەردىڭ تىكە قارجى قوسۋى وتكەن جىلعى ۇقساس مەزگىلدەگىدەن %41 كۇرت تومەندەگەن جاعدايدا، جۇڭگونىڭ باۋراعان شەتەل قارجىسى وسىنداي ناشار جاعدايدا كەرىسىنشە %6 ارتىپ، ءبىر جولدا ا ق ش - تان اسىپ، شەتەلدەردىڭ تىكە قارجىسى قۇيىلعان الەمدەگى ەڭ ءىرى ەلگە اينالدى.
شىعىس، ورتا، باتىس بولىكتەردىڭ سىرتقا ەسىك اشۋىنىڭ «كولەمدى حورىن» شىعانداتىپ، وڭىرلىك سايكەستى دامۋعا ءتىپتى دە كوپ «ۇدەتكىش» ۇستەدى −
ءونىم مولشەرى دۇنيە ءجۇزىنىڭ جەتىدەن ءبىرىن ۇستايتىن شانشيدىڭ الماسى قازىر دۇنيە جۇزىندەگى 80نەن استام مەملەكەت پەن رايونعا ەكسپورت ەتىلەدى، الما سىرنەسىنىڭ بيىل الدىڭعى 8 ايداعى ەكسپورتى بىلتىرعى ۇقساس مەزگىلدەگىدەن %30.4 ارتتى.
ەسىك اشۋ شانشيدىڭ لوچۋان اۋدانى سياقتى ورتا، باتىس بولىكتەگى كەدەي وڭىرلەرگە تىڭ ومىرشەڭدىك كۇش سيلاپ، شەت - شالعاي مەشەۋ قىستاقتاردى دۇنيە جۇزىمەن تۇتاستىراتىن تەرەزە اشتى ءارى جەرگىلىكتى شارۋالاردىڭ كەدەيلىكتەن ارىلىپ بايۋ قادامىن جەدەلدەتۋىنە كومەكتەستى.
ءبىر كەزدەرى، ەلىمىزدىڭ سىرتقا ەسىك اشۋىندا «تەڭىز جاعالاۋى كۇشتى، ىشكى قۇرلىق ءالسىز، شىعىس بولىك تەز، باتىس بولىك باياۋ» بولۋداي ەرەكشەلىك تۋىلعان بولاتىن. جاپپاي دوڭگەلەك داۋلەتتى قوعام ورناتۋدى جۇزەگە اسىرۋ نىساناسىنان قاراعاندا، وڭىرلىك سايكەستى دامۋدى جەبەۋدە ەسىك اشۋ «ۇدەتكىش» ەسەپتەلەدى.
باس شۋجي شي جينپيڭ: تەڭىز جاعالاۋى، ىشكى قۇرلىق، شەكارا بويىنىڭ ەسىك اشۋداعى باسىمدىقتارى ارقىلى ءبىرىن - ءبىرى تولىقتاۋىن جەبەپ، حالىقارالىق ەكونوميكالىق سەلبەستىك پەن باسەكەگە جەتەكشىلىك ەتەتىن اشىق ءوڭىر قالىپتاستىرىپ، وڭىرلىك دامۋدىڭ اشىق بيىك تۇرعىسىن جەتىلدىرۋ، جەبەۋ كەرەك، - دەپ اتاپ كورسەتتى.
ماڭىزدى تەرەزەدەن ماڭىزدى قاقپاعا دەيىن، ءىرى وتكەلدەن الدىڭعى قامالعا دەيىن، بۇرىنعى سىرتقا ەسىك اشۋدىڭ اياققى بولەگىنەن قازىرگى ەسىك اشۋدىڭ الدىڭعى شەبىنە دەيىن، ورتا، باتىس وڭىرلەر جاڭا كەزەكتى سىرتقا ەسىك اشۋ بارىسىندا الدىڭعىلاردى قۋىپ جەتىپ، بىرتىندەپ تاماشا جاعدايعا وتە باستادى.
بيىلدىڭ العاشقى 3 توقسانىندا ورتا، باتىس وڭىرلەردىڭ ەكسپورت سوماسى ءبىر تريلليون 950 ميلليارد يۋانعا جەتىپ %13 ارتتى، جالپى تۇلعالىق ارتۋ جىلدامدىعىنان 5.6 پايىز جوعارى بولدى.
2017- جىلدىڭ سوڭىندا، ەلىمىزدىڭ شەتەلگە تىكەلەي قوسقان قارجىسىنىڭ قورى ءبىر تريلليون 800 ميلليارد دوللاردان اسىپ، دۇنيە ءجۇزى بويىنشا 2 - ورىنعا كوتەرىلىپ، 189 ەل مەن وڭىرگە تارالدى.
شىعىستان الىپ تولقىن كوتەرىلدى.
وڭىرلىك سايكەسۋدەن يمپورت - ەكسپورتتاعى تەپە - تەڭدىككە، ونان ارى ىشكە ەنگىزۋ مەن سىرتقا شىعارۋدىڭ اناعۇرلىم ۇشتاسۋىنا دەيىن؛ ىرىقتىلىقپەن ەسىك اشۋدان، قوس باعىتتا ەسىك اشۋعا، ونان ارى جالپى بەتتىك ەسىك اشۋعا دەيىن، جۇڭگونىڭ ايبىندى، ستەرەولدى ەسىك اشۋىنىڭ جالپى كورىنىستىك كارتيناسى سالىنۋدا.
جاڭا اعىنعا جەتەكشىلىك ەتتى − ءوز جاۋاپكەرشىلىگىن باتىلدىقپەن ارقالادى، الەمدىك جونگە سالۋدى ىلگەرىلەتىپ، دۇنيە جۇزىندەگى ءار ەلمەن تىزە قوسا كوركەم بولاشاقتى بىرگە جاراتتى
بۇگىنگى دۇنيە ءجۇزى قاۋىرت دامۋ، قاۋىرت وزگەرىس، قاۋىرت رەتتەۋ مەزگىلىندە تۇر. ءار ەل اراسىنداعى قارىم - قاتىناس ەجەلدەن بۇگىنگىدەي ءجيى بولىپ كورگەن ەمەس، دۇنيە ءجۇزى حالقىنىڭ تاماشا تۇرمىسقا تالپىنىسى ەجەلدەن بۇگىنگىدەي كۇشتى بولىپ كورگەن ەمەس، ادامزاتتىڭ قيىنشىلىقتاردى جەڭۋ شاراسى ەجەلدەن بۇگىنگىدەي مول بولىپ كورگەن ەمەس.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى تاريح جانە رەالدىق، نازاريا جانە اماليات، ەل ءىشى جانە حالىقارا سياقتى كوپ تۇرعىدان «دۇنيە جۇزىنە نە بولدى، ءبىز قايتۋىمىز كەرەك» دەگەن وسى ءتۇبىرلى ماسەلەنى تەرەڭ تولعاندى.
باس شۋجي شي جينپيڭنىڭ 5 جىلدىڭ الدىندا ورتاعا قويعان «ءبىر بەلدەۋ، ءبىر جولدى» بىرگە قۇرۋ ماڭىزدى باستاماسى ادەتتەگى ماندەگى حالىقارالىق ەكونوميكالىق سەلبەستىكتەن الدەقايدا اسىپ ءتۇسىپ، اناعۇرلىم جوعارى دەڭگەي، اناعۇرلىم كەڭ كوز ايا ارقىلى جىبەك جولى بويىنداعى ءار ەلمەن بىرگە مۇددەلەس ورتاق تۇلعانى، جاۋاپكەرشىلىكتى ورتاق تۇلعانى جانە تاعدىرلاس تۇلعانى بىرگە سومدادى.
5 جىلدا «ءبىر بەلدەۋ، ءبىر جولدى» بىرگە قۇرۋ ۇستانىمنان ارەكەتكە دەيىن، ارماننان رەالدىققا دەيىن، تاعاندى بەكەمدەپ، تۇعىردى سومداۋدان تەرەڭ تامىر تارتۋعا دەيىن، «جالپى جوبادان» «ەگجەي - تەگجەيلى جوباعا» دەيىن، بۇگىنگى دۇنيە جۇزىندەگى كولەمى ەڭ ۇلكەن حالىقارالىق سەلبەستىك تۇعىرىنا، ەڭ قارسى الۋعا بولەنگەن الەمدىك الەۋمەتتىك ونىمگە اينالدى.
كەزەكتە، 130 نەشە ەل مەن حالىقارالىق ۇيىم جۇڭگومەن «ءبىر بەلدەۋ، ءبىر جولدى» بىرگە قۇرۋ سەلبەستىك حۇجاتىنا قول قويدى، جۇڭگو «ءبىر بەلدەۋ، ءبىر جول» بويىنداعى ەلدەردە 82 شەكارا سىرتى ەكونوميكا - ساۋدا سەلبەستىك رايونىن قۇردى، جالپى 28 ميلليارد 900 ميلليون دوللار قارجى قوسىپ، جەرگىلىكتى ورىندارعا 244 مىڭ جۇمىس ورنىن ازىرلەدى.
«ءبىر بەلدەۋ، ءبىر جولدى» بىرگە قۇرۋدى جەتەكشى ەتكەن جۇڭگو ءوزارا پايدا جەتكىزىپ، تەڭ يگىلىككە كەنەلەتىن حالىقارالىق سەلبەستىكتى ىلگەرىلەتۋگە كۇش سالدى −
باس شۋجي شي جينپيڭ بىلاي دەپ اتاپ كورسەتتى: «جۇڭگونىڭ دامۋىنا حالىقارالىق قوعامنىڭ ارقاسىندا قول جەتتى ءارى ول حالىقارالىق قوعامدى اناعۇرلىم كوپ الەۋمەتتىك ونىمدەرمەن قامداۋدى قالايدى».
جەكە - دارا قيمىلدامادى، قايتا كوپپەن بىرگە بولدى؛ جەكە ءان سالماي، كوپپەن بىرگە حور ايتتى، ءوزىنىڭ گۇل باقشاسىن ەمەس، قايتا ءار ەل بىرگە يگىلىككە كەنەلەتىن الۋان گۇلدى باقشانى قۇردى.
ازيا نەگىزدىك قۇرىلعىلارعا قارجى قوسۋ بانكەسىن قۇرۋدى العا قويۋدان جىبەك جولى قورىن ورناتۋعا دەيىن جۇڭگو وركەندەپ كەلە جاتقان ەلدەردىڭ كوپ جاقتى فينانس ورگانىن ۇيىمداستىرۋداي باستامانى كوتەردى. جۇڭگو ب م ۇ بەيبىتشىلىك جانە دامۋ قورىنا قارجى شىعارۋدان وڭتۇستىك - وڭتۇستىك سەلبەستىگى كومەكتەسۋ قورىن قۇرۋعا دەيىن، جۇڭگو قالىڭ وركەندەپ كەلە جاتقان ەلدەرگە ۇزدىكسىز جاڭا ومىرشەڭدىك كۇش ۇستەدى.
ءبىر ميلليارد 400 ميلليونعا تاياۋ جان سانى بار ءىرى بازار، دۇنيە جۇزىندەگى كولەمى ەڭ ۇلكەن ورتاشا كىرىستى شوعىر، 802 ميلليون توراپكەر ەكونوميكالىق كولەمى 3 تريلليون 500 ميلليارد يۋانعا جەتەتىن حالىق اقشاسىنان بىرگە يگىلىكتەندى... كەڭ بازار ءورىسى جۇڭگونىڭ ەكونوميكالىق دامۋ تەبىنىنە كۇش ۇستەپ قانا قالماستان، دۇنيە جۇزىندەگى ءار ەلدىڭ دامۋىنا دا كەڭ ءورىس اشتى.
«الداعى 15 جىلدا، جۇڭگونىڭ بازارى اناعۇرلىم كەڭەيەدى، دامۋى اناعۇرلىم جالپى بەتتىك بولادى. مەجەمەن 24 تريلليون دوللارلىق تاۋاردى يمپورت ەتىپ، 2 تريلليون دوللارلىق شەتەل قارجىسىن تىكەلەي باۋراپ، شەتەلگە قوسقان قارجىسىنىڭ جالپى سوماسى 2 تريلليون دوللارعا جەتەدى». باس شۋجي شي جينپيڭ ءار ەلدىڭ جۇڭگونىڭ دامۋى تۋدىرعان قولايلى مۇمىكىندىكتەردەن پايدالانۋىن قارسى الاتىندىعىن باسا دارىپتەدى.
كوپ جاقتى ساۋدا ءتۇزىلىسىن قورعاۋ پرينسيبى ارقىلى جۇڭگو ەكونوميكانىڭ الەمدەنۋ اياق الىسىن ىلگەرىلەتۋگە كۇش سالدى −−
جۇڭگو ەكونوميكانىڭ الەمدەنۋىنىڭ يگىلىگىنە كەنەلۋشى، ونان دا ماڭىزدىسى، ۇلەس قوسۋشى. ۇستانىمدى اشىق جاريالاپ قالماستان، ونىڭ ۇستىنە جۇڭگو جوباسىن دا الىپ شىعىپ، جۇڭگو ۇلەسىن قوستى.
2015 - جىلى جۇڭگو «ساۋدانى قولايلىلاستىرۋ كەلىسىمى» توقتامىن قابىلداعان الەمدىك ساۋدا ۇيىمىنىڭ 16 - مۇشەسىنە اينالدى. 2016 - جىلى جۇڭگو 20 ەل توبىنىڭ ءتوراعا ەلى مىندەتىن اتقارعان كەزدە، كوپ ەلدىڭ «ساۋدانى قولايلىلاستىرۋ كەلىسىمىن» ەل ىشىندە بەكىتۋ ءتارتىبىن ورىنداۋىن ىلگەرىلەتىپ، كەلىسىمنىڭ كۇنى بۇرىن كۇشكە يە بولۋىنا بەلسەنە ۇلەس قوستى.
جەكە كۋالىكتى ازايتۋدى، ءتارتىپتى جاقسارتۋدى، ۋاقىت ونىمدىلىگىن جوعارىلاتۋدى، وزىندىك قۇندى تومەندەتۋدى كۇش سالۋ ءتۇيىنى ەتكەن كەدەن باس مەكەمەسى بيىل 9 - ايدا شەكارا اتتاعان ساۋدانى جەبەيتىن ءبىر قىدىرۋ شارالاردى جاريالادى ءارى تياناقتاندىرۋ ۋاقىت كەستەسىن جاسادى. سول ايدا ەلىمىز ماۋريتيۋسپەن ەركىن ساۋدا كەلىسىمىنە قول قويدى، مۇنىڭ الدىندا 24 ەلمەن جانە وڭىرمەن 16 ەركىن ساۋدا كەلىسىمىنە دە قول قويعان.
ءارى قاعيداعا بويسۇندى، ءارى امالياتقا باسا ءمان بەردى، جۇڭگو جوعارى دەڭگەيلى ساۋدا مەن قارجى قوسۋدى ەركىندەستىرۋ، قولايلىلاستىرۋ ساياساتىنىڭ پارمەندى ارەكەتىن اتقارۋ ارقىلى ەكونوميكانىڭ الەمدەنۋدەگى ماڭىزدى ىلگەرىلەتۋشىلىك رولىن ساۋلەلەندىرۋدە.
«جۇڭگو كوپ جاقتى الەمنىڭ تىرەگىنە اينالىپ، كوپ جاقتىلىقتى ىلگەرىلەتۋگە بەلسەنە ۇلەس قوستى»، - دەدى ب م ۇ - نىڭ باس حاتشىسى گۋتەررەس.
پارتيا 19 - قۇرىلتايىنىڭ بايانداماسىندا: «ەكونوميكانىڭ الەمدەنۋىنىڭ ءتىپتى دە اشىق، قامتىمدى، جالپىعا ءتيىمدى، تەپ - تەڭ بولۋ، تەڭ يگىلىكتەنۋ بەتالىسىنا قاراي دامۋىن ىلگەرىلەتۋدى» العا قويدى.
ەسىك اشۋدىڭ الەمدەنۋىن ىلگەرىلەتكەن جۇڭگو اشىق الەمدىك ەكونوميكانى تاباندىلىقپەن ىلگەرىلەتتى؛
قامتىمدىلىقتىڭ الەمدەنۋىن ىلگەرىلەتكەن جۇڭگو اناعۇرلىم كوپ ەلدەر مەن كاسىپورىنداردىڭ الەمدىك جۇمىس ءبولىسى جۇيەسىنە قاتىناسۋىن دارىپتەدى؛
جالپىعا تيىمدىلىكتىڭ الەمدەنۋىن ىلگەرىلەتكەن جۇڭگو تۇرلىشە ەلدەردى، تۇرلىشە جىكتەگىلەردى، تۇرلىشە ادامدار شوعىرىن الەمدەنۋ جەتىستىگىنەن بىرگە يگىلىكتەندىرۋدى ورتاعا قويدى؛
تەپە - تەڭ بولۋدىڭ الەمدەنۋىن ىلگەرىلەتكەن جۇڭگو ءار ەلدىڭ الەمدىك دامۋدىڭ ات سالىسۋشىسىنا، ۇلەس قوسۋشىسىنا، يگىلىككە كەنەلۋشىسىنە اينالۋىن دارىپتەدى؛
تەڭ يگىلىكتەنۋدىڭ الەمدەنۋىن ىلگەرىلەتكەن جۇڭگو سەلبەسىپ ءىرى ءىس ءبىتىرۋدى، يگى ءىس ءبىتىرۋدى، باياندى ءىس ءبىتىرۋدى العا قويدى.
«جۇڭگو دۇنيە جۇزىندەگى ءار ەلمەن بىرگە ادامزاتتىڭ تاعدىرلاس ورتاق تۇلعاسىن قۇرىپ، الەمدىك سەرىكتەستىك قاتىناستى دامىتىپ، دوستىق سەلبەستىكتى كەڭەيتىپ، ءوزارا قۇرمەت ەتەتىن، ءادىل، تۋراشىل، سەلبەسىپ تەڭ يگىلىككە كەنەلەتىن ەل مەن ەل ارا قارىم - قاتىناستىڭ جاڭا جولىمەن ءجۇرىپ، الەمنىڭ اناعۇرلىم بەيبىت، تىنىش، ادامزات تۇرمىسىنىڭ اناعۇرلىم باقىتتى، تاماشا بولۋىنا مۇمكىندىك جاساۋدى قالايدى».
بيىل جىل باسىنان بەرى، بو - اۋ ازيا تالقى مىنبەرىنىڭ 2018 - جىلعى جىلدىق جينالىسىنان شاڭحاي سەلبەستىك ۇيىمىنىڭ چيڭداۋداعى باس قوسۋىنا، ونان ارى جۇڭگو - افريكا سەلبەستىك تالقى مىنبەرىنىڭ بەيجيڭدەگى باس قوسۋىنا دەيىن باس شۋجي شي جينپيڭ كوپتەگەن نەگىزگى ديپلوماتيالىق قيمىلداردا ادامزاتتىڭ تاعدىرلاس ورتاق تۇلعاسىن ىلگەرىلەتۋ جونىندە جۇڭگو ءۇنىن تاراتىپ، جۇڭگونىڭ اقىل - پاراساتىن قوستى.
ادامزاتتىڭ تاعدىرلاس ورتاق تۇلعاسىن ورناتۋعا ۇمتىلعان جۇڭگو الەمدىك جونگە سالۋ جۇيەسىنىڭ وزگەرىسىن ىلگەرىلەتۋگە كۇش سالدى −−
«الەمدىك كەزەڭنىڭ» جەر شارى قىستاعى قاشاندا تاتۋ - ءتاتتى بولا بەرمەيدى، حاۋىپسىزدىك، جان سانى، بايلىق، قورشاعان ورتا سياقتى الەمدىك ماسەلەلەر ادامزاتتىڭ تىرشىلىگى مەن دامۋىنا حاۋىپ توندىرۋدە، وركەنيەتتەردىڭ قاقتىعىسىنان ارىلۋ ءالى دە قيىن.
پارتيا 18 - قۇرىلتايىنان بەرى، باس شۋجي شي جينپيڭنىڭ بيىكتە تۇرىپ، الىستى كوزدەپ، ادامزاتتىڭ تاعدىرلاس ورتاق تۇلعاسىن قۇرۋ سىندى وسى بۇكىل الەمدەگى 7 ميللياردتان استام ادامنىڭ داڭق - نامىسىنا، گۇلدەنۋى مەن قۇلدىراۋىنا، بولاشاق تاعدىرىنا قاتىستى ماڭىزدى يدەياسى مەن ۇستانىمىن ورتاعا قويىپ، جۇڭگونىڭ ءوزىن دامىتۋى مەن الەمدىك دامۋدى ءوزارا بىرلىككە كەلتىرگەن كەڭ قولتىقتىعىن، جاۋاپكەرشىلىك ارقالاۋىن ايگىلەدى.
جۇڭگو بىرگە اقىلداسۋ، بىرگە قۇرۋ، بىرگە يگىلىكتەنۋدەي الەمدىك جونگە سالۋ كوزقاراسىن اتقارىپ، سەلبەسىپ تەڭ يگىلىككە كەنەلۋ ۇستانىمىن، جاڭاشا ءىرى ەل قاتىناسىن، دۇرىس ۇجدان - مۇددە كوزقاراسىن بەلسەنە دارىپتەپ، اناعۇرلىم ءادىل، ۇيلەسىمدى حالىقارالىق ءتارتىپتى ورناتۋعا ايقىن باعدار كورسەتىپ، ادامزاتتىڭ تاعدىرلاس ورتاق تۇلعاسىن قۇرۋدى ب م ۇ - نىڭ كوپتەگەن ماڭىزدى حۇجاتتارىنا ەنگىزىپ، ءتىپتى دە كوپ ەلدەر مەن حالىقتىڭ كەڭ كولەمدە مويىنداۋىنا قول جەتكىزدى.
جۇڭگو الەمدىك جونگە سالۋدىڭ جۇڭگو جوباسىن ۇزدىكسىز ارەكەتتە قولدانىپ، حالىق اقشاسىنىڭ حالىقارالانۋىن ىلگەرىلەتۋدى وراي ەتىپ حالىقارالىق اقشا فينانس جۇيەسى رەفورماسىن جەبەپ، الەمدىك ساۋدا ۇيىمىنىڭ الەمدىك ساۋدا، قارجى قوسۋ بارىسىنداعى نەگىزگى ارنالىق ورنىن باتىل قورعاپ، ب م ۇ - نىڭ 2030 - جىلعا دەيىنگى باياندى دامۋ كۇن ءتارتىبىن جاساۋدى ءارى مەملەكەت ايىرماشىلىعى جوباسىن الدىمەن جاريالاۋدى ىلگەرىلەتىپ، «بريكس +» سياقتى سەلبەستىك ۇلگىسى جونىندە ىزدەنىپ، بازارى جاڭادان گۇلدەنگەن ەلدەردىڭ جانە وركەندەپ كەلە جاتقان ەلدەردىڭ الەمدىك جونگە سالۋ تۇعىرىن ازىرلەپ، ءوزارا پايدا جەتكىزىپ، تەڭ يگىلىككە كەنەلەتىن دوستار شەڭبەرىن بارعان سايىن كەڭەيتتى.
ەسىك اشۋ جولىمەن جۇرگەن جۇڭگو الەمدىك ساحنانىڭ ورتاسىنا كۇن سايىن جاقىنداپ كەلەدى.
ەسىك اشۋ ارقىلى العا باسقان جۇڭگو سوتسياليستىك وسىزاماندانعان قۇدىرەتتى ەل قۇرۋ ايبىندى نىساناسىنا اياق باستى.
رەفورما جاساۋدىڭ، ەسىك اشۋدىڭ جاڭا باستاماسىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، جۇڭگونىڭ ەسىك اشۋ قاقپاسى بارعان سايىن كەڭەيىپ، دۇنيە جۇزىمەن تىزە قوسىپ، الەمدىك تەڭ يگىلىككە كەنەلۋدى كوزدەپ، بۇكىل ادامزاتقا تاۋەلدى تاماشا بولاشاقتى جاراتاتىن بولادى.
(تىلشىلەر چىن ىرحوۋ، جاۋ چاۋ، ان بەي، حى يۇيشين، جياڭ لين، يۇي جياشين، ليۋ حۇڭشيا)
(شينحۋا اگەنتتىگىنىڭ 11 - ايدىڭ 3 - كۇنى بەيجيڭنەن بەرگەن حابارى)