ءتاڭىرتاۋ تورابى   ›   جاڭالىقتار   ›   شينجياڭ حابارلارى

بيڭتۋاننىڭ رەفورمانى تەرەڭدەتۋ جونىندەگى ارناۋلى مالىمەت بەرۋ ءماجىلىسى وتكىزىلدى

بيڭتۋاننىڭ رەفورمانى تەرەڭدەتۋىن بارىنشا پارمەندى، بارىنشا ناقتى شارالارمەن قولدايىق

  ءتىلشىمىز لي ياڭ 11 - ايدىڭ 4 - كۇنى ۇرىمجىدەن حابارلايدى. 11 - ايدىڭ 3 - كۇنى تۇستەن كەيىن بيڭتۋاننىڭ رەفورمانى تەرەڭدەتۋ جونىندەگى ارناۋلى مالىمەت بەرۋ ءماجىلىسى وتكىزىلدى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بيڭتۋاننىڭ رەفورماسىن تەرەڭدەتۋ جونىندەگى شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، بيڭتۋاننىڭ رەفورمانى تەرەڭدەتۋ قىزمەتى جاعدايىن جاپپاي اداقتاپ، اۆتونوميالى رايوننىڭ قاتىستى تاراۋلارىنىڭ بيڭتۋاننىڭ ءتۇرلى رەفورمالارىن سايكەسىپ ىلگەرىلەتۋ جاعدايىن تىڭداپ، كەلەسى كەزەڭدەگى ءتۇيىندى قىزمەتتەردى اقىلداسىپ ورنالاستىردى. اۆتونوميالى رايوندىق پارتكومنىڭ ورىنباسار شۋجيى، رەفورمانى جاپپاي تەرەڭدەتۋ باسشىلىق گرۋپپاسى كەڭسەسىنىڭ مەڭگەرۋشىسى لي پىڭشين ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: بيڭتۋاننىڭ رەفورمانى تەرەڭدەتۋى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ستراتەگيالىق ورنالاستىرۋى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەبەۋدىڭ، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدىڭ، تياناقتاندىرۋدىڭ ماڭىزدى شاراسى. بىلتىردان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بيڭتۋان پارتكومى رەفورماداعى تۇلعالىق رولىن تولىق ساۋلەلەندىرىپ، پارتيا ورتالىق كوميتەتىنىڭ بيڭتۋان رەفورماسىن تەرەڭدەتۋ جونىندەگى رۋحىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ بيڭتۋان رەفورماسىن تەرەڭدەتۋ جونىندەگى حۇجاتىنىڭ رۋحىن دايەكتىلەندىرىپ، تياناقتاندىرىپ، رەفورمانى حالىقتى وزەك ەتە وتىرىپ جوسپارلاۋدا، ماسەلەنى شەشۋدى نىشان ەتۋدە، جوعارى دەڭگەيدە جوبالاۋ مەن نەگىزگى ساتىدا ىزدەنىس جاساۋدى ۇتىمدى ۇشتاستىرۋدا تاباندى بولىپ، ءتۇيىندى سالالار مەن شەشۋشى بۋىندارعا ۇزدىكسىز كۇش سالىپ، شەگە قاعۋ رۋحىمەن رەفورمانى تياناقتاندىرۋدى مىقتى ۇستاپ، بيڭتۋان رەفورماسىن پارمەندى ىلگەرىلەتىپ، كورنەكتى تابىسقا قول جەتكىزدى.

  ءماجىلىس مىنالاردى باسا دارىپتەدى: بيڭتۋان مەن جەرگىلىكتى ورىن «ءبىر تۇتاس جۇيە» يدەياسىن بەرىك ورناتىپ، قاشاندا بيڭتۋاننىڭ دامۋى − شينجياڭنىڭ دامۋى، بيڭتۋاننىڭ كۇشەيۋى − شينجياڭنىڭ كۇشەيۋى، بيڭتۋاننىڭ رەفورماسى − شينجياڭنىڭ رەفورماسى، بيڭتۋاننىڭ ورنىقتىلىعى − شينجياڭنىڭ ورنىقتىلىعى دەگەنگە تاباندى بولىپ، كەڭەسۋدى، سايكەسۋدى كۇشەيتىپ، رەفورما بارىسىنداعى قيىن ماسەلەلەردى سايكەسىپ شەشۋ كەرەك. جۇمىس ءتارتىبى ايقىندالعاندارى جونىندە ءجيى كەڭەسىپ، ونىمدىلىكتى ارتتىرۋ؛ قاتىستى حۇجات، جوبالار شىعارىلۋى تيىستىلەرىنە اۆتونوميالى رايوننىڭ قاتىستى تاراۋلارى كەڭىنەن پىكىر الىپ، تەزىرەك شىعارۋ؛ العا قويىلعاندارىن تياناقتاندىرۋدى تەزدەتىپ، بيڭتۋان مەن جەرگىلىكتى ورىننىڭ كاسىپ سالاسىن ورنالاستىرۋ، نىسانداردى تياناقتاندىرۋ جاعىندا توعىسپالى دامۋىن ىلگەرىلەتۋ؛ تاريحتان قالعان ماسەلەلەردى كوبىرەك اقىلداسىپ، كوبىرەك كەڭەسىپ، بىرتىندەپ ورتاق تانىم قالىپتاستىرىپ، ماسەلەنى شەشۋدى ىلگەرىلەتۋ كەرەك.

  ءماجىلىس مىنالاردى تالاپ ەتتى: بيڭتۋان مەن جەرگىلىكتى ورىننىڭ ەكونوميكا، مادەنيەت، قوعام، ورنىقتىلىقتى قورعاۋ، كادر - دارىندى، ۇلتتار ىنتىماعى، ورتانى قورعاۋ سياقتى جاقتاردا ىشكەرىلەي توعىسۋىن ۇزدىكسىز ىلگەرىلەتۋ كەرەك. بيڭتۋاننىڭ ءتۇيىندى سالالارىنداعى رەفورمانى ۇزبەي تەرەڭدەتۋگە ۇزدىكسىز قولداۋ كورسەتىپ، زاڭ بويىنشا ۇقىق بەرۋ مەن ساياسات جاعىندا بەيىمدەلۋدى ۇشتاستىرۋدا تاباندى بولىپ، بيڭتۋاننىڭ «اكىمشىلىك» فۋنكتسياسىن ۇزدىكسىز جەتىلدىرۋگە قولداۋ كورسەتۋ؛ بيڭتۋاننىڭ لاڭكەستىككە قارسى تۇرىپ، ورنىقتىلىقتى قورعاۋعا ات سالىسۋ مەحانيزمىن بار كۇشپەن كەمەلدەندىرىپ، بيڭتۋاننىڭ «ارميالىق» قاسيەتىن ايگىلەۋگە قولداۋ كورسەتىپ، «ورنىقتىرعىش» رولىن بارىنشا ويداعىداي ساۋلەلەندىرۋ؛ بيڭتۋانعا كاسىپ سالاسىن دامىتۋىنا جانە سىرتقا ەسىك اشۋىنا قولداۋ كورسەتۋ تەبىنىن ارتتىرىپ، بيڭتۋاننىڭ «ءبىر بەلدەۋ، ءبىر جول» قۇرىلىسىمەن توعىسۋىن بەلسەنە ىلگەرىلەتىپ، بيڭتۋاننىڭ «كاسىپورىندىق» بازار سۋبيەكتىسى ورنىن تۇراقتاندىرۋىنا قولداۋ كورسەتىپ، بيڭتۋاننىڭ سىرتقا باعىتتالعان ەكونوميكانى دامىتۋىنا شارت - جاعداي ازىرلەۋ كەرەك.

  اۆتونوميالى رايون مەن بيڭتۋاننىڭ باسشىلارىنان ليۋ جيانشين، لي شينميڭ، لي جيدۇڭ ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى