ءتاڭىرتاۋ تورابى   ›   ۇيرەنۋ   ›   شولۋ

ەلىمىزدىڭ ەكونوميكالىق دامۋى، ءسوزسىز، جەڭىسكە جەتەدى سەنىمىن كۇشەيتەيىك

− باس شۋجي شي جينپيڭنىڭ حالىقتىق كاسىپورىنداردىڭ اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

  حالىق گازەتىنىڭ شولۋشىسى

  تۇراقتىلىقتى ساقتاپ، سەنىمدى بەكەمدەپ، كۇش - قۋاتتى شوعىرلاندىرا وتىرىپ ءوز ءىسىمىزدى ويداعىداي ىستەۋ − ءبىزدىڭ ءتۇرلى حاۋىپ - قاتەرلەر مەن سىن - سايىستارعا توتەپ بەرۋىمىزدىڭ كىلتى.

  «قيىنشىلىقتار مەن سىن - سايىستار الدىندا، ءتيىمدى شارت - جاعدايدى كورە ءبىلىپ، ەلىمىزدىڭ ەكونوميكالىق دامۋى جونىندەگى بەكەم سەنىمدى كۇشەيتۋىمىز كەرەك». جۋىردا اشىلعان حالىقتىق كاسىپورىنداردىڭ اڭگىمە ماجىلىسىندە باس شۋجي شي جينپيڭ حالىقتىق شارۋاشىلىقتىڭ اناعۇرلىم زور دامۋىن جۇزەگە اسىرۋدى كوزدە ۇستاپ، ەلىمىزدىڭ ەكونوميكالىق دامۋىنىڭ ءتيىمدى شارت - جاعدايلارىنا ىشكەرىلەي تالداۋ جاساپ، قالىڭ حالىقتىق كاسىپكەرلەردىڭ قيىنشىلىقتى جەڭىپ، تيجاراتتىڭ دامۋىن ويداعىداي جۇرگىزۋ سەنىمى مەن قوزعاۋشى كۇشىن نىعايتىپ، قالىڭ كادر، بۇقارانىڭ حاۋىپ - قاتەر مەن سىن - سايىستارعا توتەپ بەرىپ، ەلىمىز ەكونوميكاسىنىڭ جوعارى ساپالى دامۋىن ىلگەرىلەتۋ سەنىمىن بەكەمدەپ، جىگەرىن جانىدى.

  جالپى جاقتان ورنىقتى بولۋ، ورنىقتىلىق بارىسىندا ىلگەرىلەۋ − ەلىمىزدىڭ كەزەكتەگى ەكونوميكالىق اينالىمىنىڭ ەرەكشەلىگى. بيىل الدىڭعى 3 توقساندا ەل ءىشى ءوندىرىس جالپى ءونىم قۇنى بىلتىرعى ۇقساس مەزگىلدەگىدەن %6.7 ارتىپ، قالا - قالاشىقتارداعى جاڭادان جۇمىسقا ورنالاسقاندار 11 ميلليوننان اسىپ، قىزمەت كورسەتۋ كاسىبىنىڭ ەكونوميكانىڭ ارتۋىنا قوسقان ۇلەسى ٪60.8كە، تۇتىنۋدىڭ ەكونوميكانىڭ ارتۋىنا قوسقان ۇلەسى %78كە جەتىپ، نەگىزگى كورسەتكىشتەر ۇيلەسىمدى ارالىقتى ساقتاۋدا. سونىمەن بىرگە، ەلىمىزدىڭ ەكونوميكالىق دامۋىنداعى تۇراقسىزدىق كورنەكتى جوعارىلاپ، قۇلدىراۋ قىسىمى ءبىرشاما كۇشەيىپ، كاسىپورىنداردىڭ تيجارات قيىنشىلىعى ارتا ءتۇستى. مىنانى دا كورە ءبىلۋ كەرەك: ەلىمىزدىڭ قازىرگى ەكونوميكالىق جاعدايى ۇزاق ۋاقىتتىق جانە قىسقا مەرزىمدىك، ىشكى جانە سىرتقى سياقتى فاكتورلاردىڭ بىرگە اسەر ەتۋىنىڭ ناتيجەسى، بۇلاردىڭ بارلىعى العا باسۋ بارىسىندا تابيعي ۇشىرايتىن ماسەلەلەر. حالىقتىق كاسىپورىندار جونىنەن ايتقاندا، قيىنشىلىقتى جەڭىپ، اناعۇرلىم زور دامۋدى جۇزەگە اسىرۋ ءۇشىن، ەڭ اۋەلى، ەلىمىزدىڭ ەكونوميكالىق دامۋى جونىندەگى بەكەم سەنىمدى كۇشەيتۋ كەرەك.

  بەكەم سەنىم ەلىمىز ەكونوميكاسى دامۋىنىڭ كوپتەگەن ءتيىمدى شارت - جاعدايلارىنان كەلەدى. باس شۋجي شي جينپيڭ سوزىندە جان - جاقتى دا ىشكەرىلەي تالداۋ جاساپ، بىزگە تەرەڭ وي سالدى. ىشكى جاقتان قاراعاندا، ەلىمىز وراسان زور دامۋ توزىمدىلىگىنە، كومەسكى قۋاتىنا جانە مۇمكىندىگىنە يە، ءبىر ميلليارد 300 ميلليون ادامدىق ىشكى سۇرانىس بازارى بار؛ ەلىمىز ءبىرشاما جاقسى دامۋ شارت - جاعدايىنا جانە زاتتىق نەگىزگە، دۇنيە ءجۇزى بويىنشا ەڭ تولىق كاسىپ جۇيەسىنە جانە ۇزدىكسىز كۇشەيگەن عىلىم - تەحنيكالىق جاڭالىق اشۋ قابىلەتىنە يە؛ ادام كۇشى كاپيتالى مول، ەڭبەككۇشتىڭ سالىستىرمالى ارتىقشىلىعى ءالى دە كورنەكتى؛ مەملەكەت تەرريتورياسى كەڭ، جەردىڭ جالپى بايلىعى مول، بۇل ەكونوميكانىڭ دامۋىنا تاماشا كەڭىستىك تىرەگىن ازىرلەيدى؛ ەلىمىز ەكونوميكاسى دامۋىنىڭ اقاۋسىز، ورنىقتى بولۋ نەگىزگى جاعدايى وزگەرگەن جوق، جوعارى ساپالى دامۋعا تىرەك بولاتىن ءوندىرىس فاكتورلارى، شارت - جاعدايى وزگەرگەن جوق، ۇزاق ۋاقىت ورنىقتىلىق بارىسىندا جاقسارۋ سىندى جالپى بەتالىس وزگەرگەن جوق؛ ەلىمىز ەلدەن ەرەك تۇزىمدىك ابزالدىلىققا، كۇشتى شوعىرلاندىرىپ ءىرى ىستەر تىندىراتىن ساياسي ابزالدىلىققا يە. سىرتتان قاراعاندا، دۇنيە ءجۇزى ەكونوميكاسىندا تۇلعالىق جاقتان قايتا جاندانىپ، جاقسارۋ اۋقىمى كورىندى، بيىل الدىڭعى 3 توقساندا ەلىمىزدىڭ يمپورت - ەكسپورتى ورنىقتى ارتۋ بەتالىسىن ساقتادى، «ءبىر بەلدەۋ، ءبىر جول» بويىنداعى ەلدەرمەن قارجى قوسۋ، ساۋدا، سەلبەستىك جەدەل ىلگەرىلەپ، ءبىزدىڭ سىرتقى ەكونوميكالىق ورتامىزدىڭ جاڭا جارقىن تۇيىنىنە اينالدى. ءبىزدىڭ ەلىمىز ەكونوميكاسى دامۋىنىڭ جارقىن كەلەشەگىنە تولىق سەنىمدە بولمايتىن سەبەبىمىز جوق، قيىنشىلىقتاردى جەڭىپ، سىن - سايىستارعا توتەپ بەرۋ سەنىمىن بەكەمدەمەيتىن سەبەبىمىز جوق.

  بەكەم سەنىمى پارتيامىزدىڭ پارمەندى باسشىلىعى مەن ەكونوميكانىڭ جالپى جاعدايىن مەڭگەرەتىن قابىلەتىنەن كەلەدى. پارتيا 18 - قۇرىلتايىنان بەرى قىم - قۋىت كۇردەلى سىرتقى ورتا الدىندا، ەلىمىز ەكونوميكاسى دامۋىنىڭ جاڭا قالىپقا كىرۋى سياقتى ءبىر قىدىرۋ تەرەڭ وزگەرىستەر الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى قيىنشىلىققا قاسقايا قارسى ءجۇرىپ، ءورىس اشا العا ىلگەرىلەپ، پارتيا مەن مەملەكەت ىستەرىنىڭ تاريحي تابىستارعا قول جەتكىزۋىن، تاريحي وزگەرىستەر تۋىلۋىن ىلگەرىلەتتى. جىل باسىنان بەرى، سىرتقى ورتانىڭ تۇراقسىزدىعى مولايعان، ەل ءىشى شارۋاشىلىق قۇرىلىمى رەتتەلگەن، تيپ وزگەرتىپ، دەڭگەي جوعارىلاتۋ تىڭعىلىقتى ىلگەرىلەگەن ءىرى شارت - جاعدايدا، ەلىمىز ەكونوميكاسىنىڭ جالپى جاعدايى ورنىقتى بولىپ، تۇتىنۋ دەڭگەيىنىڭ جوعارىلاۋ بەتالىسى كورنەكتىلەنىپ، وڭىرلىك سايكەستىلىكتىڭ قوزعاۋشى كۇشى كۇشەيىپ، جاڭالىق اشۋ ومىرشەڭدىك كۇشىنە ۇزدىكسىز دەم بەرىلدى، بۇل پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىنىڭ، ورنالاستىرۋلارىنىڭ بۇكىلدەي دۇرىس ەكەندىگىن تولىق دالەلدەدى، پارتيامىزدىڭ كۇردەلى دە الماعايىپ جاعدايداعى سوتسياليستىك بازار شارۋاشىلىعىن مەڭگەرۋ قابىلەتىن تولىق ايگىلەدى. ءبىر ايدان استام ۋاقىتتان بەرى، باس شۋجي شي جينپيڭ تالاي رەت حالىقتىق شارۋاشىلىقتى دامىتۋ جونىندە ماڭىزدى نۇسقاۋ بەرىپ، حالىقتىق كاسىپورىنداردىڭ دامىپ، كوركەيۋىنە زور كۇشپەن قولداۋ كورسەتۋ جونىندە ماڭىزدى ورنالاستىرۋلار جاسادى، بۇل − ەلىمىزدەگى كاسىپورىندار سانىنىڭ %90تەن استامىن ۇستايتىن حالىقتىق شارۋاشىلىقتىڭ ءتىپتى دە زور دامۋ كەڭىستىگى مەن ورايىنا يە بولاتىندىعىن ءبىلدىرىپ قانا قالماستان، پارتيا ورتالىق كوميتەتىنىڭ پارمەندى باسشىلىعىندا جاڭا داۋىردە ەكپىندەي ىلگەرىلەسەك، ءبىزدىڭ، ءسوزسىز، ءتۇرلى بازار تۇلعالارىنىڭ ومىرشەڭدىك كۇشىن ۇزدىكسىز قاۋلاتىپ، جۇڭگو ەكونوميكاسىنىڭ ءتىپتى دە جارقىن دامۋ كەلەشەككە يە بولۋىن ىلگەرىلەتە الاتىندىعىمىزدى دا بىلدىرەدى.

  سەنىم ناقتى ناتيجەدەن كەلەدى، ناقتى ىستەر تىندىرۋ سەنىمدى كۇشەيتەدى. ەلىمىزدىڭ دامۋى ءار ساتتە، ءار ىستەن تۋىندايدى، ءبىراق ۇزاق ۋاقىتتان قاراعاندا شىعىس ايبىنى ماڭگى ۇدەرە العا تارتادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ستراتەگيالىق تۇراقتىلىقتى ساقتاپ، ورنىقتىلىق بارىسىندا ىلگەرىلەۋدەن جازباي، رەفورمانى تياناقتاندىرۋدى مىقتاپ يگەرىپ، جاڭا ماسەلەلەرگە، جاڭا سىن - سايىستارعا بەلسەندىلىكپەن توتەپ بەرىپ، شىعارىلعان ساياسات - شارالارى تەز رولىن ساۋلەلەندىرگەن جۇڭگو ەكونوميكاسىنىڭ الىپ كەمەسى، ءسوزسىز، ۇدەرە العا تارتا بەرەدى.

  (شينحۋا اگەنتتىگىنىڭ 11 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى