ءتاڭىرتاۋ تورابى   ›   جاڭالىقتار   ›   شينجياڭ حابارلارى

«قوس 11»دە شينجياڭ سورتتى ونىمدەردى اقىسىز جەتكىزەدى

  شينجياڭ شىلانى (سۋرەتتى حوتان ايماعى لوپ اۋداندىق ۇگىت ءبولىمى قامداعان)

  شينجياڭنىڭ ناعىز، ءدامدى كەپتىرىلگەن جەمىس-جيدەگىن جەپ كورمەگەن بولساڭىز دا اتاعىن ەستىگەن بولارسىز، بيىل «قوس 11» دە ەلىمىزدىڭ ءارقايسى جەرلەرىندەگى توراپكەرلەر قولفون ارقىلى شينجياڭنىڭ كەپتىرىلگەن جەمىسىن اقىسىز جەي الاتىن بولادى.

  11-ايدىڭ 8-كۇنى، ءتىلشىنىڭ شينجياڭ ءتاڭىرتاۋ تورابىنان ۇعىسۋىنشا، بيىل 11-ايدىڭ 11-كۇنى ساعات 11 دە، تيانشاننىڭ سورتتى ونىمدەرىن بىرلەستىرىپ، شينجياڭ حوتان ايماعى لوپ اۋدانى تۇتاس ەلىمىزگە شەكتى ۋاقىتتا شينجياڭنىڭ ناعىز ءدامدى 1000 ۇلەس ساۋعاسىن اقىسىز ۇسىنادى، 111000 تال شينجياڭنىڭ شىلانى شينجياڭنىڭ ساپالى ءونىمىنىڭ جارشىسى بولىپ سىزدەرمەن جۇزدەسەدى.

  وزگەشە اۋىل شارۋاشىلىق ونىمدەرىنىڭ شينجياڭنان شىعۋىنا دەم بەردى

  بيىل 5-ايدىڭ 30-كۇنى، «CCTV مەملەكەتتىك ماركا جوسپارى، جارناما كەدەيلەردى دالمە-ءدال سۇيەمەلدەۋ» نىسانى شينجياڭ ونىمدەرىن تانىستىرۋ اقپار جاريالاۋ جينالىسى ۇرىمجىدە ءساتتى وتكىزىلدى. 6-ايدىڭ 1-كۇنىنەن باستاپ، حوتان روزاسى، ياركەننىڭ بادامى، وڭتۇستىك شينجياڭنىڭ جاڭعاعى، وڭتۇستىك شينجياڭنىڭ شىلانى سىندى 4 ءتۇرلى شينجياڭ اۋىل شارۋاشىلىق ءونىمىنىڭ يگىلىك جارناماسى ورتالىق تەلەۆيزياسىنىڭ كوپ ارناسىندا جۇرتپەن جۇزدەستى، تيانشاننىڭ سورتتى ءونىمى جارىققا شىقتى. كوزالدا، قويىلاتىن ارنا 8 گە ارتتى، شينجياڭ سىندى 8 ولكەگە (رايون) جالپىلاستى.

  تيانشان سورتتى ءونىمى تۇعىرى ادەتتەگى ەلەكتر ساۋدا تۇعىرىنا ۇقسامايدى، وزگەشە ءونىم نەمەسە ادامدى ارقاۋ، جەرگىلىكتى حيكاياسىن ارقاۋ ەتەدى، نەگىزگى ماقساتى — شينجياڭنىڭ وزگەشە اۋىل شارۋاشىلىق ونىمدەرىن ۇگىتتەپ، شينجياڭنىڭ وزگەشە اۋىل شارۋاشىلىق ونىمدەرىن ۇناتقان الارمانداردى ساپالى زات ناقتى باعامەن قامدايتىن ساپالى قىزمەت وتەۋ تەكشەسى.

  قازىرگە دەيىن، تيانشان سورتتى ونىمدەرىنەن وڭتۇستىك شينجياڭنىڭ روزاسى، جاڭعاق قاتارلى ونىمدەرى شىعارىلىپ، تۇتاس ەلىمىزگە ساتىلدى ءارى جاقسى باعاعا يە بولدى. شينجياڭنىڭ اۋىل شارۋاشىلىق ونىمدەرىنىڭ اتاعىن اسپانداتىپ قالماستان، شينجياڭنىڭ سورتتى اۋىل شارۋاشىلىق كاسىپورىندارى ماركاسىنىڭ ىقپالىن جوعارىلاتتى. اقپارات قۇرالدارىنىڭ ابزالدىعىن ىشكەرىلەي ساۋلەلەندىرۋ، شينجياڭ اۋىل شارۋاشىلىق ونىمدەرىنىڭ تياناقتانۋ اۋماعىن كەڭەيتۋ ءۇشىن، تيانشان ساپالى ونىمدەرى ۇزاق جىلدار بويى شينجياڭ اۋىل شارۋاشىلىق ونىمدەرىن سۇرىپتادى، ىشكەرىلەي سەلبەسۋدى ورىستەتتى، ءتىپتى دە كوپتەگەن ادامدارعا شينجياڭنىڭ كەپتىرىلگەن جەمىسىنىڭ ءدامىن تاتقىزۋ، سونداي-اق وزگەشە ونىمدەرىن كەڭەيتۋدى ماقسات ەتتى.

  شىلان كەپتىرۋ.

  شينجياڭدىق شارۋالاردىڭ كەدەيلىكتەن قۇتىلىپ كىرىسىن ارتتىرۋىنا ۇلەس قوستى

  «مەملەكەتتىك ماركا جوسپارى» — ورتالىق تەلەۆيزياسىنىڭ جارناماعا مەردىگەر شاقىرۋ ۇلگىسىن ىسكە اسىرۋداعى رەفورماداعى جاڭالىق جاراتۋ. «جاڭالىقتاردى جالعاپ تاراتۋ» قاتارلى حابار ايدارى جارناما قاينارىنان سىرت، تاڭدالعان كاسىپورىندارعا بەلگىلەگەن «ورتالىق تەلەۆيزياسى مەملەكەتتىك ماركا جوسپارى TOP سەلبەستىك سەرىگى نەمەسە ۇگىت سەركەسى ۇگىت فيلىمىن» جاسايدى. اتالعان جوسپار يگىلىك ءبولىمى مەن ساۋدا ءبولىمى بولىپ بولىنەدى، يگىلىك بولىمىندەگى «جارناما كەدەيلەردى دالمە-ءدال سۇيەمەلدەۋ» نىسانى كەدەي رايوندارداعى اۋىل شارۋاشىلىعى ونىمدەرىنە اقىسىز جارناما جاسايدى.

  2017-جىلدىڭ سوڭىنا دەيىن، ورتالىق تەلەۆيزياسى 4 ولكەنىڭ (رايون) 22 ءتۇرلى اۋىل شارۋاشىلىق جارناماسىن اقىسىز تاراتىپ، 382 مىڭ كەدەي شارۋا وتباسىنا، 1 ميلليون 512 مىڭنان استام ادامعا تيىمدىلىك جەتكىزدى.

  تيانشان سورتتى ونىمدەرى «CCTV مەملەكەتتىك ماركا جوسپارى، جارناما كەدەيلەردى دالمە-ءدال سۇيەمەلدەۋ» نىسانىنداعى اۋىل شارۋاشىلىق ونىمدەرى، شارۋالاردىڭ، كاسىپورىنداردىڭ، الارمان اراسىنا جول سالىپ، ءۇش جاقتىڭ قاتىناسىن نىعايتىپ، الارمانداردى سورتتى ونىمدەرمەن قامدادى، كاسىپورىن ماركاسىنىڭ ىقپالىن جوعارىلاتتى، كەدەي رايونداعى شارۋالاردىڭ كىرىسىن ارتتىرىپ، ساتۋدىڭ تىڭ جولىن اشتى.

  بيىل «قوس 11» دە، تيانشان سورتتى ونىمدەرى «شينجياڭ سورتتى ونىمدەرىن تارتۋ ەتۋ» تاقىرىبىنداعى شينجياڭ شىلانى ماركاسى قيمىلىن جولعا قويدى، ««تيانشان يوۋپين» ءۇنحات تۇعىرىنا قوسىلىپ، قيمىل مازمۇنىنان حاباردار بولۋىڭىزعا بولادى، 11-ايدىڭ 11-كۇنى ساعات 11 دە قيمىلعا قاتىناسا الاسىز، الدىمەن 1000 الارمان تاڭدالادى ءارى 11-ايدىڭ 16-كۇنى ءبىر تۇتاس زات سالادى. سانى شەكتى، ورايدى قولدان بەرمەڭىزدەر! قاتىناسۋلارىڭىزدى ءۇمىت ەتەمىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى