ءۇرىمجى قالاسى تيانشان رايونى اق مەشىتىنىڭ يمامى
ابدۇشكىر راحمەتوللا
جۋىقتا اۆتونوميالى رايوننىڭ ءتوراعاسى شوكىرات زاكىردىڭ شينجياڭنىڭ لاڭكەستىككە قارسى تۇرىپ، ورنىقتىلىقتى قورعاۋ جاعدايى جانە كاسىپتىك شەبەرلىككە تاربيەلەۋ، باۋلۋ قىزمەتى جونىندە تىلشىلەردىڭ سۇراۋىنا بەرگەن جاۋابىنا قاتىستى حاباردى كورگەننەن كەيىن، مەن دىنگە سەنەتىن بۇقاراعا پارتيا مەن ۇكىمەتتىڭ كاسىپتىك شەبەرلىككە تاربيەلەۋ، باۋلۋ ورتالىعىن اشۋداعى ماقساتىنىڭ ءدىني ۇشقارى يدەيانىڭ ىقپالىنا ۇشىراعان ادامداردى قۇتقارۋ ءۇشىن ەكەندىگىن ىرىقتىلىقپەن ۇگىتتەدىم. وسى رەت اۆتونوميالى رايون ءبىزدى قاشقار ايماعىنىڭ ءپايزاۋات اۋدانىنداعى، قاشقار قالاسىنداعى كاسىپتىك شەبەرلىككە تاربيەلەۋ، باۋلۋ ورتالىعىنا بارىپ، ناقتى ورىندى ەكسكۋرسيالاۋعا ۇيىمداستىرعاننان كەيىن، ناقتى جاعداي مەنى ەرەكشە اسەرلەندىردى. مەن ءوز كوزىممەن كورگەن جاعدايلاردى، ياعني تاربيەلەنۋشىلەردىڭ وقىتۋشىلار ۇيرەتكەن قولدانىلمالى كاسىپتىك شەبەرلىك بىلىمدەرىن مۇقيات تىڭداپ، قاراپ وتىرعان، زاڭ جانە زاڭ ەرەجەلەردەن تاپتىشتەي ەستەلىك الىپ جاتقان، سونداي - اق وزدەرىنىڭ قاجىرلى ەڭبەگىنە سۇيەنىپ 1000 − 2000 يۋان ەڭبەكاقى العان ىستەردى ۇمىتا المايمىن. مەن ونى راسىندا ۇمىتا المايمىن! بۇرىن ءدىني ۇشقارى يدەيانىڭ شىرماۋىنا تۇسكەن ولار قازىر پارتيا مەن ۇكىمەتتىڭ كوڭىل بولۋىندە، قامقورلىعىندا، ورىندارىنان قايتا تۇرىپ، قوعامعا، وتباسىنا جارامدى ادامدارعا شىنايى اينالىپتى، مۇنى كورىپ مەن ەرەكشە قۋاندىم جانە اسەرلەندىم.
ءدىني ۇشقارى يدەيا − وسى ادامداردىڭ زاڭعا قايشىلىق جاساپ، قىلمىس وتكىزۋىنىڭ قاينارى. ءدىني ۇشقارى يدەيا الاستالمايىنشا، قوعامدا ءبىر كۇن دە تىنىشتىق ورنامايدى. ءدىني ۇشقارىلار ءىسلام ءدىنىن جەلەۋ ەتىپ، ءدىن قاعيداسىن قاساقانا بۇرمالاپ، ۇلتتىق وشپەندىلىككە جەلىكتىرىپ، «ءدىني بيلىك ساياسيى»، «ءدىن بارىنەن ۇستەم تۇرادى » سياقتى تەرىس ۋاعىزداردى تاراتتى، ولار جاستار مەن ورەندەردى ۋلاپ، بەيكۇنا بۇقارانى قاساقانا زاقىمداپ، باسقالاردىڭ ءدىني سەنىم ەركىندىگىنە كيلىگىپ، قوعامدىق زايىرلى تۇرمىسقا ىقپال جەتكىزدى، ولاردىڭ ءمانى −ءىسلام ءدىنىن بۇرمالاۋ، ءىسلام ءدىنىن قورلاۋ، دىننەن پايدالانىپ وزدەرىنىڭ وتاندى بولشەكتەۋ سۇرقيا ماقساتىنا جەتۋ. ولاردىڭ قىلمىستىق ارەكەتى − زاڭعا قايشى اۋىر قىلمىستىق ارەكەت، مەملەكەتتىڭ زاڭىنا سيمايدى، ءىسلام ءدىنىنىڭ ەجەلدەن دارىپتەپ كەلگەن وتاندى ءسۇيۋ، بەيبىتشىلىك، ادىلدىك، ىنتىماق سياقتى ۇستانىمدارىنا جاناسپايدى، ولار مۇسىلماندارعا مۇلدە ۋاكىلدىك ەتە المايدى، ولار بارىپ تۇرعان بولشەكتەۋشىلەر، ءبىزدىڭ ورتاق جاۋىمىز.
كەزەكتە، جۇڭگوشا سوتسياليزم جاڭا داۋىرگە ءوتتى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، شينجياڭعا باعىتتامالى كومەكتەسكەن ولكە - قالالاردىڭ قالتقىسىز كومەك كورسەتۋىندە اۆتونوميالى رايوندىق پارتكوم تۇتاس رايونىمىزداعى ءار ۇلت كادرلارى مەن بۇقاراسىن ىنتىماقتاستىرىپ جانە باستاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ «كەشەندى شارالارىن» ويداعىداي اتقارىپ، قوعام ورنىقتىلىعىن قورعاۋدىڭ قۇرىش قورعانىن سوقتى. وتانشىل ءدىني قايراتكەر رەتىندە، باس شۋجي شي جينپيڭنىڭ ءدىن سالاسىنداعى قايراتكەرلەرگە كورسەتكەن قامقورلىعىن، كۇتكەن ءۇمىتىن جانە تاپسىرماسىن قاي - قاشان دا ەسىمدە بەرىك ساقتاپ، مەملەكەتتىڭ زاڭدارى مەن زاڭ ەرەجەلەرىنە باستاماشىلدىقپەن بويسۇنىپ، ۇلتتار ىنتىماعىن باستاماشىلدىقپەن قورعاپ، ۇلتتىق بولشەكتەۋشىلىككە باستاماشىلدىقپەن قارسى تۇرىپ، عىلىم - تەحنيكانى باستاماشىلدىقپەن ۇيرەنىپ، دىنگە سەنەتىن بۇقارانى ءوندىرىستى بەلسەنە دامىتۋعا، تۇرمىسىن جاقسارتۋعا، دۇرىس پەن بۇرىستى ايقىن ايىرۋعا، سەنىمدى دۇرىستاۋعا، ارەكەتتى دۇرىستاۋعا باستاپ، زاڭ مەن زاڭ ەرەجەلەر جول قويعان كولەم ىشىندە ءدىني قيمىلداردى ورىستەتىپ، ءدىني ۇشقارىلارعا باتىلدىقپەن، تاباندىلىقپەن قىلىش ءۇيىرىپ، ولاردىڭ تاراتقان ۇشقارى يدەيالارىن سىن تەزىنە الىپ جانە وعان تويتارىس بەرىپ، ولاردىڭ دىننەن پايدالانىپ مەملەكەتتى بولشەكتەۋگە ۇرىنعان شىنايى ماقساتىن ايپاراداي اشىپ، ولادىڭ سۇرقيا ارەكەتتەرىن اشكەرەلەپ، ءوزىمنىڭ ۇشقارىلىقتى الاستاۋداعى جاۋاپكەرشىلىگىم مەن بورىشىمدى ويداعىداي وتەيمىن. ەلىمىزدە ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءىسلام ءدىنىنىڭ شاريعاتى، قاعيداسى تۋرالى مەملەكەتتىڭ زاڭىنا جانە زاڭ ەرەجەلەرىنە ۇيلەسەتىن، جۇڭحۋا مادەنيەتىنىڭ رۋحىنا ۇيلەسەتىن، ءداۋىردىڭ العا باسۋ تالابىنا ۇيلەسەتىن بايىمداۋ جانە تۇسىنىك جاساپ، دىنگە سەنەتىن بۇقارانى مەملەكەت تانىمىن، زاڭ تانىمىن جانە ازاماتتىق تانىمدى كۇشەيتۋگە، مەملەكەتتىڭ زاڭى مەن ءدىن قاعيداسىنىڭ قاتىناسىن دۇرىس ءبىر جاقتى ەتىپ، زاڭ قىزىل سىزىعىنا سوقتىقپاي، ءدىني ۇشقارى يدەيانىڭ زيانداۋىن سانالى تۇردە تەجەۋگە جانە ودان ساقتانۋعا باستايمىن.
ءدىني ۇشقارى يدەيا وزگەنى دە، ءوزىڭدى دە زياندايدى، ەگەر ونى تۇبەگەيلى الاستاماساق، شينجياڭنىڭ قوعام ورنىقتىلىعى مەن باياندى تىنىشتىعىنا ىقپال جەتكىزەتىن ۋلى وسپەگە اينالادى. ءبىز ءدىني وقىتۋشى - قىزمەتكەرلەر ۇشقارىلىقتى الاستاۋدى بۇلتارماس جاۋاپكەرشىلىگىمىز جانە بورىشىمىز دەپ ءبىلۋىمىز كەرەك. ويتكەنى ءبىز ۇلى وتانىمىزدى جان - تانىمىزبەن قىزۋ سۇيەمىز، شينجياڭ سىندى وسى توپىراقتى قىزۋ سۇيەمىز. ءبىز ءدىني ۇشقارىلارعا شينجياڭ − ۇلى وتانىمىز تەرريتورياسىنىڭ ايرىلماس ءبىر بولىگى، ءبىزدىڭ ورتاق كورىكتى مەكەنىمىز، سەندەردىڭ ونى قاساقانا لاستاۋلارىڭا استە جول قويمايمىز دەپ قاتاڭ ەسكەرتۋ بەرۋىمىز كەرەك.
