ءتاڭىرتاۋ تورابى   ›   جاڭالىقتار   ›   شينجياڭ حابارلارى

شينجياڭنىڭ اقپارات سالاسى ماداقتاۋ - سيلاۋ جينالىسىن وتكىزىپ، 19 - رەتكى جۇڭگو تىلشىلەر مەرەكەسىن قۇتتىقتادى

  11 - ايدىڭ 7 - كۇنى اۆتونوميالى رايوننىڭ 20 - كەزەكتى (2017 - جىلعى) 10 ۇزدىك اقپارات قىزمەتكەرى توپتىق سۋرەتكە ءتۇستى. سۋرەتتى شيە لۇڭ تۇسىرگەن

  ءتىلشىمىز لي ياڭ 11 - ايدىڭ 7 - كۇنى ۇرىمجىدەن حابارلايدى. 19 - رەتكى جۇڭگو تىلشىلەر مەرەكەسى قارساڭىندا، 11 - ايدىڭ 7 - كۇنى تۇستەن بۇرىن رايونىمىز ماداقتاۋ - سيلاۋ جينالىسىن وتكىزىپ، چاڭجياڭ - تاۋفىن سيلىعىنىڭ، جۇڭگو اقپارات سيلىعىنىڭ، شينجياڭ اقپارات سيلىعىنىڭ يەگەرلەرىن جانە اۆتونوميالى رايوندىق 10 ۇزدىك اقپارات قىزمەتكەرىن ماداقتاپ - سيلادى.

  اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن ماداقتاۋ - سيلاۋ جينالىسىنا قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: بيىل جىل باسىنان بەرى، بۇكىل رايونىمىزدىڭ اقپارات شەبى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ۇگىت - يدەيا قىزمەتى جونىندەگى ماڭىزدى يدەياسىن ىشكەرىلەي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، دۇرىس ساياسي باعداردان جانە قوعامدىق پىكىر بەتالىسىنان جازباي، ۇگىت نەگىزگى تاقىرىبى ايقىن، كورنەكتى، قوعامدىق پىكىردى جەتەكتەۋ دالمە - ءدال، ءونىمدى بولۋدى، جاڭا اقپارات قۇرالدارىنان پايدالانۋدا باستاپقى ونىمدىلىككە جەتۋدى، قوعامدىق پىكىر شەبىن بەكەمدەۋدى، كۇشەيتۋدى، تاماشا وبرازدى جان - جاقتى ايگىلەۋدى جۇزەگە اسىرىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە تاماشا قوعامدىق پىكىر اۋقىمىن قالىپتاستىرىپ، پارمەندى يدەيالىق قوعامدىق پىكىرمەن قولدادى.

  ءماجىلىس مىنالاردى باسا دارىپتەدى: بۇكىل رايونىمىزدىڭ اقپارات شەبى ساياسي دەڭگەيدى اناعۇرلىم جوعارىلاتىپ، «ءتورت تانىمدى» كۇشەيتىپ، باس شۋجي شي جينپيڭنىڭ ۇگىت - يدەيا قىزمەتى جونىندەگى مەملەكەتتىك ماجىلىستەگى ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى ماڭىزدى ساياسي مىندەت ەتىپ، بۇلجىماستان تۋ ۇستاپ، جۇرت تىلەگىن توعىستىرىپ، جاڭا ادام تاربيەلەپ، مادەنيەتتى وركەندەتىپ، وبرازدى ايگىلەپ، ۇگىت - يدەيا قىزمەتىندە ۇزدىكسىز جاڭا جاعداي اشۋى كەرەك. ساياسيدا بەرىك اقپارات قىزمەتكەرى بولىپ، ساياسي دەڭگەيدى جوعارىلاتىپ، ساياسي باعداردى يگەرۋى؛ قابىلەتى مىعىم اقپارات قىزمەتكەرى بولىپ، جالپىلىق ساپانى ءوسىرىپ، ستيلگە بۇرىلىس جاساپ، جازۋ ستيلىن جاقسارتۋى؛ شىندىققا ۇمتىلىپ، جاڭالىق اشاتىن اقپارات قىزمەتكەرى بولىپ، ءتاسىلدى جاڭالاپ، ۇگىتتىڭ ناقتى ونىمدىلىگىن كۇشەيتۋى؛ جەڭىستى شايقاس جۇرگىزەتىن اقپارات قىزمەتكەرى بولىپ، جاۋاپكەرلىكتى باتىل ارقالاپ، ىسكەرلىك كورسەتىپ، شەپتىڭ حاۋىپسىزدىگىنە شىنايى كەپىلدىك ەتۋى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى