تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

الدىڭعى 10 ايدا رايونىمىزدىڭ اۋىل - قىستاق ارتىق ەڭبەككۇشتەرىنەن 2 ميلليون 729 مىڭ ادام (رەت) باسقا سالاعا ويىسىپ، جۇمىسقا ورنالاستى

تۇتاس جىلداعى نىسانا - مىندەت مەرزىمىنەن بۇرىن ورىندالدى

  ءتىلشىمىز لي چۇنشيا 11 - ايدىڭ 7 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، بيىل اۆتونوميالى رايونىمىز جۇمىسقا ورنالاستىرۋدان حالىققا تيىمدىلىك جاساۋ ينجەنەرياسىن تىڭعىلىقتى ىلگەرىلەتكەن، 10 - ايدىڭ 31 - كۇنىنە دەيىن بۇكىل رايوندا اۋىل - قىستاق ارتىق ەڭبەككۇشتەرىنەن 2 ميلليون 729 مىڭ ادام (رەت) باسقا سالاعا ويىسىپ، جۇمىسقا ورنالاسىپ، تۇتاس جىلدىق نىسانا - مىندەت الدىن الا ورىندالعان.

  سول جەردىڭ وزىندە باسقا سالاعا ويىستىرىپ، جۇمىسقا ورنالاستىرۋ − رايونىمىزدىڭ اۋىل - قىستاق ارتىق ەڭبەككۇشتەرىن باسقا سالاعا ويىستىرىپ، جۇمىسقا ورنالاستىرۋداعى باستى ارناسى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا نەگىزدەلگەندە، بيىل الدىڭعى 10 ايدا رايونىمىزدىڭ اۋىل - قىستاق ارتىق ەڭبەككۇشتەرىنەن 2 ميلليون 301 مىڭ ادام (رەت) سول جەردىڭ وزىندە باسقا سالاعا ويىسىپ، جۇمىستانىپ، باسقا سالاعا ويىسقانداردىڭ جالپى سانىنىڭ %84.3ىن يەلەگەن؛ شينجياڭ ىشىندە 364 مىڭ ادام (رەت) ءوڭىر اتتاپ باسقا سالاعا ويىسىپ، باسقا سالاعا ويىسقانداردىڭ جالپى سانىنىڭ %13ىن يەلەگەن؛ 25 مىڭ 378 ادام تۇتاسىمەن ىشكى ولكەلەردەگى كاسىپورىنداردا باسقا سالاعا ويىسىپ، جۇمىسقا ورنالاسقان.

  جۇمىسقا ورنالاستىرۋ ارقىلى كەدەيلەردى سۇيەمەلدەۋ − رايونىمىزدىڭ باسقا سالاعا ويىستىرىپ، جۇمىسقا ورنالاستىرۋ قىزمەتىندەگى ماڭىزدى مىندەت. جۇمىسقا ورنالاستىرۋ ارقىلى كەدەيلەردى سۇيەمەلدەۋ قىزمەتىن ەگجەي - تەگجەيلى، ناقتى ىستەۋ ءۇشىن، رايونىمىز اۋىل - قىستاق ەڭبەككۇشتەرىن تاربيەلەۋدى، جۇمىسقا ورنالاستىرۋدى باسقارۋ جانە وعان قىزمەت ەتۋ جۇيەسىن ورناتىپ، ۇيىمدى تۇردە باسقا سالاعا ويىستىرىپ، جۇمىسقا ورنالاستىرۋدى شىن اتى - جونىمەن يكەمدى باسقارۋدى جۇزەگە اسىرىپ، كەدەيلەردى دالمە - ءدال سۇيەمەلدەپ، تۇراقتى جۇمىسقا ورنالاسۋ مولشەرىن جوعارىلاتتى. 10 - ايدىڭ 31 - كۇنىنە دەيىن وڭتۇستىك شينجياڭنىڭ 4 ايماق - وبلىسىنداعى 22 اۋىر كەدەي اۋداندا ارحيۆ تۇرعىزىلىپ، كارتچكا بەرىلگەن كەدەي وتباسى ەڭبەككۇشتەرىنەن 82 مىڭ ادام ۇيىمدى تۇردە باسقا سالاعا ويىسىپ، جۇمىسقا ورنالاسىپ، 75 مىڭ ادام 6 ايدان جوعارى ەڭبەك توقتامىن جاساسىپ، تۇراقتى جۇمىسقا ورنالاسۋ مولشەرى %92كە جەتتى.

  بيىل اۆتونوميالى رايونىمىز اۋىل - قىستاق ارتىق ەڭبەككۇشتەرىن باسقا سالاعا ويىستىرىپ، جۇمىسقا ورنالاستىرۋ ارناسىن ۇزدىكسىز كەڭەيتتى، ءبىر جاعىنان، جەر - جەر سول جەردىڭ وزىندە باسقا سالاعا ويىستىرۋ تاسىلىندە بەلسەنە ىزدەنىس جاساپ، ۇساق زاۆودتار، حالىق تۇرمىسى شەبەرحانالارى، كەدەيلەردى سۇيەمەلدەۋ سەحتارى سياقتى جۇمىسقا ورنالاستىرۋ ۇلگىلەرىن ۇزدىكسىز جالپىلاستىرىپ، ۇيىمدى تۇردە جۇمىسقا شىعارۋ دەڭگەيىن ايتارلىقتاي جوعارىلاتىپ، جۇمىسقا ورنالاسۋدىڭ تۇراقتىلىعىن ۇزدىكسىز جوعارىلاتتى؛ ەندى ءبىر جاعىنان، اۋىل - قىستاق ارتىق ەڭبەككۇشتەرىنىڭ شينجياڭ ىشىندە ءوڭىر اتتاپ باسقا سالاعا ويىسىپ، جۇمىسقا ورنالاسۋ سەرپىنىن ارتتىرىپ، وڭتۇستىك - سولتۇستىك شينجياڭ، بيڭتۋان - جەرگىلىكتى ورىن ەڭبەك سەلبەستىگىنىڭ جاڭا اۋقىمىن قالىپتاستىردى. رايونىمىزداعى ءار ايماق - وبلىس ىشكى ولكە، قالالارداعى جۇمىسشى ىستەتەتىن كاسىپورىندارمەن ىرىقتى تۇردە ۇشتاسىپ، جۇمىس ورىندارىن بەلسەنە تياناقتاندىرىپ، كەلىسىم - شارت جاساسىپ، تۇتاسىمەن، ۇيىمدى، كولەمدى تۇردە ىشكى ولكە، قالالارداعى كاسىپورىندارعا ويىستىرىپ جۇمىسقا ورنالاستىرۋ قىزمەتىن ۇزدىكسىز ويداعىداي ىستەدى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى شارۋا جۇمىسكەرلەر قىزمەتى باسقارماسىنىڭ قاتىستى جاۋاپتىسىنىڭ تانىستىرۋىنشا، كەلەسى قادامدا رايونىمىز كوپ ءتۇرلى ءتاسىل جانە قامتاماسىز ەتۋ شاراسىن قولدانىپ، باسقا سالاعا ويىسقان ادامداردىڭ تۇراقتى جۇمىسقا ورنالاسۋ قىزمەتىن ويداعىداي ىستەپ، ولاردىڭ قازىرگى جۇمىس ورىندارىندا قالىپ قالۋىنا، تۇراقتاپ تۇرۋىنا، جاقسى ىستەۋىنە، قۇلشىنىس جانە كۇرەس ارقىلى كەدەيلىكتەن ارىلىپ، كىرىس ارتتىرۋدى جۇزەگە اسىرۋىنا مۇمكىندىك جاسايدى ەكەن.

  ۇعىسۋىمىزشا، 2018 - جىلى رايونىمىزدىڭ اۋىل - قىستاق ارتىق ەڭبەككۇشتەرىن باسقا سالاعا ويىستىرىپ جۇمىسقا ورنالاستىرۋ نىسانا - مىندەتى 2 ميلليون 700 مىڭ ادام(رەت) ەكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى