ءتاڭىرتاۋ تورابى   ›   جاڭالىقتار   ›   ماڭىزدى حابارلار

شي جينپيڭ 5 - كەزەكتى الەمدىك ينتەرنەت جينالىسىنا قۇتتىقتاپ حات جولدادى

  شينحۋا اگەنتتىگىنىڭ 11 - ايدىڭ 7 - كۇنى بەيجيڭنەن بەرگەن حابارى. 5 - كەزەكتى الەمدىك ينتەرنەت جينالىسى 11 - ايدىڭ 7 - كۇنى جىجياڭنىڭ ۋجىنىندا اشىلدى. مەملەكەت ءتوراعاسى شي جينپيڭ قۇتتىقتاپ حات جولدادى.

  شي جينپيڭ مىنالاردى اتاپ كورسەتتى: بۇگىنگى دۇنيە اناعۇرلىم كەڭ كولەمدى، اناعۇرلىم تەرەڭ قاتپارلى عىلىم - تەحنيكا توڭكەرىسى مەن كاسىپ وزگەرىسىن باستان كەشىرۋدە. ينتەرنەت، ءىرى ساندى مالىمەت، جاساندى زەردە سياقتى وسى زامانعى ينفورماتسيا تەحنيكالارىندا تىنباي ناتيجەلەرگە قول جەتتى، سيفرلى ەكونوميكا قارىشتاپ دامىپ، ءار ەلدىڭ مۇددەسى اناعۇرلىم تىعىز ۇشتاستى. دۇنيە ءجۇزى ەكونوميكاسىنىڭ دامۋىنا جاڭا قوزعاۋشى قۋات قوسۋ ءبىزدىڭ سيفرلى ەكونوميكانىڭ دامۋىن جەدەلدەتىپ، عالامدىق ينتەرنەتتى جونگە سالۋ جۇيەسىنىڭ اناعۇرلىم ءادىل، ۇيلەسىمدى بەتالىسقا قاراي قادام تاستاۋىن ىلگەرىلەتۋىمىزدى ەرەكشە قاجەت ەتەدى.

  شي جينپيڭ مىنالاردى باسا دارىپتەدى: دۇنيە جۇزىندەگى ءار ەلدىڭ مەملەكەت جاعدايى، ينتەرنەتتىڭ دامۋ ساتىسى، ءدوپ كەلگەن رەال سىن - سايىسى ۇقساماعانىمەن، سيفرلى ەكونوميكانىڭ دامۋىن ىلگەرىلەتۋ ارمان - تىلەگى، ينتەرنەت حاۋىپسىزدىگى جاعىنداعى سايىستارعا توتەپ بەرۋدەگى مۇددەسى، ينتەرنەت كەڭىستىگىن جونگە سالۋدى كۇشەيتۋدەگى قاجەتى ۇقساس. ءار ەل ناقتى سەلبەستىكتى تەرەڭدەتىپ، بىرگە العا باسۋدى قوزعاۋشى كۇش، تەڭ يگىلىككە كەنەلۋدى نىسانا ەتىپ، ءوزارا سەنىم ارتۋ، بىرگە جونگە سالۋ جولىمەن ءجۇرىپ، ينتەرنەت كەڭىستىگى تاعدىرلاس ورتاق تۇلعاسىن ءتىپتى جالىندى ومىرشەڭدىك كۇشكە يە ەتۋى كەرەك.

  شي جينپيڭ مىنالاردى اتاپ كورسەتتى: وسى كەزەكتى الەمدىك ينتەرنەت جينالىسى «ءوزارا سەنىم ارتىپ، بىرگە جونگە سالاتىن سيفرلى دۇنيەنى جاراتۋ − ينتەرنەت كەڭىستىگى تاعدىرلاس ورتاق تۇلعاسىن قول ۇستاسا بىرگە قۇرۋدى» نەگىزگى تاقىرىپ ەتتى. كوپشىلىكتىڭ كوپ پاراساتىن ساۋلەلەندىرىپ، ورتاق تانىمدى كۇشەيتىپ، عالامدىق سيفرلانىپ دامۋدى بىرگە ىلگەرىلەتىپ، باياندى سيفرلى دۇنيەنى قۇرىپ، ينتەرنەت دامۋىنىڭ جەتىستىكتەرى ارقىلى دۇنيە جۇزىندەگى ءار ەل حالقىن ءتىپتى جاقسى يگىلىككە كەنەلتۋىن ءۇمىت ەتەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى