تيانشان تورابى   ›   جاڭالىقتار   ›   ماڭىزدى حابارلار

شي جينپيڭ حات جولداپ، 12 - كەزەكتى جۇڭگو حالىقارالىق اۋە - عارىش كورمەسىنىڭ اشىلعاندىعىن قۇتتىقتادى

  حالىقارالىق اۋىس - كۇيىستى، سەلبەستىكتى ىلگەرىلەتىپ، دۇنيە جۇزىندەگى ءار ەل حالقىن اۋە - عارىش تەحنيكاسىنىڭ دامۋ جەتىستىكتەرىنەن بىرگە يگىلىكتەندىرۋ ءۇشىن ۇلەس قوسۋدى باسا دارىپتەدى

  شينحۋا اگەنتتىگىنىڭ 11 - ايدىڭ 6 - كۇنى جۋحايدان بەرگەن حابارى. 12 - كەزەكتى جۇڭگو حالىقارالىق اۋە - عارىش كورمەسى 11 - ايدىڭ 6 - كۇنى جۋحاي حالىقارالىق اۋە - عارىش كورمە ورتالىعىندا اشىلدى. مەملەكەت ءتوراعاسى شي جينپيڭ حات جولداپ، اۋە - عارىش كورمەسىنىڭ وتكىزىلگەندىگىن قىزۋ قۇتتىقتاپ، كورمەگە قاتىناسقان ءار ەل ۋاكىلدەرى، كاسىپكەرلەرى سياقتى ءار سالا قايراتكەرلەرىن شىن ىقىلاسپەن قارسى الاتىندىعىن ءبىلدىردى.

  شي جينپيڭ قۇتتىقتاۋ حاتىندا مىنالاردى اتاپ كورسەتتى: ادامزات ەجەلدەن شەكسىز كەڭ الەم كەڭىستىگىنە تالپىنىپ، جۇڭحۋا ۇلتىنىڭ عارىشقا ۇشۋ ارمانى ۇرپاقتان - ۇرپاققا جالعاسىپ كەلەدى. 19 - عاسىردان بەرى، دۇنيە ءجۇزىنىڭ اۋە - عارىش عىلىم - تەحنيكاسى وراسان زور جەتىستىككە قول جەتكىزىپ، ادامزات وركەنيەتىنىڭ دامۋىن، العا باسۋىن جەبەدى. بولاشاققا بەت العاندا، اۋە - عارىش عىلىم - تەحنيكاسى دامۋىنىڭ ادامزاتقا اناعۇرلىم مول باقىت اكەلەرى ءسوزسىز.

  شي جينپيڭ مىنالاردى باسا دارىپتەدى: جۇڭگو ءارقاشان دۇنيە جۇزىندەگى ءار ەلمەن بىرگە اۋە - عارىش عىلىم - تەحنيكاسىنىڭ دامۋىن ىلگەرىلەتۋگە كۇش سالىپ كەلەدى. 20 نەشە جىلدىق قۇلشىنىس ارقىلى جۇڭگونىڭ حالىقارالىق اۋە - عارىش كورمەسى حالىقارالىق ىقپالى ەڭ كۇشتى اۋە - عارىش تۇرىندەگى كاسىپتىك كورمەنىڭ بىرىنە اينالىپ، دۇنيە ءجۇزى اۋە - عارىش عىلىم - تەحنيكاسىنىڭ دامۋىن ىلگەرىلەتۋ ءۇشىن بەلسەندى رول اتقاردى. وسى رەتكى كورمەنىڭ دۇنيە ءجۇزى اۋە - عارىش عىلىم - تەحنيكاسىنىڭ دامۋىن پارمەندى تۇردە جەبەپ، حالىقارالىق اۋىس - كۇيىستى، سەلبەستىكتى ىلگەرىلەتىپ، الەمدەگى ءار ەل حالقىن اۋە - عارىش عىلىم - تەحنيكاسىنىڭ دامۋ جەتىستىكتەرىنەن بىرگە يگىلىكتەندىرۋ ءۇشىن ۇلەس قوساتىندىعى ءسوزسىز.

  اشىلۋ سالتىندا، ج ك پ ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى لي شي شي جينپيڭنىڭ قۇتتىقتاۋ حاتىن وقىدى. شۇي چيلياڭ، ۋاڭ يۇڭ، حى حوۋحۋا، لياڭ جىنيىڭ اشىلۋ سالتىنا قاتىناستى.

  12 - كەزەكتى جۇڭگو حالىقارالىق اۋە - عارىش كورمەسى 11 - ايدىڭ 6 - كۇنىنەن 11 - كۇنىنە دەيىن گۋاڭدۇڭ ولكەسىنىڭ جۋحاي قالاسىندا وتەدى. 1996 - جىلى تۇڭعىش كەزەگى وتكىزىلگەننەن بەرى، جۇڭگو حالىقارالىق اۋە - عارىش كورمەسى دامىپ، ساۋدالىق سيپاتىن، كاسىبي سيپاتىن، تاماشالاۋ سيپاتىن ءبىر تۇلعالاندىرعان، قازىرگى حالىقارالىق اۋە - عارىش كاسىبىندەگى وزىق عىلىم - تەحنيكاعا ۋاكىلدىك ەتەتىن سالتاناتتى جينالىسقا اينالدى. وسى رەتكى كورمەگە 40تان استام مەملەكەت پەن رايوننان 700دەن استام قاتىسۋشى قاتىناسىپ، دۇنيە ءجۇزى اۋە - عارىش عىلىم - تەحنيكاسى كاسىبىنىڭ وزىق دامۋ دەڭگەيىن تولىق ايگىلەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى