ءتىلشىمىز گاۋا 11 - ايدىڭ 8 - كۇنى ۇرىمجىدەن حابارلايدى. 11 - ايدىڭ 7 - كۇنى بەلگىلى ساۋدا ىستەرى ينفورماتسيالىق كەڭەس بەرۋ سەرىكتەستىگىنىڭ قىزمەتكەرى زىبيبوللا شينجياڭ ونەركاسىپ - ساۋدا تۇتاس بارىستىق ەلەكترونداندىرىلعان تىركەۋ تۇعىرىنا شىعىپ، بىرنەشە مينۋتتا كليەنتتىڭ كاسىپورىن اتاۋىن دەربەس مالىمدەۋىنە كومەكتەستى. «بۇرىن <كاسىپورىن اتاۋىن الدىن الا تەكسەرىپ بەكىتۋ> تيجارات كۋالىگىنە ءوتىنىش ەتۋدەگى قيىن وتكەل بولاتىن، تەك وسىنىڭ وزىنە 3 − 5 كۇن ۋاقىت كەتەتىن، ەگەر كاسىپورىن اتاۋى تەكسەرىپ بەكىتۋدەن وتپەسە، تەرەزەگە نەشە دۇركىن كەلىپ - كەتىپ، كەزەككە تۇرۋعا قىرۋار كۇش سارىپ بولاتىن. قازىر جۇيە ارقىلى دەربەس مالىمدەۋگە بولادى، ۋاقىت تا، كۇش تە كەتپەيدى». زىبيبوللا جۇمىس اتقاراتىن سەرىكتەستىك شارۋاشىلىق قۇرۋشىلارعا كاسىپورىندى تىركەتۋ، سالىق جۇمىستارىن وكىلەتتى ءبىتىرۋ سياقتى قىزمەتتەر وتەيدى، ونەركاسىپ - ساۋدا تاراۋلارىنىڭ ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتۋىنىڭ كاسىپورىندارعا الا كەلگەن قولايلىلىعى مەن باقىت سەزىمىن ول تەرەڭ سەزىندى.
كاسىپورىن تىركەتۋدى قولايلىلاندىرۋ − اۆتونوميالى رايوندىق ونەركاسىپ - ساۋدا اكىمشىلىك باسقارۋ مەكەمەسىنىڭ ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، تيجارات - ساۋدا ورتاسىن ساپالىلاندىرۋداعى ماڭىزدى مازمۇنداردىڭ ءبىرى. بيىل 2 - ايدا شينجياڭ ونەركاسىپ - ساۋدا تۇتاس بارىستىق ەلەكترونداندىرىلعان تىركەۋ تۇعىرى پايدالانۋعا بەرىلىپ، كاسىپورىندى تىركەتۋ جۇمىستارى جەلىدە ءوتىنىش ەتۋ، تەكسەرىپ بەكىتۋ، كۋالىك بەرۋ ارقىلى «ەڭ كوپ بولعاندا ءبىر رەت بارۋدان» «ءبىر رەت تە بارماۋعا» وزگەردى. الدىمەن كۋالىك، سوڭىنان كىناشقا بەرۋ، كوپ كىناشقانى بىرىكتىرۋ، وڭاي ءوشىرۋ... سوڭعى جىلدارى اۆتونوميالى رايوندىق ونەركاسىپ - ساۋدا اكىمشىلىك باسقارۋ مەكەمەسى ءبىر قاتار رەفورما شارالارىن ىركەس - تىركەس اتقارىپ، كاسىپورىندى تىركەۋدىڭ كىرۋدەن شەگىنۋگە دەيىنگى بۇكىل بارىسى مەن بارلىق بۋىنىنىڭ قولايلىلانۋىن ىسكە اسىرىپ، بازار سۋبيەكتىلەرىنىڭ تۇزىمدىك ايىرباس وزىندىك قۇنىن شىن مانىندە تومەندەتتى.
ونەركاسىپ - ساۋدا تىركەۋىندەگى الدىن الا بەكىتىلگەن قاراۋ - بەكىتۋ ءتىزىمى 32 تۇرگە ازايدى، كاسىپورىندى تىركەتۋ - تىركەۋ ۋاقىتى بۇرىنعى 7 جۇمىس كۇنىنەن 3 جۇمىس كۇنى ىشىنە قىسقاردى، باسىم كوپشىلىگىن سول كۇنى - اق بىتىرۋگە بولادى. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىنىڭ جولى بارعان سايىن كەڭەيىپ، كوپتەگەن حالىقتىق كاسىپورىندار دا زىبيبوللا تۇرعان كاسىپورىن سياقتى رەفورمانىڭ يگىلىگىن كوردى. بيىل الدىڭعى جارتى جىلدا اۆتونوميالى رايون بويىنشا كۇنىنە ورتا ەسەپپەن 152 كاسىپورىن تىركەلىپ وتىردى، 6 - ايدىڭ اياعىنا دەيىن اۆتونوميالى رايونىمىزدا ءتۇرلى بازار سۋبيەكتىلەرىنىڭ ناقتى سانى ءبىر ميلليون 562 مىڭنان استى.
جۋىقتا باس شۋجي شي جينپيڭ حالىقتىق كاسىپورىنداردىڭ اڭگىمە ماجىلىسىندە ماڭىزدى ءسوز سويلەپ، پارتيامىزدىڭ «ەكىدەن اۋىتقىماۋعا» تاباندى بولۋ دايەكتى تۇرعىسىن قايتالاي دارىپتەپ، ەلىمىزدەگى حالىقتىق شارۋاشىلىقتىڭ ماڭىزدى ورنى مەن رولىن تولىق تۇراقتاندىرىپ، حالىقتىق كاسىپورىنداردىڭ دامۋى مەن زورايۋىنا بار كۇشپەن قولداۋ كورسەتۋ جونىندە ماڭىزدى ورنالاستىرۋ جاسادى. اۆتونوميالى رايوندىق ونەركاسىپ - ساۋدا اكىمشىلىك باسقارۋ مەكەمەسىنىڭ ورىنباسار باستىعى گاۋ جياندۇڭ مىنالاردى ءبىلدىردى: بۇكىل اۆتونوميالى رايونداعى ونەركاسىپ - ساۋدا اكىمشىلىك باسقارۋ تاراۋلارى باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرىپ، ادىلەتتى باسەكە تەكسەرۋىن جاپپاي اتقارىپ، جالپىلىق مەنشىككە جاتپايتىن شارۋاشىلىق جونىندەگى ءتۇرلى - ءتۇستى ۇيلەسىمسىز بەلگىلەمەلەردى كۇشىنەن قالدىرىپ، ءار ءتۇرلى جاسىرىن قامالداردى جويىپ، جالپىلىق مەنشىككە جاتپايتىن ەكونوميكانىڭ ومىرشەڭدىك كۇشى مەن جاسامپازدىق كۇشىن ىنتالاندىرۋى؛ مونوپوليالاۋعا قارسى تۇرۋ بويىنشا زاڭ اتقارۋدى كۇشەيتىپ، ايىرباسقا ماجىبۇرلەۋ، ۇيلەسىمسىز ايىرباس شارتتارىن ۇستەۋ سياقتى باسەكەنى شەكتەۋ جانە مونوپولداۋ ارەكەتتەرىنە قاتاڭ سوققى بەرۋى؛ ساۋدا تاڭباسىن تىركەتۋدى قولايلىلاندىرۋ رەفورماسىن ىلگەرىلەتىپ، ساۋدا تاڭباسىن تىركەتۋ تيىمدىلىگىن شىنايى جوعارىلاتىپ، ءبىلىم مەنشىك ۇقىعىن قورعاۋدى كۇشەيتۋى؛ ساۋدا ىستەرى ءتۇزىمى رەفورماسىن ۇزدىكسىز تەرەڭدەتىپ، «كىناشقانى ازايتۋ» ارقىلى «ۇكىمەت قۇرىلىمدارىن ىقشامداۋدى» جەبەپ، حالىقتىق كاسىپورىندارعا اناعۇرلىم اشىق، جاريا، قولايلى تيجارات ورتاسىن ازىرلەپ، حالىقتىق شارۋاشىلىقتىڭ جوعارى ساپالى دامۋىن جەبەۋى كەرەك.
