تيانشان تورى
تيانشان تورى   ›   ۇيرەنۋ   ›   شولۋ

جۇڭگونىڭ رەفورما جاساۋ، ەسىك اشۋداعى كەڭىستىك ورنالاسۋىن كەمەلدەندىرۋدىڭ جاڭا شاراسى

  − ءتوراعا شي جينپيڭنىڭ تۇڭعىش كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا سويلەگەن ارقاۋ ءسوزى تۋرالى

  حالىق گازەتىنىڭ شولۋشىسى

  رەفورما جاساۋ تولاستامايدى، ەسىك اشۋ توقتامايدى.

  تۇڭعىش كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا ءتوراعا شي جينپيڭ جۇڭگو شاڭحاي ەركىن ساۋدا سىناق رايونىنىڭ جاڭا اۋماعىن قۇرۋ، شاڭحاي اكتسيا ايىرباس ورنىندا عىلىم - تەحنيكالىق جاڭالىق اشۋ ۇلگى نۇسقاسىن قۇرۋ جانە تىركەۋگە الۋ ءتۇزىمىن تۇيىندەردە سىناق ەتۋ، چاڭجياڭ اتىراۋى ءوڭىرىنىڭ ءبىر تۇلعالانا دامۋىنا قولداۋ كورسەتۋ ءارى مەملەكەتتىك ستراتەگياعا كوتەرۋ سىندى 3 ءتۇرلى ماڭىزدى شارانى سالتاناتپەن جاريالادى. اشىلۋ سالتىنا جانە قاتىستى قيمىلدارعا قاتىناسقاننان كەيىن، باس شۋجي شي جينپيڭ شاڭحايدا قىزمەت تەكسەرگەندە مىنانى باسا دارىپتەدى: جاڭا دا كەلەلى وسى 3 ءتۇرلى مىندەتتى ويداعىداي ورىنداۋ كەرەك. جۇڭگونىڭ رەفورما جاساۋ، ەسىك اشۋداعى كەڭىستىك ورنالاسۋىن كەمەلدەندىرەتىن وسى جاڭا شارا جۇڭگونىڭ رەفورما جاساۋدى، ەسىك اشۋدى تاباندىلىقپەن ىلگەرىلەتەتىن بەكىمىن ايگىلەدى، ول، ءسوز جوق، جاڭا داۋىردەگى رەفورما جاساۋعا، ەسىك اشۋعا قۇدىرەتتى جاڭا قوزعاۋشى كۇش ۇستەيتىن بولادى.

  جۇڭگونىڭ رەفورما جاساۋ، ەسىك اشۋداعى كەڭىستىك ورنالاسۋىن كەمەلدەندىرۋدە شاڭحاي سياقتى وڭىرلەردىڭ سىرتقا ەسىك اشۋداعى ماڭىزدى رولىن اناعۇرلىم ويداعىداي ساۋلەلەندىرۋ كەرەك. چاڭجياڭ وزەنىنە ارقاسىن توسەپ، تىنىق مۇحيتقا قۇلاشىن جايعان شاڭحاي جۇڭگونىڭ ەسىك اشۋ اۋقىمىندا ۇزاق ۋاقىت الدا كەلەدى، ول بۇكىل ەلدە رەفورما جاساۋدىڭ، ەسىك اشۋدىڭ كوشباسشىسى، جاڭالىق اشۋدىڭ، دامۋدىڭ اتويشىسى. بەينە ءتوراعا شي جينپيڭ اتاپ كورسەتكەندەي: «شاڭحايدىڭ وسىنشاما جاقسى دامۋعا قول جەتكىزۋى ونىڭ ەسىك اشۋ قاسيەتىمەن، ەسىك اشۋ ارتىقشىلىعىمەن، ەسىك اشۋ ىسكەرلىگىمەن تىعىز قاتىستى». ەسىك اشۋ شاڭحاي جونىنەن ماڭىزدى ءمان الاتىنى سياقتى، شاڭحايدىڭ ەسىك اشۋى جۇڭگو جونىنەن دە ماڭىزدى ءمان الادى. اشىق، جاڭاشىل، سيىسىمدى بولۋ شاڭحايدىڭ ەڭ ايقىن قاسيەتىنە اينالدى، مۇنداي قاسيەت جاڭا داۋىردە جۇڭگوشا دامۋدىڭ، العا باسۋدىڭ جاندى كارتيناسى. «شاڭحايدى قارجى قوسۋ مەن ساۋدانىڭ ەركىندەسۋىن، قولايلىلاسۋىن ىلگەرىلەتۋ جاقتارىندا باتىل جاڭالىق اشىپ، ىزدەنىس جاساپ، بۇكىل ەلگە اناعۇرلىم كوپ كوشىرۋگە، جالپىلاستىرۋعا بولاتىن تاجىريبەلەردى توپتاۋعا ىنتالاندىرۋ جانە وعان قولداۋ كورسەتۋ»، «شاڭحاي حالىقارالىق فينانس ورتالىعى جانە عىلىم - تەحنيكالىق جاڭالىق اشۋ ورتالىعى قۇرىلىسىن قولداپ، كاپيتال بازارىنىڭ نەگىزدىك ءتۇزىمىن ۇزدىكسىز كەمەلدەندىرۋ»، ءتوراعا شي جينپيڭ جاريالاعان وسى شارالاردى ناقتى تياناقتاندىرىپ، جاڭا داۋىردە شاڭحايدىڭ دامۋداعى ستراتەگيالىق ارتىقشىلىعىن تۇلعالاپ، شاڭحاي سياقتى وڭىرلەردىڭ ماڭىزدى رولىن اناعۇرلىم ويداعىداي ساۋلەلەندىرىپ، بۇكىل ەلدىڭ رەفورمانى جاپپاي تەرەڭدەتۋىنە، ەسىك اشۋدى جاپپاي كەڭەيتۋىنە ۇزدىكسىز جاڭا تاجىريبە ازىرلەۋىنە، جاڭا قوزعاۋشى كۇش قوسۋىنا مۇمكىندىك جاساۋ كەرەك.

  جۇڭگونىڭ رەفورما جاساۋ، ەسىك اشۋداعى كەڭىستىك ورنالاسۋىن كەمەلدەندىرۋدە اناعۇرلىم جوعارى باستاما، اناعۇرلىم جوعارى دەڭگەي، اناعۇرلىم جوعارى نىسانا تۇرعىسىنان رەفورما جاساۋدى، ەسىك اشۋدى ىلگەرىلەتۋ كەرەك. تۇيىندە سىناق ەتۋدەن جالپىلاستىرۋعا دەيىنگى، ەكونوميكالىق ءتۇزىلىس رەفورماسىنان رەفورمانى جاپپاي تەرەڭدەتۋگە دەيىنگى 40 جىلدىق رەفورما جاساۋ، ەسىك اشۋ بىزگە مىناداي تەرەڭ وي سالدى: تەك رەفورما جاساۋدىڭ، ەسىك اشۋدىڭ ورنالاسۋىن ۇزدىكسىز كەمەلدەندىرگەندە، جالپى تۇلعالىق ىلگەرىلەتىپ، تۇيىننەن قامال العاندا، ءبىرىن - ءبىرى جەبەپ، ۇتىمدى ارەكەتتەنگەندە عانا رەفورما جاساۋدى، ەسىك اشۋدى ىلگەرىلەتۋدىڭ قۇدىرەتتى بىرىككەن كۇشىن قالىپتاستىرۋعا بولادى. شاڭحاي ەلىمىزدەگى ەڭ ۇلكەن ەكونوميكالىق ورتالىق قالا جانە چاڭجياڭ اتىراۋىنىڭ وڭىرلىك سەلبەستىگىنىڭ، قارىم - قاتىناسىنىڭ باستاماشىسى، چاڭجياڭ اتىراۋى ءوڭىرىنىڭ ءبىر تۇلعالانا دامۋىنا قولداۋ كورسەتۋدى ءارى مەملەكەتتىك ستراتەگياعا كوتەرۋدى «ءبىر بەلدەۋ، ءبىر جول» قۇرىلىسىمەن، بەيجيڭ - تيانجين - حىبەيدىڭ سەلبەسە دامۋىمەن، چاڭجياڭ ەكونوميكالىق بەلدەۋىنىڭ دامۋىمەن، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىمەن ءوزارا سايكەستىرۋ جۇڭگونىڭ رەفورما جاساۋ، ەسىك اشۋداعى كەڭىستىك ورنالاسۋىنىڭ اناعۇرلىم كەمەلدەنۋىنە مۇمكىندىك جاسايدى. جاڭا دامۋ ۇستانىمىن كۇش سالا تياناقتاندىرىپ، وسىزاماندانعان ەكونوميكالىق جۇيە ورناتىپ، اناعۇرلىم جوعارى باستاماداعى رەفورمانى تەرەڭدەتۋدى جانە اناعۇرلىم جوعارى دەڭگەيدەگى سىرتقا ەسىك اشۋدى ىلگەرىلەتىپ، اماليات بارىسىندا شىندىققا جۇگىنەتىن، ىزدەنۋ بارىسىندا زاڭدىلىقتى قاراستىراتىن بولساق، بۇكىل ەلدىڭ جاڭا داۋىردە رەفورما جاساۋىنا، ەسىك اشۋىنا تاعى دا جول قاراستىرۋعا، جول اشۋعا بولادى. ەركىن ساۋدا سىناق رايونىنىڭ رەفورما جاساۋ، ەسىك اشۋ سىناق اتىزىنىڭ رولىن ساۋلەلەندىرىپ، جۇڭگوشا ەركىن ساۋدا پورتى جونىندە ىزدەنۋ، ونى قۇرۋ اياق الىسىن جەدەلدەتۋدەن، اناعۇرلىم جوعارى دەڭگەيلى رەفورما جاساۋ، ەسىك اشۋ جاڭا جاعدايىنىڭ قالىپتاسۋىنا دەم بەرۋدەن ىشكە ەنگىزۋ مەن سىرتقا شىعارۋعا تەڭ ءمان بەرىپ، قۇرلىق پەن تەڭىزدىڭ، ءىش پەن سىرتتىڭ بىرلەسىپ ارەكەتتەنۋىن، شىعىس پەن باتىستىڭ قوس باعىتتا ءوزارا سەلبەسۋدەي جاڭا جاعدايىنىڭ قالىپتاسۋىن ىلگەرىلەتۋگە، جان - جاقتى، كوپ ساتىلى، كەڭ سالادا ەسىك اشۋ دەڭگەيىن جوعارىلاتۋعا دەيىنگى بارىستى باستان كەشكەن جۇڭگو، ءسوز جوق، ءوزىن اناعۇرلىم جاقسى دامىتادى، دۇنيە جۇزىنە باقىت جاراتادى.

  جۇڭگونىڭ رەفورما جاساۋ، ەسىك اشۋداعى كەڭىستىك ورنالاسۋىن كەمەلدەندىرۋدە جۇڭگو حالىقارالىق يمپورت كورمەسى سياقتى ەسىك اشۋ سەلبەستىك تۇعىرىنىڭ رولىن اناعۇرلىم ويداعىداي ساۋلەلەندىرۋ كەرەك. جۇڭگو حالىقارالىق يمپورت كورمەسىن وتكىزۋ جۇڭگونىڭ جاڭا كەزەكتى جوعارى دەڭگەيدە سىرتقا ەسىك اشۋدى ىلگەرىلەتۋدى كوزدەپ شىعارعان كەلەلى شاراسى، ول ءار جاقتىڭ جۇڭگو بازارىن اشاتىن سەلبەستىك جۇرگىزۋىنە جاڭا تۇعىر ورناتۋدى ماقسات ەتكەن. ءتوراعا شي جينپيڭ مىنانى جاريالادى: جۇڭگو «ءبىر بەلدەۋ، ءبىر جولدى» بىرگە قۇرۋدى ۇزدىكسىز ىلگەرىلەتىپ، ەكولوگيا، عىلىم - تەحنيكا، مادەنيەت، حالىق تۇرمىسى سياقتى ءار سالاداعى اۋىس - كۇيىستى، سەلبەستىكتى تەرەڭدەتىپ، بۇكىل الەمگە اشىق سەلبەستىكتىڭ حالىقارالىق تۇعىرىن ازىرلەيدى. وسى تۇعىرلار دۇنيە ءجۇزىنىڭ دامۋىنا جاڭا وراي جاراتىپ عانا قويماي ءارى جۇڭگونىڭ دامۋىنادا جاڭا ىلگەرىلەۋشىلىك الا كەلەدى. يمپورت كورمەسىنە قويىلعان ءتۇرلى سالالاردان كەلگەن وزىق تەحنيكا، باسقارۋ تاجىريبەلەرى جۇڭگونىڭ دۇنيە جۇزىنەن ۇيرەنۋىنە وراي ازىرلەدى. ءتوراعا شي جينپيڭ كەزىندە اتاپ كورسەتكەنىندەي: جۇڭگو ماڭگى ۇيرەنەتىن ءىرى ەل بولادى، مەيلى دامىپ قاي دەڭگەيگە جەتسىن، دۇنيە جۇزىندەگى ءار ەل حالقىنان كىشى پەيىلدىكپەن ۇيرەنەدى، اناعۇرلىم اشىق، سيىسىمدى بەينە ارقىلى دۇنيە جۇزىندەگى ءار ەلمەن ءوزارا باۋىرمال بولىپ، ءوزارا ۇلگى الىپ، ءوزارا بايلانىس جاساپ، سىرتقا ەسىك اشۋدى ۇزدىكسىز جاڭا دەڭگەيگە كوتەرەدى.

  رەفورما جاساۋ، ەسىك اشۋ اياقتالمايدى، تەك جۇرىلە بەرەدى. قىم - قۋىت، كۇردەلى ورتا الدىندا اناعۇرلىم بەكەم سەنىم، اناعۇرلىم پارمەندى شارا ارقىلى رەفورما جاساۋدى، ەسىك اشۋدى سوڭىنا دەيىن جۇرگىزەتىن بولسا، جۇڭگو، ءسوز جوق، دۇنيە جۇزىمەن ورتاق گۇلدەنۋدىڭ، العا باسۋدىڭ ءداۋىر سيمفونياسىن شىرقاپ، ءار ەلمەن بىرگە ادامزاتتىڭ اناعۇرلىم جارقىن بولاشاعىن بىرگە اشاتىن بولادى.

  (شينحۋا اگەنتتىگىنىڭ 11 - ايدىڭ 9 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.