جۇمىستاندىرۋدى ءبىرىنشى ورىنعا قويۋعا، وڭتۇستىك شينجياڭدى الدىمەن ەسكەرۋگە تاباندى بولىپ، توقىماشىلىق، كيىم - كەشەك كاسىپ سالاسىنىڭ جوعارى ساپالى دامۋىن جەبەيىك
ءتىلشىمىز لي ياڭ 11 - ايدىڭ 9 - كۇنى ۇرىمجىدەن حابارلايدى. 11 - ايدىڭ 9 - كۇنى تۇستەن كەيىن اۆتونوميالى رايون توقىماشىلىق، كيىم - كەشەك كاسىپ سالاسىندا جۇمىستاندىرۋ قىزمەتىنە باسشىلىق ەتۋ گرۋپپاسىنىڭ 2018 - جىلعى 2 - رەتكى ءماجىلىسىن اشتى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، اۆتونوميالى رايوندىق پارتكومنىڭ ەكونوميكالىق قىزمەت جونىندەگى ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، توقىماشىلىق، كيىم - كەشەك كاسىپ سالاسىنىڭ الدىڭى 3 توقسانداعى دامۋ، جۇمىستاندىرۋ جاعدايىنا ىشكەرىلەي تالداۋ جاساپ، بيىل قىسقى جانە كەلەر جىلعى كوكتەمگى ءتۇيىندى قىزمەتتەردى ورنالاستىرىپ، توقىماشىلىق، كيىم - كەشەك كاسىپ سالاسىنىڭ جوعارى ساپالى دامىپ، كەدەيلىكتەن ارىلتۋدان قامال الۋ شايقاسىنا كۇش ۇستەپ، قوعام ورنىقتىلىعىن قورعاۋ ءۇشىن بەلسەنە ۇلەس قوسۋىن جەبەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ توقىماشىلىق، كيىم - كەشەك كاسىپ سالاسىندا جۇمىستاندىرۋ قىزمەتىنە باسشىلىق ەتۋ گرۋپپاسىنىڭ باستىعى لي پىڭشين ماجىلىسكە قاتىناستى ءارى ءسوز سويلەدى.
بيىل جىل باسىنان بەرى، جەر - جەر، تاراۋلار جۇمىستاندىرۋدى ءبىرىنشى ورىنعا قويۋعا، وڭتۇستىك شينجياڭدى الدىمەن ەسكەرۋگە تاباندى بولىپ، توقىماشىلىق، كيىم - كەشەك كاسىپ سالاسىنىڭ جوعارى ساپالى دامۋىن ۇزدىكسىز جەبەپ، ورنىقتى ارتۋ جاعدايىن ساقتاپ، كاسىپ سالاسى كولەمى بىرتىندەپ كەڭەيىپ، ساپا ونىمدىلىگى كورنەكتى جوعارىلاپ، ساياسي جۇيەسى اناعۇرلىم دالمە - دالدەنىپ، جۇمىستاندىرۋدى ىلگەرىلەتۋ ناتيجەسى كورنەكتىلەندى.
ءماجىلىس مىنانى اتاپ كورسەتتى: شينجياڭدا توقىماشىلىق، كيىم - كەشەك كاسىپ سالاسىن دامىتۋ ارقىلى ميلليون ادامنىڭ جۇمىستانۋىن جەبەۋ ستراتەگيالىق جوباسىن اتقارۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رايونىمىزدىڭ بايلىق جاعىنداعى وڭىرلىك ارتىقشىلىعىن تياناق ەتىپ، تۇتاس رايوننىڭ، اسىرەسە، وڭتۇستىك شينجياڭداعى ءار ۇلت بۇقاراسىنىڭ ورنىقتى جۇمىستانۋىن، كەدەيلىكتەن ارىلىپ، بايۋىن ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا كۇش ۇستەۋدى كوزدە ۇستاي وتىرىپ شىعارعان كەلەلى شەشىم - ورنالاستىرۋى. تۇتاس رايونىمىزدا جوعارىدان تومەنگە دەيىن شىنايى تۇردە «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋعا» كەپىلدىك ەتىپ، توقىماشىلىق، كيىم - كەشەك كاسىپ سالاسى ارقىلى جۇمىستاندىرۋدى جەتەكتەۋ قىزمەتىن ىلگەرىلەتۋدىڭ جاۋاپكەرشىلىگىن، كوكەي تەستىلىگىن شىنايى كۇشەيتىپ، تاباندىلىقپەن مىقتاپ يگەرۋ، ناقتى يگەرۋ، ويداعىداي يگەرۋ كەرەك.
ءماجىلىس مىنانى باسا دارىپتەدى: نازاردى باس نىساناعا شوعىرلاندىرىپ، «كەشەندى شارانى» ويداعىداي اتقارىپ، توقىماشىلىق، كيىم - كەشەك كاسىپ سالاسىنىڭ دامۋىنا جاراسىمدى، ورنىقتى ورتا جاراتۋ كەرەك. بازارعا يكەمدەلگەن شارا ارقىلى، ارتىپ قالعان ءوندىرىس قۋاتىن ازايتۋعا تاباندى بولىپ، قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتۋ كەرەك. توقىماشىلىق، كيىم - كەشەك سياقتى ەڭبەككۇش شوعىرلانعان كاسىپ سالاسىن ءتۇيىندى دامىتىپ، ءتىپتى دە كوپ كەدەيلەردىڭ باسقا كاسىپكە ويىسىپ جۇمىستانۋىنا باستاماشىلدىق ەتىپ، كەدەيلىكتەن ارىلتۋدان قامال الۋعا كۇش ۇستەۋ كەرەك. «تۇنىق سۋ مەن جاسىل تاۋ − باعا جەتپەس بايلىق» ۇستانىمىن بەرىك ورناتىپ، ەكولوگيانىڭ قىزىل سىزىعىن، تومەنگى شەگىن قاتاڭ ساقتاپ، «ءۇش جوعارى» نىساننىڭ شينجياڭعا كىرۋىن قاتاڭ شەكتەۋ كەرەك. كاسىپورىن قاجەتىمەن ۇشتاستىرىپ، قىزمەت وتەۋ شاراسىن كۇشەيتىپ، ۇيىمداستىرۋ، جەتەكشىلىك ەتۋ جانە باۋلۋ تەبىنىن ارتتىرىپ، كاسىپورىندارعا اناعۇرلىم كوپ تولىمدى كاسىپ سالاسى جۇمىسشىلارىن ازىرلەپ بەرۋ كەرەك. حاۋىپ - قاتەردەن ساقتانۋعا باسا ءمان بەرىپ، ارناۋلى قوسىمشا قاراجات قارجىسىن بەرۋدى، ىستەتۋدى جانە باقىلاۋ - باسقارۋدى ويداعىداي يگەرىپ، قازىنالىق، فينانستىق ساياسات جونىندە زەرتتەۋ جۇرگىزۋدى كۇشەيتىپ، ناقتى ەكونوميكاعا قىزمەت وتەۋ دەڭگەيىن شىنايى جوعارىلاتۋ كەرەك. ءتۇرلى تيىمدىلىك ساياساتتارىن جەتە ءتۇسىنىپ، ويداعىداي پايدالانىپ، حالىقتىق كاسىپورىنداردىڭ دامۋىن شابىتتاندىرىپ، قولداپ، جەتەكتەپ، قورعاپ، ەڭبەككۇش شوعىرلانعان ءتىپتى دە كوپ كاسىپ سالالارىنىڭ شينجياڭدا تامىر تارتۋىن ىلگەرىلەتىپ، توقىماشىلىق، كيىم - كەشەك كاسىپ سالاسىنىڭ جوعارى ساپالى دامۋىنا پارمەندى تىرەك ازىرلەۋ كەرەك.
ءماجىلىس مىنانى تالاپ ەتتى: ۇيىمدىق باسشىلىقتى كۇشەيتىپ، ءىس ىستەۋ قابىلەتىن كۇشەيتىپ، بيڭتۋان مەن جەرگىلىكتى ورىننىڭ سەلبەستىگىن كۇشەيتىپ، كاسىپورىندار بويىنشا سايكەسۋدى يگەرىپ، نىساندار بويىنشا ىلگەرىلەتۋدى يگەرىپ، ماسەلەلەر بويىنشا شەشۋدى يگەرىپ، بيىلعى قىسقى جانە كەلەر جىلعى كوكتەمگى ءتۇرلى قىزمەتتەردى كۇش سالا ويداعىداي ىستەپ، توقىماشىلىق، كيىم - كەشەك كاسىپ سالاسىن دامىتۋ ارقىلى جۇمىستاندىرۋدى جەتەكتەۋگە پارمەندى كەپىلدىك ازىرلەۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ءماجىلىستى باسقاردى.
