اۆتونوميالى رايونداعى جوعارى مەكتەپ وقۋشىلارىنىڭ ۋاكىلدەرى حوتان ايماعىنا بارىپ ەكسكۋرسيالاپ، تەكسەرۋ - زەرتتەۋ جۇرگىزدى
ءتىلشىمىز سۇي يۇنيان 11 - ايدىڭ 9 - كۇنى حوتاننان حابارلايدى. جاڭبىردان كەيىنگى حوتان دالاسى كۇننىڭ ارايلى شۋاعىنا شومىپ، ساپ - سارى جاپىراقتار سامال جەلمەن اۋەدە قالىقتايدى. 11 - ايدىڭ 6 - كۇنى اۆتونوميالى رايونداعى جوعارى مەكتەپ وقۋشىلارىنىڭ 90 ۋاكىلى حوتان ايماعىنا بارىپ، كاسىپتىك شەبەرلىككە تاربيەلەۋ، باۋلۋ ورتالىعىن ەكسكۋرسيالاپ، تاربيەلەنۋشىلەردىڭ تاربيەلەنۋ تۇرمىسىن ۇعىسىپ، وڭتۇستىك شينجياڭنىڭ اۋىل - قىستاقتارىندا قوعامدىق تەكسەرۋ - زەرتتەۋ ورىستەتتى.
حوتان قالاسىنداعى كاسىپتىك شەبەرلىككە تاربيەلەۋ، باۋلۋ ورتالىعىندا وقۋشىلار ۋاكىلدەرى ساباقحاناعا كىرىپ، مەملەكەتتە ءبىر تۇتاس قولدانىلاتىن ءتىل - جازۋ ساباعىن جانە زاڭ ساباعىن تىڭدادى، الاڭدا باسكەتبول جارىسىن وتكىزىپ جاتقان تاربيەلەنۋشىلەرگە مەدەت بەردى، تۋىستارمەن جۇزدەسۋ بولمەسىندە تاربيەلەنۋشىلەرمەن، سونداي - اق ولاردىڭ وتباسىنداعىلارمەن اڭگىمەدە بولدى. «تاربيەلەنۋشىلەر بىزبەن وزدەرى كەلىپ اڭگىمەلەستى، ولاردىڭ بويىنان جىگەر - قايرات تاسقىنداپ تۇر، ۇيرەنۋگە دەگەن ىنتاسى ەرەكشە ەكەن. مەنىڭ حوتانعا ءبىرىنشى رەت كەلۋىم، ولار پۋتۇڭحۋانى وتە جاتىق سويلەيدى ەكەن، ماقالانى كۇندەلىكتى دە وتە رەتتى جازادى ەكەن، قايران قالدىم، ويلاعانىمىزدان مۇلدە باسقاشا ەكەن»، - دەدى شينجياڭ ينجەنەريا شۋەيۋانىنىڭ وقۋشىسى حۋاڭ يۇڭشيا.
شينجياڭ پەداگوگيكا داشۋەسىنىڭ وقۋشىسى دىلگىر ياقۇپ بىلاي دەدى: مەن پەداگوگيكا داشۋەسىندە وقيمىن، سوندىقتان وقۋلىققا توتەنشە قىزىعامىن. تاربيەلەنۋشىلەرگە ارنالعان وقۋلىق وتە عىلمي جازىلىپتى، نولدەن باستاپ نەگىز قالاپ، بەكەمدەپ وسىرگەنگە دەيىن، تاربيەلەنۋشىلەر 3000نان استام ءسوزدى يگەرىپ، ايتارلىقتاي العا باسىپتى، سونىمەن قوسا نەگىزدىك زاڭ ءبىلىمىن يگەرىپتى، تۇتاس تاربيەلەۋ، باۋلۋ جۇمىستارى جۇيەلى جۇرگىزىلىپ جاتىر ەكەن. تاربيەلەنۋشىلەردىڭ بەينەسىنەن كاسىپتىك شەبەرلىككە تاربيەلەۋ، باۋلۋ قىزمەتىنىڭ وتە جارامدى، وتە ءونىمدى ەكەندىگىن سەزىندىك.
حوتان اۋدانىنداعى كاسىپتىك شەبەرلىككە تاربيەلەۋ، باۋلۋ ورتالىعىندا، وقۋشىلار ۋاكىلدەرى تاربيەلەنۋشىلەردىڭ ىقىلاسپەن شاقىرۋىمەن، حور جانە ءبي توپتارىنا قوسىلدى. شينجياڭ مەديتسينا داشۋەسىنىڭ وقۋشىسى سۇبي تالەت بىلاي دەدى: بۇل جەردە مادەني - سپورت قيمىلدارىنىڭ مازمۇنى مول ەكەن، ولاردىڭ قىزۋ ىقىلاسىمەن ولارمەن بىرگە ءان ايتىپ، ءبي بيلەپ، قۋانىشقا بولەندىم. ساباقحانا كەڭ دە جارىق، جاتاقتارى تازا، رەتتى ەكەن، كەيبىر قاتتى بولشەكتەر ءبىزدىڭ مەكتەبىمىزدەن قالىسپايدى. اسىرەسە، وقىتۋشىلاردىڭ جان - جاقتى قامقورلىعى كەزىندە ءدىني ۇشقارى يدەيانىڭ زيانكەستىگىنە ۇشىراعان وسى جاستارعا ومىرگە قايتا ورالۋ ورايىن بەرىپتى، ءاربىر ۇساق ىستەردىڭ ءوزى ادامدى قاتتى اسەرلەندىرەدى، بۇل جەر، شىنىندا، مەيىرگە تولى مەكتەپ اۋلاسى ەكەن.
تاربيەلەنۋشىلەردىڭ كەزىندە ءدىني ۇشقارى يدەيانىڭ ىقپالىنا ۇشىراپ، تاربيەلەۋ مەن باۋلۋدان كەيىن جازا باسقانىن ءبىلىپ، ۇشقارىلىققا قارسى تۇرۋ، وركەنيەتتى قاستەرلەۋ، باقىتقا تالپىنۋداي ءومىر سەنىمىن ورناتقانى جونىندە ايتقاندارىن تىڭداپ، وقۋشىلار ۋاكىلدەرى ەرەكشە اسەرگە يە بولدى.
شينجياڭ داشۋەسىنىڭ وقۋشىسى ابدۇراپحات رۇستەم بىلاي دەدى: كوپتەگەن تاربيەلەنۋشىلەر بىزبەن جاستى، ولار ءدىني ۇشقارى يدەيانىڭ ازعىرۋىنا ۇشىراپ، ءبىر مەزەت كوركەم تۇرمىستان الىستاپ قالعان. بۇگىنگى تاڭدا ەس جيىپ، زيانىن جىعا تانىپ، جامان نيەتتەن ارىلىپ، جۇزدەرىنە جارقىن كۇلكى ۇيالادى، بۇل ولاردىڭ ءومىردىڭ كوورديناتاسىن قايتا تاپقانىن تۇسىندىرەدى. بۇل بىزگە دە جاندى تاربيە بولدى. جوعارى مەكتەپ وقۋشىسى رەتىندە، ءبىز ءدىني ۇشقارى يدەيانىڭ سىنالاپ كىرۋىنە ءىس جۇزىندىك ارەكەتىمىز ارقىلى ونان ارى قارسى تۇرىپ، جوعارى مەكتەپتى قوعامدىق سالتقا جانە ءداۋىر اعىمىنا جەتەكشىلىك ەتەتىن شەپكە اينالدىرۋىمىز كەرەك.
حوتان قالاسىنداعى كاسىپتىك شەبەرلىككە تاربيەلەۋ، باۋلۋ ورتالىعىنداعى توقىماشىلىق فابريكاسى مەن كيىم - كەشەك فابريكاسىندا، جۇمىسقا ورنالاستىرىلعان تاربيەلەنۋشىلەر قاربالاس جۇمىس ىستەپ جاتىپتى. وقۋشىلاردىڭ ۋاكىلدەرى ولاردىڭ جۇمىستارىن قىزىعا كورىپ، ءالسىن - ءالى سۇراۋ سۇراپ اڭگىمەلەسىپ جاتىر. شينجياڭ داشۋەسىنىڭ وقۋشىسى نۇربيا ناجىميدەن بىلاي دەدى: مەن كەلەر جىلى وقۋ تاۋىسامىن، جۇمىسقا ورنالاسۋدا باسەكە قىسىمى وتە كۇشتى. تاربيەلەنۋشىلەردىڭ شەبەرلىكتى ۇيرەنگەن سوڭ دەرەۋ لايىقتى جۇمىس ورنىن تاپقانىن كورىپ قاتتى قىزىقتىم. ولار وتە سالىمدى ەكەن، قۇلشىنا قىزمەت ىستەگەندە عانا كەدەيلىكتەن ارىلىپ اۋقاتتانىپ، ءومىردى وزگەرتۋگە بولادى.
شينجياڭ داشۋەسىنىڭ وقۋشىسى ما چىڭ باستان - اياق ءبىر جاعىنان ساباقتاستارىمەن بىرگە ەكسكۋرسيالاپ، ەندى ءبىر جاعىنان تالقىدا بولدى. «بارلىعىمىزدىڭ اسەرىمىز بىردەي، كاسىپتىك شەبەرلىككە تاربيەلەۋ، باۋلۋ جولدان تايعان جاستاردى دەر كەزىندە قۇتقاردى، بۇل شينجياڭدى زاڭمەن جونگە سالۋدىڭ جاندى بەينەسى. ءبىز بۇل شارا جۇڭگوشا سوتسياليستىك ءتۇزىمىنىڭ ابزالدىلىعىن تولىق ايگىلەدى، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدا كەلەلى ماڭىزعا يە دەپ ەسەپتەيمىز»، - دەدى ما چىڭ.
جول بويى كورگەن - بىلگەندەرى شينجياڭ پەداگوگيكا داشۋەسىنىڭ وقۋشىسى سادىرجان سۇلتاندى قاتتى جەلپىنتتى. ول بىلاي دەدى: مەن اسپيرانتتاردىڭ وقۋ - اعارتۋعا كومەكتەسۋ ۇيىرمەسىنىڭ مۇشەسىمىن، كوپ وتپەي حوتانعا كەلىپ ءبىر جىل وقۋ - اعارتۋعا كومەكتەسەمىن. بۇل جولعى قوعامدىق تەكسەرۋ - زەرتتەۋ ماعان وتە كوپ وي سالدى، مەن مەكتەپتە ۇيرەنگەن كاسىپتىك بىلىمدەرىمدى پايدالانىپ، نەگىزگى ساتىنىڭ وقۋ - اعارتۋ ىستەرىنە ءوز ۇلەسىمدى قوسىپ، اناعۇرلىم كوپ ادامدى پارتياعا، وتانعا العىس ايتىپ، قوعامعا جارامدى ادام بولۋعا تاربيەلەيمىن.
