− باس شۋجي شي جينپيڭنىڭ شاڭحايدا قىزمەت تەكسەرۋىنەن ەستەلىك
شينحۋا اگەنتتىگىنىڭ ءتىلشىسى جاڭ شياۋسۇڭ
«شاڭحاي قالاسىنىڭ ۇزدىكسىز تۇردە بۇكىل ەلدەگى رەفورما جاساۋدىڭ، ەسىك اشۋدىڭ اتويشىسى، جاڭالىق اشۋدىڭ، دامۋدىڭ باستاۋشىسى بولىپ، ەڭ اۋىر جۇكتى ارقالاۋعا، ەڭ قيىن ماسەلەنى شەشۋگە باتىل بولىپ، جول اشا اتوي سالۋ، ۇلگى كورسەتىپ جەتەكتەۋ، شەپ بۇزىپ، قامال الۋ رولىن ساۋلەلەندىرىپ، بۇكىل ەلدىڭ رەفورما، دامۋ ىستەرى ءۇشىن اناعۇرلىم كەسەك ۇلەس قوسۋىن ءۇمىت ەتەمىن».
رەفورما جاساپ، ەسىك اشۋدىڭ 40 جىلدىعىنىڭ ماڭىزدى ساتىندە، 11 - ايدىڭ 6 -، 7 - كۇندەرى باس شۋجي شي جينپيڭ شاڭحايدا قىزمەت تەكسەرىپ، كاسىپورىنداردى ارالاپ، الەۋمەتتىك اۋماقتارعا بارىپ، جاڭالىق اشۋدى تىلگە تيەك ەتتى، پارتيا قۇرىلىسىن بايىمدادى، قىزمەت تەكسەرۋ بارىسىندا شاڭحايدىڭ رەفورما جاساۋىنا، دامۋىنا باعدار كورسەتتى.
پۋجياڭدا كۇزدىڭ ەڭ تاماشا كەزى، رەفورما جاساپ، ەسىك اشۋ ساپارى تاعى باستالدى.
كەلەشەكتى بەتكە الۋ: جاڭا بورىش ارقالاپ، جاڭا ورايدى يگەردى
پۋجياڭنىڭ شىعىس جاعالاۋىنداعى لۋجيازۇيدە جۇڭگوداعى ەڭ بيىك عيمارات − شاڭحاي ورتالىق سارايى بوي كوتەرىپ تۇر.
2007 - جىلى شي جينپيڭ شاڭحايدا قىزمەت ىستەگەن مەزگىلدە، شاڭحاي ورتالىق سارايىنىڭ قۇرىلىسىنا باسا نازار اۋدارىپ، كوپ مارتە لۋجيازۇي رايونىندا جۇمىس باسىندا تەكسەرۋ - زەرتتەۋ جۇرگىزىپ، لۋجيازۇي رايونىنىڭ جوباسىن تىكەلەي زەرتتەپ، شاڭحاي ورتالىق سارايىنىڭ جوباسىن ءوزى قاراپ بەكىتىپ، قاتىستى قىزمەتتەردى ىلگەرىلەتىپ، شاڭحاي ورتالىق سارايىن جاسىل، زەردەلى، گۋمانيتارلى حالىقارالىق ماڭداي الدى بىرەگەي قۇرىلىس ەتىپ سالۋدى تالاپ ەتكەن بولاتىن.
10 جىلدان كەيىنگى 2017 - جىلى شاڭحاي ورتالىق سارايى جاپپاي سىناق رەتىندە تيجارات جۇرگىزدى، سونداي - اق 632 مەترلىك جالپى بيىكتىگى، جاسىل دا قورشاعان ورتانى قورعايتىن ۇنەمشىل جوبالاۋ ۇستانىمى، بۇراندا فورماسىندا بوي كوتەرگەن قۇرىلىس قۇرىلىمى جانە قۇرىلىسىنىڭ اسا قيىندىعى ارقىلى جۇڭگوداعى جالپى جۇرت كوز تىككەن «الىپ ينجەنەريالاردىڭ» ءبىرى بولىپ، «شاڭحاي شىڭى»، «سامعاپ ۇشقان شىعىستىڭ الىپ ايداعارى» دەگەن تاماشا اتقا يە بولدى.
11 - ايدىڭ 6 - كۇنى تۇستەن بۇرىن شي جينپيڭ وسى اراعا كەلدى. ول جوعارى جىلدامدىقتى ليفتپەن 119 - قاباتتاعى ەكسكۋرسيالاۋ زالىنا شىعىپ، شاڭحاي قالاسىنىڭ كوركىنە بيىكتەن كوز تاستادى.
شىعىس مەرۋەرتى، الەمدىك فينانس ورتالىعى، جينماۋ سارايى، ياڭپۋ كوپىرى، الەمدىك كورمە باقشا رايونى... پۋجياڭنىڭ ەكى جاعالاۋىنداعى كوركەم كورىنىستەردىڭ بارلىعى كوزگە ءتۇسىپ، شاڭحايدىڭ 100 جىلدىق وزگەرىسى بىردەن كوز الدىعا كەلدى.
شي جينپيڭ ءسات سايىن ايالداپ، كەيدە الىسقا كوز جىبەرىپ، اۋىق - اۋىق كوپشىلىكپەن اڭگىمەلەستى.
سۇڭ داۋىرىندە قالاشىق، يۋان داۋىرىندە اۋدان بولىپ قۇرىلىپ، ميڭ داۋىرىندە قالا بولىپ سالىنىپ، چيڭ داۋىرىندە سىرتقى ساۋدا قالاسى بولعان شاڭحاي جاڭا جۇڭگو قۇرىلعاننان كەيىن، اسىرەسە، رەفورما جاساپ، ەسىك اشقاننان بەرى ەكونوميكاسى مەن قوعامى ۇشقان قۇستاي دامىپ، قالانىڭ بەت - بەينەسى كۇن سايىن تۇرلەنىپ، اي سايىن جاڭاردى. قازىر جۇڭگونىڭ ەڭ ءىرى ەكونوميكا ورتالىق قالاسى رەتىندە، شاڭحاي پارتيا مەن مەملەكەت قىزمەتىندە توتەنشە ماڭىزدى ورىن يەلەۋدە.
ەكسكۋرسيالاۋ زالىنىڭ ىشكى قابىرعاسىندا بۇگىنگى مەن بۇرىنعىنى سالىستىرعان، شاڭحايدىڭ ءبىر عاسىردان استام ۋاقىتتان بەرگى قيلى وزگەرىستەرىن كورسەتكەن سۋرەتتەر تۇر.
جاڭا بوگەنايلىق جەردە تۇرىپ كونە بوگەنايلىق جەرگە بيىكتەن كوز سالعان شي جينپيڭ تولقي تۇرىپ: رەفورما جاساپ، ەسىك اشقاننان بەرى جۇڭگودا وراسان زور وزگەرىستەر تۋىلدى، مۇنىڭ ءبىر جاندى مىسالى شاڭحاي، - دەدى.
كەلەشەكتى بەتكە العان شاڭحاي جاڭا تاريحي بورىشتى ارقالاۋدا −
11 - ايدىڭ 7 - كۇنى تۇستەن كەيىن باس شۋجي شي جينپيڭ شاڭحاي قالالىق پارتكوم مەن قالالىق ۇكىمەتتىڭ قىزمەت مالىمەتىن تىڭداعان كەزدە: شاڭحايدىڭ قىزمەتىن جاقسى ىستەۋدە جالپى جاعداي تانىمى، جالپى اۋقىم تانىمى بولۋى، بۇكىل ەلگە قىزمەت وتەۋ بارىسىندا شاڭحايدى دامىتۋ كەرەك، - دەپ باسا دارىپتەدى، سونىمەن بىرگە، شاڭحايعا بۇكىل ەلدىڭ رەفورما، دامۋ جالپى جاعدايىنا قىزمەت وتەۋ، ەكونوميكانىڭ جوعارى ساپالى دامۋىن ىلگەرىلەتۋ، رەفورما جاساپ، ەسىك اشۋدىڭ تەرەڭدەي دامۋىن ىلگەرىلەتۋ، قوعامدىق جونگە سالۋدا جاڭالىق اشۋدى تەرەڭدەتۋ، پارتيا قۇرىلىسىنىڭ ساپاسى مەن دەڭگەيىن جوعارىلاتۋ سياقتى 5 جاقتاعى قىزمەت تالاپتارىن العا قويدى.
كەلەشەكتى بەتكە العان شاڭحاي جاڭا دامۋ ورايلارىنا دا ءدوپ كەلدى −
تۇڭعىش كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا شي جينپيڭ ارقاۋ ءسوز سويلەدى ءارى بىلاي دەپ جاريالادى: جۇڭگو شاڭحاي ەركىن ساۋدا سىناق رايونىنىڭ جاڭا اۋماعىن قۇرۋدى؛ شاڭحاي اكتسيا ايىرباس ورنىندا عىلىم - تەحنيكالىق جاڭالىق اشۋ ۇلگى نۇسقاسىن قۇرۋدى جانە تىركەۋگە الۋ ءتۇزىمىن تۇيىندەردە سىناق ەتۋدى؛ چاڭجياڭ اتىراۋى ءوڭىرىنىڭ ءبىر تۇلعالانا دامۋىنا قولداۋ كورسەتۋدى ءارى مەملەكەتتىك ستراتەگياعا كوتەرۋدى ۇيعاردىق.
بۇل 3 ءتۇرلى كەلەلى شارا، ءسوزسىز، جاڭا داۋىردەگى شاڭحايدىڭ دامۋىنا ستراتەگيالىق باسىمدىق اكەلەدى.
پارتيا قۇرىلىسى قىزمەتى: قيىن ءتۇيىن نەگىزگى ساتىدا، جارقىن ءتۇيىن دە نەگىزگى ساتىدا
جۇڭگونىڭ ەڭ بيىك عيماراتىنا شىققاندا قۇرىلىستىڭ بيىكتىگىن، كوز ايانىڭ كەڭدىگىن سەزىنىپ قانا قالماستان، ءتىپتى دە ماڭىزدىسى، سەنىمنىڭ بيىك ورەلىلىگىن، مۇراتتىڭ ۇلىلىعىن سەزىنۋگە بولادى.
شاڭحاي ورتالىق عيماراتىندا 10نان استام نەگىزگى ساتى پارتيا ۇيىمى، 800دەن استام پارتيا مۇشەسى تەبىندى جۇمىس ىستەۋدە.
11 - ايدىڭ 6 - كۇنى تۇستەن بۇرىن شي جينپيڭ سارايدىڭ 22 - قاباتىنداعى لۋجيازۇي فينانس بازارىنىڭ پارتيا قۇرىلسىنان قىزمەت وتەۋ ورتالىعىنا كەلىپ، قىزمەت وتەۋ ورتالىعىنىڭ قىزمەت تەرەزەلىكتەرىن كوزدەن كەشىرىپ، فينانس بازارىنداعى پارتيانىڭ نەگىزگى ساتى ۇيىمىنىڭ قۇرىلىمىن ۇعىسىپ، اپتالىق قيمىل ورنالاستىرۋى مەن عيمارات پارتيا قۇرىلىسىنىڭ قىزمەت جاعدايىن تاپتەشتەي سۇراستىردى.
«عيمارات ەكونوميكاسى» − شاڭحايدىڭ اسقىن ءىرى قالا بولۋىنداعى تيپتىك ەكونوميكا فورماسى، ءبىر عيماراتتان تاپسىرىلاتىن سالىق كوبىنەسە ىشكى جەردەگى ءبىر اۋدان ەكونوميكاسىنىڭ جالپى مولشەرىنەن اسىپ تۇسەدى. ءار ءتۇرلى ساۋدا عيماراتتارىنا سان - ساناقسىز «جوعارى زەردەلى، جوعارى ماعلۇماتتى، جوعارى شەبەرلىككە يە، جوعارى كىرىستى» جاستار شوعىرى جينالعان، جاڭا ەكونوميكالىق ۇيىمداردا، جاڭا قوعامدىق ۇيىمداردا جۇمىسقا ورنالاسقان پارتيا مۇشەلەرى دە بارعان سايىن كوبەيۋدە.
2007 - جىلى شي جينپيڭ شاڭحايدا قىزمەت ىستەگەن كەزىندە جالپىلىق مەنشىككە جاتپايتىن شارۋاشىلىق ۇيىمدارىنىڭ پارتيا قۇرىلىسى قىزمەتىنە وسكەلەڭ ءمان بەرىپ، «شاڭحايداعى پارتيا قۇرىلىسىنىڭ ءتۇيىنى عيماراتتاردا، عيماراتتارعا كىرىپ، پارتيا مۇشەلەرىن ۇيىستىرىپ، اق جاعالىلارعا قىزمەت وتەپ، ءتۇرلى قيمىلداردى ۇيىمداستىرىپ ورىستەتىپ، پارتيا ۇيىمىنىڭ جاڭا ەكونوميكالىق ۇيىمدارداعى، جاڭا قوعامدىق ۇيىمدارداعى جانە جاستار اراسىنداعى باۋراۋ كۇشىن، ۇيىستىرۋ كۇشىن، ىقپال كۇشىن ۇزدىكسىز كۇشەيتۋ كەرەك» دەپ ايقىن ورتاعا قويدى.
10 جىلدان استام ۋاقىتتان بەرى، شاڭحاي «ياچەيكانى عيماراتتا قۇرۋ، پارتيا قۇرىلىسىن ناقتى تياناقتاندىرۋ» سىندى عيمارات پارتيا قۇرىلىسى قىزمەتى جونىندە بەلسەنە ىزدەنىس جاساپ، شاڭحايدىڭ الىپ قالا ەرەكشەلىگىنە ۇيلەسەتىن نەگىزگى ساتى پارتيا قۇرىلىسىنىڭ جاڭا جولىن اشتى. لۋجيازۇي فينانس بازارىنىڭ پارتيا قۇرىلىسىنان قىزمەت وتەۋ ورتالىعى − لۋجيازۇي فينانس - ساۋدا رايونى جالپىلىق پارتكومى قۇرعان عيمارات پارتيا قۇرىلىسى شەبى.
سارايدىڭ 22 - قاباتىنداعى اۋە باقشاسىنىڭ زەرتتەۋ - تالقى، اۋىس - كۇيىس رايونىنداعى كەڭ دە جارىق ەدەنگە جالعاسقان تەرەزەدەن اپ - انىق كورىنىپ تۇرعان كوكجيەككە الىستان كوز سالۋعا بولادى. وزەننىڭ ارعى جاعىندا پارتيا 1 - قۇرىلتايى اشىلعان ورىن تۇر.
بۇل كەزدە تۇرلىشە مەنشىك تۇزىمىندەگى بىرنەشە كاسىپورىننىڭ پارتيا ۇيىمدارى بىرلەسىپ وسى ارادا «فينانس بازارىمەن بىرگە جەتىلەمىن» اتتى نەگىزگى تاقىرىپتىق پارتيا كۇنى قيمىلىن وتكىزىپ جاتقان بولاتىن. باس شۋجي كەلگەندە كوپشىلىك دۋ قول شاپالاق سوعىپ جانىنا جينالدى. پارتيا كۇنى قيمىلىنىڭ باسقارۋشىسى، جادا بانكەسى شاڭحاي پارتيا باس ياچەيكاسىنىڭ شۋجيى دۇڭ شۋيىن الدىعا شىعىپ، باس شۋجيگە قيمىلدىڭ نەگىزگى مازمۇنىن مالىمدەدى.
«ەكى جاڭا ۇيىمداعى» ورتا جاستاعىلاردىڭ، جاستاردىڭ پارتياعا كىرۋ بەلسەندىلىگى بارعان سايىن جوعارىلاپ، عيمارات پارتيا قۇرىلىسىنىڭ پارتيا مۇشەلەرى اراسىنداعى باۋراۋ كۇشى، ىقپال كۇشى بارعان سايىن ارتقاندىعىن ەستىگەندە، شي جينپيڭ توتەنشە قۋانىپ، شاڭحايدىڭ پارتيا قۇرىلىسىندا جاڭالىق اشۋ وي جەلىسى مەن ۇلگىسىن تولىق تۇراقتاندىردى.
شي جينپيڭ بىلاي دەدى: پارتيا قۇرىلىسى قىزمەتىنىڭ قيىن ءتۇيىنى نەگىزگى ساتىدا، جارقىن ءتۇيىنى دە نەگىزگى ساتىدا. پارتيامىزدىڭ جالپىلىق مەنشىككە جاتپايتىن كاسىپورىنداردا باۋراۋ كۇشى بار ما - جوق پا، «ەكى جاڭا ۇيىمداعى» جاستار پارتياعا مۇشە بولۋدى قالاي ما - قالاماي ما دەگەنگە شاڭحايدىڭ جاعدايىنان قاراعاندا بۇعان تۇراقتاندىرىپ جاۋاپ بەرۋگە بولادى.
ول شاڭحايدىڭ نەگىزگى ساتى پارتيا قۇرىلىسى قىزمەتىن كۇشەيتۋ جاعىندا ۇزدىكسىز ىزدەنىس جاساپ، الدا ءجۇرۋىن ءۇمىت ەتتى.
جوعارى ساپالى دامۋ: عىلىم - تەحنيكادا جاڭالىق اشۋ − قوزعاۋشى كۇش قاينارى، ناقتى ەكونوميكا − كۇش سالۋ ءتۇيىنى
جوعارى ساپالى دامۋدى قالاي ىلگەرىلەتۋ جاعىنا باس شۋجي باسا نازار اۋداردى.
11 - ايدىڭ 6 - كۇنى تۇستەن كەيىن شي جينپيڭ شاڭحايدىڭ عىلىم - تەحنيكادا جاڭالىق اشۋ سەنترىنىڭ وزەكتى رايونى جانە عىلىم - تەحنيكادا مەملەكەت دارەجەلى بيىك بەلەس − جاڭجياڭ عىلىم ورتالىعىنا ارنايى كەلىپ تەكسەرۋ - زەرتتەۋ جۇرگىزدى.
جاڭجياڭ عىلىم ورتالىعىنىڭ جوسپارداعى جالپى اۋدانى شامامەن 95 شارشى كيلومەتر، 800دەن استام جوعارى، جاڭا تەحنيكالىق كاسىپورىندار ىرگە تەپكەن بۇل اراعا ءبىر توپ ءىرى عىلىم قۇرىلعىلارى، عىلىم تۇعىرلارى جانە بىرەگەي جاڭالىقشىل مەكتەپتەر شوعىرلانعان.
عىلىم ورتالىعىنىڭ كورسەتۋ زالىنداعى كۇڭگىرت ماتەريا بولشەگىن بارلاۋ - تەكسەرۋ جاساندى سەرىك مودەلى، حيرۋرگيالىق سۇيەكتى ساۋىقتىرۋ روبوتى، سۋىق اتومدىق ساعات سياقتى كورمە بۇيىمدارى باس شۋجيدىڭ نازارىن اۋداردى، ول عىلىم ورتالىعىنىڭ دامۋ بارىسى جانە جوسپار قۇرىلىسى جاعدايى جونىندەگى تانىستىرۋدى زەر سالا تىڭداپ، ءىرى عىلىم قۇرىلعىلارى، ينتەگرالدى تىزبەك، اۋە - عارىش سياقتى كورمە رايونىن زەر سالا كورىپ، اۋىق - اۋىق قاتىستى جاعدايلاردى سۇراستىردى.
«ناتيجەسى قانداي؟»، «بازارعا شىعۋعا دەيىن قانشا ۋاقىت بار؟»، «بازارعا شىعارىلعاننان كەيىن ناۋقاستار ءبىر جىلدا قانشا اقشا جۇمسايدى؟»... بيولوگيالىق ءدارى - دارمەك كورمە رايونىندا شي جينپيڭ عىلمي زەرتتەۋ قىزمەتكەرلەرىنەن الجۋ اۋرۋىن ەمدەيتىن ءدارى - دارمەكتى زەرتتەپ جاساۋ جاعدايىن تاپتەشتەپ ۇعىسىپ، ولاردىڭ ءوز كۇشىنە سۇيەنىپ زەرتتەپ - اشىپ، بۇل كەلەلى ءىستى قۇلشىنا جاقسى ىستەۋىن ءۇمىت ەتتى.
عىلىم - تەحنيكا قىزمەتكەرلەرىنىڭ الدىندا شي جينپيڭ تەرەڭ ماعىنامەن بىلاي دەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى ساتىندە، عىلىم - تەحنيكالىق جاڭالىق اشۋداعى كوكەي تەستىلىك سەزىم مەن بورىشتىلىق سەزىمدى كۇشەيتىپ، عىلىم - تەحنيكالىق جاڭالىق اشۋدى اناعۇرلىم ماڭىزدى ورىنعا قويىپ، «قاقپا الدىنا كەلگەن دوپتى» جاقسى تەۋىپ، عىلىم - تەحنيكالىق جاڭالىق اشۋدىڭ جاڭالىق اشۋ ارقىلى دامۋعا دەم بەرۋ ستراتەگياسىن اتقارۋ، جاڭا - كونە قوزعاۋشى قۋاتتاردىڭ اۋىسۋىن جەدەلدەتۋ بارىسىندا ماڭىزدى رول اتقارۋىنا مۇمكىندىك جاساۋ كەرەك.
ول مىنالاردى باسا دارىپتەدى: ورايدى يگەرىپ، ءتىپتى دە ساپالى ورتا جاراتىپ، فاكتورلاردى ورنالاستىرۋدى جاقسارتىپ، ءتىپتى دە كوپ ەلەۋلى عىلىم - تەحنيكالىق ناتيجە شىعارۋعا قۇلشىنۋىمىز كەرەك. پارتيا ورتالىق كوميتەتى سىزدەردى قولدايدى.
عىلىم - تەحنيكا قىزمەتكەرلەرى باس شۋجيدىڭ ماڭىزدى سوزىنە دۋ قول شاپالاق سوقتى.
عىلىم - تەحنيكادا جاڭالىق اشۋدى جوعارى ساپالى دامۋدىڭ قوزعاۋشى كۇش قاينارى دەسەك، ناقتى ەكونوميكا − جوعارى ساپالى دامۋدىڭ كۇش سالۋ ءتۇيىنى.
11 - ايدىڭ 6 - كۇنى تۇستەن كەيىن شي جينپيڭ پۋدۇڭ جاڭا رايونى قالا اينالىمىن كەشەندى باسقارۋ ورتالىعىنا كەلىپ، ياڭشان كەمەجايىنىڭ 4 - مەرزىمدىك اۆتوماتتاندىرىلعان كەمەتۇراعىمەن بەينە ەكران ارقىلى بايلانىس جاساپ، كەمەتۇراقتىڭ قۇرىلىسى جانە اينالىم جاعدايى تۋرالى تانىستىرۋدى تىڭدادى.
ياڭشان كەمەجايىنىڭ 4 - مەرزىمدىك قۇرىلىسى قازىر دۇنيە جۇزىندەگى كولەمى ەڭ زور، تەحنيكاسى ەڭ وزىق بۇكىلدەي اۆتوماتتاندىرىلعان جۇك قورابى كەمەتۇراعى، وعان دۇنيە جۇزىندەگى ەڭ ۇلكەن 200 مىڭ توننا كوتەرىمدىلىكتەگى جۇك قورابىن تاسيتىن كەمە توقتاي الادى. اينالىمعا تۇسكەننەن كەيىن، شاڭحايدىڭ جىلدىق قابىلداۋ - شىعارۋ مولشەرى 40 ميلليون ولشەمدى جۇك قورابىنان اسىپ، الەمدەگى قابىلداۋ - شىعارۋ مولشەرى ەڭ جوعارى جۇك قورابى كەمەجايى بولۋداي رەكوردتى جاراتتى.
ۇلكەن ەكراننان كەمەتۇراعىندا ءتۇرلى جۇك قوراپتارىنىڭ رەتىمەن قويىلعاندىعىن، اۆتوماتتى جەتەكتەلەتىن تاسىمال كولىكتەرىنىڭ ارلى - بەرلى قايشالىسىپ جۇرگەندىگىن، الىپ كرانداردىڭ الىس ارالىقتى باسقارۋمەن جۇكتى دالمە - ءدال تيەپ - ءتۇسىرىپ جاتقاندىعىن، تۇتاس جۇمىس الاڭىنىڭ قاربالاس تا ءتارتىپتى كۇيدە ەكەندىگىن ايقىن كورۋگە بولادى.
شي جينپيڭ مىنالاردى اتاپ كورسەتتى: ەكونوميكادا قۇدىرەتتى ەل بولۋ ءۇشىن، قالايدا، تەڭىزدەگى قۇدىرەتتى ەل، تەڭىز تاسىمالىنداعى قۇدىرەتتى ەل بولۋ كەرەك. دۇنيە جۇزىندە ماڭداي الدى بولۋعا بەل بۋعان ەرىك - جىگەر مەن باتىلدىق بولۋ، ىستەگەن ەكەنبىز كەمەلىنە كەلتىرە ىستەپ، اناعۇرلىم كوپ الەمدىك بىرىنشىلىكتى قۇلشىنا جاراتۋىمىز كەرەك.
ول مىنالاردى تالاپ ەتتى: جوعارى ساپالى دامۋدىڭ كۇش سالۋ ءتۇيىنىن ناقتى ەكونوميكاعا اۋدارىپ، ناقتى ەكونوميكا، عىلىم - تەحنيكالىق جاڭالىق اشۋ، وسى زامانعى فينانس، ادام كۇشى بايلىعى سايكەسە داميتىن كاسىپ سالاسى جۇيەسىن جەدەل ورناتىپ، شاڭحايدىڭ الەمدىك قالالار جۇيەسىندەگى ىقپال كۇشى مەن باسەكەلىك قابىلەتىن جاپپاي جوعارىلاتۋ كەرەك.
قوعامدى جونگە سالۋ: نازىك تۇيىندەردەن باستاپ ىسكە كىرىسىپ، نازىك بۋىنداردا ناتيجە جاراتۋ
شاڭحاي − 600 نەشە شارشى كيلومەترلىك وزەكتى قالا رايونى، 20 ميلليوننان استام تۇراقتى جان سانى بار الىپ قالا.
ىرىلىكتىڭ دە وزىندىك السىزدىگى بولادى. جۋىق جىلداردان بەرى، شاڭحاي جول قاتىناسى كەپتەلۋى، حالىق سانىندا قارتتاردىڭ كوبەيۋى، كونە قالا رايونىن وزگەرتىپ سالۋدىڭ وزىندىك قۇنىنىڭ ارتۋى سياقتى ماسەلەلەرگە ءدوپ كەلدى. بۇل قيىن ماسەلەلەردى قالاي شەشۋ شاڭحايدىڭ ەكونوميكاسىن دامىتۋ مەن قوعام ورنىقتىلىعىنا قاتىستى بولۋمەن بىرگە، جۇڭگونىڭ جاڭا جاعدايدا قالانى باسقارۋ ورەسىن جوعارىلاتۋ جاعىندا ىزدەنىس جاساۋداعى «مىندەتتى ساباق» ەدى.
شاڭحايدىڭ حۇڭكوۋ رايونىنىڭ حالقى تىعىز ورنالاسقان. تۇرعىنداردىڭ الەۋمەتتىك اۋماقتاعى ءار الۋان تۇرمىس قاجەتىن قاناعاتتاندىرۋ ءۇشىن، حۇڭكوۋ رايونى 35 قالا تۇرعىنى ايالداماسىن اشىپ، «15 مينۋتتىق الەۋمەتتىك اۋماق تۇرمىسىنا قىزمەت وتەۋ شەڭبەرىن» قۇلشىنا قالىپتاستىرىپ، بۇقارانىڭ ەسىك الدىندا قارتتاردىڭ ازىقتانۋ، قارتتاردى كۇندەلىكتى كۇتىمدەۋ، ەمدەۋ - دەنساۋلىق ساقتاۋ، مادەني قيمىلى، رۋحاني كوڭىل كۇيىن اۋلاۋ جانە نارەستەلەردى، بوبەكتەردى ەرتە باستان تاربيەلەۋ، پارتيا مۇشەلەرىنە، بۇقاراعا قىزمەت وتەۋ قاتارلى حالىق تۇرمىسى قاجەتىن ءبىر تۇتاس شەشتى.
11 - ايدىڭ 6 - كۇنى تۇستەن بۇرىن شي جينپيڭ حۇڭكوۋ رايونى قالا تۇرعىندارى ايالداماسىنىڭ جياشيڭ جولى ءمالى باسقارماسىنداعى ءبىرىنشى بولىمشەسىنە كەلىپ، جالپىلىق قىزمەت وتەۋ تەرەزەلىگى، قارتتار ءۇيى، پارتيا قۇرىلىسى قىزمەت پۋنكتى سياقتىلاردى ءبىر - بىرلەپ كوردى.
قارتتار ۇيىندە بىرنەشە قارت تۇرعىن قولونەر بۇيىمدارىن جاساۋمەن اينالىسىپ وتىرىپتى، باس شۋجي ولارمەن ىقىلاسپەن امانداستى، 86 جاستاعى ۋاڭ يۇڭنيان كاريا تەبىرەنە باس شۋجيدىڭ قولىن قىسىپ تۇرىپ، باس شۋجيگە وزدەرىنىڭ باقىتقا شومعان قارتتىق ومىرلەرىن باياندادى. شي جينپيڭ مىنالاردى ءبىلدىردى: قارتتاردىڭ قارتايعاندا زەينەت كورىپ، باقىتتى تۇرمىس كەشىپ، ساۋ - سالامات ۇزاق جاساۋى − ءبىزدىڭ ورتاق تىلەگىمىز. پارتيا ورتالىق كوميتەتى زەينەتكەرلىككە قىزمەت وتەۋ قىزمەتىنە باسا نازار اۋدارىپ وتىر، ساياساتتى تىڭعىلىقتى تياناقتاندىرىپ، اناعۇرلىم كوپ قارتتاردى يگىلىكتەندىرۋ كەرەك.
پارتيا قۇرىلىسى قىزمەت پۋنكتىندە بىرنەشە جاس پارتيا مۇشەسى الەۋمەتتىك اۋماقتا قوقىر - قوقسىقتى تۇرگە ايىرۋدى جالپىلاستىرۋدىڭ ادىستەرى جونىندە پىكىر اۋىستىرىپ وتىر ەدى. جاستاردىڭ ءبىرى باس شۋجيگە الەۋمەتتىك يگىلىك قيمىلىنىڭ جاستار جونىنەن جاڭا سالتقا اينالعاندىعىن ايتتى. شي جينپيڭ مىنالاردى ءبىلدىردى: قوقىر - قوقسىقتى تۇرگە ايىرۋدىڭ ءوزى جاڭا سالت! قوقىر - قوقسىقتى جان - جاقتى ءبىر جاقتى ەتۋ جالپى حالىقتىڭ ات سالىسۋىنا مۇقتاج، مەن بۇل ىسكە نازار اۋدارىپ وتىرمىن، شاڭحايدىڭ وسى قىزمەتتى شىنايى يگەرىپ، ناقتى، جاقسى ىستەۋىن ءۇمىت ەتەمىن.
قوشتاسار ساتتە، حابار تاۋىپ جەتكەن تۇرعىندار باس شۋجيدى قاۋمالاپ، باس شۋجيمەن جاپا - تارماعاي قول الىستى.
شي جينپيڭ ولارعا مىنالاردى قاداعالاي تاپسىردى: قالانى جونگە سالۋدىڭ «سوڭعى ءبىر شاقىرىمى» الەۋمەتتىك اۋماقتا. الەۋمەتتىك اۋماق − پارتيا مەن ۇكىمەتتىڭ بۇقارامەن بايلانىس جاسايتىن، بۇقاراعا قىزمەت وتەيتىن جۇيكە ۇشى، الەۋمەتتىك اۋماق تۇرعىندارىن ۋايىمداتقان، مازالاعان، ابىرجىتقان ىستەردى دەر كەزىندە سەزىپ، بىردەن - بىردەن ۇتىمدى شەشۋ كەرەك. جۇرت كوڭىلى − تارازى. ءبىز بۇقاراعا كوڭىل تورىمىزدەن ورىن بەرگەندە عانا، بۇقارا ءبىزدى كوكەيىندە ساقتايدى.
2017 - جىلى مەملەكەتتىك ەكى ءماجىلىس كەزىندە، شي جينپيڭ شاڭحاي ۋاكىلدەر ۇيىرمەسىنىڭ تالقىسىنا قاتىناسقاندا: قالانى باسقارۋدا بىزبەن كەستە تىككەندەي ىجداعاتتى بولۋ كەرەك، - دەپ اتاپ كورسەتكەن بولاتىن.
11 - ايدىڭ 6 - كۇنى تۇستەن كەيىن شي جينپيڭ پۋدۇڭ جاڭا رايونى قالا اينالىمىن جالپىلىق باسقارۋ ورتالىعىنا كەلىپ، شاڭحايدىڭ قالانى قۇنتتاپ باسقارۋ جاعىنداعى شارالارىن ۇعىسىپ، شاڭحايدىڭ ۇزدىكسىز ىزدەنىس جاساپ، الىپ قالانى باسقارۋدىڭ جۇڭگوشا جاڭا جولىن اشىپ، قالا باسقارۋ دەڭگەيىن ۇزدىكسىز جوعارىلاتىپ، سوتسياليستىك وسىزاماندانعان حالىقارالىق ورتالىق قالا قۇرۋدى جەدەلدەتۋىن تالاپ ەتتى.
11 - ايدىڭ 7 - كۇنى تۇستەن كەيىن شي جينپيڭ شاڭحاي قالالىق پارتكوم مەن ۇكىمەتتىڭ قىزمەت مالىمەتىن تىڭداعاندا، شاڭحايدىڭ قارتتانۋعا توتەپ بەرۋ، كونە قالا رايونىن وزگەرتىپ سالۋ، جاڭاشا اۋىل - قىستاق قۇرىلىسىن ورىستەتۋ، «دارەتحانا توڭكەرىسىن» ىلگەرىلەتۋ قاتارلى قىزمەتتەردىڭ اياق الىسىن ۇعىسىپ، ءىرى قالا بولعان سايىن نازىك بۋىندارعا دەن قويۋعا اناعۇرلىم نازار اۋدارىپ، ناتيجە جاراتۋدى تالاپ ەتتى.
ءار جولعى شىن پەيىلدى شابىتتاندىرۋلار، ءاربىر ىقىلاستى تاپسىرمالار شاڭحايداعى قالىڭ كادرلار مەن بۇقارانىڭ كوڭىلىن جەلپىندىرىپ، ادامداردى كۇش ۇستىنە كۇش قوسىپ، قۇلشىنا ناتيجە جاراتۋعا جىگەرلەندىردى.
حۋاڭپۋجياڭ وزەنىنىڭ جاعاسىنداعى مىستان قۇيىلعان باتىردىڭ ءمۇسىنى جەلكەندى بيىك ۇستاپ، تولقىندى جارا ەرلىكپەن العا تارتۋدا. تاياۋ ماڭدا دۇڭحاي تەڭىزىن بەتكە العا وزەن سۋى جوڭكىلە العا تارتۋدا.
(شينحۋا اگەنتتىگىنىڭ 11 - ايدىڭ 9 - كۇنى شاڭحايدان بەرگەن حابارى)
