شەبەرلىك − كەدەي وتباسىلاردىڭ «كەدەيلىكتىڭ تامىرىنا بالتا شابۋىنا» دەم بەردى
ءتىلشىمىز جاۋ شييا 11 - ايدىڭ 10 - كۇنى ۇرىمجىدەن حابارلايدى. 11 - ايدىڭ 8 - كۇنى اقسۋ جۇييىڭ كيىم - كەشەك شەكتى جاۋاپكەرشىلىك سەرىكتەستىگىنىڭ ءوندىرىس سەحىندا، اقسۋ كاسىپتىك - تەحنيكالىق شۋەيۋانى توقىماشىلىق ينجەنەرياسى فاكۋلتەتىنىڭ وقۋشىسى رۋحيام اسەن قىزمەتتەستەرىمەن بىرگە تاپسىرىس بەرىلگەن كيىمدەردى تىگىپ قاربالاس بولۋدا. جۇمىسقا قاجىرلى بولعاندىقتان، كاسىپورىن پراكتيكانت كەزىندە - اق رۋحيامعا 2000 نەشە يۋان ەڭبەكاقى بەرىپتى.
«ءوندىرىس پەن وقىتۋدى ءبىر تۇلعالاندىرۋ» ۇلگىسى رۋحيام وتباسىنىڭ قيىنشىلىعىن ەداۋىر جەڭىلدەتتى. سونىمەن بىرگە، كاسىپورىن ونىڭ جۇمىستانۋ ويىنا قاراي ونىمەن كەلىسىمگە كەلدى، كەلەر جىلى مەكتەپ بىتىرگەن سوڭ، تىكە كاسىپورىندا قالىپ جۇمىس ىستەسە، ايلىق كىرىسىن 3000 يۋاننان اسىرادى ەكەن. «وقۋ، جاتاق قاراجاتى، وقۋ ماتەريالدارى تۇگەل تەگىن، ءار جىلى مەملەكەتتىڭ 2000 يۋان وقۋعا كومەك قاراجاتىنان يگىلىكتەنەمىن، وتباسىمىزدان جىلىنا 5000 يۋانعا تاياۋ قاراجات ۇنەمدەلەدى»، - دەدى رۋحيا.
رۋحيا اۋات اۋدانىنداعى ءبىر ديقان وتباسىنان كەلگەن، ۇيلەرىندە 2 مۋ عانا جەر بار، تۇرمىستارى وتە جۇپىنى ەدى. بۇگىنگى كۇنى ول ءوزىنىڭ ۇيرەنگەن شەبەرلىگى ارقىلى وتباسىنىڭ مۇشكىل حالىن وڭاي باستادى.
اقسۋ كاسىپتىك - تەحنيكالىق شۋەيۋانى توقىماشىلىق ينجەنەرياسى فاكۋلتەتىنىڭ ورىنباسار مەڭگەرۋشىسى لي گوفىڭنىڭ تانىستىرۋىنشا، ءبىر جىلدىق جۇمىس ورنىندا ىستەۋ پراكتيكاسى مەن جۇمىسقا ورنالاستىرۋ پراكتيكاسى ارقىلى قازىر وسى مەكتەپتەگى وقۋشىلاردىڭ ۇشتەن ءبىرى نەگىزگى ساتىداعى باسقارۋ قىزمەت ورنىنا شىقتى، تاعى ءبىر ءبولىم وقۋشىلار قۇلشىنىس جاساۋ ارقىلى نەگىزگى شەبەرلىكتى مەڭگەرىپ، كاسىپورىننىڭ مويىنداۋىنان ءوتىپ، ءمالىم مولشەردە كىرىس تابا باستادى. كەيبىر كەدەي وتباسىلار بىرتىندەپ كەدەيلىكتەن ارىلا باستادى.
رۋحيام سياقتى، اسىرەسە، وڭتۇستىك شينجياڭنىڭ 4 ايماق، وبلىسىنداعى كوپتەگەن وقۋشىلار شەبەرلىك ارقىلى جۇمىستانۋعا بەت الىپ، ءوزىنىڭ جانە وتباسىنىڭ تاعدىرىن وزگەرتە باستادى.
جۋىق جىلداردان بەرى، رايونىمىز نازاردى كەدەي وڭىرلەرگە، كەدەي جان سانىنا شوعىرلاندىرىپ، وڭتۇستىك شينجياڭداعى 4 ايماق، وبلىستى ءتۇيىن ەتە وتىرىپ، وقۋ - اعارتۋ ارقىلى كەدەيلىكتەن دالمە - ءدال ارىلتۋدى جاپپاي ىلگەرىلەتىپ، كاسىپتىك وقۋ - اعارتۋدىڭ ەڭ تومەنگى شەكتەن تۇسىرمەۋ رولىن تولىق ساۋلەلەندىرىپ، «بارلىق ادامنىڭ وقيتىن مەكتەبى بولۋ، بارلىق ادامدا شەبەرلىك بولۋ، بارلىق وتباسىندا ءۇمىت بولۋ» سىندى وقۋ - اعارتۋ ارقىلى كەدەيلىكتەن ارىلتۋدان قامال الۋ جۇيەسىن كۇش سالا قۇرىپ، كەدەي وتباسىلاردىڭ «كەدەيلىكتىڭ تامىرىنا بالتا شابۋىنا» دەم بەردى.
بيىل 6 - ايعا دەيىن، بۇكىل رايوندا 171 ءار دارەجەلى، ءتۇرلى كاسىپتىك مەكتەپ بولىپ، كاسىپتىك مەكتەپتەردە وقىپ جاتقان وقۋشىلار 427 مىڭ 800گە جەتتى. ج ك پ اۆتونوميالى رايوندىق 9 - كەزەكتى قۇرىلتايىنان بەرى، رايونىمىز «اۋدانداردا ورتا تەحنيكۋم نەمەسە كاسىپتىك تاربيەلەۋ قۇرىلىمى بولۋ» تالابىنا ساي، ورتا دارەجەلى كاسىپتىك مەكتەپتەردىڭ ورنالاسۋ قۇرىلىمىن ساپالىلاندىردى ءارى «وسى زامانعى كاسىپتىك وقۋ - اعارتۋ ساپاسىن جوعارىلاتۋ جوسپارى»، «كاسىپتىك وقۋ - اعارتۋدا ءوندىرىس پەن وقىتۋدى توعىستىرۋ ينجەنەرياسى» سياقتى جەلىلەس نىسانداردى ىركەس - تىركەس اتقارىپ، جالپى قوسقان قارجىسى ءبىر ميلليارد 428 ميلليون يۋانعا جەتىپ، 22 جوعارى دارەجەلى كاسىپتىك مەكتەپتىڭ، 93 ورتا دارەجەلى كاسىپتىك مەكتەپتىڭ نەگىزدىك قابىلەت قۇرىلىسىن ورىستەتۋىنە قولداۋ كورسەتىپ، كاسىپتىك مەكتەپتەردىڭ وقىتۋ جۇرگىزۋ شارت - جاعدايى ەداۋىر جاقسارىپ، كاسىپتىك وقۋ - اعارتۋدىڭ ەڭ تومەنگى شەكتەن تۇسىرمەۋ رولىن ساۋلەلەندىرۋىن قامتاماسىز ەتتى.
«كاسىپتىك وقۋ - اعارتۋ ارقىلى كەدەيلەردى سۇيەمەلدەۋ ساياساتىن اتقارۋ ارقىلى بۇكىل رايونىمىزداعى كاسىپتىك مەكتەپتەردىڭ كوتەرىمدىلىگىن اناعۇرلىم جوعارىلاتىپ، كاسىپتىك وقۋ - اعارتۋدىڭ كەدەيلىكتەن ارىلتۋدان قامال الۋعا قىزمەت كورسەتۋ قابىلەتىن ءبىرشاما جوعارىلاتتى»، - دەپ تانىستىردى اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى، 2017 - جىلعا دەيىن بۇكىل رايونىمىزدىڭ جوعارى دارەجەلى كاسىپتىك مەكتەپتەرىنەن وقۋ بىتىرگەن وقۋشىلاردىڭ جۇمىسقا ورنالاسۋىنىڭ ورتاشا سالىستىرماسى %92، ورتا دارەجەلى كاسىپتىك مەكتەپتەرىنەن وقۋ بىتىرگەن وقۋشىلاردىڭ جۇمىسقا ورنالاسۋىنىڭ ورتاشا سالىستىرماسى %84 بولىپ، سوڭعى 2 جىلدا كاسىپتىك مەكتەپتەردىڭ جىلدىق تاربيەلەگەن ادامى 300 مىڭ ادامعا (رەتكە) جەتىپ، اۆتونوميالى رايوننىڭ كەدەيلىكتەن ارىلتۋدان قامال الۋىن دارىندىلارمەن جانە تەحنيكامەن قامتاماسىز ەتتى.
