تيانشان تورى
تيانشان تورى   ›   جاڭالىقتار   ›   كورىكتى مەكەنىمىزدى ويداعىداي قۇرايىق

ماڭىمىزدا سۇرقيالىقتىڭ ەندىگارى تۋىلۋىنا جول بەرمەيمىز

  ءۇرىمجى قالاسى تيانشان رايونى ياڭحاڭ مەشىتىنىڭ يمامى

مۇھتەرەم شەرىپ

  ءدىني ۇشقارى يدەيانىڭ سالدارىنان، ءبىر مەزگىل ءىشىنارا ادامدار تام تۇبىندە كۇن شۋاقتاپ قالعىپ وتىرۋعا، شالقادان ءتۇسىپ ۇيىقتاپ، ەڭ تومەنگى تۇرمىستى قامتاماسىزداندىرۋ قاراجاتىنا يەك سۇيەۋگە رازى بولسا دا، قوعامدىق، ەكونوميكالىق قيمىلدارعا قاتىناسقىسى كەلمەدى، بالالارىنىڭ وسى زامانعى عىلىمدى، مادەنيەتتى، وقۋ - اعارتۋدى قابىلداۋىنا جول قويمادى؛ تويداعى ءان - كۇي، ءبي، دۋماندى ازىلدەر جوعالدى، جەرلەۋ سالتىندا جىلاۋ جوق بولدى، ۇلت ەرەكشەلىگىنە يە الۋان ءتۇرلى كيىمدەردىڭ ورنىن قاپ - قارا بۋرقا مەن نيقاپ باستى؛ كەيبىرەۋلەر قانشا رەت توي جاساعانىن ماقتان كورىپ، زاڭسىز «نەكە» وقىتىپ توي جاساپ، «تالاق» ەتىپ اجىراسىپ، كوپتەگەن وتباسىلارىنىڭ شاڭىراعى ورتاسىنا ءتۇسىپ، بالالارى وتباسىنىڭ مەيىرى مەن تاربيەسىنەن ايرىلدى؛ اۋەلى، كەيبىرەۋلەر ادامداردىڭ نە جەيتىنىنە، نە كيەتىنىنە، نە ىستەتەتىنىنە دەيىن «قاعيدا» ورناتىپ، توسپاداعى لاي سۋدى ىشۋگە رازى بولسا دا، ۇكىمەت تارتىپ بەرگەن قۇبىر سۋىن ىشكىسى كەلمەدى، وقۋشىلارعا تاراتقان ءسۇتتى ىشپەي لاقتىرىپ، جىلۋعا اتاعان تەلەۆيزوردى شاقتى، اۋەلى، بالالاردىڭ سالدانۋىنىڭ الدىن الاتىن ءتاتتى ءدارى كەلەشەك ۇرپاقتى زياندايتىن «ۋلى ءدارى» دەپ ايتىلىپ، ىشۋگە تيىم سالىندى؛ كەيبىرەۋلەر كەدەيلىككە، مەشەۋلىككە مويىنسال بولىپ، ۇكىمەتتىڭ كەدەيلەردى سۇيەمەلدەۋگە تاراتقان قويىن سويىپ جەپ قويدى، تىڭايتقىشتارىن ساتىپ جىبەردى، كورپە - جاستىقتارىن كاۋاپقا ايىرباستادى؛ «ءۇش ءتۇرلى كۇش» وتانىمىزدىڭ كوركەيىپ، قۇدىرەتتەنگەنىمەن ساناسپاي، زورلىقتى كۇش لاڭكەستىك ارقىلى جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليزم ءتۇزىمىن اۋدارۋدى قيالدادى، تاعىسىن - تاعىلار. ءىشىنارا ادامداردىڭ دۇرىس پەن بۇرىس جونىندەگى كوزقاراسى الماسىپ، قوعامدىق ستيلى كۇن سايىن ازعىنداپ، كىسىلىك ءمورالى ازعىنداپ، قوعامنىڭ، ەكونوميكانىڭ دامۋى كەنجە قالىپ، ۇلتتىق مادەنيەت ويراندالىپ، زورلىقتى كۇش لاڭكەستىك ارەكەتتەر ءجيى تۋىلىپ، ءبىزدىڭ داۋىرىمىزدەگى ادامدارعا كەسىرىن تيگىزىپ قانا قالماستان، ءبىر بۋىن جاستاردى دا زياندادى، ۇيعۇر ۇلتى جويىلۋ مەن ساقتالۋدىڭ شەشۋشى ساتىنە ءدوپ كەلدى.

  قاتاڭ دا كۇردەلى جاعداي الدىندا، جاقىنعى 2 جىلدان بەرى اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، تياناقتاندىرىپ، «سوققى بەرۋ مەن ساقتانۋدى بىردەي يگەرۋگە» تاباندى بولىپ، زورلىقتى كۇش لاڭكەستىك ارەكەتتەرىنە قاتاڭ سوققى بەرۋمەن بىرگە، تاعى كاسىپتىك شەبەرلىككە تاربيەلەۋ، باۋلۋ ارقىلى ءدىني ۇشقارى يدەيانىڭ ىقپالىنا ۇشىراعان، زاڭعا جەڭىل دارەجەدە قايشىلىق جاساعان قىلمىستىق ارەكەتى بار باسىم كوپ ادامدى مۇمكىندىكتىڭ بارىنشا ىنتىماقتاستىرىپ، تاربيەلەپ، قۇتقارىپ، ولاردىڭ ۇلتتىق بولشەكتەۋشىلىكتىڭ، زورلىقتى كۇش لاڭكەستىكتىڭ جانە ءدىني ۇشقارىلىقتىڭ زياندالۋشىسىنا جانە قۇربانىنا اينالۋىنىڭ الدىن الدى.

  ءپايزاۋات اۋدانىنداعى، قاشقار قالاسىنداعى كاسىپتىك شەبەرلىككە تاربيەلەۋ، باۋلۋ ورتالىعىندا مەن كەزىندە ۇلتتىق بولشەكتەۋشىلىكتىڭ، زورلىقتى كۇش لاڭكەستىكتىڭ جانە ءدىني ۇشقارىلىقتىڭ ىقپالىنا ۇشىراپ، ۋلانعان ادامداردىڭ پارتيا مەن ۇكىمەتتىڭ كاسىپتىك شەبەرلىككە تەگىن تاربيەلەۋى، باۋلۋى ارقىلى مەملەكەتتە ءبىر تۇتاس قولدانىلاتىن ءتىل - جازۋدى قانىق ۇيرەنىپ قانا قالماي، يدەيالىق تانىمىن تۇبەگەيلى وزگەرتىپ، ۇيرەنگەن شەبەرلىگى، تۇراقتى كىرىسى بار بولىپ، رۋحاني بەينەسى شىت جاڭا وزگەرگەندىگىن كوردىم. بۇلاردىڭ ىشىندەگى ءبىر تاربيەلەنۋشىنىڭ ايتقان سوزىنەن ايرىقشا اسەر الدىم: «بۇرىن مەن زاڭدى دا، ءدىندى دە تۇسىنبەيتىنمىن، باسقالار نە ايتسا، سونى ىستەيتىنمىن، شىنىندا، قاتە، سۇرقيا ىستەردى ىستەپپىن، پارتيا مەن ۇكىمەت مەنى جار قاباقتان تارتىپ قۇتقارىپ الىپ، قالاي ادام بولۋدى ۇيرەتىپ، زاڭعا قايشى قىلمىستىق ىستەردىڭ قۇيىنا باتىپ قالۋىمنىڭ الدىن الدى». مەن ولاردىڭ ويانعاندىعىنا، وزگەرگەندىگىنە شىن جۇرەكتەن قۋاندىم، اۆتونوميالى رايوننىڭ اۋدانداردا كاسىپتىك شەبەرلىككە تاربيەلەۋ، باۋلۋ ورتالىعىن اشقاندىعىنا تىپتەن ماداق ايتامىن.

  ءبىر ءبولىم ادامدار «ءۇش ءتۇرلى كۇشتىڭ» زيانىن ءالى تانىپ جەتپەي، ەستەرىن ءالى جيماي، قۇر قيالعا سالىنۋدا. شينجياڭنىڭ دامۋ تاريحىنا قايىرىلا قاراساق، ىلعي ءالىن بىلمەيتىن ءىشىنارا ادامدار بار ايارلىعىن سالىپ، الۋان ايلا - شارعىلارمەن بۇلىك تۋدىرىپ، مەملەكەتتى بولشەكتەۋگە ۇرىندى، اقىرىندا مۇنىسى مۇلدە ىسكە اسپاي، تاريحتىڭ قىلمىسكەرىنە اينالدى. مۇنىڭ ءتۇبىرلى سەبەبى، بىلىقپالىق ەلگە جاقپايدى، بولشەكتەۋشىلىك ەلگە جاقپايدى، ولاردىڭ قوعامنىڭ العا باسۋىنا كەدەرگى بولعان ارەكەتى ءالىن بىلمەي الەك بولۋ، وتاندى بولشەكتەۋگە ۇرىنعان ارەكەتى كۇيىنە قاراماي كۇپىنۋ، شاما - شارقىنا قاراماعان سوراقىلىق. «حالىق تىنىشتىقتى تىلەيدى، جاۋلار بىلىقپالىقتى ويلايدى». باقىتتى تۇرمسىتى اڭساعان ءار ادام «ءۇش ءتۇرلى كۇشتىڭ» تەرىس ساندىراعى مەن بۇرىس پىكىرلەرىنە ەندىگارى الدانباۋى، ولاردىڭ ءبىزدىڭ باقىتتى تۇرمىسىمىزدى زيانداۋىنا جول بەرمەۋى كەرەك، قىراعىلىقتى ارتتىرىپ، وڭاي - وسپاق قولعا كەلمەگەن قازىرگى تاماشا تۇرمىسىمىزدى قاستەرلەپ، «ءۇش ءتۇرلى كۇشپەن» شەك - شەكارامىزدى باتىلدىقپەن ايقىن اجىراتىپ، «ەكىبەتكەي توپقا»، «ەكىبەتكەيلەرگە» قارسى سوڭىنا دەيىن باتىل كۇرەس جۇرگىزۋىمىز كەرەك.

  ۇيعۇرلاردا مىناداي ءتامسىل بار: «بىلىمسىزدىك سوقىرلىقپەن بىردەي، كوزى سوقىردان كوكىرەگى سوقىر جامان». سونشاما كوپ ادامنىڭ الدامشىلىققا ۇشىراۋى، ءتۇبىن قۋعاندا، ناداندىق. مەن پارتيا مەن ۇكىمەت كوپ جىل تاربيەلەگەن، باۋلىعان ءدىني وقىتۋشى قىزمەتكەرمىن، بۇدان كەيىنگى ءدىن ىستەرى قيمىلدارىندا ءبىر جاعىنان، بورىشىم مەن جاۋاپكەرشىلىگىمدى ەستە بەرىك ساقتاپ، وتاندى ءسۇيۋدىڭ، ءدىندى قادىرلەۋدىڭ، زاڭ ەرەجەگە بويسۇنۋدىڭ، ۇلتتار ىنتىماعىنىڭ، العا باسۋدىڭ، ىزگىلىك كورسەتۋدىڭ، ۇشقارىلىققا قارسى تۇرۋدىڭ، جاراسىمدىلىقتى جەبەۋدىڭ ۇلگىسى بولۋعا قۇلشىنىپ، «ءۇش ءتۇرلى كۇشتىڭ» تەرىس ساندىراعى مەن بۇرىس پىكىرلەرىن ىرىقتىلىقپەن اشكەرەلەيمىن، سىن تەزىنە الامىن، ءىسلام ءدىنىن سوتسياليستىك قوعامعا ۇيلەسۋگە بەلسەنە باستايمىن. ەندى ءبىر جاعىنان، مەن دىنگە سەنەتىن بۇقارانى عىلمي، مادەني بىلىمدەردى كوبىرەك ۇيرەنۋگە تاربيەلەپ، باستاپ، ولاردى دۇرىس پەن بۇرىستى ايقىن اجىراتۋ، ءدىني ۇشقارى يدەيانىڭ سىنالاپ كىرۋىن شەكتەۋ قابىلەتىن ۇزدىكسىز كۇشەيتەمىن.

  «بۇرشاق قانشا بىتىرلاعانىمەن، قازاندى تەسە المايدى». مەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، تەك شينجياڭداعى ءار ۇلت حالقى ىنتىماقتاسىپ، قۇرىش قورعان سالىپ، جاۋعا تەگىس كەكتەنسەك، «ءۇش ءتۇرلى كۇشتىڭ» سۇرقيالىعى وزدىگىنەن قۇرىپ - جوعالىپ، شينجياڭنىڭ ەرتەڭى ءتىپتى دە كوركەم بولاتىندىعىنا كامىل سەنەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.