ءوز حابارىمىز. تاياۋدا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بۇقارانىڭ مۇددەسىنە زيان جەتكىزگەن 7 تيپتىك دەلونى اشىق جاريالادى. وسى 7 تيپتىك دەلو مىنالار:
1. حوتان قالاسى تۇساللا اۋىلى جاڭاباق ورتا مەكتەبىنىڭ بۇرىنعى باستىعى شاۋكەت مامتيمىننىڭ وقۋشىلاردىڭ تاماق قاراجاتىن زاڭسىز ايىرباستاۋ ماسەلەسى. 2016 - جىلى 4 - ايدا شاۋكەت مامتيمىن قىزمەت قولايلىلىعىنان پايدالانىپ، ازىق - تۇلىكپەن قامداۋ ساۋداگەرىمەن ءتىل بىرىكتىرىپ، 1389.8 كيلوگرام قوي ەتىن، 147 كيلوگرام سيىر ەتىن ارتىق، جالعان مالىمدەپ، وقۋشىلاردىڭ تاماق قاراجاتىنان 73 مىڭ 200 يۋاندى زاڭسىز ايىرباستاعان ءارى ءوزى يەمدەنىپ العان. مۇنان سىرت، شاۋكەت مامتيمىننىڭ باسقا دا تارتىپكە، زاڭعا اۋىر قايشىلىق جاساۋ ماسەلەلەرى بار. 2018 - جىلى 8 - ايدا شاۋكەت مامتيمىنگە پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، ونىڭ زاڭعا قايشىلىق جاساپ قىلمىس وتكىزدى دەپ كۇمان تاعىلعان ماسەلەلەرى ءادىليا ورگانىنىڭ زاڭ بويىنشا ءبىر جاقتى ەتۋىنە تاپسىرىلدى. تارتىپكە قايشىلىق جاساپ تاپقان پايداسى قايتارىپ الىندى.
2. شيحۋ قالاسى بايچۋان قالاشىق ءادىليا بولىمشەسىنىڭ باستىعى چىن زىفىڭنىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا سالىناتىن ۇيلەرگە كۋاگەر بولۋ اقىسىن الۋ ولشەمى مەن وبيەكتىسىن وزگەرتۋ ماسەلەسى. 2011 - جىلى 4 - ايدان 2016 - جىلى 12 - ايعا دەيىن چىن زىفىڭ كوتەرمەگە الۋشى جاق تولەۋگە ءتيىستى بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا سالىناتىن ۇيلەرگە كۋاگەر بولۋ اقىسىن قىستاق تۇرعىندارىنا تولەتىپ، ءار وتباسىنان 120 يۋان بويىنشا جينالاتىن اقى الۋ ولشەمىن 240 يۋانعا جوعارىلاتىپ، جالپى 48 مىڭ 700 يۋان كۋاگەر بولۋ اقىسىن جيناپ، ءادىليا بولىمشەسىنىڭ قىزمەت شىعىسىنا پايدالانعان. 2018 - جىلى 9 - ايدا چىن زىفىڭعا پارتيا ىشىندە قاتاڭ ەسكەرتۋ بەرۋ جازاسى بەرىلدى.
3. بايىنعولين موڭعۇل اۆتونوميالى وبلىستىق 3 - ورتا مەكتەبى پارتكومىنىڭ بۇرىنعى مۇشەسى، ورىنباسار مەكتەپ باستىعى تويانىڭ بەلگىلەمەگە قايشىلىق جاساپ، وقۋشىلاردان اسكەري ماشىق قاراجاتى سياقتىلاردى جيناۋ ماسەلەلەرى. 2014 - جىلدان 2017 - جىلعا دەيىن تويا بايىنعولين موڭعۇل اۆتونوميالى وبلىستىق موڭعۇل جوعارى دارەجەلى ورتا مەكتەبىنىڭ ورىنباسار باستىعى مىندەتىن وتەگەن كەزدە، بەلگىلەمەگە قايشىلىق جاساپ، ورتا مەكتەپ 1 - جىلدىعىنا جاڭادان وقۋعا تۇسكەن وقۋشىلاردان اسكەري ماشىققا قاتىستى 114 مىڭ 200 يۋان قاراجات جيناپ، وقىتۋشىلارعا جاردەماقى رەتىندە تاراتىپ بەرگەن، مۇنان ءوزى 3200 يۋان العان. مۇنان سىرت، تويانىڭ باسقا دا تارتىپكە قايشىلىق جاساۋ ماسەلەلەرى بار. 2018 - جىلى 7 - ايدا توياعا پارتيا ىشىندەگى مىندەتىنەن الۋ، اكىمشىلىك مىندەتىنەن قالدىرۋ جازاسى بەرىلدى. تارتىپكە قايشىلىق جاساپ تاپقان پايداسى قايتارىپ الىندى.
4. ياركەن اۋداندىق حالىق ىستەرى مەكەمەسىنىڭ كادرى تۇرسۇنجان مامەتتىڭ ەڭ تومەنگى تۇرمىستى قامتاماسىزداندىرۋدى تەكسەرىپ بەكىتۋ قىزمەتى بارىسىندا قازىنا - مۇلىك سۇراۋ، الۋ سياقتى ماسەلەلەرى. 2013 - جىلى 7 - ايدا تۇرسۇنجان مامەت ەڭ تومەنگى تۇرمىستى قامتاماسىزداندىرۋدى تەكسەرىپ بەكىتۋ، وتباسىلارىنا بارىپ قايتا تەكسەرۋ قىزمەت قولايلىلىعىنان پايدالانىپ، الەۋمەتتىك اۋماقتىڭ حالىق ىستەرى قىزمەتىنە جاۋاپتى كادرلاردان جانە ەڭ تومەنگى تۇرمىسى قامتاماسىزداندىرىلاتىن وبيەكتىلەردەن جالپى قۇنى 6150 يۋان قازىنا - مۇلىك العان؛ باسقالاردان 3800 يۋان قازىنا - مۇلىك سۇراپ، بۇقارانىڭ مۇددەسىنە زيان جەتكىزگەن. مۇنان سىرت، تۇرسۇنجان مامەتتىڭ باسقا دا تارتىپكە قايشىلىق جاساۋ ماسەلەلەرى بار. 2018 - جىلى 9 - ايدا تۇرسۇنجان مامەتكە پارتيادا قالدىرىپ ءبىر جىل بايقاپ كورۋ جازاسى، قىزمەت دارەجەسىن تومەندەتۋ جازاسى بەرىلدى. تارتىپكە قايشىلىق جاساپ العان قازىنا - مۇلكى قايتارىپ الىندى ءارى قىستاق تۇرعىندارىنا قايتارىپ بەرىلدى.
5. التاي قالاسى شىرىكشي اۋىلى مال شيپاگەرلىك پۋنكتىنىڭ ىندەتتەن ساقتاۋ قىزمەتكەرى ىبىراي راحمەتوللا ۇلىنىڭ ساۋىن سيىر باعىمشىلىعى قامسىزداندىرۋ قاراجاتىن ۇستاپ قالۋ ماسەلەسى. 2017 - جىلى 4 - ايدا ىبىراي راحمەتوللا ۇلى وسى اۋىلدىڭ اقشاپپا قىستاعىنداعى 5 وتباسىنىڭ 1480 يۋان ساۋىن سيىر باعىمشىلىعى قامسىزداندىرۋ قاراجاتىن ءوز بىلگەنىنشە ۇستاپ قالعان ءارى يەمدەنىپ العان. 2018 - جىلى 3 - ايدا قىستاق تۇرعىنىنىڭ 5 ساۋىن سيىرى ولگەننەن كەيىن، قامسىزداندىرۋ قاراجاتى تولىق تولەنبەگەندىگى سەبەپتى قامسىزداندىرۋ سەرىكتەستىگىنەن تولەم الا الماي، بۇقارانىڭ مۇددەسى زيانعا ۇشىراعان. 2018 - جىلى 9 - ايدا ىبىراي راحمەتوللا ۇلىنا پارتيا ىشىندە قاتاڭ ەسكەرتۋ بەرۋ جازاسى بەرىلدى.
6. شونجى اۋدانى جەبەكۋ قالاشىعى شاڭپۇزا قىستاعى پارتيا باس ياچەيكاسىنىڭ بۇرىنعى مۇشەسى، جيۋپيانچۇي اۋماعى پارتيا ياچەيكاسىنىڭ شۋجيى شۇي شىڭجۋدىڭ ەڭ تومەنگى تۇرمىستى قامتاماسىزداندىرۋ قاراجاتىن ۇستاپ قالۋ، قىمقىرۋ ماسەلەسى. 2018 - جىلى 2 - ايدا شۇي شىڭجۋ وسى قىستاقتاعى قىستاق تۇرعىندارىنا 2018 - جىلعى 1 - ماۋسىمدىق ەڭ تومەنگى تۇرمىستى قامتاماسىزداندىرۋ قاراجاتىن تاراتۋ بارىسىندا ەڭ تومەنگى تۇرمىسى قامتاماسىزداندىرىلاتىن وتباسى گۋ فاميليالىعا تاراتىلۋعا ءتيىستى 1500 يۋان ەڭ تومەنگى تۇرمىستى قامتاماسىزداندىرۋ قاراجاتىنان 1060 يۋاندى ءوز بىلگەنىنشە ۇستاپ قالىپ، قىمقىرىپ، جەكە شىعىسىنا جۇمساپ، بۇقارانىڭ مۇددەسىنە زيان جەتكىزگەن. 2018 - جىلى 9 - ايدا شۇي شىڭجۋعا پارتيا ىشىندە قاتاڭ ەسكەرتۋ بەرۋ جازاسى بەرىلدى. قىمقىرىپ قالعان ەڭ تومەنگى تۇرمىستى قامتاماسىزداندىرۋ قاراجاتى قايتارىپ الىندى ءارى گۋ فاميليالىعا قايتارىپ بەرىلدى.
7. مايتاۋ رايونى شينيڭ جولى ءمالى باسقارماسى 10 - الەۋمەتتىك اۋماعى پارتيا ياچەيكاسىنىڭ بۇرىنعى شۋجيى لۋ حۇيزىنىڭ عيمارات باستىعىنا بەرىلەتىن قوسىمشا قاراجاتتى ۇستاپ قالۋ، باسقاعا جۇمساۋ ماسەلەسى. 2013 - جىلى 4 - ايدان 2018 - جىلى 2 - ايعا دەيىن لۋ حۇيزى شينيڭ جولى ءمالى باسقارماسى 10 - الەۋمەتتىك اۋماعى پارتيا ياچەيكاسىنىڭ شۋجيى بولىپ تۇرعان كەزدە وسى الەۋمەتتىك اۋماقتىڭ ءىشىنارا عيمارات باستىقتارىنىڭ 7800 يۋان قوسىمشا قاراجاتىن ۇستاپ قالىپ، باسقاعا پايدالانىپ، الەۋمەتتىك اۋماقتىڭ قىزمەتتەرىنىڭ شىعىسىنا جۇمساعان. 2018 - جىلى 9 - ايدا لۋ حۇيزىعا پارتيا ىشىندە ەسكەرتۋ بەرۋ جازاسى بەرىلدى. ۇستاپ قالعان قوسىمشا قاراجاتى قايتارىپ الىندى ءارى عيمارات باستىقتارىنا تاراتىپ بەرىلدى.
جوعارىداعى 7 تيپتىك دەلودا ۇستاپ قالۋ، باسقاعا جۇمساۋ، جەۋ، الۋ، القىمداۋ، سۇراۋ ماسەلەسى بار بولىپ قانا قويماي، قيانات جاساۋ، يەمدەنىپ الۋ، بەلگىلەمەگە قايشىلىق جاساپ زاڭسىز ايىرباستاۋ ماسەلەسى دە ساقتالعان. وسى ماسەلەلەر بۇقارانىڭ مۇددەسىنە اۋىر زيان جەتكىزدى، ونى ءسوز جوق، باتىل تەكسەرىپ ءبىر جاقتى ەتىپ، قاتاڭ جاۋاپقا تارتىپ، جاۋاپكەرلىگىن قاتاڭ قۋزاستىرىپ، كۇشتى سەس قالىپتاستىرۋ كەرەك.
جۇرت تىلەگى − ەڭ ۇلكەن ساياسي. بۇكىل رايونداعى ءار دارەجەلى پارتيا ۇيىمدارى شەشۋشى رولدارىن ساۋلەلەندىرىپ، سۋبيەكتيۆتىك جاۋاپكەرلىگىن اتقارىپ، بۇقارانىڭ مۇددەسىنە زيان جەتكىزەتىن كورنەكتى ماسەلەلەردى زور كۇشپەن تۇزەتىپ - وڭاپ، تەكسەرىپ ءبىر جاقتى ەتىپ، پارتيانى جاپپاي قاتاڭ جونگە سالۋدىڭ نەگىزگى ساتىعا ۇلاسۋىن ىلگەرىلەتىپ، جەتكىزەتىن قىسىمدى السىرەتپەۋگە، جاۋاپكەرلىكتى تياناقتاندىرۋدا جالعاندىققا سالىنباۋعا كەپىلدىك ەتۋ كەرەك. ءار دارەجەلى ءتارتىپ تەكسەرۋ، باقىلاۋ تەكسەرۋ ورگاندارى ءتارتىپتى العا قويىپ، باقىلاۋ ءبىرىنشى مىندەتىن ساۋلەلەندىرىپ، باقىلاۋداعى، ءتارتىپ اتقارۋداعى «ءتورت ءتۇرلى فورماتسيانى» ءدال قولدانىپ، قىزمەت ءىس جۇزىندىگىمەن ۇشتاستىرىپ، ناۋقاسىنا قاراي ەمدەپ، قايسى ماسەلە كورنەكتى بولسا، سول ماسەلەنى شەشىپ، بۇقارانىڭ مۇددەسىنە «سۋىق قولىن» سوزعانداردى استە ىرقىنا جىبەرمەي، جەۋ، الۋ، القىمداۋ، سۇراۋ، جالعان مالىمدەپ، اتىن جامىلىپ الىپ الۋ، يەمدەنۋ، تارتىپ الۋ، قيانات جاساۋ، باسقاعا جۇمساۋ ماسەلەلەرىن جەدەل تەكسەرىپ، قاتاڭ ءبىر جاقتى ەتىپ، جازالاپ ساقتاندىرۋدىڭ تەگەۋرىندى كۇيىن ساقتاۋ كەرەك. ءبىر دەلودا جاۋاپتى ادام مەن جاۋاپتى باسشىدان بىردەي جاۋاپكەرلىك قۋزاستىرۋعا تاباندى بولىپ، سۋبيەكتيۆتىك جاۋاپكەرلىگىن، باقىلاۋ جاۋاپكەرلىگىن، باقىلاۋ - باسقارۋ جاۋاپكەرلىگىن اتقارماعان پارتكومداردى، ءتارتىپ تەكسەرۋ كوميتەتتەرىن، فۋنكتسيالىق تاراۋلاردى قاتاڭ جاۋاپقا تارتىپ، جاۋاپكەرلىگىن قاتاڭ قۋزاستىرىپ، جاۋاپكەرلىگى بولسا، ءسوز جوق، قۋزاستىرۋ، جاۋاپقا تارتۋدا، ءسوز جوق، قاتاڭ بولۋ كۇشتى سيگنالىن تاراتۋ كەرەك.
