توعىزتاراۋ اۋدانى جىرعالاڭ اۋىلى وشاعاندى مەشىتىنىڭ يمامى
اسبيدىن سامەت
اۆتونوميالى رايون «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتكەننەن بەرى، مەن، باعىما جاراي، توعىزتاراۋ اۋدانى جىرعالاڭ اۋىلدىق پارتكومنىڭ مۇشەسى، ساياسي - زاڭ كوميتەتىنىڭ شۋجيى ليۋ حۇيمەن جۇپ قۇراپ، تۋىس بولدىم. ول قىزمەتى وتە قاربالاس جاعدايدا، مەنىڭ ۇيىمە اي سايىن 2 − 3 رەت كەلىپ قونىپ قايتادى، مەنىڭ ءۇيىمدى ءوز ۇيىندەي كورەدى، ءبىز شاي ىشە وتىرىپ اقتارىلا اڭگىمەلەسەمىز، مەنىڭ ءۇيىمنىڭ جاقىننان بەرگى جاعدايى، ونىڭ وتباسى ىستەرى جايلى اڭگىمە دۇكەنىن قۇرامىز. ول تاعى ماعان جانە وتباسىمداعىلارعا، كورشى - قولاڭدارىما شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن، مەملەكەتتىڭ زاڭدارىن، زاڭ ەرەجەلەرىن، پارتيانىڭ حالىققا ءتيىمدى ساياساتتارىن ۇگىتتەيدى، اسىرەسە، ماعان پارتيانىڭ ءدىن ساياساتىن مۇقيات ءتۇسىندىرىپ، مەنىڭ جاڭا داۋىردە پارتيانىڭ ءدىن قىزمەتى جونىندەگى باعىتىنىڭ، ساياساتىنىڭ، پرينسيپتەرىنىڭ نە ەكەندىگى، قايتكەندە تولىمدى ءدىني وقىتۋشى - قىزمەتكەر بولۋعا بولادى دەگەن سياقتى ماسەلەلەر جونىندە اناعۇرلىم سەرگەك تانىمدا بولۋىما مۇمكىندىك جاسادى. وتە - موتە، ونىڭ مەنىڭ شەشەمدى ءوز شەشەسىندەي كورگەندىگى مەنى ەرەكشە اسەرلەندىردى. بىلتىر اۆتونوميالى رايوندىق پارتكومنىڭ بىرلىكساپ ءبولىمى مەنى ورتالىق سوتسياليزم شۋەيۋانىنا 4 اي شوعىرلى تاربيەلەۋ كۋرسىنا جىبەرمەكشى بولعاندا، شەشەمنىڭ دەنساۋلىعىنان الاڭداپ، ەكى ۇداي بولىپ قالدىم. ليۋ حۇي مەنىڭ ۋايىمداپ تۇرعاندىعىمدى كورىپ، قولىمدى قىسا ۇستاپ تۇرىپ: ۇيدە مەن بارمىن، سەن نەسىنە الاڭدايسىڭ؟ وسىنشاما جاقسى ورايدى قولدان جىبەرۋىڭە بولمايدى، بارعاننان كەيىن الاڭسىز ۇيرەنىپ، جاقسى بەينە كورسەت، - دەدى. ونىڭ بۇل ءسوزى مەنىڭ كوڭىلىمدى ورنىقتىردى ءارى شىنايى سۇيىسپەنشىلىكتى سەزىندىردى، پارتيا مەن ۇكىمەتتىڭ مەنىڭ وسىنداي جاقسى تۋىسىمنىڭ بولۋىنا مۇمكىندىك جاساعاندىعىنا العىس ايتامىن.
ۇلتتار ىنتىماعىنىڭ «تۋىستاسۋ اپتالىعى» قيمىلى ورىستەتىلىپ، مەن جانە مەنىڭ اينالامداعى ەگىنشى - مالشىلار جاقسى كادرلاردىڭ تاعى كەلگەنىن سەزىندىك! ولار مال فەرمالارىنا بارىپ، شاتىرلارعا كىرىپ، ساكىدە ۇيىقتاپ، قاتىقسىز قارا تاماق ءىشىپ، ءار ۇلت بۇقاراسىمەن اناعۇرلىم ەتەنە سۇيىسپەنشىلىكتە، اناعۇرلىم قويۋ قارىم - قاتىناستا بولدى. كوپشىلىك بىلاي دەپ قارادى: اۆتونوميالى رايوندىق پارتكومنىڭ «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتۋ جونىندەگى شەشىمى دانىشپاندىقپەن شىعارىلعان دۇرىس شەشىم، ول پارتيا مەن ۇكىمەتتىڭ مەيىر - شاپاعاتىن جەتكىزىپ، بەينە مايدا قوڭىر سامالداي ەگىن، مال شارۋاشىلىق وڭىرلەرىندەگى بارلىق وتباسىن جادىراتتى. مەن «تۋىستاسۋ اپتالىعى» سياقتى تاماشا قيمىلداردىڭ ماڭگى ورىستەتىلە بەرۋىن شىنايى ءۇمىت ەتەمىن.
وسى رەت ءپايزاۋات اۋدانىنىڭ جاڭا ءمالى اۋىلىن جانە قاشقار قالاسىنىڭ نازارباق قالاشىعىنداعى 2 قىستاقتى ناقتى ەكسكۋرسيالاعانداعى ءار ۇلت كادرلارى مەن بۇقاراسىنىڭ «ءبىر ءۇيلى جاندارداي» اسەرلى بەينەسى مەنى تاعى ءبىر رەت تەرەڭ ويعا سالدى. ىنتىماقتى، ورنىقتى ورتا بولماسا، ەشقانداي ءىس ىستەي المايتىندىعىمىزدى، قول جەتكىزگەن جەتىستىكتەرىمىزدىڭ دە سەلگە كەتەتىندىگىن اناعۇرلىم تەرەڭ تانىپ جەتتىم. ءدىني وقىتۋشى - قىزمەتكەر رەتىندە، مەن الداعى كۇندەردە مىنالاردى، ءسوزسىز، ورىندايمىن:
ءبىرىنشى، پارتياعا تاباندىلىقپەن العىس ايتامىن، پارتيانىڭ سوزىنە قۇلاق اسامىن، پارتياعا ىلەسەمىن. ءبىزدىڭ پارتيامىز بەن مەملەكەتىمىزدىڭ ۇلت، ءدىن ساياساتى ايتىلمىس «ەركىندىك پەن ادامدىق ۇقىقتى» دارىپتەيتىن باتىستاعى ءارقانداي ەلدىڭ بارىنەن جاقسى. مەن اۆتونوميالى رايوندىق پارتكومنىڭ ءدىني وقىتۋشى - قىزمەتكەرلەرگە كوڭىل بولگەن، قامقورلىق جاساعان، قالىپتى ءدىني قيمىلداردى زاڭ بويىنشا قورعاعان، دىنگە سەنەتىن بۇقارانىڭ زاڭدى ءدىني قاجەتىن قامتاماسىز ەتكەن، ءدىني ىستەردى زاڭ بويىنشا باسقارعان ساياساتتارىن، شارالارىن كۇش سالا ۇگىتتەپ، تۋىم ايقىن تۇردە ءپانىسلاميزم، پانتۇركيزم قاتە يدەيالارىن سىن تەزىنە الىپ جانە ونى اشكەرەلەپ، «ءۇش ءتۇرلى كۇشتىڭ» تاريحتى بۇرمالاپ، وتاندى بولشەكتەۋگە، ۇلتتار ىنتىماعىن بۇلدىرۋگە ۇرىنعان سۇرقيا ماقساتىن ايپاراداي اشىپ تاستاپ، شەكارا ءىشى - سىرتىنداعى «ءۇش ءتۇرلى كۇشكە» جانە ۇلت ازعىندارىنا قارسى سوڭىنا دەيىن باتىلدىقپەن كۇرەس جۇرگىزەمىن.
ەكىنشى، مەملەكەت تانىمىن، ازاماتتىق تانىمىن، زاڭمەن جونگە سالۋ تانىمىن، جۇڭحۋا ۇلتى ورتاق تۇلعا تانىمىن بەرىك ورناتامىن. قۇدىرەتتى مەملەكەت بولماسا، باقىتتى وتباسى قايدان بولسىن؟ مەن جۇڭگو ازاماتى بولعانىمدى ماقتانىش ەتەمىن، وسىنداي ىنتىماقتى، گۇلدەنىپ - كوركەيگەن، قۇدىرەتتى جۇڭگودا تۋىلعانىمدى ماقتانىش سەزىنەمىن. مەن جۇڭگو كوممۋنيستىك پارتياسىنىڭ باسشىلىعىن باتىل قولداپ، پارتيانى قىزۋ ءسۇيىپ، وتاندى قىزۋ ءسۇيىپ، جۇڭحۋا ۇلتى ۇلى شاڭىراعىن قىزۋ ءسۇيىپ، ازاماتتىق جاۋاپكەرشىلىگىم مەن بورىشىمدى سانالىلىقپەن وتەپ، زاڭعا قۇرمەت ەتەتىن، زاڭدى ۇيرەنەتىن، زاڭعا بويسۇناتىن، زاڭنان پايدالاناتىن تولىمدى ازامات بولامىن.
ءۇشىنشى، ۇلتتار ىنتىماعى مەن قوعام ورنىقتىلىعىن تاباندىلىقپەن، باتىلدىقپەن قورعايمىن. «ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت» ەكەنىن قاي - قاشان دا ەسىمدە بەرىك ساقتاپ، بۇگىنگى باقىتتى تۇرمىسىمىزدى اناعۇرلىم قاستەرلەپ، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتىپ، ۇلتتار ىنتىماعىن كوز قاراشىعىمداي قورعاپ، ۇلتتار ىنتىماعىن ومىرىمدەي قاستەرلەپ، ءار ۇلت بۇقاراسىن اناردىڭ دانىندەي تىعىز ۇيىسىپ، كورىكتى مەكەنىمىزدى ويداعىداي بىرگە قۇرىپ، ويداعىداي قورعاۋعا جەبەيمىن.
ءتورتىنشى، دىنگە سەنەتىن بۇقارانى دۇرىس سەنىم ورناتۋعا، دۇرىس ارەكەت جاساۋعا بەلسەنە باستايمىن. مەن پارتيا مەن ۇكىمەتتىڭ ماعان سەنىم ارتقاندىعىن اناعۇرلىم قاستەرلەپ، نەگىزگى ساتى ۇيىمىنىڭ تاربيەسىنە، باسقارۋىنا جانە باقىلاۋىنا سانالىلىقپەن بويسۇنىپ، «ۋاعىزدار توپتاماسىنان» ويداعىداي پايدالانىپ، ءىسلام ءدىنى شاريعاتىنداعى وتانشىلدىق، بەيبىتشىلىك، ىنتىماق، ادىلدىك، كەڭ پەيىلدىلىك، مەيىرىمدىلىك سياقتى يدەيانى قاعيدا - جوسىنداردى ءتۇسىندىرۋ، سويلەۋ قيمىلىنىڭ تۇتاس بارىسىمەن ساباقتاستىرىپ، توركىنىن تۇزەپ، قاينارىن تازالاپ، قويۋ تۇماندى سەيىلتىپ، دىنگە سەنەتىن بۇقارانى دۇرىس سەنىم ورناتۋعا، دۇرىس ارەكەت جاساۋعا، ۇشقارىلىقتى تەجەۋگە باستاپ، شينجياڭنىڭ قوعام ورنىقتىلىعى مەن باياندى تىنىشتىعىنا ۇلەس قوسۋعا كۇش شىعارامىن.
