تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

جياڭسۋ ولكەسىنىڭ شينجياڭعا باعىتتامالى كومەكتەسۋى: «جۇپ قۇراپ سۇيەمەلدەۋ» قىزىلسۋ وبلىسىنىڭ كەدەيلىكتەن دالمە - ءدال ارىلۋىنا دەم بەردى

  ءتىلشىمىز حان چينيان 11 - ايدىڭ 13 - كۇنى اتۇشتان حابارلايدى. «كۇنشان قالاسىنىڭ حۋاڭنيشان قىستاعى قىستاعىمىزعا ەلەكتروندى ساۋدادان قىزمەت وتەۋ پۋنكتىن قۇرىپ بەردى، وسى ارادا جۇمىس ىستەيمىن، ايلىق كىرىسىم 2500 يۋاننان اسادى». 11 - ايدىڭ 11 - كۇنى اتۇش قالاسى ءۇستىن اتۇش قالاشىعى ءبايساق قىستاعىنىڭ ەلەكتروندى ساۋدادان قىزمەت وتەۋ پۋنكتىندە رىزۋانگۇل اسەنجان قىستاق تۇرعىندارىنىڭ كەپتىرىلگەن جەمىس - جيدەكتى ينتەرنەتتە ساتۋىنا كومەكتەسىپ جاتتى.

  ءبايساق قىستاعىندا رىزۋانگۇل سياقتى ارحيۆكە الىنعان، كارتچكا بەرىلگەن 27 وتباسى جياڭسۋدىڭ جۇپ قۇراپ سۇيەمەلدەۋىنەن يگىلىكتەنىپ، جۇمىسقا ورنالاستى.

  ءبايساق قىستاعىنداعى ارحيۆكە الىنعان، كارتچكا بەرىلگەن كەدەي وتباسىلاردىڭ تۇرمىسىندا جارىققا شىققان وزگەرىستەردى جياڭسۋ − قىزىلسۋ وبلىسى اۋىل (قالاشىق)، قىستاقتارىنىڭ جۇپ قۇراپ سۇيەمەلدەۋ، شينجياڭعا باعىتتامالى كومەكتەسۋ شاراسىنىڭ اتقارىلۋىنىڭ جەمىسى دەۋگە بولادى.

  2017 - جىلى 7 - ايدا قىزىلسۋ قىرعىز اۆتونوميالى وبلىستىق پارتكومنىڭ قولداۋىندا جياڭسۋ ولكەسىنىڭ قىزىلسۋ وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى شينجياڭعا باعىتتامالى كومەكتەسۋ قىزمەتىنىڭ جاڭا ۇلگىسىنە بەلسەنە ىزدەنىس جاساپ، جۇپ قۇراپ سۇيەمەلدەۋ قىزمەتىن الدىمەن ورىستەتىپ، كاسىپ سالاسى، جۇمىسقا ورنالاستىرۋ، وقۋ - اعارتۋ، ەمدەۋ سياقتى سالالاردى قامتىپ، جياڭسۋ ولكەسىنىڭ وزىق ۇستانىمىن، وزىق تەحنيكاسىن، ماماندار ۇيىرمەسىن، ت. ب اۋىل (قالاشىق) - قىستاقتاردىڭ ءبىرىنشى شەبىنە اكەلىپ، كومەك العان اۋىل (قالاشىق) - قىستاقتاردىڭ نەگىزگى ساتى پارتيا قۇرىلىسىن، كوللەكتيۆ شارۋاشىلىق زاڭ - ءتۇزىمىن، ەكولوگيانى قورعاۋدى، مادەنيەت قۇرىلىسىن، ت. ب كۇشەيتۋىنە كومەكتەسىپ، اۋىل - قىستاقتاعى مىڭداعان وتباسىن شينجياڭعا كومەكتەسۋدىڭ پايداسىنان يگىلىكتەندىردى.

  چاڭجوۋدىڭ موۋجيا قىستاعى قىستاق كوللەكتيۆىنىڭ جىلدىق كىرىسى 10 ميلليون يۋاننان اساتىن مەملەكەت دارەجەلى وسى زامانعى اۋىل شارۋاشىلىعىنان ۇلگى كورسەتەتىن رايون، ال ۇلۇقشات اۋدانى قىزىلوي اۋىلىنىڭ عانجۇعان قىستاعى اۋىر كەدەي قىستاق، قىستاق جان سانىنىڭ جارىمىنان كوبى ارحيۆكە الىنعان، كارتچكالانعان كەدەي وتباسى. موۋجيا قىستاعى عانجۇعان قىستاعىمەن جۇپ قۇراپ سۇيەمەلدەگەننەن كەيىن قىسقا عانا ءبىر جىلدا عانجۇعان قىستاعى كەدەيلەردى سۇيەمەلدەۋدىڭ ۇلكەن پايداسىن كوردى: چاڭجوۋ قالاسى تيانيۇي رايونىنىڭ جىڭلۋ قالاشىعى، جىڭلۋ قالاشىق ساۋداگەرلەر قوعامى عانجۇعان قىستاعىنىڭ جۇڭحۇي ەگىنشى - مالشىلار سەلبەستىك كووپەراتيۆىنە جەكە - جەكە 200 مىڭ يۋان جىلۋ اتادى؛ جىڭلۋ قالاشىعى عانجۇعان قىستاعىنىڭ جۇڭحۇي ەگىنشى - مالشىلار سەلبەستىك كووپەراتيۆىمەن «مال كوڭىن ەكولوگيالىق ءبىر جاقتى ەتۋ نىسانىنا» قارجى قوسۋ كەلىسىمىن جاساستى...

  قىرعىز بەيزاتتىق مادەنيەت مۇرالارى قالاشىعى اقشي اۋدانى اقشي قالاشىعىنىڭ جالاڭشى قىستاعىندا، اقشي قالاشىعى ۋ - شي قالاسىنىڭ ىحۋ قالاشىعىمەن جۇپ قۇراعاننان بەرى ەرەكشەلىككە يە ساياحات قالاشىعىن دامىتۋدىڭ جەدەل ارناسىنا قادام تاستادى.

  قازىر قالاشىقتىڭ كوشە بويىنداعى ەلەكتر باعانالارىنا التى بۇرىشتى شامدار ىلىنگەن، كوشە بويىندا قاز - قاتار سالىنعان اۋەلگى ەكولوگيالىق ءتۇس العان اۋىل ۇيلەرى كوزگە وتتاي باسىلادى، «قىز قۋار» كورىنىس كوپىرى، 3 بەيزاتتىق مادەنيەت مۇرالارى كورمە زالى، مالتا تاس جاياۋلار جولى، ەرەكشە اس - سۋ، شارۋالار قوناقجايى، جەكەلىك كولىكپەن ساياحاتتاۋ جەلىسى سياقتى نىسانداردىڭ تيجاراتى كۇسەت بولۋدا. قازىرگە دەيىن وسى قالاشىق 30 مىڭنان استام ساياحاتشى (رەت) قابىلداپ، جان باسىندىق ورتاشا كىرىسى 5000 يۋانعا جەتىپ، 10نان استام كەدەي وتباسىنىڭ كەدەيلىكتەن ارىلۋىنا تىكەلەي جەتەكشىلىك ەتىپ، اقشي اۋدانىنىڭ ەرەكشە ساياحاتىنىڭ بىرەگەي بەلگىسىنە اينالدى.

  نىساندار ارت - ارتىنان اتقارىلىپ، قوسىلعان قارجى تولاستامادى، كوز تارتاتىن وسىناۋ جۇپ قۇراپ سۇيەمەلدەۋ «ناتيجەسىن» كورگەن سوڭ، سۇيەمەلدەنگەن اۋىل (قالاشىق) - قىستاقتارداعى ءار ۇلت بۇقاراسىنىڭ كەدەيلىكتەن ارىلۋ سەنىمدەرى ارتا ءتۇستى. قازىر جياڭسۋ، قىزىلسۋ قىرعىز اۆتونوميالى وبلىسىنىڭ ءوزارا جۇپ قۇراعان اۋىل (قالاشىق) - قىستاقتارى باستاپقى 6 جۇپتان 14 جۇپ، 28 اۋىل (قالاشىق) - قىستاققا جەتتى.

  قىزىلسۋ وبلىستىق پارتكومنىڭ ورىنباسار شۋجيى، جياڭسۋدىڭ قىزىلسۋ وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى پارتكومىنىڭ شۋجيى، باس قولباسشى گۋان يۇڭجيان: ءبىز نەگىزگى ساتىداعى بۇقارانىڭ ەڭ تىكە، ەڭ رەال، ەڭ كوكەي تەستى ماسەلەلەرىن شەشۋدى نەگىز ەتىپ، كەدەيلىكتەن ارىلتىپ، بايۋعا باستاۋ، قۇرىلعىلى اۋىل شارۋاشىلىعى، وقۋ - اعارتۋ، ەمدەۋ سياقتى حالىق تۇرمىسىنا قاتىستى نىسان قۇرىلىسىن ءتۇيىندى تۇردە اتقارىپ، قىزىلسۋ وبلىسىنىڭ نەگىزگى ساتىسىنىڭ دامۋ دەڭگەيىن جەدەلدەتتىك، - دەدى.

  «اۋىل (قالاشىق) - قىستاقپەن جۇپ قۇراپ سۇيەمەلدەۋ − شينجياڭعا باعىتتامالى كومەكتەسۋ قىزمەتىنىڭ كەدەيلىكتەن ارىلتۋدان قامال الۋدى ىلگەرىلەتۋدىڭ ءونىمدى ىزدەنىسى، جياڭسۋدىڭ باسىمدىققا يە قۋاتتى اۋىل (قالاشىق) - قىستاقتارىنىڭ بايۋ تاجىريبەلەرىن بىزگە ءوز كۇيىندە، قاز - قالپىندا جەتكىزۋ، ءبىر قىستاقتا ءبىر ساياسات اتقارۋ شينجياڭعا باعىتتامالى كومەكتەسۋ قىزمەتىنىڭ باعىتتامالىلىعىن جوعارىلاتتى. سوڭعى مەزگىلدە ءبىز جياڭسۋ مەن قىزىلسۋدىڭ جۇپ قۇراۋىنىڭ جاپپاي قامتۋىن ىسكە اسىرىپ، ەكى جەردىڭ ارالاسۋىن، ىشتەسۋىن، توعىسۋىن اناعۇرلىم جەبەيمىز»، - دەيدى قىزىلسۋ وبلىستىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى لۇڭ ميڭجي.

   ۇعىسۋعا قاراعاندا، بيىل جياڭسۋ ولكەسى شينجياڭعا باعىتتامالى كومەكتەسۋ نىسانىنان 53ىن، 480 ميلليون يۋان قارجى ورنالاستىرىپ، كەدەيلىكتەن ارىلتۋدان قامال الۋ قىزمەتىنە ءتۇيىندى تۇردە بەيىمدەگەن، كەدەيلىكتەن ارىلتۋدان قامال الۋ نىسانىنان 37ىن، 360 ميلليون يۋان قارجى ورنالاستىرعان، بۇل شينجياڭعا باعىتتامالى كومەكتەسۋ قارجىسىنىڭ %73ىن يەلەيدى ەكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى