ءتىلشىمىز ۋاڭ يۇڭفي 11 - ايدىڭ 13 - كۇنى ۇرىمجىدەن حابارلايدى. «جاسىل امانات - قارىزدىڭ ارقاسىندا ەكى جاسىل نىسانىمىز ءساتتى ورىستەتىلدى. مەجەگە نەگىزدەلگەندە، وسىنىڭ ىشىندە سۋ ۇنەمدەۋ نىسانى بويىنشا بيىل سۋ ۇنەمدەۋ مولشەرى %15كە جەتىپ، ۇنەمدەلگەن سۋ 35 مىڭ تونناعا جەتەدى»، - دەدى 11 - ايدىڭ 13 - كۇنى شينجياڭ گۋاڭحۇي جاڭا ەنەرگيا شەكتى سەرىكتەستىگىنىڭ تەحنيگى سۇي پىڭچىڭ. بيىل جىل باسىندا، مەتانول ءوندىرىس جەلىسىندە شينجياڭ گۋاڭحۇي جاڭا ەنەرگيا شەكتى سەرىكتەستىگى لاس سۋ جۇيەسىن وڭاۋ نىسانى مەن سۋ ۇنەمدەۋ نىسانىن اتقارعان، وسى نىسان قۇمىل قالاسى ساۋدا بانكەسىنىڭ جاسىل امانات - قارىز بەرىپ قولداۋىنىڭ ارقاسىندا ءساتتى ورىستەتىلدى، وسى قارىز اقشا تەز بەرىلۋمەن قويماي، ءوسىمى ادەتتەگى قارىز اقشادان %3.63 تومەن بولعان.
ءبىر جىلدان استام ۋاقىت ىزدەنۋ ارقىلى شينجياڭ جاسىل فينانس رەفورماسىنا جاڭالىق اشۋ سىناق رايون قۇرىلىسىندا العاشقى قادامدا ءونىم كورىنىپ، جاسىل فينانس ونىمدەرىندە تۇرلەنۋ جاعدايى جارىققا شىقتى. بيىل 9 - ايدىڭ سوڭىنا دەيىن، 3 سىناق رايونىنىڭ جاسىل امانات - قارىز قالدىق سوماسى 34 ميلليارد 387 ميلليون يۋانعا جەتىپ، ءار ءتۇرلى قارىز اقشا جالپى سوماسىنىڭ %17.79ىن يەلەدى. مۇنان تىس، جاسىل فينانس قارىزى، قورشاعان ورتانى لاستاۋ جاۋاپكەرلىك قامسىزداندىرۋى، جاسىل كاسىپكە قارجى قوسۋعا جەتەكتەۋ قورى سياقتى فينانس ونىمدەرىنە جاڭالىق اشۋ جاقتارىندا تۇگەلدەي تىڭ ناتيجە جارىققا شىعىپ، فينانستىق قىزمەت وتەۋدىڭ جاسىل ەكونوميكالىق قۋاتى ۇزبەي ارتتى.
«شينجياڭنىڭ ەكولوگيالىق ورتاسى ءالسىز، ەكونوميكانى جاسىلداندىرۋ بويىنشا تيپىن جاڭالاۋ كەزەك كۇتتىرمەيدى. ال، جاسىل فينانستى دامىتۋ جاڭا دامۋ ۇستانىمىن دايەكتىلەندىرۋدىڭ، جاسىل دامۋدى ىلگەرىلەتۋدىڭ ماڭىزدى ءتاسىلى، ول قارجىنى ءداستۇرلى <ءۇش جوعارى، ءبىر تومەن> كاسىپ سالاسىنان بىرتىندەپ شەگىندىرۋگە ءونىمدى جەتەكشىلىك ەتىپ، جاسىل كاسىپ سالاسىن قولداۋ سەرپىنىن ارتتىرىپ، ەكونوميكانىڭ دامۋ ءتاسىلىنىڭ تيپىن جاڭالاۋدى تەزدەتىپ، ەكونوميكالىق ءونىم مەن قورشاعان ورتا ءونىمىنىڭ ورگانيكالى بىرلىگىن ىسكە اسىردى»، - دەدى حالىق بانكەسى ءۇرىمجى ورتالىق تارماق بانكەسىنىڭ باستىعى گو جيانۋي.
ەكونوميكانى جاسىلدانۋعا وزگەرتۋدە رايونىمىز «ءبىر وزەك، ەكى دوڭگەلەكتى قوزعالتقىش، ءۇش ۇلكەن ورنالاستىرۋ» جالپى تۇلعالىق وي جەلىسىن تۇراقتاندىردى. «ءبىر وزەك» دەگەنىمىز جاسىل، تومەن كومىرتەكتى تەحنيكانى ەكونوميكانى جاسىلدانۋعا وزگەرتۋدىڭ وزەگى ەتۋ؛ «ەكى دوڭگەلەكتى قوزعالتقىش» دەگەنىمىز ءداستۇرلى كاسىپ سالاسىن وزگەرتۋ جانە جاڭادان گۇلدەنگەن جاسىل تەحنيكا كاسىپ سالاسىن باۋلۋ سىندى ەكى ۇلكەن ستراتەگيا؛ «ءۇش ۇلكەن ورنالاستىرۋ» دەگەنىمىز تۇلعالىق يقۋات ءوڭىرىن بولۋگە نەگىزدەلىپ، قالالانعان ءوڭىردى، اۋىل شارۋاشىلىعى ونىمدەرى وندىرىلەتىن نەگىزگى ءوڭىردى، سونداي - اق ءتۇيىندى ەكولوگيالىق يقۋات ءوڭىرىن شينجياڭنىڭ ەكونوميكاسىن جاسىلدانۋعا وزگەرتۋدىڭ نەگىزگى دانەكەرى ەتۋ. «جاسىل ەكونوميكا جاسىل فينانس جۇيەسىن ورناتۋدىڭ باستالۋ ءتۇيىنى جانە اياقتالار جەرى. ەكونوميكانىڭ جاسىلدانۋ بويىنشا تيپىن جاڭالاۋ جولىن العا قويعاندا عانا، جاسىل فينانستى دامىتۋ ماقساتتى جۇرىلەدى. ءبىر جىلدان بەرى 3 سىناق رايونى ەكەۋىن بىردەي يگەرۋگە تاباندى بولىپ، ءبىر جاعىنان، ەكونوميكانى جاسىلدانۋعا وزگەرتۋدى يگەرسە، ەندى ءبىر جاعىنان، فينانستىق قىزمەت وتەۋگە جاڭالىق اشۋدى يگەردى»، - دەدى گو جيانۋي.
رايونىمىز بۇكىل مەملەكەتتەگى 5 ولكە، رايونداعى 8 سىناق رايوندا جاسىل نىسان قامباسىن باسقارۋ ءتۇزىمىن الدىمەن ورناتىپ، جاسىل نىسانداردى قولداۋ ولشەمىن بىرلىككە كەلتىرىپ، جاسىل فينانستىڭ جاسىل كاسىپ سالاسىنا قىزمەت وتەۋدەگى دالدىگىن جوعارىلاتىپ، جاسىل فينانس بايلىعىنىڭ جاسىل كاسىپكە، جاسىل كاسىپ سالاسىنا شوعىرلانۋىن جەدەل ىلگەرىلەتتى. بىلتىر 6 - ايدا مەملەكەتتىك كەڭەس قۇمىل قالاسىندا، سانجى حۇيزۋ اۆتونوميالى وبلىسىندا، قارامايلى قالاسىندا جاسىل فينانس رەفورماسىنا جاڭالىق اشۋ سىناق رايونىن قۇرۋدى بەكىتتى. بيىل 9 - ايدىڭ سوڭىنا دەيىن، 3 سىناق رايونىندا 368 «ساپ جاسىل» نىسانى جاسىل نىسان قامباسىنا ەنگىزىلدى.
«فينانستىق قىزمەت وتەۋدە ءبىز جاسىل فينانستىڭ قايتالاي قارىز اقشا بەرۋ، جاسىل ۆەكسەلدى قايتالاي ءوسىمسىز اۋىستىرۋ جۇمىستارى سياقتى اقشا ساياساتى قۇرالدارىنىڭ شابىتتاندىرۋ، جەتەكتەۋ رولىن كۇشەيتىپ، شينجياڭ جاسىل فينانس كاسىپتەستەرىنىڭ تەجەمەلى مەحانيزمىن ورناتۋعا ۇيىمداستىرىپ، فينانس قۇرىلىمدارىنىڭ <جاسىل كاسىپتەردى ازايتپاي كوبەيتۋ، جاسىل ەمەس كاسىپتەردى كوبەيتپەي ازايتۋ> سىندى كاسىپتەستەر ولشەمىن اتقارۋدى ىلگەرىلەتتىك»، - دەدى گو جيانۋي. حالىق بانكەسى قارامايلى ورتالىق تارماق بانكەسى شينجياڭنىڭ تۇڭعىش رەتكى جاسىل ۆەكسەلدى قايتالاي ءوسىمسىز اۋىستىرۋ جۇمىسىن ءبىتىرىپ، ورتالىقتىڭ قورشاعان ورتانى قۋزاۋ - باقىلاۋ، رەتتەۋ - تۇزەتۋ نىسانىن مىندەتكە العان كاسىپورىننىڭ قورشاعان ورتانى وڭاۋىن كۇشەيتۋىنە دەم بەردى. حالىق بانكەسى سانجى حۇيزۋ اۆتونوميالى وبلىسى ورتالىق تارماق بانكەسى 200 ميلليون يۋان قايتالاي قارىز اقشا ءتۇسىرىپ، شينجياڭ حۇي - ىر توبىنىڭ جاڭاشا سۇيىق كۇيدەگى تىڭايتقىش نىسانىن جانە شينجياڭ شوۋحى اۋىل شارۋاشىلىعىن دامىتۋ شەكتى سەرىكتەستىگىنىڭ 100 مىڭ مۋلىق جوعارى ولشەمدى ساپالى جاسىل بازا قۇرىلىس نىسانىن باعىتتامالى قولدادى.
