تيانشان تورى
تيانشان تورى   ›   جاڭالىقتار   ›   ەل ءىشى حابارى

شي جينپيڭ شياڭگاڭ مەن اۋمىننىڭ ءار سالاسىنداعىلاردىڭ مەملەكەتتىڭ رەفورما جاساپ، ەسىك اشقاندىعىنىڭ 40 جىلدىعىن قۇتتىقتاۋ ساپار ۇيىرمەسىندەگىلەرمەن كەزدەسكەندە سويلەگەن ءسوزى شياڭگاڭ مەن اۋمىندا كۇشتى اڭىس قوزعادى

  شينحۋا اگەنتتىگىنىڭ 11 - ايدىڭ 13 - كۇنى شياڭگاڭنان بەرگەن حابارى (تىلشىلەر ديڭ زى - ي، گو شين، جۋ يۇيشۋان). مەملەكەت ءتوراعاسى شي جينپيڭ 11 - ايدىڭ 12 - كۇنى شياڭگاڭ مەن اۋمىننىڭ ءار سالاسىنداعىلاردىڭ مەملەكەتتىڭ رەفورما جاساپ، ەسىك اشقاندىعىنىڭ 40 جىلدىعىن قۇتتىقتاۋ ساپار ۇيىرمەسىندەگىلەرمەن كەزدەستى ءارى ماڭىزدى ءسوز سويلەدى، بۇل شياڭگاڭ مەن اۋمىندا كۇشتى اڭىس قوزعادى.

  ەكى جەردىڭ ءار سالا قايراتكەرلەرى، سونداي - اق بۇقارالىق اقپارات قۇرالدارى مەن قوعامدىق پىكىرى جاپپاي بىلاي دەپ قارادى: ءسوز شياڭگاڭ مەن اۋمىننىڭ بولاشاقتاعى دامۋى جانە مەملەكەتتىڭ دامۋ جالپى جاعدايىنا اناعۇرلىم ويداعىداي توعىسۋى ءۇشىن ماڭىزدى جەتەكشىلىك جانە جەبەۋشىلىك رول اتقارادى، ەكى جەر ءوز ارتىقشىلىقتارىن شىنايى ساۋلەلەندىرىپ، مەملەكەتتىڭ قاجەتى ءۇشىن ۇلەس قوسىپ، مەملەكەتتىڭ دامۋىنان كەڭ ءورىس جانە تاۋسىلماس قوزعاۋشى كۇش الۋى ءتيىس.

  ءتوراعا شي جينپيڭ سوزىندە شياڭگاڭدىق، اۋمىندىق باۋىرلاستاردىڭ مەملەكەتتىڭ رەفورما جاساپ، ەسىك اشۋ ۇردىسىندەگى رولى مەن ۇلەسىن تولىق تۇراقتاندىرىپ، جاڭا داۋىردەگى مەملەكەتتىڭ رەفورما جاساپ، ەسىك اشۋ ۇردىسىندە شياڭگاڭ مەن اۋمىننىڭ ءالى دە ەرەكشە ورىنعا جانە وزگەشە باسىمدىققا يە ەكەندىگىن، ءالى دە ورنىن باسۋعا بولمايتىن رول اتقارۋىنا بولاتىندىعىن باسا دارىپتەدى. بۇل شياڭگاڭدىق، اۋمىندىق قايراتكەرلەردى ايرىقشا جەلپىنتتى.

  شياڭگاڭ رايونىنداعى مەملەكەتتىك حالىق قۇرىلتايىنىڭ ۋاكىلى، شياڭگاڭ جۇڭحۋا يمپورت - ەكسپورت ساۋدا قوعامىنىڭ قۇرمەتتى ءتوراعاسى لين لۇڭان مىنالاردى ءبىلدىردى: جاڭا داۋىردەگى رەفورما جاساپ، ەسىك اشۋ ۇردىسىندە، شياڭگاڭ ءالى دە ماڭىزدى تەرەزەلىك باسىمدىققا يە، مەملەكەتتىڭ قارجى قۇراۋ جانە سىرتقى قارىم - قاتىناس ورتالىعى، سونداي - اق دۇنيە جۇزىندە كولەمى ەڭ ۇلكەن ءارى ەڭ سەنىمدى وفشورلىق حالىق اقشاسى ورتالىعى بولا الادى. شياڭگاڭعا دارىندىلار شوعىرلانعان، زاڭى كەمەلدى، سونىمەن بىرگە بازار شارۋاشىلىعىن، شەتەل اقشاسىن قاداعالاۋ ەركىندىگىن جانە قاراپايىم، تومەن سالىق ءتۇزىمىن اتقارۋ سياقتى ارتىقشىلىقتارىنىڭ بارلىعىنىڭ قىسقا مەرزىمدە ورنىن باسۋعا بولمايدى.

  اۋمىننىڭ «قالا تۇرعىندارى گازەتى» شولۋىندا مىنالاردى ءبىلدىردى: مەملەكەتتىڭ جۇرت كوز تىككەن تاريحي جەتىستىككە قول جەتكىزۋىندە شياڭگاڭدىق، اۋمىندىق باۋىرلاستاردىڭ جانە شياڭگاداعى، اۋمىنداعى شەتەل قارجىلاندىرعان كاسىپورىنداردىڭ جانە قايراتكەرلەردىڭ بارلىعىنىڭ ەڭبەگى بار، مەملەكەتتىڭ رەفورما جاساپ، ەسىك اشقان 40 جىلدان بەرگى ۇردىسىندە شياڭگاڭ مەن اۋمىن ەشقاشان سىرت قالمادى، سونداي - اق جاقسى، كوپ ەڭبەك كورسەتتى.

  ءتوراعا شي جينپيڭ شياڭگاڭ مەن اۋمىننان مەملەكەتتىڭ جاپپاي ەسىك اشۋىنا اناعۇرلىم بەلسەندى، ىرىقتى تۇردە دەم بەرۋدى، مەملەكەتتىڭ دامۋ جالپى جاعدايىنا اناعۇرلىم بەلسەندى، ىرىقتى تۇردە توعىسۋدى ءۇمىت ەتتى. بۇل جونىندە، شياڭگاڭ «ۋىنحۇي گازەتى» شولۋىندا مىنالاردى اتاپ كورسەتتى: رەفورما جاساپ، ەسىك اشۋعا دەم بەرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا شياڭگاڭ ۇلكەن ىستەر تىندىرا الادى، سونداي - اق وزگەشە رولىن ساۋلەلەندىرە الادى. اۋمىن «حۋاچياۋ گازەتى» شولۋ جاريالاپ بىلاي دەدى: مەملەكەتتىڭ رەفورما جاساۋى، ەسىك اشۋى − ەڭ ۇلكەن ساحنا، «ءبىر بەلدەۋ، ءبىر جولدى» بىرگە قۇرۋ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى سياقتى مەملەكەتتىك ستراتەگيالاردىڭ اتقارىلۋى − جاڭا، ەلەۋلى وراي، اۋمىننىڭ مەملەكەتتىڭ دامۋ جالپى جاعدايىنا كۇن سايىن توعىسا ءتۇسۋى بوگەۋ بەرمەيدى.

  مەملەكەتتىك ساياسي كەڭەستىڭ تۇراقتى مۇشەسى، شياڭگاڭ جۇڭحۋا باس ساۋدا قوعامىنىڭ ءتوراعاسى ساي گۋانشىن مىنالاردى ءبىلدىردى: شياڭگاڭ «ءبىر بەلدەۋ، ءبىر جولدى» بىرگە قۇرۋ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى سياقتى ەلەۋلى ورايلاردى مىقتى ۇستاپ قالماستان، ونان دا ماڭىزدىسى، فاكتورلاردىڭ اينالىمى، ولشەمدەردى ءتۇيىستىرۋ، بىلىكتىلىكتى ءوزارا تانۋ، حالىق تۇرمىسى سەلبەستىگى، جونگە سالۋدى سايكەستىرۋ سياقتى دەڭگەي - ساتىلاردا مەملەكەتتىڭ ونان ارى ەسىك اشۋىنا سەلبەسىپ، حالىقارامەن تۇيىسۋدەگى ءتۇزىم جۇيەسى ارتىقشىلىعىن ساۋلەلەندىرىپ، جۇڭگو ەرەكشەلىگىندەگى تۇزىمدىك ورنالاستىرۋمەن بىرلەستىرىپ، جاڭا، سيىسىمدى، وسىزاماندانعان قوعامدىق جونگە سالۋ جانە ەكونوميكانى دامىتۋ ۇلگىسىندە ىزدەنىس جاساۋى كەرەك.

  مەملەكەتتىك ساياسي كەڭەستىڭ مۇشەسى، شينحۇڭجي جەر - مۇلىك سەرىكتەستىگىنىڭ ءتوراعاسى، قوسىمشا القالار باس ديرەكتورى گو بيڭليان مىنالاردى ءبىلدىردى: مەملەكەت رەفورمانى جاپپاي تەرەڭدەتۋدىڭ جانە ەسىك اشۋدى كەڭەيتۋدىڭ جاڭا باستاماسىندا تۇرىپ، «ءبىر بەلدەۋ، ءبىر جول» باستاماسىن جانە گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ورتاعا قويدى، شياڭگاڭ كاسىپورىندارى، ءسوز جوق، مەملەكەتتىڭ دامۋ جالپى جاعدايىندا ۇزدىكسىز ماڭىزدى رول اتقارادى. كاسىپورىن ءوزىن مەملەكەتتىڭ دامۋىمەن بىرلەستىرگەندە عانا، اناعۇرلىم كەڭ ورىسكە قول جەتكىزە الادى.

  ءتوراعا شي جينپيڭ شياڭگاڭ مەن اۋمىننان مەملەكەتتىڭ جونگە سالۋ امالياتىنا اناعۇرلىم بەلسەندى، ىرىقتى تۇردە ات سالىسۋدى ءۇمىت ەتتى. شياڭگاڭ «داگۇڭ گازەتى» شولۋىندا مىنالاردى اتاپ كورسەتتى: شياڭگاڭ وتان قۇشاعىنا ورالعان سوڭ، مەملەكەتتىڭ جونگە سالۋ جۇيەسىنە قامتىلدى. شياڭگاڭدىقتار «ءبىر ەل، ەكى تۇزىمگە» ۇيلەسۋ تالابى بويىنشا ەرەكشە اكىمشىلىك رايوننىڭ نەگىزگى زاڭ مەن ءتۇبىرلى زاڭنىڭ اتقارىلۋىنا قاتىستى تۇزىمدەرى مەن مەحانيزمدەرىن كەمەلدەندىرىپ، باسقارۋ، جونگە سالۋ قابىلەتى مەن دەڭگەيىن ءوسىرىپ، سانالى تۇردە مەملەكەتتىڭ ساياسي ءتۇزىلىسىن قورعاۋى، مەملەكەتتىڭ حاۋىپسىزدىگىن قورعاۋى كەرەك.

  مەملەكەتتىك ساياسي كەڭەستىڭ بۇرىنعى تۇراقتى مۇشەسى چىن يۇڭچي بىلاي دەپ قارادى: شياڭگاڭدىقتار اناعۇرلىم تەرەڭ، ساتىسى اناعۇرلىم كەڭ مەملەكەتتىڭ جاڭا داۋىردەگى رەفورما جاساۋىنا، ەسىك اشۋىنا، اسىرەسە، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنا بەلسەندى تۇردە ات سالىسۋى ءتيىس، بۇنىڭ مەملەكەت پەن شياڭگاڭنىڭ ەكونوميكانى دامىتۋىنا، جەكە ادامداردىڭ ىستەرىن دامىتۋىنا ۇلكەن كومەگى بار. شياڭگاڭدىق جاستار اناعۇرلىم كەڭ بازاردىڭ جانە دامۋ ءورىسىنىڭ بولۋىن ءۇمىت ەتەدى، ۇلكەن شىعاناق رايونى سولاردىڭ تالابىنا ۇيلەسەدى.

  ءتوراعا شي جينپيڭ تاعى شياڭگاڭ مەن اۋمىننان حالىقارالىق گۋمانيتارلىق اۋىس - كۇيىستى اناعۇرلىم بەلسەندى، ىرىقتى تۇردە جەبەۋدى ءۇمىت ەتىپ، شىعىس - باتىس مادەنيەتتەرىنىڭ اۋىس - كۇيىس جاساسۋى، وركەنيەتتەردىڭ ءوزارا ۇلگى الۋى، حالىقتار تىلەگىنىڭ توعىسۋى سياقتى جاقتاردا وزگەشە رولىن ساۋلەلەندىرۋدى ءۇمىت ەتتى. شياڭگاڭ باحى كاسىپتەستەر قوعامىنىڭ ءتوراعاسى ۋاڭ ميڭچۋان مىنالاردى ءبىلدىردى: ءتوراعا شي جينپيڭ شياڭگاڭ مەن اۋمىن جۇڭگو مەن باتىس مادەنيەتىنىڭ اۋىس - كۇيىس جاساۋىنىڭ ماڭىزدى دانەكەرى ەكەنىن ايتتى، بولاشاقتا ىسكە قوسىلاتىن شيجيۋ مادەنيەت رايونى شيچۇي ورتالىعى دۇنيە جۇزىنە جۇڭحۋا مادەنيەتىن ايگىلەيتىن شياڭگاڭ نىشانىنا اينالادى، ۇكىمەت شيچۇي جاعىنا قولداۋدى كۇشەيتۋى ءتيىس.

  شياڭگاڭ رايونىنداعى مەملەكەتتىك حالىق قۇرىلتايىنىڭ ۋاكىلى ما فىڭگو بىلاي دەدى: قازىر جۇڭگونىڭ حالىقارالىق ىقپال كۇشى ارتىپ كەلەدى، شياڭگاڭ قوعامى ونىڭ دەمەۋشىسىنە اينالا الۋ - الماۋى جونىندە بەلسەندى تۇردە تالقى جۇرگىزۋى ءتيىس. ال جۇڭگو حيكاياسىن جاقسى بايانداۋدا، رەفورما جاساۋ، ەسىك اشۋ حيكاياسىن جاقسى بايانداۋدا شياڭگاڭنىڭ تىپتەن بۇلتارتپاس جاۋاپكەرلىگى بار.

  «شياڭگاڭ ەكونوميكا گازەتى» شولۋىندا مىنالاردى ءبىلدىردى: شياڭگاڭ جۇڭگو مەن باتىستىڭ اۋىس - كۇيىس ورتالىعى رەتىندە، كەڭ حالىقارالىق ەكونوميكا - ساۋدا جانە مادەنيەت بايلانىسىنا يە، ەگەر جۇڭگو مەن باتىستىڭ گۋمانيتارلىق اۋىس - كۇيىسىن بەلسەندى تۇردە جەبەپ، جۇڭگو حيكاياسىن جاقسى بايانداي الساق، مەملەكەتتىڭ دامۋى ءۇشىن ءتيىمدى حالىقارالىق ورتا ازىرلەي الامىز.

  ءتوراعا شي جينپيڭ شياڭگاڭدىق، اۋمىندىق جاستارعا ءۇمىت ارتىپ، قالىڭ شياڭگاڭدىق، اۋمىندىق جاستاردىڭ تەك شياڭگاڭنىڭ، اۋمىننىڭ عانا ءۇمىتى مەن بولاشاعى عانا ەمەس، مەملەكەتتى گۇلدەندىرۋدىڭ دە جاڭا كۇشى ەكەندىگىن باسا دارىپتەدى. شياڭگاڭ رايونىنداعى مەملەكەتتىك حالىق قۇرىلتايىنىڭ ۋاكىلى ياۋ زۋحۇي مىنالاردى ءبىلدىردى: گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ دامۋ جوباسى شياڭگاڭ جاستارىنىڭ شارۋاشىلىق قۇرۋى جانە جۇمىستانۋى ءۇشىن تاماشا وراي، جاقسى تۇعىر، جارقىن بولاشاق ۇسىندى. شياڭگاڭ جاستارى ۇلكەن شىعاناق رايونى قۇرىلىسىنا بەلسەندى تۇردە ات سالىسىپ، مەملەكەتتىڭ قۋاتتى دامۋىنان كەڭ دامۋ ءورىسىن جانە تاۋسىلماس دامۋ قوزعاۋشى كۇشىن الۋى ءتيىس.

  مەملەكەتتىك حالىق قۇرىلتايىنىڭ ۋاكىلى، اۋمىن مينليان اقىل - پاراسات قويماسىنىڭ ءتوراعاسى شى جيالۇن مىنالاردى ءبىلدىردى: ءتوراعا شي جينپيڭنىڭ ءسوزى شياڭگاڭ مەن اۋمىننىڭ دامۋىنا ايقىن باعىت كورسەتتى. اۋمىننىڭ ءار سالاسىنداعىلار ءتوراعا شي جينپيڭنىڭ ءتورت «اناعۇرلىم بەلسەندى، ىرىقتى تۇردە» دەگەن تالابىمەن اۋمىننىڭ قۇرىلىسىنا جەتەكشىلىك ەتىپ، مەملەكەتتىڭ جاڭا كەزەكتى رەفورما جاساپ، ەسىك اشۋىنا ىرىقتى تۇردە ات سالىسۋى، جاڭا داۋىردەگى مەملەكەتتىڭ دامۋى اكەلگەن ورايدى ءبولىسۋى كەرەك. ول: ەلدەن بۇرىن باتىلدىقپەن كىرىسىپ، مەملەكەت جالپى جاعدايىنا بەلسەندى تۇردە توعىسقان ادامنىڭ عانا رەفورما جاساپ، ەسىك اشۋدان پايدا الۋشىلارعا اينالعاندىعىن اماليات دالەلدەدى، - دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.