يدەيانى بىرلىككە كەلتىرىپ، ورتاق تانىم ۇيىستىرىپ، كۇرەس جىگەرىن قاۋلاتىپ، ىنتىماقتاسا كۇرەس جۇرگىزىپ، بۇكىل ەلدەگى ءار ۇلت حالقىنىڭ پارتياعا ىلەسىپ جۇڭگوشا سوتسياليزم جولىمەن ءجۇرۋ، رەفورما جاساۋ، ەسىك اشۋ جولىمەن ءجۇرۋ سەنىمى مەن بەكىمىن بەكەمدەۋ كەرەك
لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان كورمەنى كوردى
11 - ايدىڭ 13 - كۇنى پارتيا مەن مەملەكەت باسشىلارىنان شي جينپيڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار مەملەكەتتىك مۇراجايدا، «ۇلى وزگەرىس − رەفورما جاساپ، ەسىك اشۋدىڭ 40 جىلدىعىن قۇتتىقتاۋ كولەمدى كورمەسىن» كوردى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 11 - ايدىڭ 13 - كۇنى بەيجيڭنەن بەرگەن حابارى. رەفورما جاساپ، ەسىك اشۋدىڭ 40 جىلدىعىن قۇتتىقتاۋ قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 13 - كۇنى مەملەكەتتىك مۇراجايعا بارىپ، «ۇلى وزگەرىس − رەفورما جاساپ، ەسىك اشۋدىڭ 40 جىلدىعىن قۇتتىقتاۋ كولەمدى كورمەسىن» كوردى. ول مىنالاردى باسا دارىپتەدى: رەفورما جاساپ، ەسىك اشقان 40 جىلدان بەرى، جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭگو حالقى قاجىرلىلىقپەن كۇرەس جۇرگىزىپ، قاجىماي - تالماي شايقاس جاساپ، قوس قولىمەن مەملەكەت پەن ۇلتتىڭ دامۋىنىڭ سالتاناتتى تاريحي داستانىن جازدى، جۇڭحۋانىڭ بايتاق دالاسىندا عالامات ۇلى وزگەرىس جارىققا شىقتى. پارتيانىڭ 19 - قۇرىلتايىندا جۇڭگونىڭ دامۋىنىڭ ايبىندى جوباسى جاسالدى، ءبىز جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ جانە تياناقتاندىرىپ، بۇلجىماستان رەفورمانى جاپپاي تەرەڭدەتىپ، سىرتقا ەسىكتى ايقارا اشاتىن بولساق، جۇڭگوشا سوتسياليزم، ءسوز جوق، اناعۇرلىم تاماشا بولاشاققا يە بولادى. كورمە ارقىلى قالىڭ كادر - جۇرتشىلىقتى جۇڭگو كوممۋنيستىك پارتياسىنىڭ، جۇڭگو حالقىنىڭ جانە جۇڭگوشا سوتسياليزمنىڭ ۇلى كۇش - قۋاتىن اناعۇرلىم تەرەڭ تانۋعا، پارتيامىزدىڭ نازارياسىنىڭ دۇرىستىعىن، پارتيا ورتالىق كوميتەتى تۇراقتاندىرعان رەفورما جاساۋ، ەسىك اشۋ لۋشيانى مەن باعىتىنىڭ دۇرىستىعىن، رەفورما جاساۋ، ەسىك اشۋدىڭ ءبىر قاتار ستراتەگيالىق ورنالاستىرۋلارىنىڭ دۇرىستىعىن اناعۇرلىم تەرەڭ تانۋعا، رەفورما جاساۋ، ەسىك اشۋ مەن سوتسياليستىك وسىزامانداندىرۋ قۇرىلىسىنىڭ جارقىن بولاشاعىن اناعۇرلىم جەتە تانۋعا تاربيەلەپ جانە جەتەكتەپ، يدەيانى بىرلىككە كەلتىرىپ، ورتاق تانىم ۇيىستىرىپ، كۇرەس جىگەرىن قاۋلاتىپ، ىنتىماقتاسا كۇرەس جۇرگىزىپ، پارتياعا ىلەسىپ جۇڭگوشا سوتسياليزم جولىمەن ءجۇرۋ، رەفورما جاساۋ، ەسىك اشۋ جولىمەن ءجۇرۋ سەنىمى مەن بەكىمىن بەكەمدەۋ كەرەك.
لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان كورمەنى كوردى.
تۇستەن كەيىن ساعات 4 مولشەرىندە، شي جينپيڭ قاتارلى باسشى جولداستار مەملەكەتتىك مۇراجايعا كەلىپ، كورمە زالىنا كىرىپ، كورمەنى تاماشالادى. كورمەدە جۇڭگوشا سوتسياليزمگە تاباندى بولۋ جانە ونى دامىتۋ نەگىزگى تاقىرىپ ەتىلىپ، رەفورما جاساپ، ەسىك اشۋدىڭ 40 جىلدىق بارىسىنا تىعىز قابىستىرىلىپ، رەفورما جاساپ، ەسىك اشۋدىڭ تاريحقا بويلاۋ سەزىمىنە، بۇقارانىڭ تابىس سەزىمىنە، دامۋدىڭ جەتىستىك سەزىمىنە تىعىز قابىستىرىلىپ، 6 نەگىزگى تاقىرىپتىق مازمۇن بويىنشا كورمە ورنالاستىرىلىپ، رەفورما جاساپ، ەسىك اشۋدىڭ شۇعىلالى بارىسى، ۇلى جەتىستىكتەرى، قىمباتتى تاجىريبەلەرى ءار قىرىنان، تولىق بەينەسىمەن شوعىرلى تۇردە كورسەتىلىپ، پارتيانىڭ 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورما جاساۋ، ەسىك اشۋ تۋىن بيىك ۇستاپ، رەفورمانى جاپپاي تەرەڭدەتۋ، سىرتقا ەسىكتى ايقارا اشۋ ستراتەگيالىق شەشىمدەرىن، ورنالاستىرۋىن ىلگەرىلەتكەنى كورسەتىلىپ، پارتيا ورتالىق كوميتەتىنىڭ رەفورمانى تۇبەگەيلى جۇرگىزۋگە بەل بۋعان ساياسي الىمدىلىعى مەن باتىل بەكىمى ايگىلەندى.
ج ك پ 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى سياقتى پارتيا ورتالىق كوميتەتىنىڭ رەفورما جاساپ، ەسىك اشۋدى ىلگەرىلەتكەنىن بەينەلەيتىن ماڭىزدى ۋاقىت كەزەڭدەرى، ماڭىزدى تاريحي وقيعالار، ماڭىزدى شەشىمدەر مەن ورنالاستىرۋلار جونىندەگى تاريحي سۋرەتتەر، جۇڭگونىڭ اۋىل - قىستاق رەفورماسىنىڭ شىمىلدىعىن اشقان انحۇيدىڭ شياۋگاڭ قىستاعىنداعى 18 ەگىنشىنىڭ ونىمگە بىرلەستىرىپ وتباسىلارعا كوتەرمەگە بەرۋ تۋرالى قاعازعا «بارماق ءىزىن باسقانى» جونىندەگى ءمۇسىن، چاڭجىڭ جەلىلەس تاسىمال راكەتالارى مەن تيانگۇڭ عارىش پۋنكتى سياقتىلاردىڭ مودەلى، 40 جىلدان بەرگى ەكونوميكالىق قۇرىلىستىڭ، ساياسي قۇرىلىستىڭ، مادەنيەت قۇرىلىسىنىڭ، قوعامدىق قۇرىلىستىڭ، ەكولوگيالىق وركەنيەت قۇرىلىسىنىڭ تاريحي جەتىستىكتەرى مەن وزگەرىستەرىن ايگىلەيتىن ناقتى زاتتار مەن ماتەريالدار، مەملەكەت قورعانىسى مەن ارميانى وسىزامانداندىرۋدىڭ جاپپاي ىلگەرىلەگەندىگىن، جان - جاقتىلى سىرتقا ەسىك اشۋدىڭ ىلگەرىلەگەندىگىن، پارتيا قۇرىلىسىنىڭ كۇشەيگەندىگى مەن جاقسارعاندىعىن كورسەتەتىن سۋرەتتەر... ناقتى زاتتىڭ اۋماعان وزىندەي مودەلدەر، ەگجەي - تەگجەيلى سۋرەت - كەستەلەر، مول بەينەجازبالار شي جينپيڭ قاتارلى باسشى جولداستاردى وزىنە باۋرادى. ولار ءالسىن - ءالى كىدىرىپ، زەر سالا كورىپ، قىزمەتكەرلەردىڭ تۇسىندىرمەسىن تىڭدادى ءارى قاتىستى جاعدايلاردى ۇعىستى.
بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى قاتارلىلار كورمەنى كوردى.
