شوكىرات زاكىر ءماجىلىستى باسقاردى
ءتىلشىمىز ياۋ تۇڭ 11 - ايدىڭ 14 - كۇنى ۇرىمجىدەن حابارلايدى. 11 - ايدىڭ 14 - كۇنى تۇستەن كەيىن، اۆتونوميالى رايوننىڭ قالا قىزمەتى ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ قالا قىزمەتى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن اناعۇرلىم تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن باسشىلىققا الىپ، جاڭا داۋىردەگى شينجياڭنىڭ قالا قىزمەتىندەگى جاڭا دامۋدىڭ جۇزەگە اسۋىن ىلگەرىلەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى.
چىن چۋانگو بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى قالا قىزمەتىنە وسكەلەڭ ءمان بەرىپ، قالا قىزمەتىن پارتيا مەن مەملەكەت قىزمەتىنىڭ جالپى جاعدايىنا ساياتىن ماڭىزدى ورىنعا قويىپ، جاپپاي دوڭگەلەك داۋلەتتى قوعام ورناتۋ مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ساياتىن ستراتەگيالىق دەڭگەيگە قويىپ ورنالاستىرۋ جاسادى. ءبىز ساياسي دەڭگەيدى ءوسىرىپ، قالا قىزمەتىن جاقسى ىستەۋدىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرۋدەگى، تياناقتاندىرۋداعى ءىس جۇزىندىك ارەكەت، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ تابيعي تالابى، جاپپاي دوڭگەلەك داۋلەتتى قوعام ورناتۋدا، جوعارى ساپالى دامۋدى ىلگەرىلەتۋدە، ءسوز جوق، باسىپ وتۋگە ءتيىستى جول، حالىق بۇقاراسىنىڭ كوركەم تۇرمىسقا دەگەن تالپىنىسىنا سايكەسۋدىڭ رەال قاجەتى، اۋىل - قىستاقتى گۇلدەندىرۋ ستراتەگياسىنا باستاماشىلدىق ەتۋدەگى ستراتەگيالىق تاڭداۋ ەكەنىن جەتە تانىپ، «ءتورت تانىمدى» مىقتاپ ورناتىپ، «ءتورت سەنىمدى» بەكەمدەپ، «ەكىنى قورعاپ»، يدەيا مەن ارەكەتتى ورتالىقتىڭ قالا قىزمەتى ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىلدىقپەن بىرلىككە كەلتىرىپ، پارتيا ورتالىق كوميتەتىنىڭ قالا قىزمەتى جونىندەگى عىلمي ورنالاستىرۋىن ءىس جۇزىندىك ارەكەتپەن ىشكەرىلەي تياناقتاندىرۋ كەرەك.
چىن چۋانگو مىنالاردى باسا دارىپتەدى: جاڭا دامۋ ۇستانىمىن مىقتاپ ورناتىپ، جوعارى ساپالى دامۋعا تاباندى بولىپ، شينجياڭنىڭ قالا دامۋىنىڭ ىشكى زاڭدىلىعىن جانە كەزەڭدىك ەرەكشەلىگىن تانىپ، وعان قۇرمەت ەتىپ، سايكەسىپ، كەڭىستىك، كولەم، كاسىپ سىندى ءۇش ۇلكەن قۇرىلىمدى ءبىر تۇتاس جوسپارلاپ، جوبالاۋ، قۇرىلىس، باسقارۋ سىندى ءۇش ۇلكەن بۋىندى ءبىر تۇتاس جوسپارلاپ، رەفورما، عىلىم - تەحنيكا، مادەنيەت سىندى ءۇش ۇلكەن قوزعاۋشى كۇشتى ءبىر تۇتاس جوسپارلاپ، ءوندىرىس، تۇرمىس، ەكولوگيا سىندى ءۇش ۇلكەن ورنالاستىرۋدى ءبىر تۇتاس جوسپارلاپ، ۇكىمەت، قوعام، قالا تۇرعىندارى سىندى ءۇش ۇلكەن تۇلعانى ءبىر تۇتاس جوسپارلاپ، قالانىڭ دامۋ تاسىلىنە بۇرىلىس جاساپ، قالانى جونگە سالۋ جۇيەسىن كەمەلدەندىرىپ، قالانى جونگە سالۋ قابىلەتىن ءوسىرىپ، وزىندىك ەرەكشەلىككە يە قونىسقا جايلى قالا قۇرىپ، ءوندىرىسى دامىعان، تۇرمىسى باقۋاتتى، ەكولوگياسى تاماشا، ەرەكشەلىگى ايقىن قالانى دامىتۋ جولىمەن ءجۇرۋ كەرەك.
ءبىرىنشى، جوبا ارقىلى جەتەكتەۋدى كورنەكتىلەندىرىپ، قالانىڭ دامۋ جوباسىن ويداعىداي جاساۋ كەرەك. قالانىڭ جوعارى دەڭگەيلى جوباسىن كۇشەيتىپ، جوبانىڭ بۇلجىماس تەجەمىن كۇشەيتىپ، جۇمىستاردى بىرىنەن سوڭ ءبىرىن جالعاستىرىپ، جوبانى سوڭىنا دەيىن جۇرگىزۋ؛ قالانىڭ كەڭىستىك جايعاسۋىن ساپالىلاندىرىپ، ۇيلەسىمدى ورنالاستىرىلعان، يقۋاتى ايقىن، بيڭتۋان مەن جەرگىلىكتى ورىن توعىسقان، قۇرىلىمى ساپالى، ەكولوگياسى تاماشا، قۇرىلعىسى كەمەلدى، دامۋى سايكەسىم تاپقان قالا - قالاشىق جۇيەسىن قۇرۋ؛ قالانى جوبالاۋدى جاپپاي ورىستەتىپ، قالانىڭ جارقىن وبرازىن جارىققا شىعارىپ، قالانىڭ باۋرامدىلىعىنىڭ قايتا جارىققا شىعۋىن، ومىرشەڭدىك كۇشىنىڭ جالىن اتۋىن ىلگەرىلەتۋ كەرەك.
ەكىنشى، مادەنيەتتىڭ جالعاسۋىن كورنەكتىلەندىرىپ، قالانىڭ وزگەشە باۋرامدىلىعىن ايگىلەۋ كەرەك. مادەنيەت ەرەكشەلىگىن ايگىلەپ، جۇڭحۋا ۇلتىنىڭ تاڭداۋلى ءداستۇرلى مادەنيەتىنىڭ وزەكتى فاكتورىن قالانىڭ دامۋىنىڭ جالپى بارىسىمەن ساباقتاستىرۋ؛ جىبەك جولى ەرەكشەلىگىن ايگىلەپ، تيانشاننىڭ تۇستىگى مەن تەرىستىگىندەگى جاسىل القاپتارداعى قالا - قالاشىقتاردى جىبەك جولى ەكونوميكالىق بەلدەۋىندەگى جارقىراعان جاقۇتتاي ەتىپ قۇرىپ شىعۋ؛ ەكولوگيالىق ەرەكشەلىكتى ايگىلەپ، «شينجياڭ جاقسى جەر» دەگەن سالتاناتتى وبرازدى تولىق كورسەتۋ؛ شەكارا ءوڭىر ەرەكشەلىگىن ايگىلەپ، شەكاراداعى سەنترلى قالا - قالاشىقتاردان، شەكارا وتكەلى قالا - قالاشىقتارىنان ءبىر توبىن قۇرۋ كەرەك.
ءۇشىنشى، ادامدى نەگىز ەتۋدى كورنەكتىلەندىرىپ، قالانىڭ امبەباپ كوتەرىمدىلىك قابىلەتىن ءوسىرۋ كەرەك. قالانىڭ جول تورى قۇرىلىمىن ساپالىلاندىرىپ، كوپ جىكتى، ستەرەولدى جول تورى جۇيەسىن قالىپتاستىرۋ؛ جەر استى امبەباپ قۇبىر تورىن قۇرىپ، قالا جەلىلەرىندەگى «ورمەكشى تورى» جانە «جول سىدىرماسى» ماسەلەسىن شىن مانىندە شەشۋ؛ لاشىقتى اۋماقتاردى وزگەرتىپ بەيقۇت ءۇي سالۋدى كۇش سالا ىلگەرىلەتىپ، بۇقارانىڭ تۇرعىن ءۇي قيىنشىلىعى ماسەلەسىن شىن مانىندە شەشۋ؛ الەۋمەتتىك قىزمەت وتەۋ جۇيەسىن كەمەلدەندىرىپ، قالانىڭ نەگىزگى قىزمەت وتەۋىنىڭ تەپە - تەڭدىگىن ىلگەرىلەتىپ، ءار ۇلت بۇقاراسىن قالانىڭ دامۋ جەتىستىكتەرىنەن تەڭ يگىلىكتەندىرۋ كەرەك.
ءتورتىنشى، كاسىپ سالاسى مەن قالانىڭ توعىسۋىن كورنەكتىلەندىرىپ، قالا ەكونوميكاسىنىڭ جوعارى ساپالى دامۋىن ىلگەرىلەتۋ كەرەك. جوعارى ساپالى دامۋ تالابىنا ساي، كاسىپتەردىڭ دامۋىن قالا - قالاشىقتاردى اشۋ قۇرىلىسىنىڭ جالپى بارىسىمەن ساباقتاستىرىپ، ۇيلەسىمدى ورنالاستىرۋ ارقىلى دامۋدى جەبەۋگە تاباندى بولىپ، سەنترلى قالا رايوندارى ارقىلى جەتەكتەۋ ستراتەگياسىن كۇش سالا اتقارۋ، كاسىپتەردى شوعىرلاندىرۋ ارقىلى دامۋدى جەبەۋگە تاباندى بولىپ، قالا - قالاشىقتاردىڭ دامۋىنداعى كاسىپ تىرەگىن كۇشەيتۋ؛ سەلبەسىپ جاڭالىق اشۋ ارقىلى دامۋدى جەبەۋگە تاباندى بولىپ، جەرگىلىكتى ورىن مەن بيڭتۋاننىڭ، تۇرلىشە وڭىردەگى قالا - قالاشىقتار اراسىنداعى كاسىپتەردىڭ سەلبەسە دامۋىن بەلسەنە ىلگەرىلەتىپ، كاسىپ ارقىلى قالانى گۇلدەندىرۋدى، قالا ارقىلى كاسىپتى جەتەكتەۋدى جۇزەگە اسىرۋ، كاسىپتەردىڭ دامۋى مەن قالا - قالاشىق قۇرىلىسى اراسىنداعى ۇتىمدى ىقپالداستىقتى جۇزەگە اسىرۋ كەرەك.
بەسىنشى، جاسىل دامۋدى كورنەكتىلەندىرىپ، قالانىڭ جانعا جايلى ورتاسىن قالىپتاستىرۋ كەرەك. تۇنىق سۋ مەن جاسىل تاۋ − باعالى بايلىق، مۇزدى ءوڭىر، قارلى القاپ تا باعالى بايلىق دەگەن ۇستانىمدى مىقتاپ ورناتىپ، ەكولوگيانى قورعاۋدى ءبىرىنشى ورىنعا قويۋعا قاشاندا تاباندى بولىپ، قالانىڭ ەكولوگيالىق قۇرىلىسىن ىلگەرىلەتىپ، قالانىڭ لاستانۋىنان ساقتانۋدى كۇشەيتىپ، قالانىڭ تومەن كومىرتەكتى دامۋىن ىلگەرىلەتىپ، ۇلپا قالا قۇرىلىسىن ورىستەتىپ، شينجياڭداعى قالا - قالاشىقتاردىڭ اسپانىنىڭ اشىق، جەرىنىڭ جاسىل، سۋىنىڭ تۇنىق بولۋىنا شىنايى كەپىلدىك ەتۋ كەرەك.
التىنشى، دالمە - دالدىكتى، قۇنتتىلىقتى كورنەكتىلەندىرىپ، قالانى باسقارۋ دەڭگەيىن ءوسىرۋ كەرەك. باسقارۋ ءتۇزىلىسىن جونگە سالىپ، پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، جۇرتشىلىق ات سالىساتىن، ۇقىق پەن جاۋاپكەرشىلىك ايقىن، زاڭمەن جونگە سالۋ ارقىلى قامتاماسىز ەتىلەتىن قالا - قالاشىق باسقارۋ ءتۇزىلىسىن قۇرۋ؛ باسقارۋ ۇلگىسىنە جاڭالىق ەنگىزىپ، قالا باسقارۋدىڭ ينفورماتسيالانۋىن، زەردەلىلەنۋىن، اشالانۋىن جۇزەگە اسىرۋ؛ جۇرتشىلىقتىڭ ات سالىسۋىن ىلگەرىلەتىپ، جۇرتشىلىقتىڭ قالانى جونگە سالۋعا تارتىپپەن ات سالىسۋ ارناسىن ىركىلىسسىزدەندىرىپ، قالانى بىرگە جونگە سالۋدى، بىرگە باسقارۋدى، بىرگە گۇلدەندىرىپ، ودان بىرگە يگىلىكتەنۋدى جۇزەگە اسىرۋ كەرەك.
جەتىنشى، رەفورمادا جاڭالىق اشۋدى كورنەكتىلەندىرىپ، قالانىڭ دامۋ ومىرشەڭدىك كۇشىن قاۋلاتۋ كەرەك. نوپوس ءتۇزىمى رەفورماسىن تەرەڭدەتىپ، قالا - قالاشىقتاردا تۇراقتى جۇمىس ىستەپ تۇرمىس كەشىرۋ قۋاتى بار قالادا تۇراقتى تۇراتىن ادامداردى جانە كەدەيلەردى سۇيەمەلدەۋ بويىنشا كوشىرىلگەن كەدەيلەردى قالا تۇرعىندارىنا اينالدىرۋدى قالا - قالاشىقتانۋدى ىلگەرىلەتۋدىڭ ءتۇيىندى مىندەتى ەتۋ؛ جەر باسقارۋ ءتۇزىمى رەفورماسىن تەرەڭدەتىپ، قالا - قالاشىقتارداعى قۇرىلىسقا پايدالانىلاتىن جەر مەن نوپوسقا قوندىرىلعان ادام كولەمىن بايلانىستىرۋ مەحانيزمىن ورناتۋ؛ قارجى توپتاۋ ءتۇزىلىسى رەفورماسىن تەرەڭدەتىپ، ۇكىمەتتىڭ قارىز قاتەرى مەن فينانس قاتەرىنەن ساقتانۋدى جانە ونى تىزگىندەۋدى كۇشەيتىپ، ءتۇرلى كاسىپورىنداردى، ءتۇرلى كاپيتالدى قالا قۇرىلىسىنا، شارۋاشىلىعىنا، باسقارۋعا قاتىناسۋعا شابىتتاندىرىپ جانە جەتەكتەپ، قالا قۇرىلىسىنىڭ ومىرشەڭ كۇشكە يە بولۋىنا، دەڭگەيىنىڭ وسۋىنە مۇمكىندىك جاساۋ كەرەك.
سەگىزىنشى، قالا مەن اۋىلدى ءبىر تۇتاس جوسپارلاۋدى كۇشەيتىپ، اۋىل - قىستاقتىڭ جاپپاي گۇلدەنۋىنە جەتەكشىلىك ەتۋ كەرەك. قالا مەن اۋىلدىڭ توعىسپالى دامۋىنا تاباندى بولىپ، قالا مەن اۋىل فاكتورلارىنىڭ ەركىن جىلجۋىن، تەڭ اۋىسۋىن ىلگەرىلەتۋ، جاڭاشا ونەركاسىپتەنۋدىڭ، ينفورماتسيالانۋدىڭ، قالا - قالاشىقتانۋدىڭ، اۋىل شارۋاشىلىعىنىڭ وسىزاماندانۋىنىڭ بىرگە دامۋىن ىلگەرىلەتۋ؛ قالانىڭ جەتەكتەۋ رولىن ساۋلەلەندىرىپ، قالا، اۋىل نەگىزدىك قۇرىلعىلارىن بىرگە قۇرىپ، ودان بىرگە يگىلىكتەنۋدى، ءوزارا بايلانىسىن ىلگەرىلەتىپ، جالپى حالىقتى قامتىعان، جالپىعا بىردەي تيىمدىلىك اكەلىپ بىرگە يگىلىكتەنەتىن، قالا مەن اۋىل ءبىر تۇلعالاندىرىلعان نەگىزگى الەۋمەتتىك قىزمەت وتەۋ جۇيەسىن بىرتىندەپ كەمەلدەندىرىپ، قالا ارقىلى اۋىل جەتەكتەلەتىن، ءبىر تۇتاس ىلگەرىلەتىلەتىن، قالا مەن اۋىل ءبىر تۇلعالاندىرىلعان، بىركەلكى داميتىن مىندەتتى وقۋ - اعارتۋدى دامىتۋ مەحانيزمىن جەدەل قۇرىپ، قالا مەن اۋىل اراسىنداعى دامۋ ايىرماشىلىعىن بىرتىندەپ ازايتۋ كەرەك.
توعىزىنشى، تىنىشتىق پەن جاراسىمدىلىقتى كورنەكتىلەندىرىپ، قالانىڭ ورنىقتىلىق نەگىزىن مىقتاپ ورناتۋ كەرەك. حاۋىپسىزدىكتى، ورنىقتىلىقتى قالا قىزمەتىنىڭ ءبىرىنشى ورنىنا قويىپ، قالانى جوبالاۋدا، قالا قۇرىلىسىن جۇرگىزۋدە، قالانى باسقارۋدا ورنىقتىلىقتىڭ بارلىعىن باسىپ تۇسەتىندىگىنە تاباندى بولۋ كەرەك. ساقتانۋ - تىزگىندەۋ تورىن بەرىك توقىپ، قالانىڭ حاۋىپسىزدىگى مەن ورنىقتىلىعىنا شىنايى كەپىلدىك ەتۋ؛ الەۋمەتتىك حاۋىپسىزدىكتى قورعاپ، جالپى جاعدايدا بىردەي، جۇيەلى، وسىزاماندانعان قالا اينالىسى حاۋىپسىزدىگىن قامتاماسىز ەتۋ جۇيەسىن قالىپتاستىرۋ؛ ۇلتتار ىنتىماعىن كۇشەيتىپ، كىرىكتىرىلگەن قوعامدىق قۇرىلىم مەن الەۋمەتتىك اۋماق ورتاسىنىڭ قالىپتاسۋىن ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك.
چىن چۋانگو بىلاي دەپ اتاپ كورسەتتى: پارتيانىڭ قالا قىزمەتىنە باسشىلىعىن شىن مانىندە كۇشەيتىپ، قالا جوباسى، قالا قۇرىلىسى، قالا باسقارۋ قىزمەتتەرىن شىنايى ويداعىداي يگەرىپ، ناتيجە شىعارۋ كەرەك. نازاردى باس نىساناعا شوعىرلاندىرىپ، قوعامدىق جالپى جاعدايدىڭ ورنىقتىلىعىن قورعاۋ كەرەك. پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، ورنىقتىلىقتى قورعاۋدى بارلىعىن باسىپ تۇسەتىن كەلەلى مىندەت ەتىپ، ساقتىق دابىلىن ۇزبەي قاعىپ، «كەشەندى شارا» قولدانىپ، تۇيىندەردى كورنەكتىلەندىرىپ، ءتارتىپ اتقارۋدى قاتايتىپ، ۇدايىلانعان، باياندى مەحانيزم ورناتىپ، قوعامدىق جالپى جاعدايدىڭ باياندى جاراسىمدىلىعى مەن ورنىقتىلىعىن ىلگەرىلەتۋ كەرەك. قابىلەتتى كۇشەيتىپ، قالا قىزمەتىن جاقسى ىستەۋ قابىلەتىن ءوسىرۋ كەرەك. ءار دارەجەلى باسشى كادرلار ۇيرەنۋگە ءمان بەرىپ، باۋلۋدى كۇشەيتىپ، قولدانۋعا شەبەر بولىپ، قالا قىزمەتىنىڭ دەڭگەيىن جانە قالانى زاڭمەن جونگە سالۋ قابىلەتىن ءوسىرۋ كەرەك. ۇگىتتەۋدى، جەتەكتەۋدى كۇشەيتىپ، قالا قىزمەتىنىڭ كۇشتى رايىن قالىپتاستىرۋ كەرەك. بۇكىل رايونىمىزدا جوعارىدان تومەنگە دەيىن بارلىق ادام قالا قۇرىلىسىنا كوڭىل بولەتىن، بارلىق ادام قالا قۇرىلىسىن قولدايتىن، بارلىق ادام قالا قۇرىلىسىنا ات سالىساتىن كۇشتى راي قالىپتاستىرۋ كەرەك. باسشىلىقتى كۇشەيتىپ، قالا قىزمەتىنىڭ جاۋاپكەرشىلىگىن تياناقتاندىرۋ كەرەك. ءار دارەجەلى پارتكوم مەن ۇكىمەت، سونداي - اق قاتىستى تاراۋلار، ورىندار قالا قىزمەتىنىڭ قۇدىرەتتى بىرىككەن كۇشىن قالىپتاستىرىپ، «حالىقتىڭ قالاسىن حالىق قۇرۋ، حالىقتىڭ قالاسىن حالىق باسقارۋدى» جۇزەگە اسىرۋدى ىلگەرىلەتۋ كەرەك.
شوكىرات زاكىر بىلاي دەپ اتاپ كورسەتتى: جەر - جەر، تاراۋلار يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قالا قىزمەتىن جاقسى ىستەۋ جونىندەگى جالپىلىق تالابىمەن شىن مانىندە بىرلىككە كەلتىرىپ، ساياسي دەڭگەيدى اناعۇرلىم ءوسىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاپ»، اۆتونوميالى رايوندىق پارتكومنىڭ قىزمەت ورنالاستىرۋىنا ساي، قالا قىزمەتى جونىندەگى اۆتونوميالى رايوندىق ءماجىلىستىڭ ورنالاستىرۋىن مۇقيات تياناقتاندىرىپ، باس نىسانانى مىقتاپ ارقاۋ ەتە وتىرىپ قالا قىزمەتىن جوبالاپ جانە ىلگەرىلەتىپ، وزگەشە قالا رۋحىن سومداپ، قالانىڭ وزگەشە باۋرامدىلىعىن كورنەكتىلەندىرىپ، ەكولوگيالىق قۇرىلىستى ىلگەرىلەتىپ، رەفورمانى جاپپاي تەرەڭدەتىپ، ۇلتتار ىنتىماعىن نىعايتىپ، ونەركاسىپ پەن اۋىل شارۋاشىلىعىنىڭ، قالا مەن اۋىلدىڭ جاڭاشا قاتىناسىن جەدەل قالىپتاستىرىپ، قالانى باسقارۋ دەڭگەيى مەن امبەباپ كوتەرۋ قابىلەتىن قۇلشىنا جوعارىلاتىپ، ەكونوميكانىڭ جوعارى ساپالى دامۋىن ىلگەرىلەتىپ، قالانى جاراسىمدىلىقتىڭ، ورنىقتىلىقتىڭ جانە ەكونوميكانىڭ جوعارى ساپالى دامۋىنىڭ قوزعاۋشى كۇشى مەن موتورى ەتىپ قۇرىپ شىعۋ كەرەك. ىرىقتىلىقپەن جاۋاپكەرشىلىك ارقالاۋ، كەمەلدەندىرە ءتۇسۋ، ناقتى ونىمدىلىككە ۇمتىلۋ سىندى قىزمەت ستيلىن كۇش سالا دارىپتەپ، اۆتونوميالى رايوندىق پارتكومنىڭ قالا قىزمەتى جونىندەگى ورنالاستىرۋلارىنىڭ تياناقتانۋىن «قاتاڭ» جانە «شىنايى» ستيلمەن ىلگەرىلەتىپ، قالانى بىلەتىن، باسقارا الاتىن كادرلاردان ءبىر توبىن جەدەل باۋلىپ، عىلمي پوزيتسيا، وزىق ۇستانىم، كاسىبي بىلىمدەر ارقىلى قالانى جوبالاپ، قالا قۇرىلىسىن جۇرگىزىپ، قالانى باسقارىپ، شينجياڭنىڭ قالا دامۋىنىڭ جاڭا جاعدايىن قۇلشىنا اشۋ كەرەك.
ءماجىلىس تەلەۆيزور - تەلەفون فورماسىمەن اشىلدى. اۆتونوميالى رايون باسشىلارىنان شۇي حايرۇڭ، سارقىت اقان ۇلى، جاڭ چۇنلين، باداي، ءجۇرات يمىن، ليۋ جيانشين، دوۋ ۋانگۇي، چيۋ شۋحۋا، جاڭ يۇڭ ماجىلىسكە قاتىناستى. اۆتونوميالى رايونعا (ورتالىققا) توتە قاراستى قاتىستى تاراۋلارداعى جاۋاپتى جولداستار، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى باسشىلىق القاسىنىڭ مۇشەلەرى نەگىزگى ءماجىلىس الاڭىندا ماجىلىسكە قاتىناستى.
