شينحۋا اگەنتتىگىنىڭ 11 - ايدىڭ 15 - كۇنى بەيجيڭنەن بەرگەن حابارى (تىلشىلەر حۋاڭ شياۋشي، ۋاڭ دي). مەملەكەتتىك كەڭەستىڭ اقپارات كەڭسەسى 11 - ايدىڭ 15 - كۇنى «شينجياڭنىڭ مادەنيەتىن قورعاۋ جانە دامىتۋ» اتتى اق تىستى كىتاپتى جاريالادى.
اق تىستى كىتاپتا العى ءسوز، شينجياڭداعى ۇلتتار مادەنيەتى − جۇڭحۋا مادەنيەتىنىڭ قۇرامداس بولىگى، ۇلتتاردىڭ ءتىل - جازۋى كەڭىنەن قولدانىلدى، ءدىن مادەنيەتى قۇرمەتتەلدى جانە قورعالدى، مادەنيەت مۇرالارىن قورعاۋدا جانە وعان مۇراگەرلىك ەتۋدە تابىسقا قول جەتتى، مادەنيەت ىستەرى مەن مادەنيەت شارۋاشىلىعى ۇزدىكسىز دامىدى، شەتەلدەرمەن مادەنيەت اۋىس - ءتۇيىسى كۇن سايىن جاندانا ءتۇستى سياقتى مازمۇندار قامتىلدى.
اق تىستى كىتاپتا بىلاي دەلىندى: شينجياڭ ەجەلدەن بەرى كوپ ۇلت كوشىپ - قونىپ، شوعىرلى قونىستانىپ ءومىر سۇرگەن جەر ءارى كوپ ءتۇرلى مادەنيەت اۋىس - ءتۇيىس جاساپ، ءوزارا توعىسقان ساحنا. تاريحتىڭ ۇزاق كوشىندە شينجياڭداعى ۇلتتار مادەنيەتى جۇڭحۋا وركەنيەتىنىڭ قۇنارلى توپىراعىنا تامىر تارتىپ، ۇلتتار مادەنيەتىنىڭ دامۋىن جەبەۋمەن بىرگە، جۇڭحۋا مادەنيەتىنىڭ مازمۇنىن دا بايىتتى.
اق تىستى كىتاپتا بىلاي دەلىندى: جۇڭحۋا حالىق رەسپۋبليكاسى قۇرىلعان سوڭ، جۇڭگو ۇكىمەتى شينجياڭداعى ۇلتتاردىڭ تاڭداۋلى ءداستۇرلى مادەنيەتىن جارىققا شىعارۋعا، مۇراگەرلىكپەن جالعاستىرۋعا جانە قورعاۋعا وسكەلەڭ ءمان بەردى، جاسامپازدىقپەن تۇرلەندىرۋگە، جاڭاشىلدىقپەن دامىتۋعا تاباندى بولدى، ۇلتتاردىڭ ءوزارا ءتىل - جازۋ ۇيرەنۋىنە دەم بەردى، ۇلتتاردىڭ بارىس - كەلىسىن، اۋىس - ءتۇيىسىن، ءوزارا توعىسۋىن جەبەدى، ۇلتتاردىڭ ءدىني سەنىم ەركىندىگىنە قۇرمەت ەتتى، مادەنيەت ىستەرى مەن مادەنيەت شارۋاشىلىعىن دامىتتى، ۇلتتار مادەنيەتىنىڭ وسىزاماندانۋىن جەبەدى، سىرتقا باعىتتالعان مادەنيەت اۋىس - ءتۇيىسىن كۇشەيتتى، تۇرلىشە مادەنيەتتەر ارا اۋىس - ءتۇيىس جانە ءوزارا ۇلگى الۋ بارىسىندا مادەنيەت سەنىمىن كۇشەيتتى.
اق تىستى كىتاپتا بىلاي دەلىندى: بۇگىنگى تاڭدا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جۇڭحۋا ۇلتى جاڭا داۋىرگە قادام باسىپ، تىڭ ساپارعا اتتاندى. مادەنيەت اۋىس - ءتۇيىسىنىڭ، توعىسۋىنىڭ ساحناسىندا شينجياڭداعى ءار ۇلت حالقى جاڭا مادەنيەت بورىشىن ارقالاۋعا ءتيىس ءارى، ءسوزسىز، ارقالاي الادى، مادەنيەت جاسامپازدىعى بارىسىندا تىڭ گۇلدەنۋدى جۇزەگە اسىرىپ، مادەنيەتتىڭ العا باسۋى بارىسىندا جاڭا دامۋعا قول جەتكىزە الادى.
