شينحۋا اگەنتتىگىنىڭ 11 - ايدىڭ 15 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس جۋىقتا مەكتەپ الدىنداعى تاربيەگە ىشكەرىلەي رەفورما جاساۋ، ارناعا ءتۇسىرىپ دامىتۋ جونىندەگى ءبىرقانشا پىكىردى العا قويدى.
پىكىردە مىنالار اتاپ كورسەتىلدى: مەكتەپ الدىنداعى تاربيە ومىرلىك ۇيرەنۋدىڭ باستاماسى، حالىقتىق تاربيە جۇيەسىنىڭ ماڭىزدى قۇرامداس بولىگى، ماڭىزدى قوعامدىق الەۋمەتتىك يگى ءىس. مەكتەپ الدىنداعى تاربيەنى جاقسى ىستەپ، سابيلەردى تاربيەلەۋدى جۇزەگە اسىرۋ − پارتيانىڭ 19 - قۇرىلتايىندا ۇيعارىلعان كەلەلى شەشىم، ورنالاستىرۋى، پارتيا مەن ۇكىمەتتىڭ حالىق بۇقاراسى ءۇشىن ناقتى جۇمىس تىندىرعان ەلەۋلى حالىق تۇرمىسى ينجەنەرياسى، بۇل 100 ميلليونداعان بالالاردىڭ اقاۋسىز ەسەيىپ - ەرجەتۋىنە، قوعامنىڭ جاراسىمدىلىعى مەن ورنىقتىلىعىنا، پارتيا مەن مەملەكەت ىستەرىنىڭ بولاشاعىنا سايادى.
پىكىردە مىنالار باسا دارىپتەلدى: پارتيا 18 - قۇرىلتايىنان بەرى، ەلىمىزدىڭ مەكتەپ الدى تاربيە ىستەرى قاۋىرت دامىپ، بايلىعى ەرەكشە تەز زورايىپ، جالپىلاسۋ ورەسى كورنەكتى جوعارىلاپ، باسقارۋ ءتۇزىمى ۇزدىكسىز كەمەلدەنىپ، «بالاباقشاسىنا قابىلدانۋ قيىن بولۋ» ماسەلەسى ءونىمدى شەشىلدى، سونىمەن بىرگە نەگىزى ءالسىز، قارىزى كوپ بولعاندىقتان، قازىر مەكتەپ الدى تاربيەسىنىڭ ءالى دە جالپى تاربيە جۇيەسىنىڭ ولقىلىعى سانالىپ، دامۋدىڭ بىركەلكى، تولىق بولماۋ ماسەلەسىنىڭ ەرەكشە كورنەكتى ەكەنىن، «بالاباقشاسىنا قابىلدانۋ قيىن بولۋ»، «بالاباقشاسىنىڭ اقىسى جوعارى بولۋ» ماسەلەسىنىڭ ءالى دە حالىق بۇقاراسىن مازالاپ وتىرعان ىستەردىڭ ءبىرى ەكەنىن كورە ءبىلۋىمىز كەرەك. مەكتەپ الدى تاربيەسىنىڭ الەۋمەتتىك قىزمەت وتەۋ جۇيەسىن اناعۇرلىم كەمەلدەندىرىپ، جاڭا داۋىردەگى مەكتەپ الدى تاربيەسىن شىنايى جاقسى جۇرگىزىپ، سابيلەردى تاربيەلەۋدى ءتىپتى دە تاماشا جۇزەگە اسىرۋ ءۇشىن، مەكتەپ الدىنداعى تاربيەگە ىشكەرىلەي رەفورما جاساۋ، ارناعا ءتۇسىرىپ دامىتۋ جونىندەگى ءبىرقانشا پىكىر جاريالاندى.
پىكىردە مىنالار تالاپ ەتىلگەن: 2020 - جىلعا بارعاندا، مەملەكەت بويىنشا مەكتەپ الدىنداعى 3 جىلدىق بالاباقشاسىنا قابىلدانۋ مولشەرىن %85كە، جالپىلاي تيىمدىلىك جەتكىزۋ سيپاتتى بالاباقشاسىنىڭ قامتىم مولشەرىن (ۇكىمەت قۇرعان بالاباقشاسى مەن حالىق باسقارۋىنداعى بالاباقشاسىنىڭ ۇستاعان مولشەرى) %80كە جەتكىزۋ كەرەك.
2020 - جىلعا بارعاندا تولىق كۋرستى، ارناۋلى كۋرستى نەگىز ەتكەن بالاباقشا وقىتۋشىلارىن تاربيەلەۋ جۇيەسىن ورناتۋدى، تولىق كۋرستان، ارناۋلى كۋرستان مەكتەپ الدى كاسىبى بويىنشا وقۋ تاۋىسقاندار سانىن 200 مىڭنان اسىرۋدى؛ بالاباقشا وقىتۋشىلارىنىڭ كاسىپتىك جاقتان جەتىلۋ مەحانيزمىن ورناتىپ، تاربيە ساباقتارىنىڭ ولشەمىن كەمەلدەندىرىپ، ءبىر ميلليون 500 مىڭ توڭىرەگىندە بالاباقشا جەتەكشىلەرىن، وقىتۋشىلارىن جىككە، تۇرگە ءبولىپ تاربيەلەۋدى؛ ادەتتەگى جوعارى مەكتەپتەردىڭ مەكتەپ الدى تاربيە كاسىبىن ساپالىق جاقتان ايعاقتاۋ جانە كەپىلدەندىرۋ جۇيەسىن ورناتۋدى نەگىزىنەن قالىپتاستىرىپ، بالاباقشا وقىتۋشىلار قوسىنىنىڭ جان - جاقتى ساپاسى مەن تاربيەنى عىلمي تۇردە قامتاماسىزداندىرۋ قابىلەتىن ءبىر تۇتاس جوعارىلاتىپ، بالاباقشا وقىتۋشىلارىنىڭ قوعامدىق ورنىن، مامىلەسىن اناعۇرلىم جوعارىلاتىپ، كاسىپكە باۋراۋ قۋاتىن كورنەكتى ارتتىرۋ كەرەك.
2035 - جىلعا بارعاندا، مەكتەپ الدىنداعى 3 جىلدىق تاربيەنى جاپپاي جالپىلاستىرىپ، قالا مەن اۋىلدى قامتىعان، ورنالاسۋى ۇيلەسىمدى مەكتەپ الدى تاربيەنىڭ الەۋمەتتىك قىزمەت وتەۋ جۇيەسىن ورناتىپ، مەكتەپ الدى تاربيەسىن باسقارۋدىڭ كەمەلدى مەحانيزمىن، بالاباقشاسىن قۇرۋ ءتۇزىلىسىن جانە ساياساتتىق قامتاماسىزداندىرۋ جۇيەسىن قالىپتاستىرىپ، سابيلەرگە اناعۇرلىم تولىق، اناعۇرلىم جالپىلاي ءتيىمدى، اناعۇرلىم ساپالى مەكتەپ الدى تاربيەسىن بەرۋ كەرەك.
پىكىردە تاعى جالپى جاقتان تالاپ قويىلىپ، ورنالاستىرىلۋ مەن بالاباقشا قۇرىلىمىن ساپالىلاندىرۋ، ارنالاردى كەڭەيتىپ، بايلىقپەن قامداۋدى مولايتۋ، قارجىمەن قامداۋدىڭ باياندى مەحانيزمىن كەمەلدەندىرۋ، بالاباقشا وقىتۋشىلار قوسىنى قۇرىلىسىن بارىنشا كۇشەيتۋ، باقىلاۋ - باسقارۋ جۇيەسىن كەمەلدەندىرۋ، حالىق باسقارۋىنداعى بالاباقشالاردى ارناعا ءتۇسىرۋ، دامىتۋ، بالاباقشاسىنىڭ قورعاۋ، تاربيەلەۋ ساپاسىن جوعارىلاتۋ، ۇيىمدىق جاقتان جەتەكشىلىك ەتۋدى كۇشەيتۋ قاتارلى جاقتارعا ناقتى ورنالاستىرۋلار جاسالدى.
