تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق حالىق ۇكىمەتى ۇنەمىلىك ىستەر ءماجىلىسىن اشتى

  ءتىلشى جاۋ جىيۇن 11 - ايدىڭ 16 - كۇنى ۇرىمجىدەن حابارلايدى. 11 - ايدىڭ 16 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، شينجياڭنىڭ فينانس كاسىبىندە ۋنيۆەرسال ساناققا الۋ قىزمەتىن جالپى بەتتىك ىلگەرىلەتۋدى، ورتالىقتىڭ جەرگىلىكتى ورىندار اتقارسىن دەپ بەلگىلەپ بەرگەن ءبىر قىدىرۋ اكىمشىلىك رۇقسات بەرۋ ىستەرىن كۇشىنەن قالدىرۋدى اقىلداستى.

  ءماجىلىس مىنانى باسا دارىپتەدى: فينانس كاسىبىندە ۋنيۆەرسال ساناققا الۋ − مەملەكەتتىڭ فينانس نەگىزدىك قۇرىلعىلارىن وسىزامانداندىرۋدىڭ ماڭىزدى قۇرامداس بولىگى. فينانس كاسىبىندە ۋنيۆەرسال ساناققا الۋدى جەدەل ىلگەرىلەتۋ − فينانستىڭ ناقتى ەكونوميكاعا قىزمەت وتەۋ ناتيجەسىن ءونىمدى باقىلاۋداعى، قىزمەت وتەۋ ونىمدىلىگىن جوعارىلاتۋداعى شەشۋشى ينفورماتسيا نەگىزى، جۇيەلىلىك فينانس حاۋىپ - قاتەرىنەن كورەگەندىكپەن ساقتانىپ جانە ونى شەشىپ، فينانس ورنىقتىلىعىن قورعاۋدىڭ كوكەي تەستى قاجەتى، فينانس ءتۇزىلىس رەفورماسىن جالپى بەتتىك تەرەڭدەتىپ، وسى زامانعى فينانس جۇيەسىن ورناتۋداعى ماڭىزدى شارا. شينجياڭنىڭ فينانس كاسىبىندە ۋنيۆەرسال ساناققا الۋ قىزمەتىن جالپى بەتتىك ىلگەرىلەتۋ ءۇشىن، ايقاسپالى فينانس ونىمدەرىن ساناققا الۋدى ءتۇيىندى تۇردە ورىستەتۋ، جەرگىلىكتى فينانس كاسىبىنىڭ مال - مۇلىك قارىز كەستەسىن قۇراستىرۋ، جۇيەلىك ماڭىزدى فينانس قۇرىلىمدارىن ساناققا الۋدى ورىستەتۋ، فينانستىق جارناسى مەڭگەرىلگەن سەرىكتەستىكتەر سىندى فينانس توپتارىن ساناققا الۋدى ورىستەتۋ، اقشا امانات - قارىزىن ساناققا الۋ جۇمىسىن كەمەلدەندىرۋ، جەرگىلىكتى فينانس ۇيىمدارىن ساناققا الۋدى ورىستەتۋ، ساناققا الىنعان ساندى مالىمەتتەردىڭ ساپاسىن باسقارۋ - مەڭگەرۋ مەحانيزمىن ورناتۋ، ساناق ينفورماتسياسىنان تەڭ يگىلىكتەنۋ مەحانيزمىن ورناتۋ جانە فينانس كاسىبىندە ساناققا الىنعان ساندى مالىمەتتەردى اشۋ جانە ونى ىسكە قوسۋ تەبىنىن كۇشەيتۋ كەرەك.

  ءماجىلىس مىنالاردى اتاپ كورسەتتى: قاتىستى اكىمشىلىك رۇقسات بەرۋ ىستەرىن كۇشىنەن قالدىرۋ «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسىن ىلگەرىلەتۋ، ۇكىمەتتىڭ قىزمەت فۋنكتسياسىندا بۇرىلىس جاساۋدى تەزدەتۋ، اكىمشىلىك تەكسەرىپ بەكىتۋ ارەكەتتەرىن جۇيەگە ءتۇسىرۋ، ۇكىمەتتىڭ قىزمەت وتەۋ دەڭگەيىن جوعارىلاتۋ، ءادىل دە ادىلەتتى بازار ءتۇزىمىن قورعاۋ جونىنەن ماڭىزدى رول اتقارادى. مەملەكەتتىك كەڭەستىڭ قاتىستى حۇجاتىنىڭ تالابىنا ساي، رايونىمىز قاتىستى اكىمشىلىك رۇقسات بەرۋ ىستەرىن مۇقيات سارالاپ، ورتالىقتىڭ جەرگىلىكتى ورىندار اتقارسىن دەپ بەلگىلەپ بەرگەن ءبىر قىدىرۋ اكىمشىلىك رۇقسات بەرۋ ىستەرىن كۇشىنەن قالدىرۋدى، سونىمەن قاتار، ءىس بارىسىنداعى جانە ءىس سوڭىنداعى باقىلاۋ - باسقارۋدى كۇشەيتۋدى ۇيعاردى.

  ءماجىلىس تاعى باسقا دا ىستەردى اقىلداستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.