ءۇرىمجى قالالىق ساياسي كەڭەس پارتيا باسشىلىق گرۋپپاسىنىڭ مۇشەسى، ورىنباسار ءتوراعا
گۇلچنار ساۋىر
مەن كورىكتى حوتاندا دۇنيەگە كەلدىم، اكە - شەشەم جانە اعا - باۋىر، اپەكە - سىڭلىلەرىمنىڭ بارلىعى كوممۋنيستىك پارتيانىڭ مۇشەسى. اكە - شەشەم بۇرىننان ماعان «كوممۋنيستىك پارتيا بولماسا، جاڭا جۇڭگو دا بولماق ەمەس، بۇگىنگى شينجياڭداعى ءار ۇلت حالقىنىڭ ىنتىماقتى، سۇيىسپەنشىلىكتى، جاراسىمدى باقىتتى تۇرمىسى تىپتەن بولماق ەمەس» دەپ تاربيە بەرىپ كەلەدى. قىزمەتكە قاتىناسقان 30 جىلدان بەرى، پارتيانىڭ قامقورلىعى مەن باۋلۋى، ماڭىمداعى ءار ۇلت قىزمەتتەستەرىمنىڭ قولداۋى، كومەكتەسۋى ارقاسىندا، مەن قاراپايىم كادردەن بىرتىندەپ پارتيالى باسشى كادر بولىپ جەتىلدىم. پارتيانىڭ مەيىرىن جۇرەگىمنىڭ تۇكپىرىنە ساقتاپ، ماڭگى ۇمىتپايمىن.
الايدا، «ءۇش ءتۇرلى كۇش» «ۇلتتى»، «ءدىندى» جەلەۋ ەتىپ، ءدىني ۇشقارى يدەيا مەن ءپانىسلاميزم ، پانتۇركيزم يدەياسىن ۋاعىزداپ، ۇلتتىق وشپەندىلىككە جەلىكتىرىپ، تاريحتى بۇرمالاپ، دۇرىس پەن بۇرىستى شاتاستىرىپ، بار ايلا - شارعىمەن ۋاقيعا تۋدىرىپ، شينجياڭداعى ءار ۇلت حالقىنىڭ باقىتتى تۇرمىسىنا كەسىر جەتكىزدى. «ەكىبەتكەيلەر» سۇرقيا دا ارسىز، ولار كوممۋنيستىك پارتيانىڭ اسىن ءىشىپ، كوممۋنيستىك پارتيانىڭ قازانىن شاعىپ، پارتياعا قارسى، حالىققا قارسى زۇلىمدىقپەن اينالىستى. ءبىز «ءۇش ءتۇرلى كۇشتىڭ»، «ەكىبەتكەيلەردىڭ» سۇرقيا ارەكەتتەرىنە اياۋسىز سوققى بەرىپ، ولاردى كوشەدەن قاشقان تىشقاندى ۇر - ۇردىڭ استىنان الاتىن كۇيگە قالدىرۋىمىز كەرەك!
مەن يدەيادا ۇيتقىنى تاباندىلىقپەن، باتىلدىقپەن قورعايمىن. «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرەمىن، تياناقتاندىرامىن. وتان تۇتاستىعىن قورعاۋ، ۇلتتىق بولشەكتەۋشىلىككە قارسى تۇرۋ سىندى ۇلكەن دۇرىس پەن ۇلكەن بۇرىس ماسەلەسىندە تانىمدا كۇڭگىرتتىككە سالىنباي، پوزيتسيادا ءدۇدامال بولماي، ارەكەتتە سولقىلداقتىق ىستەمەي، يدەيادا اڭعارلى ادام، ساياسيدا ادال ادام، تارتىپتە كىرشىكسىز ادام، حالىققا قامقور ادام، قىزمەتتە جاۋاپكەرشىلىكتى ادام، تۇرمىستا دۇرىس ادام بولامىن.
مەن تاباندىلىقپەن، باتىلدىقپەن سەمسەردى سەرت ۇستايمىن. «ءۇش ءتۇرلى كۇشپەن»، «ەكىبەتكەيلەرمەن» سوڭىنا دەيىن قاندى شايقاس جاسايمىن! ولارمەن كۇرەس بارىسىندا ەرجۇرەك اتويشى بولامىن. جۇڭگو كوممۋنيستىك پارتياسىنىڭ حالىققا باقىت جاراتقان ۇشان - تەڭىز ەڭبەگىن دابىرالى، ۇزدىكسىز ىشكەرىلەي ۇگىتتەيمىن، شينجياڭنىڭ رەفورمادا، دامۋدا، ورنىقتىلىقتا قول جەتكىزگەن شۇعىلالى تابىستارىن ۇگىتتەيمىن، بۇقارانى ساقتىقتى كۇشەيتىپ، قىراعىلىقتى ارتتىرىپ، «ءۇش ءتۇرلى كۇشتىڭ» سۇرقيا كەيىپ - كەسپىرىن انىق تانىپ، زورلىقتى كۇش لاڭكەستىك ارەكەت اتاۋلىعا ايقىن تۋ ۇستاي وتىرىپ قارسى تۇرىپ، ادىلەتتىڭ سەمسەرىمەن «ەكىبەتكەيلەردىڭ» بۇركەنىشىن جىرتىپ، ولارعا تاسالانار جەر قالدىرماي، حالىقتىق سوعىسىنىڭ تەلەگەي تەڭىزىنە باتىرۋعا تاربيەلەيمىن.
مەن ۇلتتار ىنتىماعىنىڭ باستاماشىسى بولۋعا قۇلشىنامىن. «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ويداعىداي ورىستەتىپ، ۇلتتار ىنتىماعىن كوز قاراشىعىمداي ايالاپ، ۇلتتار ىنتىماعىن ومىرىمدەي قاستەرلەيمىن، ءىس جۇزىندىك ارەكەتىم ارقىلى بۇقاراعا شىن پەيىلمەن قىزمەت وتەپ، جۇرت جۇرەگىن جىلىتاتىن، جۇرت تىلەگىنەن شىعاتىن ىستەردى كوبىرەك ىستەپ، ءار ۇلت بۇقاراسىن اناردىڭ دانىندەي تىعىز ۇيىسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن بىرگە جازۋعا تاربيەلەيمىن، باستايمىن.
