تيانشان تورابى   ›   زاڭ تارازى   ›   زاڭنان كەڭەس

اۆتونوميالى رايون فورماشىلدىققا، تورەشىلدىككە ساياتىن 9 تيپتىك دەلونى حابارلاندىردى

  ءوز حابارىمىز. ورتالىق ءتارتىپ تەكسەرۋ كوميتەتىنىڭ «باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، فورماشىلدىقتى، تورەشىلدىكتى شوعىرلى رەتتەۋ - تۇزەتۋ جونىندەگى قىزمەت پىكىرىن» ىشكەرىلەي دايەكتىلەندىرىپ، تياناقتاندىرىپ، ءتارتىپ تالابىن اناعۇرلىم كۇشەيتىپ، ستيل قۇرىلىسىنىڭ جەمىسىن بەكەمدەۋ، كەڭەيتۋ ءۇشىن، تاياۋدا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى جۋىقتا تىكە تەكسەرىلىپ، تىكە بىتىرىلگەن 9 تيپتىك دەلونى حابارلاندىردى. وسى 9 تيپتىك دەلو مىنالار:

  1. قىزىلسۋ قىرعىز اۆتونوميالى وبلىسى اتۇش قالالىق پارتكومنىڭ ورىنباسار شۋجيى لۋ گۋاڭجۇن، ورىنباسار قالا باستىعى ليۋ شياۋشياڭ، اتۇش قالاسى كاتتايايلاق اۋىلدىق پارتكومنىڭ شۋجيى گۋان شىڭلي، اۋىلدىق پارتكومنىڭ ورىنباسار شۋجيى ۋاڭ جىميڭ، اۋىلدىق پارتكومنىڭ ورىنباسار شۋجيى مۇساجان يمام، كاتتايايلاق اۋىلى كۇيەك قىستاعى پارتيا ياچەيكاسىنىڭ شۋجيى نۇرمامەت تۇرسىن سىندى 6 ادامنىڭ دۇرىس قىزمەت ناتيجە كوزقاراسى كەمشىل بولۋ، وڭايعا جۇگىرۋ، ءىس جۇزىندىك جاعدايدان الشاقتاۋ ماسەلەسى. 2018 - جىلى 9 - ايدا اتۇش قالاسى كاتتايايلاق اۋىلىنىڭ حالىقتى اۋقاتتاندىرۋ بويىنشا جاڭادان سالىنعان بەيقۇت ۇيلەردىڭ سالىنىپ ءبىتىپ تەكسەرۋدەن وتپەگەنىن، ەلەكتر، سۋ جەتكىزىلمەگەنىن، قونىستانۋ شارت - جاعدايى ازىرلەنبەگەنىن بىلە تۇرا، كەدەي بۇقارانىڭ تىلەگىمەن جانە ءىس جۇزىندىك قيىنشىلىعىمەن ساناسپاي، وسى قالانىڭ «9 - ايدىڭ 30 - كۇنىنەن بۇرىن حالىقتى اۋقاتتاندىرۋ بويىنشا جاڭادان سالىنعان بەيقۇت ۇيلەرگە %100 كوشىرۋ» تالابىن ءولى اتقارىپ، قىستاق كادرلارىن كونە ۇيلەردى شاعۋ، جاڭا ۇيلەرگە كوشىرۋ مىندەتىن ورىنداۋعا ماجبۇرلەپ، ءىشىنارا كەدەي وتباسىلارىنىڭ لاي كەرپىش جانە اعاشپەن سالىنعان ۇيلەرىن شاعىپ، ولاردى قونىستانۋ شارت - جاعدايى ازىرلەنبەگەن حالىقتى اۋقاتتاندىرۋ بويىنشا سالىنعان بەيقۇت ۇيلەرگە كوشىرىپ، بۇقارا اراسىندا ناشار ىقپال تۋدىرعان. كەدەيلەردى سۇيەمەلدەۋ قىزمەتىنە جاۋاپتى اتۇش قالالىق پارتكومنىڭ ورىنباسار شۋجيى لۋ گۋاڭجۇنگە، حالىقتى اۋقاتتاندىرۋ بويىنشا سالىنعان بەيقۇت ءۇي ينجەنەرياسى قۇرىلىسىنا جاۋاپتى ورىنباسار قالا باستىعى ليۋ شياۋشياڭعا جەكە - جەكە پارتيا ىشىندە ەسكەرتۋ بەرۋ جازاسى بەرىلدى؛ كاتتايايلاق اۋىلدىق پارتكومنىڭ شۋجيى گۋان شىڭليگە، كەدەيلەردى سۇيەمەلدەۋ، حالىقتى اۋقاتتاندىرۋ بويىنشا سالىنعان بەيقۇت ءۇي قىزمەتىنە جاۋاپتى اۋىلدىق پارتكومنىڭ ورىنباسار شۋجيلەرى مۇساجان يمامعا، ۋاڭ جىمينگە، كۇيەك قىستاعى پارتيا ياچەيكاسىنىڭ شۋجيى نۇرمامەت تۇرسىنعا پارتيا ىشىندە قاتاڭ ەسكەرتۋ بەرۋ جازاسى بەرىلدى.

  2. تارباعاتاي ايماعى قوبىقسارى موڭعۇل اۆتونوميالى اۋدانى بايىنوبا اۋىلدىق پارتكومنىڭ شۋجيى ليۋ بوۋىننىڭ كەدەيلىكتەن ارىلتۋدان قامال الۋ ساياسي جاۋاپكەرشىلىگىن اتقارۋدا دارمەنسىزدىك ىستەۋ، قىزمەت ستيلى شىنايى بولماۋ ماسەلەسى. قوبىقسارى موڭعۇل اۆتونوميالى اۋدانى بايىنوبا اۋىلىنىڭ كەدەيلەردى سۇيەمەلدەۋ شاراسى دالمە - ءدال بولماي، كەدەيلەردى سۇيەمەلدەۋ فورماسى كوبىنەسە اقشا، زات تاراتۋ بولعان، كومەك قاراجات توقتاتىلعاننان كەيىن، كەدەي وتباسىلارىنىڭ قايتالاي كەدەيلەسۋ مولشەرى ءبىرشاما جوعارى بولعان. سونىمەن بىرگە، جوعارىنىڭ قۋزاۋ - جەتەكشىلىك ەتۋىنە، تەكسەرۋىنە توتەپ بەرۋ ءۇشىن، ليۋ بوۋىن كوپتەگەن اۋىل كادرلارىن 2018 - جىلى 1 - ايدان بەرگى پارتيا قۇرىلىسىن زەرتتەۋگە، پارتيا ستيلى، پاكتىك قۇرىلىسىنا، ورنىقتىلىقتى قورعاۋعا، كەدەيلەردى سۇيەمەلدەۋگە قاتىستى مازمۇنداعى ارناۋلى تاقىرىپتىق ءماجىلىس ەستەلىكتەرىن توسىننان تولىقتاپ جازۋعا ۋاقىتشا ورنالاستىرعان. ليۋ بوۋىن وسى اۋىلدىقتىڭ پارتكوم شۋجيى، كەدەيلىكتەن ارىلتۋدان قامال الۋدىڭ ءبىرىنشى جاۋاپتىسى بولۋ سالاۋاتىمەن جوعارىداعى ماسەلە جونىندە تىكە جاۋاپكەرشىلىگى بار. ليۋ بوۋىنعا پارتيا ىشىندە ەسكەرتۋ بەرۋ جازاسى بەرىلدى.

  3. قاشقار ايماعى ياركەن اۋداندىق سۋ يگىلىگى مەكەمەسى سۋ ىستەرىن اكىمشىلىك باسقارۋ، باقىلاۋ - تەكسەرۋ ۇلكەن اترەتىنىڭ باستىعى، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا تاعارشى اۋىلى باق ءمالى قىستاعىندا تۇراتىن قىزمەت اترەتىنىڭ باستىعى ابدىرەشيت ابدۇللانىڭ بۇقارانىڭ مۇڭ - مۇقتاجىمەن ساناسپاۋ، حالىق ءۇشىن قىزمەت وتەۋ تانىمىنىڭ سولعىنداۋ ماسەلەسى. 2018 - جىلى 6 - ايدان بەرى، ياركەن اۋدانى تاعارشى اۋىلى باق ءمالى قىستاعى كورىكتى اۋىل - قىستاق قۇرىلىسىن ىلگەرىلەتۋ بارىسىندا بۇكىل قىستاقتاعى بارلىق شارۋا وتباسىنان ارحيۆ تۇرعىزىلىپ، كارتچكا بىتىرىلگەن كەدەي وتباسى ولشەمى بويىنشا اۋلانى وزگەرتۋدى تالاپ ەتكەن. ابدىرەشيت ابدۇللا قىزمەت مىندەتىن ورىنداۋ ءۇشىن، بۇقارانىڭ ءىس جۇزىندىك جاعدايىن ويلاسپاي، بۇقارانىڭ قيىنشىلىعىن كاپەرىنە الماي، تاستاي قاتىپ زورلىقپەن ىلگەرىلەتىپ، مىندەت ارتىپ، بۇقارانىڭ اۋىرتپالىعىن كۇشەيتكەن، اۋەلى، كەيبىر كەدەي ەمەس وتباسىلارى اۋلانى وزگەرتۋ سەبەبىنەن «كەدەيلەسكەن». ابدىرەشيت ابدۇللاعا پارتيا ىشىندە قاتاڭ ەسكەرتۋ بەرۋ جازاسى بەرىلدى.

  4. تۇرپان قالاسى گاۋچاڭ رايوندىق بازار باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى جاڭ شينگونىڭ، گاۋچاڭ رايونى قارعوجا اۋىلدىق ۇكىمەتىنىڭ ءبولىم دارەجەلى كادرى احمەت راحماننىڭ بۇقارانىڭ تىلەگىمەن ساناسپاي، كوزسىزدىكپەن شەشىم جاساۋ ماسەلەسى. 2016 - جىلى جاڭ شينگو، احمەت راحمان تۇرپان قالاسى گاۋچاڭ رايونى قارعوجا اۋىلدىق پارتكومنىڭ شۋجيى، اۋىل باستىعى مىندەتىن وتەگەن كەزدە بۇقارادان پىكىر الماۋ، ىجداعاتتىلىقپەن سارالاۋ جۇرگىزبەۋ جاعدايىندا ءىشىنارا بۇقارانىڭ ۇيلەرىن، تامىن شاعىپ، ورنىنا اۋىل - قىستاق جولىن سالىپ، ونى اياقسىز قالدىرعان، قازىرگە دەيىن بۇل جول تەگىس بولماي، بۇقارانىڭ ءجۇرىس - تۇرىسىنا وراسان زور قولايسىزدىق تۋدىرعان. جاڭ شينگوعا، احمەت راحمانعا جەكە - جەكە پارتيا ىشىندە ەسكەرتۋ بەرۋ جازاسى بەرىلدى.

  5. قۇمىل قالاسى اراتۇرىك اۋدانى اۋىل شارۋاشىلىعى مەكەمەسىنىڭ بۇرىنعى ورىنباسار مەكەمە باستىعى، ەگىن، مال شارۋاشىلىق ماشينالارىن باسقارۋ مەكەمەسىنىڭ بۇرىنعى باستىعى ءانۋار ءاليدىڭ ۇكىمەت ىسىندە سامارقاۋلىققا، بويكۇيەزدىككە سالىنۋ، بۇقارادان الشاقتاۋ ماسەلەسى. ءانۋار ءالي اتالعان مەكەمەنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتى بارىسىندا نەگىزگى ساتىنىڭ ءبىرىنشى شەبىنە بارىپ ارالاپ ۇعىسۋى جانە قىزمەت تەكسەرۋى كەمشىل بولعان، قىزمەت اترەتى تۇرعان اۋىل - قالاشىق كادرلارى، قىستاق كادرلارى ونىمەن كەزدەسكەندە، ءبىر - ءبىرىن تانىماعان، قىستاقتا تۇراتىن قىزمەت اترەتىنىڭ تاماقتانۋى قيىن بولۋ سياقتى ماسەلەلەردى ىرىقتىلىقپەن سايكەستى شەشپەگەن؛ يدەياسى كەرەناۋ، قىزمەتتە بويكۇيەز، «ەكىمەن جاپپاي قامتۋ» بويىنشا وتباسىلارىنا بارۋ، وتباسىلارىنا قونۋ، «ۇلتتار ىنتىماعىنىڭ بەرەكەلى شاڭىراعى» قيمىلى سياقتى ءتۇيىندى قىزمەتتەرگە ورنالاستىرۋ جاساماعان، قۋزاپ - جەتەكشىلىك ەتپەگەن، وتباسىلارىن ارالاۋدا، وتباسىلارىنا قونۋدا فورماشىلدىققا سالىنعان، بۇقارانىڭ اڭىسى كۇشتى بولعان. ءانۋار اليگە پارتيا ىشىندەگى مىندەتىنەن الۋ، اكىمشىلىك مىندەتىنەن قالدىرۋ جازاسى بەرىلدى، ورىنباسار ءبولىم دارەجەلى باسشى ەمەس مىندەتكە ءتۇسىرىلدى.

  6. حوتان ايماعى قاراقاش اۋداندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى دۇڭ گىيۇيدىڭ، قاراقاش اۋدانى سايباق اۋىلدىق پارتكومنىڭ شۋجيى شۇي حۇڭچاڭنىڭ جاۋاپكەرشىلىگى كۇشتى بولماۋ، بۇقاراعا تىڭعىلىقتى قىزمەت وتەمەۋ ماسەلەسى. 2018 - جىلى قاراقاش اۋدانى سايباق اۋىلى پۋكا قىستاعى جالپىلىق كەدەيلىكتەن ارىلىپ، كەدەيلىك تىزىمىنەن شىعارىلعان قىستاق قاتارىنا ەنگىزىلگەن. الايدا، وسى قىستاقتىڭ 20 وتباسىنداعى قىستاق تۇرعىندارىنىڭ حالىقتى اۋقاتتاندىرۋ بويىنشا سالىنعان بەيقۇت ۇيلەرى تاۋلى وڭىرگە ورنالاسىپ، ورنى شالعاي بولعاندىقتان ەلەكتر جەتكىزىلمەگەن، مۇندا 6 وتباسىنا ەلەكتر دە، سۋ دا جەتكىزىلمەي، ءىشىنارا كەدەي بۇقارانىڭ سۋ تۇتىنۋ، ەلەكتر ىستەتۋ سياقتى تۇرمىستىق قيىنشىلىقتارى دەر كەزىندە شەشىلمەگەن؛ مۇنان تىس، ارحيۆ تۇرعىزىلىپ، كارتچكا بەرىلگەن 8 كەدەي وتباسى 2014 - جىلدان قازىرگە دەيىن ەشقانداي كەدەيلەردى سۇيەمەلدەۋ نىسانىنان يگىلىكتەنبەگەن. وسى اۋىلدى كوتەرمەگە العان دۇڭ گىيۇيگە پارتيا ىشىندە ەسكەرتۋ بەرۋ جازاسى بەرىلدى، شۇي حۇڭچاڭعا پارتيا ىشىندە قاتاڭ ەسكەرتۋ بەرۋ جازاسى بەرىلدى.

  7. التاي ايماعى جەمەنەي اۋدانى لاستى قالاشىعى كەدەيلەردى سۇيەمەلدەۋ - وركەندەتۋگە باسشىلىق ەتۋ كەڭسەسىنىڭ مەڭگەرۋشىسى جاڭ حۇڭلۇڭنىڭ، كەدەيلەردى سۇيەمەلدەۋ - وركەندەتۋگە باسشىلىق ەتۋ كەڭسەسى وتباسىلارىنا جەتكىزۋ نىساندارىنىڭ ارحيۆشىسى قادىربەك حاكىمقان ۇلىنىڭ قىزمەت جاۋاپكەرشىلىگى كۇشتى بولماۋ، وتكەلدى قاتاڭ مەڭگەرمەۋ ماسەلەسى. لاستى قالاشىعىنىڭ حالىقتى اۋقاتتاندىرۋ بويىنشا سالىنعان بەيقۇت ۇيلەردى، مالشىلاردى وتىرىقتاندىرىپ، مال شارۋاشىلىعىن كوركەيتۋ بويىنشا سالىنعان ۇيلەردى تەكسەرىپ بەكىتۋدە وتكەلدى قاتاڭ مەڭگەرمەگەندىكتەن، 18 قىستاق تۇرعىنىنىڭ حالىقتى اۋقاتتاندىرۋ بويىنشا سالىنعان بەيقۇت ۇيلەردەن، مالشىلاردى وتىرىقتاندىرىپ، مال شارۋاشىلىعىن كوركەيتۋ بويىنشا سالىنعان تۇرعىن ۇيلەردەن يگىلىكتەنگەننەن كەيىن، ساتىپ پايدا تۇسىرۋىنە مۇمكىندىك تۋدىرعان؛ ارحيۆ تۇرعىزىپ، كارتچكا بەرىلەتىن كەدەي وتباسى قاتارىنا كىرگىزىلمەگەن ءىشىنارا قىستاق تۇرعىندارى كەدەيلەردى سۇيەمەلدەۋ كومەك قاراجاتى ساياساتىنان بەلگىلەمەگە قايشىلىق جاساپ يگىلىكتەنگەن. جاڭ حۇڭلۇڭعا، قادىربەك حاكىمقان ۇلىنا جەكە - جەكە پارتيا ىشىندە ەسكەرتۋ بەرۋ جازاسى بەرىلدى.

  8. ىلە قازاق اۆتونوميالى وبلىسى قۇلجا اۋدانى اراوستەڭ قالاشىق پارتكومنىڭ شۋجيى ياڭ حۇڭچۋاننىڭ قىزمەتىن اتقارماۋ، كەدەيلەردى سۇيەمەلدەۋ نىسانىن اتقارۋدا سانعا ءمان بەرىپ، ونىمىنە ءسال قاراۋ ماسەلەسى. اۆتونوميالى رايوندىق پارتكومنىڭ قىزمەت تالابىن دايەكتىلەندىرۋدى، تياناقتاندىرۋدى مۇلتىكسىز اتقارماعان، اتالعان قالاشىقتىڭ «ۇلتتار ىنتىماعىنىڭ بەرەكەلى شاڭىراعى» قيمىلىنىڭ جاي - جاپسارىنا قانىق بولماۋ، جاعدايىن بىلمەۋ سەبەبىنەن ءىشىنارا قىستاقتاردا «ۇلتتار ىنتىماعىنىڭ بەرەكەلى شاڭىراعى» قيمىلى بويىنشا جۇپ قۇراپ، تۋىس بولۋ وبيەكتىلەرى ءجيى - ءجيى رەتتەلىپ، جۇپ قۇراپ، تۋىس بولعان ەكى جاق ءبىر - ءبىرىن تانىماعان، قيمىل فورماشىلدىققا سالىنعان؛ كەدەيلەردى سۇيەمەلدەۋ نىسانىن اتقارۋدا سىڭار جاقتىلىقپەن سانعا تالپىنىپ، ءىس جۇزىندىك ونىمىنە ءمان بەرمەگەن، 2017 - جىلدان بەرى اتالعان قالاشىق ۇيىمداستىرعان 4 كەزەكتى تەحنيكالىق تاربيەلەۋگە قاتىناسقان 189ادامنىڭ از ساندى كۋرسانتتارى جۇمىستانىپ، تاربيەلەۋدە ناقتى ونىمگە قول جەتكىزبەگەن. ياڭ حۇڭچۋانعا پارتيا ىشىندە ەسكەرتۋ بەرۋ جازاسى بەرىلدى.

  9. بايىنعولين موڭعۇل اۆتونوميالى وبلىستىق قوعام حاۋىپسىزدىگى مەكەمەسىنىڭ ورىنباسار تەكسەرىپ - زەرتتەۋشىسى، «ۇعىسۋ، تيىمدىلىك جاساۋ، توعىسۋ» قيمىلى بويىنشا كورلا قالاسى قارايولعۇن اۋىلى تومەنگى دوعا قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجيى ءانۋار روزىنىڭ ستيلى تۇرلاۋسىز بولۋ، ناقتى ىستەۋگە تالپىنباۋ ماسەلەسى. ءماجىلىس اشۋ ءۇشىن ءماجىلىس اشىپ، ناقتى جاعدايدى زەرتتەمەي، ناقتى ماسەلەلەردى شەشپەي، قىزمەتتە ۇشقالاقتىق ىستەپ، فورماشىلدىققا سالىنىپ، ءۇرتىس بىرنەشە كۇنگى جيىن ەستەلىگىن ءبىر ءارىبىن دە قالدىرماي تۇگەل قايتالاعان؛ قىستاق تۇرعىندارىن «ۇشقارىلىقتى الاستاۋ» بويىنشا ۋادەناماعا قول قويۋعا ۇيىمداستىرۋدا ۇيعۇرشا نۇسقاسى بولماعان ءارى اۋدارماعان، بۇقارا ۋادەنامانىڭ مازمۇنىن بىلمەگەندىكتەن، ۇگىت قىزمەتىنىڭ ءتۇرى وزگەرگەن. ءانۋار روزىعا پارتيا ىشىندە ەسكەرتۋ بەرۋ جازاسى بەرىلدى.

  جوعارىداعى تيپتىك دەلولاردى تەكسەرىپ ءبىر جاقتى ەتۋ اۆتونوميالى رايوندىق پارتكومنىڭ، اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ «ەكىنى قورعاۋدى» امالياتتا ىشكەرىلەي اتقارىپ، باس شۋجي شي جينپيڭنىڭ ماڭىزدى بەكىتۋىنىڭ، نۇسقاۋىنىڭ رۋحىن باتىل دايەكتىلەندىرۋدەگى، تياناقتاندىرۋداعى ساياسي سانالىلىعى مەن جاۋاپكەرشىلىگىن ايگىلەدى؛ پارتيانى جاپپاي قاتاڭ جونگە سالۋ، ستيلدى دۇرىستاپ، ءتارتىپتى قاتايتۋدى بۇلجىماي اتقارۋ، فورماشىلدىققا، تورەشىلدىككە جاپپاي سايىس جاريالاۋ، كادرلاردىڭ ستيلىندەگى ايىقپاس دەرتتى رەتتەۋ - تۇزەتۋ قامال الۋ شايقاسىن جەڭىستى جۇرگىزۋدەگى مىعىم سەنىمى مەن بەرىك بەكىمىن ايگىلەدى.

  بۇكىل رايونىمىزداعى ءار دارەجەلى پارتيا ۇيىمدارى ساياسي تۇرعى مەن ساياسي سانانى جوعارىلاتىپ، پارتيانى باسقارۋداعى، پارتيانى جونگە سالۋداعى ساياسي جاۋاپكەرشىلىكتى شىنايى اتقارىپ، «ءتورت تانىمدى» مىقتاپ ورناتىپ، «ەكىنى قورعاۋدى» امالياتتا اتقارىپ، نازاردى ورتالىق ءتارتىپ تەكسەرۋ كوميتەتىنىڭ «باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، فورماشىلدىقتى، تورەشىلدىكتى شوعىرلى رەتتەۋ - تۇزەتۋ جونىندەگى قىزمەت پىكىرىندە» ايقىن كورسەتىلگەن 4 جاقتاعى 12 ءتۇرلى كورنەكتى ماسەلەگە شوعىرلاندىرىپ، ءوز جەرىندەگى، ءوز ورنىنداعى فورماشىلدىق، تورەشىلدىك ماسەلەسىن جاپپاي تەكسەرىپ، ماسەلە ءتىزىمىن، مىندەت ءتىزىمىن جانە رەتتەۋ - تۇزەتۋ ءتىزىمىن ءتىزىپ، «شەگە قاعۋ» رۋحىمەن ماسەلەنى رەتتەۋ - تۇزەتۋدى مىقتاپ يگەرىپ، ستيل قۇرىلىسىن ءبىر ءسات تە كىدىرتپەي ىشكەرىلەي دامىتۋى كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى باقىلاۋ، ءتارتىپ اتقارۋ، جاۋاپقا تارتۋ قىزمەت مىندەتىن مۇقيات اتقارىپ، فورماشىلدىقتى، تورەشىلدىكتى شوعىرلى رەتتەۋ - تۇزەتۋدى بۇقارالىق قىزمەتتى قۋزاۋ - جەتەكشىلىك ەتۋدىڭ، ارالاۋ - شارلاپ تەكسەرۋدىڭ، ءتارتىپتىڭ اتقارىلۋىن تەكسەرۋدىڭ جانە كۇندەلىكتى باقىلاۋدىڭ ماڭىزدى مازمۇنى ەتىپ، فورماشىلدىق، تورەشىلدىك ماسەلەلەرىندە تەكسەرىپ ءبىر جاقتى ەتۋدى قاتايتىپ، ءتارتىپتىڭ اتقارىلۋىن قاتايتىپ، جاۋاپقا تارتۋدى قاتايتىپ، اتى - ءجونىن اتاپ اشىق جاريالاپ، فورماشىلدىقتى، تورەشىلدىكتى رەتتەۋ - تۇزەتۋدىڭ تەگەۋرىندى كۇيىن قالىپتاستىرىپ، كادرلار ستيلىنىڭ تۇبىرىنەن جاقسارۋىن ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنىڭ تەرەڭ تامىر تارتۋىن ىلگەرىلەتۋدى پارمەندى ءتارتىپ كەپىلىمەن قامداۋى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى