باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرىپ، نازاردى باس نىساناعا شوعىرلاندىرىپ، وزەكتى رايون قۇرىلىسىن جەدەلدەتىپ، ەسىك اشۋدى جاپپاي كەڭەيتەيىك
ءماجىلىستى چىن چۋانگو باسقاردى
ءتىلشىمىز ياۋ تۇڭ 11 - ايدىڭ 20 - كۇنى ۇرىمجىدەن حابارلايدى. 11 - ايدىڭ 20 - كۇنى تۇستەن بۇرىن، اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلار باس قوسۋىنداعى ارقاۋ ءسوزىنىڭ جانە ازيا - تىنىق مۇحيت ەكونوميكالىق سەلبەستىك ۇيىمىنىڭ 26 - رەتكى باسشىلار بەيرەسمي كەڭەسىندەگى ماڭىزدى ءسوزىنىڭ رۋحىن جەتكىزدى، ۇيرەندى، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. ءماجىلىستى اۆتونوميالى رايوندىق پارتكومنىڭ شۋجيى چىن چۋانگو باسقاردى.
ءماجىلىس مىنانى اتاپ كورسەتتى: باس شۋجي شي جينپيڭنىڭ ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلار باس قوسۋىنداعى ارقاۋ ءسوزى جانە ازيا - تىنىق مۇحيت ەكونوميكالىق سەلبەستىك ۇيىمىنىڭ 26 - رەتكى باسشىلار بەيرەسمي كەڭەسىندەگى ماڭىزدى ءسوزى ادامزاتتىڭ بولاشاعىن، تاعدىرىن كوزدەي وتىرىپ، دۇنيە ءجۇزى دامۋىنىڭ جالپى اۋقىمىنا كوز جىبەرىپ، دۇنيە ءجۇزى ەكونوميكاسىنىڭ دامۋىنىڭ دۇرىس باعدارىن يگەرۋ جونىندەگى دارىپتەمەنى تەرەڭدەي بايىمداپ، ەكونوميكانىڭ جاھاندانۋىنىڭ اقاۋسىز دامۋىن ىلگەرىلەتۋ، عالامدىق جونگە سالۋ جۇيەسىنىڭ وزگەرىسىن ىلگەرىلەتۋ ءۇشىن جۇڭگو جوباسىن ۇسىنىپ، ماجىلىسكە قاتىناسقان سيلى قوناقتاردىڭ قىزۋ القاۋىنا يە بولدى، حالىقارالىق قوعامنىڭ كەڭ كولەمدى نازارىن اۋداردى.
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، رەفورما جاساپ، ەسىك اشۋ ۇلى تۋىن بيىك ۇستاپ، بۇكىل رايونىمىزدىڭ ەل ىشىنە، سىرتقا ەسىك اشۋىنىڭ ۇزدىكسىز تىڭ ساتىعا قادام تاستاۋىن ىلگەرىلەتۋ كەرەك.
بىرىنشىدەن، ساياسي دەڭگەيدى شىن مانىندە جوعارىلاتۋ كەرەك. باس شۋجي شي جينپيڭنىڭ ارقاۋ ءسوزىنىڭ جانە ماڭىزدى ءسوزىنىڭ كەلەلى ماڭىزىن جەتە ءتۇسىنىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، رەفورما جاساپ، ەسىك اشۋ سىندى دۇرىس جولمەن، مەملەكەتتى قۇدىرەتتەندىرۋ جولىمەن، حالىقتى بايىتۋ جولىمەن جۇرۋگە تاباندى بولۋ كەرەك.
ەكىنشىدەن، جاڭا دامۋ ۇستانىمىن دايەكتىلەندىرۋ كەرەك. جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى دامۋ ۇستانىمىن دايەكتىلەندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ءۇش ءىرى شايقاستى باتىلدىقپەن ويداعىداي جۇرگىزىپ، ەكونوميكالىق قۇرىلىمدىق رەتتەۋدى جانە جاڭا - كونە قوزعالىس قۋاتىن اۋىستىرۋدى جەدەلدەتىپ، ەكونوميكانىڭ، قوعامنىڭ، قورشاعان ورتانىڭ سايكەستى دامۋىن جەبەپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ كەرەك.
ۇشىنشىدەن، حالىقتىڭ قۇت - ىرىسىن شىن مانىندە كۇشەيتۋ كەرەك. حالىقتى وزەك ەتكەن دامۋ ۇستانىمىنا تاباندى بولىپ، حالىق تۇرمىسىن قامتاماسىز ەتۋ جانە جاقسارتۋ سەرپىنىن ۇزدىكسىز كۇشەيتىپ، حالىققا تيىمدىلىك اكەلەتىن 9 ءىرى ينجەنەريانى تىڭعىلىقتى ىلگەرىلەتىپ، ءار ۇلت جۇرتشىلىعىن رەفورما جاساپ، ەسىك اشۋدىڭ جەتىستىكتەرىنەن تەڭ يگىلىكتەندىرىپ، ءار ۇلت جۇرتشىلىعىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
تورتىنشىدەن، ەسىك اشۋدى بۇلجىماستان كەڭەيتۋ كەرەك. بىرگە اقىلداسۋدان، بىرگە قۇرۋدان، بىرگە يگىلىكتەنۋدەن جازباي، «ءبىر بەلدەۋ، ءبىر جول» قۇرىلىسىنا جاپپاي توعىستىرىپ، شينجياڭنىڭ باتىسقا ەسىك اشۋداعى وڭىرلىك باسىمدىعىن ساۋلەلەندىرىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەلدەتىپ، بازارعا كىرۋگە رۇقسات ەتۋدى ۇزدىكسىز كەڭەيتىپ، تاماشا ساۋدا ورتاسىن قالىپتاستىرىپ، سىرتقا ەسىك اشۋدىڭ جاڭا بيىگىنە جەتىپ، بەيبىت، گۇلدەنگەن، اشىق، جاڭاشىل، وركەنيەتتى جول اشۋ ءۇشىن اناعۇرلىم زور ۇلەس قوسۋ كەرەك.
بەسىنشىدەن، جاڭالىق اشۋ ارقىلى دامۋعا دەم بەرۋگە تاباندى بولۋ كەرەك. جاڭالىق اشۋ ارقىلى دامۋعا دەم بەرۋ ستراتەگياسىن زور كۇشپەن اتقارىپ، جىبەك جولى ەكونوميكالىق بەلدەۋىندەگى جاڭالىق اشۋ ارقىلى دامۋعا دەم بەرۋدەگى سىناق رايون قۇرىلىسىن جەدەل ىلگەرىلەتىپ، حالىقارالىق جاڭالىق اشۋدى، اۋىس - ءتۇيىستى، سەلبەستىكتى ۇزدىكسىز تەرەڭدەتىپ، جاڭالىق اشۋ كومەسكى كۇشى مەن بازار ومىرشەڭدىگىن اناعۇرلىم قاۋلاتىپ، جاڭا ەكونوميكالىق ارتۋ تۇيىندەرىن جەتىلدىرۋ كەرەك.
التىنشىدان، حاۋىپسىز، ورنىقتى ورتا قالىپتاستىرۋ كەرەك. نازاردى قوعام ورنىقتىلىعى مەن باياندى تىنىشتىق باس نىساناسىنا بۇلجىماستان شوعىرلاندىرىپ، ورنىقتىلىقتى قورعاۋداعى ءتۇرلى شارالاردى تاباندىلىقپەن تياناقتاندىرىپ، ورنىقتىلىقتىڭ پايداسىن ءۇرتىس كوبەيتىپ، رەفورما جاساپ، ەسىك اشۋ ءۇشىن تاماشا ورتا ازىرلەۋ كەرەك.
ءماجىلىس باسقا ىستەردى دە اقىلداستى.
شوكىرات زاكىر، نۇرلان ءابىلماجىن ۇلى، سۇن جينلۇڭ، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، تيان ۋىن، جي جىڭ، سارقىت اقان ۇلى، ياڭ شين، جاڭ چۇنلين، پىڭ جيارۇي ماجىلىسكە قاتىناستى.
