ءتىلشىمىز ياۋ تۇڭ 11 - ايدىڭ 22 - كۇنى ۇرىمجىدەن حابارلايدى. 11 - ايدىڭ 22 - كۇنى تۇستەن كەيىن، اۆتونوميالى رايوندىق پارتكومنىڭ شۋجيى چىن چۋانگو ۇرىمجىدە قازاقستان شىعىس قازاقستان وبلىسىنىڭ اكىمى احىمەتوۆپەن جانە ونىڭ ساپارلاستارىمەن كەزدەستى.
چىن چۋانگو اۆتونوميالى رايوندىق پارتكوم جانە ۇكىمەت اتىنان احىمەتوۆتى قارسى الاتىندىعىن ءبىلدىردى. چىن چۋانگو بىلاي دەدى: جۇڭگو مەن قازاقستاننىڭ ءداستۇرلى دوستىعى ۇزاقتان جالعاسىپ كەلەدى، اسىرەسە، ەكى ەل جالپى بەتتىك ستراتەگيالىق سەرىكتەستىك قارىم - قاتىناس ورناتقاننان بەرى، تاراپتاردىڭ جوعارى دارەجەلىلەر بارىس - كەلىسى جيىلەپ، ساياسي ءوزارا سەنىمدىلىگى ۇزدىكسىز نىعايدى، ناقتى سەلبەستىگى جاپپاي ىلگەرىلەپ، ەكى ەل قاتىناسى كورشى ەلدەر دوستىعىنىڭ ۇلگىسىنە اينالدى. سوڭعى جىلدارى، ءتوراعا شي جينپيڭ نازاربايەۆ زۇڭتۇڭمەن كوپ مارتە تابىستى كەزدەسىپ، ماڭىزدى ورتاق تانىمعا كەلىپ، ەكى ەل قاتىناسىنىڭ دامۋىن جوبالاپ جانە ورنالاستىرىپ، العا باسۋ بەتالىسىن ايقىن مەڭزەپ، جۇڭگو - قازاقستان قارىم - قاتىناسىنىڭ تاريحتاعى ەڭ جاقسى مەزگىلگە ءوتۋىن ىلگەرىلەتتى. جۇڭگونىڭ شينجياڭى مەن قازاقستاننىڭ شىعىس قازاقستان وبلىسىنىڭ دوستىق اۋىس - ءتۇيىسى، سەلبەستىگى ەكى ەل قارىم - قاتىناسىنىڭ ماڭىزدى قۇرامداس بولىگى. جۇڭگونىڭ شينجياڭى قازاقستاننىڭ شىعىس قازاقستان وبلىسىمەن بىرگە ەكى ەلدىڭ مەملەكەت باسشىلارىنىڭ بىرلىككە كەلگەن ورتاق تانىمدى ىشكەرىلەي دايەكتىلەندىرىپ، «شاڭحاي رۋحىن» قولداپ، جىبەك جولى ەكونوميكالىق بەلدەۋى قۇرىلىسى مەن «نۇرلى جول» جاڭا ەكونوميكالىق ساياساتىن ۇشتاستىرۋ سەلبەستىك جوباسىن جاقسى تياناقتاندىرىپ، تاراپتاردىڭ ءارقايسى سالالارداعى سەلبەستىگىنىڭ ۇزدىكسىز العا دامۋىن بەلسەنە ىلگەرىلەتىپ، ناقتى جەتىستىكتەر ارقىلى ەكى وڭىردەگى حالىققا باقىت جاراتىپ، ەكى ەلدىڭ جالپى بەتتىك ستراتەگيالىق سەرىكتەستىك قاتىناسىنىڭ اناعۇرلىم جوعارى ورەدە اقاۋسىز، ورنىقتى دامۋىنا ءتيىستى ۇلەس قوسۋ كەرەك.
احىمەتوۆ قازاقستان - جۇڭگو قاتىناسىن جوعارى باعالاپ، «ءبىر بەلدەۋ، ءبىر جول» باستاماسىن جانە ونىڭ مول جەتىستىكتەرىن ايرىقشا القادى ءارى جۇڭگونىڭ شينجياڭىنىڭ ەكونوميكالىق، قوعامدىق دامۋدا قول جەتكىزگەن تابىستارىن قۇتتىقتادى. ول بىلاي دەدى: قازاقستان - جۇڭگو ەلدەرىنىڭ دوستىق قاتىناسىنىڭ تاريحى ۇزاق، جۇڭگو قازاقستانعا دوس كورشى ەل جانە ماڭىزدى سەلبەستىك سەرىگى. ەكى ەلدىڭ ءار سالاداعى سەلبەستىگىنىڭ تابىسى مول، ەكونوميكا - ساۋدا سەلبەستىگى ۇزدىكسىز تىڭ ساتىعا كوتەرىلۋدە، ءوزارا تيىمدىلىك جەتكىزىپ، تەڭ يگىلىككە كەنەلۋدىڭ ۇلگىسى. قازاقستاننىڭ شىعىس قازاقستان وبلىسى مەن جۇڭگونىڭ شينجياڭىنىڭ تاماشا سەلبەستىك نەگىزى بار، شىعىس قازاقستان وبلىسى جىبەك جولى ەكونوميكالىق بەلدەۋى قۇرىلىسىنا ۇزدىكسىز بەلسەنە ات سالىسادى، تاراپتاردىڭ گۋمانيتارلىق، ەكونوميكا - ساۋدا، عىلىم - تەحنيكا، اۋىل شارۋاشىلىعى، ەنەرگيا، قاتىناس، ەمدەۋ سياقتى سالالارداعى ناقتى سەلبەستىكتى اناعۇرلىم كەڭەيتىپ، ءوزارا بايلانىستىرۋدى، ءوزارا تۇتاستىرۋدى ىلگەرىلەتىپ، ءوزارا تيىمدىلىك جەتكىزىپ، تەڭ يگىلىككە كەنەلۋىن ءۇمىت ەتەمىن.
قازاقستاننىڭ شىعىس قازاقستان وبلىسىنىڭ ورىنباسار اكىمدەرى ءنۇسىپوۆا اسەم، سىماتىلاوۆ الماسقان، بايبەكوۆ شالقار، اۆتونوميالى رايوننىڭ باسشىلارى جۋ حايلۇن، سارقىت اقان ۇلى، جاڭ چۇنلين كەزدەسۋگە قاتىناستى.
