تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

كولەمى كەڭەيىپ، بازارى ۇلعايىپ، ايگىلى ماركا دەڭگەيىنە كوتەرىلدى

شينجياڭ نانىنىڭ حوش ءيىسى شار تاراپقا تارادى

ءتىلشىمىز شى شين

  شينجياڭ نانىنىڭ «قىزۋى» ءالى باسىلعان جوق.

  تۇڭعىش كەشەندى نان دۇكەنى ءۇرىمجى شينحياڭ حالىقارالىق ۇلكەن بازاردىڭ جاياۋلار كوشەسىندە بوي كورسەتكەننەن كەيىن، ءۇرىمجى نان شارۋاشىلىعىن دامىتۋ قوعامى قۇرىلدى، «شينجياڭنىڭ ءدامدى نانى» دۇڭگۋان ۇلگى كورسەتۋ دۇكەنى اشىلدى، شينجياڭنىڭ نان شارۋاشىلىعىن سۇيەمەلدەۋ نىسانى انحۇيدىڭ ۋحۋ قالاسىنا ىرگە تەپتى دەگەن سياقتى حابارلار گازەتتە جارىق كوردى، سوڭعى كۇندەرى ءۇرىمجى قالاسىنىڭ نان مادەنيەتى كاسىپ باقشاسىنىڭ 2 - مەرزىمدىك جوبالاۋىنا اشىق مەردىگەر شاقىرۋ تۋرالى حابار جەتتى.

  نان − شينجياڭدىقتاردىڭ نەگىزگى ازىعىنىڭ باستى قۇرامداس بولىگى بولىپ قالماستان، شينجياڭنىڭ ءداستۇرلى ازىق - تۇلىك مادەنيەتىنىڭ ماڭىزدى كورىنىسى. وراسان زور بازاردان كوز الماي، شينجياڭ ەرەكشەلىككە تابان تىرەپ، ورايدى مىقتاپ يگەرىپ، نان شارۋاشىلىعىنىڭ ۇزدىكسىز جاڭارۋىن جاڭا دامۋ ۇستانىمى ارقىلى ىلگەرىلەتتى.

  جەكە ىستەۋدەن شوعىرلانۋعا قاراي دامىدى

  11 - ايدىڭ 20 - كۇنى، كۇشاردىڭ ۇلكەن نان سارايى.

  «ءومىر بويى نان جاپقاندا، نان وسىنشا قارسى الىنادى دەپ ەشقاشان ويلاماعان ەدىم، ول - ول ما، وسىنشاما كوپ نان دۇكەنىنىڭ ءبىر جەرگە جينالىپ، نان سارايى بولىپ قالىپتاساتىنى ءۇش ۇيىقتاسام تۇسىمە كىرمەگەن»، - دەدى راشيت يميت. ول سويلەي ءجۇرىپ نان يلەپ، قامىر جازىپ، دامدەندىرگىشتەر قوسىپ، ورنەك سالىپ، اقىرىندا ناندى توناردىڭ قابىرعاسىنا «تارس» ەتكىزىپ جاپسىرا سالدى.

  وسى جۇمىس ءتارتىبىن ول قانشاما جىلدان بەرى قايتالاپ كەلەدى.

  بيىل 58 جاستاعى راشيت اۋلەتتەگى 5 - ۇرپاق ناۋباي، اۆتونوميالى رايوندىق بەيزاتتىق مادەنيەت مۇرالارى تىزىمدىگىنە ەنگەن نىسان − «ۇيعۇر ۇلتىنىڭ كۇشار ۇلكەن نانىن جاساۋ ونەرىنىڭ» وكىلدىك مۇراگەرى، سونداي - اق كۇشار ۇلكەن نان سارايىنىڭ تەحنيكالىق كەڭەسشىسى.

  2014 - جىلى شاڭىراق كوتەرگەن نان سارايى نان جابۋ رايونى، باستان كەشۋ رايونى، ەرەكشە تاعامدار رايونى، قولونەر بۇيىمدار كورمە - ساتىلىم رايونى، نان مادەنيەتى كورمە رايونىنان قۇرالادى، جالپى 72 دۇكەن بار. بارلىق نان «كۇشار ۇلكەن نانى» ايگىلى ماركاسىمەن اتالىپ، ءبىر تۇتاس قوراپتالىپ، ۇگىتتەلىپ، ساتىلادى.

  كۇشار ۇلكەن نان سارايىن ۋاكىل ەتە وتىرىپ، جىل باسىنان بەرى شينجياڭ نانى شارۋاشىلىقتىڭ شوعىرلانۋى مەن كولەمدەنىپ دامۋدىڭ جاڭا ساتىسىنا قادام تاستادى.

  كەلپىن اۋدانى يۇيرچي اۋىلى توما ارىق قىستاعى ناۋبايشىلار كووپەراتيۆىن قۇردى، لوپنۇر اۋدانى نان قوعامىن قۇردى، تۇرپان قالاسى ەرەكشە اس - سۋ مەن نان شارۋاشىلىعىن دامىتۋعا باسشىلىق ەتۋ گرۋپپاسىن قۇردى، ءۇرىمجى قالاسىنىڭ نان مادەنيەتى كاسىپ باقشاسىنا قازىرگە دەيىن 9 كاسىپورىن ىرگە تەپتى ...

  شارۋاشىلىقتىڭ شوعىرلانۋى جۇمىس ورنىن ازىرلەپ، كەدەي وتباسىلارىنىڭ كىرىسىنىڭ ارتۋىنا قوزعاۋشىلىق ەتۋمەن بىرگە، ماڭايداعى شەبەرحانالار مەن جەكە كاسىپكەرلەردىڭ ءبىر تۇتاس وندىرىسكە ات سالىسۋىنا مۇمكىندىك تۋدىرىپ، شوعىرلانۋ اسەرىن كورنەكتىلەندىرەدى. اۆتونوميالى رايوننىڭ قاتىستى تاراۋلارىنىڭ ساناعىنا نەگىزدەلگەندە، قازىر شينجياڭداعى تونار سانى 10 مىڭنان اسىپ، كۇنىنە 550 توننا، ياعني 2 ميلليون 750 مىڭ نان جابىلادى ەكەن.

  ونىمنەن ايگىلى ماركا دەڭگەيىنە كوتەرىلدى

  وراسان زور تۇتىنۋ بازارى وراسان زور دامۋ كەڭىستىگىنەن دەرەك بەرەدى. ءداستۇرلى شينجياڭ نانى ساپانى كوتەرۋدىڭ دامۋ ورايىنا يە بولدى.

  بيىل 5 - ايدا ءۇرىمجى حالىقارالىق اۋەجايىنىڭ ۇشاق كۇتۋ زالىندا «تيانيۋان ناندارى» جەلىلەس ونىمدەرى پايدا بولىپ، ونى كوپتەگەن ساياحاتشى «شينجياڭ سالەمدەمەسى» رەتىندە ۇيلەرىنە الىپ قايتتى. وسى سەرىكتەستىكتىڭ ساتۋ ءبولىمىنىڭ ديرەكتورى دۇڭ زىكۇي تىلشىگە قازىر «تيانيۋان ناندارىنىڭ» ۇشاق كۇتۋ زالىندا 5 ساتۋ ورنى بار ەكەنىن، ءار كۇنگى ساتىلىم سوماسى 40 مىڭ يۋان مولشەرىندە ەكەنىن ايتتى. «ءبىزدىڭ نانىمىز تۇگەلدەي ولشەمدى ورتالىق اسحانادا پىسىرىلەدى، قامىرى قولمەن يلەنىپ، ەلەكترلەنگەن توناردا جابىلادى، ءبىز ناننىڭ 5 ءتۇرىن شىعارامىز، ونىمدەرىمىز سالەم - ساۋقىت ۇلگىسىندە ءبىر تۇتاس قوراپتالادى، شينجياڭنىڭ سوقماق، جەمىس قاعى سياقتى ەرەكشە ونىمدەرىمەن قوسا ساتىلادى»، - دەدى دۇڭ زىكۇي.

  سونىمەن بىرگە، شينجياڭ نانىنىڭ ءتۇرى دە ۇزبەي جاڭالانىپ، 300دەن استى.

  ۋاقىت ىلگەرى وزعانمەن، نان ءالى دە باياعى نان، ءبىراق بۇرىنعىعا ۇقسامايتىنى تاعى انىق. «ابىلاجان نانى»، «سۇلەيمەن ەلرازى نانى»، «نان شاحى»، «جياڭشياۋناڭ»... شينجياڭ نانى ءونىم داۋىرىنەن ايگىلى ماركا داۋىرىنە قادام باستى.

  شارۋاشىلىقتىڭ كولەمدەنىپ، دارەجەنىڭ كوتەرىلىپ، دەڭگەيدىڭ ورلەۋى جوعارى دەڭگەيلى جوبادان ايرىلا المايدى. ءۇرىمجى قالاسىن مىسالعا الساق، قورشاعان ورتاعا زالالسىز تونار سالۋعا ارناۋلى قاراجات بولىنۋمەن بىرگە، شينجياڭنىڭ ەرەكشە تاعامدارىنىڭ ولشەمىن دە جاريالادى، ونىڭ ىشىندە نان دايىنداۋدىڭ ەرەجەلەرى دە قامتىلعان.

  بيىل اۆتونوميالى رايوننىڭ قاتىستى تاراۋلارى نان شارۋاشىلىعىن كاسىپ سالالاندىرىپ دامىتۋ جانە نان ۇنىنىڭ ولشەمدى، ارنايى ءوندىرىسىن ىلگەرىلەتۋ ءماجىلىسىن اشىپ، شينجياڭنىڭ نان شارۋاشىلىعىنىڭ دامۋىنا بەرىك نەگىز قالادى.

  شينجياڭنىڭ ىشىنەن شينجياڭنىڭ سىرتىنا قۇلاش سەرمەدى

  مەن شينجياڭدا بولعانىممەن، بۇكىل دۇنيە جۇزىندەگى ادامدارعا ءدام تاتىرۋدى ويلايمىن − بۇل «جياڭشياۋناڭنىڭ» ارمانى.

  ءۇنحات دۇكەنىن بيىل 4 - ايدا عانا تىركەۋگە الدىرعانمەن، ءبىراق شينجياڭ جياڭشياۋناڭ ازىق - تۇلىك سەرىكتەستىگىنىڭ نان ونىمدەرىن جەلىدە ساتۋى دۇرىس ارناعا ءتۇسىپ ۇلگەردى، ءار كۇنى ءتۇرلى نان ونىمدەرىنە تۇسەتىن تاپسىرىس 300دەن اسادى. كۇشار ۇلكەن نان سارايى جەلىدە جانە جەلىدەن تىس ءار كۇنى 10 مىڭ نان ساتا الادى.

  ءتۇرىن مولايتىپ، ساپاسىن كوتەرىپ، ايگىلى ماركا جاراتتى، وسى زامانعى ساتىلىم ۇلگىسىنىڭ كومەگىمەن شينجياڭ نانى كادىمگى وڭىرلىك ازىق - تۇلىك ەمەس، شينجياڭنىڭ «تاعامدىق تانىسقىسىنا» اينالىپ، ۇزدىكسىز تۇردە ىشكى جەرلەرگە، شەتەلدەرگە جول تارتتى.

  10 - ايدىڭ 12 - كۇنى «شينجياڭنىڭ ءدامدى نانى» دۇڭگۋان ۇلگى كورسەتۋ دۇكەنى رەسمي اشىلىپ، جۇمىس جۇرگىزە باستادى. بۇل شينجياڭنىڭ گۋاڭدۇڭمەن قول ۇستاسىپ، نان شارۋاشىلىعىنىڭ دامۋىن جەبەۋ ءۇشىن، ىشكى جەردە قۇرعان تۇڭعىش شينجياڭ نانى تىزبەكتى ۇلگى كورسەتۋ دۇكەنى. سونان كەيىن، شينجياڭ ايشين نانى حۋانچيۋ دۇكەنى انحۇي ولكەسىنىڭ حۋاينان قالاسىنا ىرگە تەپتى؛ ۋحۋ قالاسىندا «شينجياڭ نانى حوتان ەرەكشە دۇكەنى» اشىلدى...

  10 - ايدان بەرى، كەدەيلەردى سۇيەمەلدەۋ ماقساتىنداعى 7 نان دۇكەنى انحۇي ولكەسىندە ىركەس - تىركەس اشىلدى، ناۋبايلار تۇگەلدەي حوتان ايماعىنداعى كەدەي وتباسىلارىنان ىرىكتەلگەن ۇزاق جىلدىق نان جابۋ تاجىريبەسى بار ونەرلى جاندار، نان جاباتىن ۇن سياقتى ءتۇرلى ماتەريالدار دا تەگىس شينجياڭنان اپارىلادى.

  «قازىرگى جاعدايدان قاراعاندا، شينجياڭنىڭ نان شارۋاشىلىعى بەلگىلى دامۋشىلىقتى ىسكە اسىردى، ءبىراق كەلەشەك مۇمكىندىكتەر ءتىپتى زور. اۋىل - قىستاقتى گۇلدەندىرۋ، كەدەيلىكتەن ارىلتۋدان قامال الۋ، ساياحات شارۋاشىلىعى سياقتىلارمەن تولىقتاي ۇشتاستىرىپ، نان شارۋاشىلىعىنىڭ كوپ شارۋاشىلىق توعىسقان ورتادا دامىپ، زورايۋىنا مۇمكىندىك جاسايمىز»، - دەدى اۆتونوميالى رايوندىق اسپازدار قوعامىنىڭ باستىعى يۇي گۇيتاۋ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى