تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

باعيگۇل جانە ونىڭ تۋىستارى

ءتىلشىمىز ۋاڭ لەي

  «ليۋ اكە، ءۇيدىڭ پارى جىلىدى ما؟ ليۋ شەشەم ەكەۋىڭىزدىڭ دەنساۋلىقتارىڭىز جاقسى شىعار؟».

  «جىلىدى، جىلىدى، ءبىز ءتاۋىرمىز، كەمپىرىم ەكەۋىمىزگە ساتىپ اپەرگەن تىزەقاپتى تاستاماي كيىپ ءجۇرمىز، ەشقانداي توڭبادىق. التىن قىزىم، كەل وتىرىپ دەمىڭدى ال».

  11 - ايدىڭ 21 - كۇنى جەمسارى اۋدانى جەمسارى قالاشىعى مانچىڭ جولى الەۋمەتتىك اۋماعىنىڭ حالىق ىستەرى كادرى باعيگۇل نيعىمەت قىزى قولىنداعى جۇمىسىن ىستەپ بولىسىمەن، ليۋ گوچۇننىڭ وتباسىنا امانداسا باردى. بىرنەشە كۇننىڭ الدىندا شاعىن رايوننىڭ جىلۋمەن قامداۋ قۇبىرىندا كىنارات تۋىلعاندىقتان، جىلۋمەن قامداۋ توقتاتىلعان ەدى، «ليۋ اكەسى» مەن «ليۋ شەشەسىنىڭ» تۇرمىسىن ەرەكشە ۋايىمداعان باعيگۇل ۇيگە كىرىسىمەن ول كىسىلەردىڭ حال - جايلارىن سۇرادى.

  «قىز بالا اكە - شەشەسىنىڭ جانكۇيەرى دەيدى، باعيگۇل ۇيىمە كەلگەننەن بەرى، كەمپىرىم ەكەۋىمىزدىڭ تۇرمىسىمىز جايلى بولا ءتۇستى، ءبىز شىنىمەن وتە باقىتتىمىز»، - دەدى ليۋ گوچۇن.

  باعيگۇل تاتار ۇلتىنان، 2000 - جىلى 3 - ايداعى ءبىر رەتكى وتباسىلارىن ارالاپ، جاعداي ۇعىسۋ بارىسىندا ليۋ گوچۇن ەرلى - زايىپتىمەن تۋىس بولعان.

  2000 - جىلدىڭ باسىندا، ليۋ گوچۇن ەرلى - زايىپتىنىڭ بالاسى ۇيلەنىپ كوپ وتپەي، باقىتقا قارسى اۆتوموبيل شىرعالاڭىنان قايتىس بولادى، كۇتپەگەن قازا ەكى قارياعا اۋىر سوققى بولىپ ءتيىپ، كۇندەرىن جىلاۋمەن وتكىزەدى.

  بۇل حاباردى ەستىگەن باعيگۇل قىزمەتتەن تۇسىسىمەن ليۋ گوچۇننىڭ وتباسىنا بارادى، ەكى قاريانىڭ تۇرمىس حالىن كورگەننەن كەيىن، باعيگۇل قاريالاردىڭ قولىن ۇستاي وتىرىپ، نەشە رەت قىستىعا: مۇنان بىلايعى كۇندەرىڭىز ءالى ۇزاق، ۇلدارىڭىز بولماسا، مەن بارمىن، مۇنان بىلاي مەن سىزدەردىڭ قىزدارىڭىز بولامىن، - دەيدى.

  سونان باستاپ باعيگۇل قولى بوساي قالسا بولعانى قاريالارمەن اڭگىمەلەسىپ، ولارعا كۇرىش، ءۇن ساتىپ اكەلىپ، كيىمدەرىن جۋىپ، تاماق ىستەپ بەرەدى، ۇيدەگى ۇلكەندى - كىشىلى جۇمىستاردى تۇگەلدەي موينىنا الادى. ەكى قاريانى ومىرلەرىنىڭ سوڭعى كەزىندە بالاسىنان ايرىلىپ قايعى - قاسىرەتتە قالعان جاعدايدان تەزىرەك قۇتىلدىرۋ ءۇشىن، باعيگۇل ولارعا ءتۇرلى نارسە - كەرەك ساتىپ اكەلىپ بەرىپ ءجۇردى. مەرەكە - مەيرامداردا باعيگۇل ولاردى ۇيىنە ەرتىپ اپارىپ تۇردى.

  2016 - جىلى ليۋ گوچۇن ەرلى - زايىپتى تۇرعان ۇيلەرىنەن كوشىرىلەدى، باعيگۇل زىر جۇگىرىپ، قاريالاردىڭ قونىس جاڭالاۋىنا كومەكتەسەدى. بىلتىر ءوز قالتاسىنان اقشا شىعارىپ، ۇشاق بەلەتىن ساتىپ الىپ، ەكى قاريانى بارماعالى 44 جىل بولعان حىنانداعى اۋىلدارىنا تۋىسشىلاتىپ اپارادى. قازىر باعيگۇل ەكى قاريانىڭ ايرىلا المايتىن جان اشىرىنا اينالدى.

  «اكەم وقىتۋشى ەدى، كىشكەنتاي كەزىمدە، اكەم وتباسىندا قيىنشىلىعى بار وقۋشىلاردى ۇيگە اكەلىپ تاماقتاندىرىپ، ساباعىن پىسىقتاپ بەرەتىن، ول كىسى ءبىزدى باسقالارعا كومەكتەسۋدى قۋانىش دەپ بىلۋگە تاربيەلەيتىن. مەن الەۋمەتتىك اۋماق كادرىمىن ءارى كوممۋنيستىك پارتيا مۇشەسىمىن، بۇل جاۋاپكەرشىلىكتەن قاشقالاقتاۋىما استە بولمايدى»، - دەدى باعيگۇل.

  باعيگۇل ايتقانداي، وسى جاۋاپكەرشىلىك سەبەبىنەن ول بۇقارانىڭ حال - جايىن باستان - اياق كوكەيىندە ساقتاپ كەلگەن. ليۋ گوچۇن ەرلى - زايىپتىمەن تانىسقان 18 جىلدان بەرى، ول اي سايىن بىرنەشە ءجۇز يۋانمەن، ءتىپتى ءبىر ايداعى بارلىق ەڭبەكاقىسىمەن وزگەلەرگە كومەكتەسىپ، ىلگەرىندى - كەيىندى ءار ۇلتتىڭ تۇرلىشە جاستاعى قيىنشىلىعى بار 11 بۇقاراسىمەن تۋىس بولىپ، الەۋمەتتىك اۋماقتا 28 كەدەي وتباسىنا، تاۋلى وڭىردەگى 4 كەدەي اناعا، 5 مۇگەدەك بالاعا، 15 كەدەي وتباسى وقۋشىسىنا جيىنى 110 مىڭ يۋان جىلۋ اتادى.

  بۇگىنگى كۇنى باعيگۇلدىڭ ىقپالىندا ونىڭ قايىن اتاسى، كۇيەۋى، ءبىر ۇل، ءبىر قىزى اتتانىسقا كەلىپ، ونىمەن بىرگە الەۋمەتتىك يگىلىكپەن اينالىستى.

  جالعىز تالشىق ءجىپ بولماس، جالعىز اعاش ورمان بولماس. باعيگۇلدىڭ سۇيىسپەنشىلىگى وتباسىنا عانا ەمەس، بۇكىل الەۋمەتتىك اۋماققا باستاماشى بولدى.

  بىلتىر 4 - ايدا «باعيگۇل قىزمەت كەڭسەسى» مانچىڭ جولى الەۋمەتتىك اۋماعىندا رەسمي قۇرىلدى، قىزمەت كەڭسەسىندە 8 ەرىكتى قىزمەت وتەۋ اترەتى قۇرىلىپ، قىزمەت وتەۋ اۋماعى وقۋ - اعارتۋ، ەمدەۋ، زاڭ سياقتىلاردى شارپىپ، ءار ۇلتتان 500دەن استام ەرىكتى قابىلدادى. مۇندا جاسى ەڭ كىشىسى 8دە، ەڭ ۇلكەنى 81دە، باعيگۇلدىڭ كومەگىنە يە بولعان كوپتەگەن ادام دا وسى قاتارعا قوسىلدى.

  باعيگۇل بىلاي دەدى: الەۋمەتتىك يگىلىكپەن اينالىسۋ جولىندا وتباسىمداعىلاردىڭ قولداۋىنا يە بولدىم، ەڭ ماڭىزدىسى، ءتىپتى كوپ ادام قولداۋ كورسەتتى جانە قاتىناستى، مەن كوپشىلىكپەن بىرگە سۇيىسپەنشىلىكتى ءار ۇلت بۇقاراسىنا جەتكىزەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى