شينحۋا اگەنتتىگىنىڭ 11 - ايدىڭ 25 - كۇنى بەيجيڭنەن بەرگەن حابارى. جۋىقتا ج ك پ ورتالىق كوميتەتى «جۇڭگو كوممۋنيستىك پارتياسىنىڭ ياچەيكا قىزمەتى ەرەجەسىن (سىناق رەتىندە اتقارىلادى)» (قىسقاشا «ەرەجە» دەلىنەدى) باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان وسى بويىنشا مۇقيات اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: پارتيا ياچەيكاسى − پارتيانىڭ نەگىزدىك ۇيىمى، پارتيانىڭ قوعامدىق نەگىزگى ساتى ۇيىمدارىنداعى جاۋىنگەر قورعانى، پارتيانىڭ بارلىق قىزمەتى مەن جاۋىنگەرلىك قابىلەتىنىڭ نەگىزى، پارتيا مۇشەلەرىن تىكە تاربيەلەۋ، باسقارۋ، باقىلاۋ جانە بۇقارانى ۇيىمداستىرۋ، بۇقاراعا ۇگىت جۇرگىزۋ، بۇقارانى جۇمىلدىرۋ، بۇقاراعا قىزمەت ەتۋ مىندەتىن ارقالايدى. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا ياچەيكاسى قۇرىلىسىنا باسا ءمان بەرىپ، پارتيانى جاپپاي قاتاڭ جونگە سالۋدى ءاربىر ياچەيكاعا، ءاربىر پارتيا مۇشەسىنە دەيىن تياناقتاندىرۋدى تالاپ ەتىپ، بۇكىل پارتيادا نەگىزگى ساتىنى قاۋىرت يگەرۋ، ياچەيكانى قاۋىرت يگەرۋ سىندى تاماشا اۋقىم قالىپتاستىرىپ، كورنەكتى ناتيجەگە قول جەتكىزدى. قازىر ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ىلگەرىلەتۋ ءۇشىن، ءسوز جوق، جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ جانە تياناقتاندىرىپ، پارتيا ياچەيكاسى قۇرىلىسىن اناعۇرلىم كورنەكتى ورىنعا قويىپ، پارتيا ياچەيكاسىن ولشەمدەندىرۋ، ارناعا ءتۇسىرۋ قۇرىلىسىن كۇشەيتىپ، پارتيا ياچەيكاسى قۇرىلىسىنىڭ ساپاسىن ۇزدىكسىز جوعارىلاتۋ كەرەك.
حابارلاندىرۋدا مىنالار اتاپ كورسەتىلدى: «ەرەجەدە» شي جينپيڭنىڭ جاڭا ءداۋىر جۇڭگوشا سوتسياليزم يدەياسى جەتەكشى ەتىلىپ، پارتيا ۋستاۆىنىڭ تالاپتارى دايەكتىلەندىرىلىپ، «ياچەيكالاردى لياندا قۇرۋ» سىندى داڭقتى ءداستۇر ساۋلەلەندىرىلۋمەن بىرگە، نەگىزگى ساتىلار جاراتقان جاڭا ءادىس، جاڭا تاجىريبەلەر دە ايگىلەنىپ، پارتيا ياچەيكاسى قىزمەتى جان - جاقتى ارناعا ءتۇسىرىلدى، بۇل جاڭا داۋىردەگى پارتيا ياچەيكاسى قۇرىلىسىنىڭ نەگىزگى دايەگى. «ەرەجەنىڭ» جاسالۋى مەن اتقارىلۋى پارتيانىڭ ۇيىمدىق جۇيەسى قۇرىلىسىن كۇشەيتىپ، پارتيانى جاپپاي قاتاڭ جونگە سالۋدىڭ نەگىزگى ساتىعا قانات جايۋىن ىلگەرىلەتىپ، پارتيا ياچەيكالارىنىڭ ۇيىمداستىرۋ قابىلەتىن جاپپاي جوعارىلاتىپ، پارتيا ياچەيكالارىنىڭ ساياسي فۋنكتسياسىن نىعايتىپ، پارتيانىڭ ۇزاق مەزگىل بيلىك جۇرگىزۋىنىڭ ۇيىمدىق نەگىزىن بەكەمدەۋدە توتەنشە كەلەلى ماڭىز الادى.
حابارلاندىرۋدا مىنالار باسا دارىپتەلدى: پارتيا ياچەيكاسىنا ءمان بەرۋ، پارتيا ياچەيكاسىن يگەرۋگە شەبەر بولۋ − پارتيالى باسشى كادرلاردىڭ ساياسي جاقتان پىسىپ - جەتىلگەندىگىنىڭ ماڭىزدى بەلگىسى. ءار دارەجەلى پارتكومدار (پارتيا باسشىلىق گرۋپپاسى) ساياسي تانىمدى، جالپى جاعداي تانىمىن، ۇيتقى تانىمىن، قاتار تۇزەۋ تانىمىن بەرىك ورناتىپ، پارتيا ياچەيكالارىن ويداعىداي يگەرۋدى پارتيانىڭ ۇيىمدىق جۇيەسى قۇرىلىسىنىڭ نەگىزگى مازمۇنى، پارتيانى باسقارۋداعى، پارتيانى جونگە سالۋداعى نەگىزگى مىندەت، پارتيا قۇرىلىسى قىزمەتىنىڭ ناتيجەسىن تەكسەرۋدىڭ نەگىزگى ولشەمى ەتىپ، پارمەندى شارالار قولدانىپ، «ەرەجەنىڭ» تىڭعىلىقتى تياناقتانىپ، ناقتى ناتيجە بەرۋىن ىلگەرىلەتۋى كەرەك. «ەرەجەنى» ۇيرەنۋدى، ۇگىتتەۋدى جانە دايەكتىلەندىرۋدى، تياناقتاندىرۋدى ويداعىداي يگەرىپ، گازەت، راديو، تەلەۆيزيا جانە قول تەلەفون، ينتەرنەت سياقتى دانەكەرلەر، ارناۋلى زەرتتەۋ - تالقىلاۋ، شوعىرلى تاربيەلەۋ سياقتى تاسىلدەر ارقىلى ءار دارەجەلى پارتيا ۇيىمدارىنىڭ، قالىڭ پارتيا مۇشەلەرىنىڭ، اسىرەسە، پارتيا ياچەيكاسى شۋجيلەرىنىڭ «ەرەجەنىڭ» رۋحىن تەرەڭ تۇسىنۋىنە، «ەرەجەنىڭ» مازمۇنىن جاپپاي يگەرۋىنە مۇمكىندىك جاساپ، «ەرەجەنى» دايەكتىلەندىرۋ، اتقارۋ يدەيالىق سانالىلىعى مەن ارەكەت سانالىلىعىن شىنايى كۇشەيتۋ كەرەك. پارتيالى باسشى كادرلاردى تاربيەلەۋدى كۇشەيتىپ، «ەرەجەنى» پارتكومداردىڭ (پارتيا باسشىلىق گرۋپپاسى) نازاريالىق ۇيرەنۋ وزەكتى گرۋپپاسىنىڭ ۇيرەنۋ مازمۇنىنا جانە پارتيا مەكتەپتەرىنىڭ (اكىمشىلىك شۋەيۋان) وقىتۋ ساباقتارىنا ەنگىزىپ، ءار دارەجەلى باسشىلىق القالاردىڭ پارتيا ياچەيكاسى قىزمەتىن ويداعىداي يگەرۋ، پارتيا ياچەيكاسى قۇرىلىسىن ىلگەرىلەتۋ قابىلەتىن جوعارىلاتۋ كەرەك. باقىلاۋدى، تەكسەرۋدى كۇشەيتىپ، «ەرەجەنى» دايەكتىلەندىرۋى، تياناقتاندىرۋى پارمەندى بولماعانداردىڭ جاۋاپكەرشىلىگىن قاتاڭ قۋزاستىرىپ، قاتاڭ جاۋاپقا تارتۋ كەرەك. ورتالىق كوميتەتتىڭ ۇيىمداستىرۋ ءبولىمى قاتىستى تاراۋلارمەن بىرگە قۋزاۋدى، تياناقتاندىرۋدى كۇشەيتىپ، ءتۇرلى بەلگىلەمەلەردىڭ دايەكتىلەندىرىلۋى مەن اتقارىلۋىنا كەپىلدىك ەتۋى ءتيىس.
حابارلاندىرۋدا مىنالار تالاپ ەتىلدى: جەر - جەر، تاراۋلار «ەرەجەنى» اتقارۋ بارىسىنداعى ماڭىزدى جاعدايلار مەن ۇسىنىستاردى دەر كەزىندە پارتيا ورتالىق كوميتەتىنە مالىمدەۋى كەرەك.
